ADIVIÑAS COÑECIDAS EN SÁRRIA ( 673 )

                               ADIVIÑAS COÑECIDAS EN SÁRRIA                       ( 673 )

01.- Igrexiña pequechiña, sancristán revolvedor e todos os santinos están darredos  ( ¿....?  )

02.-  Grande como unha lousa e no colle nunha chousa ( ¿.....? )

03.-  Catro corremontes, catro cichafontes,  dous torna.torna e un dalle-dalle  ( ¿ .... ? )

04.-  Alto me vexo no meu cagarexo, vèxoo vir e non poido fuxir ( ¿...... ? )

05.-  Cando van para o monte, miran para a casa ; cando van para a casa , miran para o monte ( ¿ .... ? )

06.-  Nariquín pariu a Naricós, sen bico, sen faldra nin cos ; os fillos de Naricós teñen bico, faldra e cos  ( ¿ ... ?

07.-  Unha señora moi rrmendada  e non se lle ve ningunha puntada ( ¿..... ? )

08.-  Casiña branca sen porta nin tranca ( ¿ ...... ? )

09.-  Tortobico non ten bico, nin bico nin cu nin rabo ; os fillos de  Toetobico teñen bico, cu e rabo  ( ¿...?) 

10.-  Son dous coscoroliños pola note pechadiños ( ¿..... ? )

11.-  Na horta do meu amo / hai un galiiño  francés / Ten dentes e non ten boca , / ten cabeza e non ten pès ( ¿ ..... ? )

12.-  Adiviña adiviñanza  , ¿ que animal leva os  pes na cabeza ? ( ¿ .... ? )

13.-  Nacín na auga, na auga me ciriei , se me pós na auga , na auga morreréi ( ¿ ..... ? )

14.-  Adiviña  adiviñanza : ¿ Que cousa cousiá é  que canto máis lle quitas  máis grande é ? ( ¿ ..... ? )

15.-  O que o fai non o quere  , / o que  o compra non o usa  / e o que o usa non o vé . ( ¿.... ? )

16.-  É un fato de señora que cando unha delas mexa, mexan todas ( ¿ .... ? )

17.-  Adiviña adiviñanza :  canta máis hai, menos se ve  ( ¿ ... ? )

18.-  Nunha horta fun criada  , / atada con verdes  lazos  / aquel que chora por min /  estame partindo a cachos  ( ¿.... ? )

19.-  Todo o día traca-traca  , pola noite baixo a cama ( ¿ .... ? )

20.-  Anda e non ten pés , / come e non ten boca  / e toda a comida lle parece pouca . ( ¿.... ? )

21.-  Pelo con pelo e o vivo no medio ( ¿ ... ? )

22.-  Unha cousa  para quen sempre chove e sempre vai mollada ( ¿ .... ? )

23.-  Dez señoritos  van de par en paz cruzando o río sen se mollar ( ¿ .... ? )

24.-  Estou pensando pensando, / de pensar vólvome tola . /  ¿ Coa sogra da miña cuñada , / que  parentesco me toca ?  ( ¿.... ? )

25.-   Aló enriba en alto coto  hai  un boi xoto , e non hai home nado , e tampouco por nacer , que na súa corte o poda meter ( ¿ .... ? )

26.-  Casulo riba de casulo , casulo do mesmo pano, senón que cho diga eu ., non o atinas  neste ano ( ¿..? 

27.-  Ten un só dente e  tira por toda a xente ( ¿.... ? )

28.-  Toda empoleirada, vai sempre en coche e sempre mollada ( ¿ ... ? )

29.-  Andan andan e andan, andan sen parar  , non teñen pés nin pernas nin poden falar  ( ¿ .... ?

30.-  Ten grandes bigotes para ben murar ,  se  acha un muro  sempre o saltará ( ¿ ..... ? )

31.-  E queixo que cos teus dentes  morder nunca poderás  e para poder dalo visto no espello o ollarás ( ¿ ... ?

32.-  Tachin.tachán todos xuntiños están, pararapapá pararapachín  todos xuntos até o fin, rataplam.rataplán  cada un fai o seu son ,  e todos ben sentadiños  atenden   a un garabullo fino ( ¿.... ? )

33.-  Ten conta do que lle poñen  e todos o queren ver , e aínda que é pouco forte  ten un moi grande poder , (  ¿..... ? )-

34.-   Podes  tocala   e rañala   e  tendo moi perto os ollos  nunca a poderás  ti ver .  ( ¿... ? )

35.-   Canta e canta todo o día  e metido nunha pota  xa deixará de cantasr ( ¿ .... ? )

36.-  Andan de abalo en debalo  sempre co seu sabor salgado ( ¿...... ? )

37.-   Chámese cuxo o u almallo dálle ao carniceiro traballo ( ¿ ..... ? )

38.- Ábrelle  a boca  á xente e faino de tal maneira que lles abre a carteira  ( ¿..... ? )

39.-    En alta árbore Don Concho pendurado está na súa casiña ben pechado (¿ ..... ? =

40.-   Rente a rente  sexa de noite ou de día  rillan , roen , moen , traban e richan  , cando son  novos desaparecen   e sen   seren  sementados  aparecen ben  chantados , ( ¿ ...... ? )

41.- Primeiro hai que roxar, para meter e sacar . ¿ ....... ?

42..-  É anel  de antiga idade darredor dunha cidade . ¿,,,,, ?

43.-   Vaise facendo fío a fío  e remata sen...... ¿ ........ ?

44.-  Ten ollos e auga nos pés   e os teus enxoitos ves  se os cando pasas do dereito, cando pasas do revés 8 ¿...... ?

45.-  Ten voltas , reviravoltas , costas e baixadas a eito , aínda que sexa moi lonxe é  o camiño máis dereito .  ¿...... ?

46.-  Todos miran para eles, todos lls piden favores ,  trñrn olloos e non ven ,  as bocas teñen pechadas , no alto  están todos tesos e  coas orellas tapadas . ¿ ...... ?

47.-  Nace en terra  asolagada,  coce  en branco caramelado e metido  nunha cunca  evos doce lamebtada ( ¿ ....... ? ).

48.-  Outean uns e outros  merca,  engañan , ollan ,  pasean, venden, saúdan, falan, minten, pagan , comoen  e bebden  e todos  á súa maneira van facendo ....  ¿ que fan ?  ( ¿ ....... ?  )

49.- Dous ceros un riba do outro que deitados a durmir   nunca chegan a ter fin . ( ¿ ..... ? ) 

50.- Con follas  feitas sen seiva , que non medraron nas árbores,  agardan seren retirados  para con ollos e mans seren ben agarimados.

51.-  Ten linguas que move o vento e deixan un manto negro  e no tempo de verán a todos nos meten medo. 

52.-  Son parentes dos bugallos e por fillas dos carballos fican ben recoñecidas  se no chan están caídas.

53.- Faise con auga e con vento,  coa forza de marés e átomos, tamén con hidrocarburos e corre polos arames a  moi gran velocidade,

54.-   Para doentes levar percurando curación, a portadores amola, sendo a mellor solución,

55.-  Coida ben dos nosos pés, non estudóu medicina, e danos unha nova pel, sexa bruta sexa fina.

56.- Ela múa e non bordía, espanta moscas co raboi e xanta a herba e nabo.

57.-  Cando ela está moi ben muda, depois de ser peneirada,  é branca como a neve branca  nun día de nevarada.

58.-  Se están na parte de arriba  teñen nome masculino ;  e por baixo da barriga, seguindo criterio fino , teñen  forma feminina.

59..-  Se por decenas fan seis e  por ducias  son só cinco, ¿ cantos ovos axuntei para facer a merenda ?

60.-  Para subir e baixar a alta ou a baixa estada, só se precisa ter, metálica ou ben madeirada, unha ben  segura.......

61.- Se os bons van para o ceo e os malos van para o inferno , ¿ Para onde van os traballadores cansos  cando é o tempo de inverno ?

62.-  Pode facer o seu labor con cantas almas hai no mundo e non  o facer  para el  non lle vai causar dor.... ¿ Quen é este traballador ?.

63.-  Para facer  caldo galego  bota na pota  un anaco de defunto.

64.-  Poño na terra un  e no verán collo un cento.

65.- Asadoiro universal, medra baixa cada  día  é o lugar ideal para mollar pés e barriga.

66.-  Feito está con biquiños de farna e a todos dozura da.

67.-  Peixe e porco  en tempo de secura  co seu branco  manto  alcanzan   carne dura.

68.-  As brancas pedras  na auga ferven  e moito locen  polas paredes.

69.-  Se ben vai , vai e ven e  vai ben.

70.-  Manexalos é doado :  riba da mesa tirados  percuran sorte os soldados.

71.-  Sexa golpe ou renarte  nos galiñeiros amosa   cal é a súa arte.

72.-  Ao abeiro  da cambota guindastre ou burro, gramalleira, brasa e remol  daanlle quentura á pota.

73.-  Ten un cantar madrugueiro   e colorada monteira  e todos queren guisalo.

74.-  Gordo o teño  , máis  o quixera que entre as  pernas non me collera.

75.-  Sendo  a primeira do día  ponlle remate ao xexún  e meterlle  algo de leite  soe  ser o máis común.

76.-  É redonda e moi galega , promete moita fartura  e remata sempre en nada.  

77.-   Aínda  tendo catro patas  nin corre , nin brica , nin anda.

78.-  É grande , moi poderoso  e porque lle gusta o mel todos lle chaman goloso.

79.-  Corre o mar todo  e máis a terra  cos seus bruidos  de guerra  e non o podo encerrar  aínda que eu  o intento.

80.-  A cabeza e moitos   saen fo caldeiro fervendo  e con  afiada tesoura  trucídano para xantalo.

81.-  Leira branca, leira branca  onde lle  botan semente  tanto  persoas sen sona  como previlexiadas mentes.

82.- Cuarto escuro   ben pechado   onde se gardan viandas  e se aparecen buratos por eles entran os ratos .

83.-  Para  ferrados as arcas  fan  e por fanegas acolle  de mil feixes a debulla  que moreas de gra dan.        

84.-  Se abres os ollos  non os ves  e se os pechas dentro os tes.  

85.-  Son buratos pequeneiros  que se ven riba da mesa  e coméndoos por milleiros  a ninguén lle dan fartura.

86.-  Ten fol e non ten fariña , ten punteiro e non ten puntas , ten fleques e non é unha colcha  e rosma sen estar rouca.

87.-  Uns dano para agradecer e outros para pedir o dan.

88.-  É un ceo  moi estreito onde  xuntos uns santiños  moen adoito viandas  e para o seu mellor goce  uns desfrutan do salgado  e outros gozan co doce.

89.-   Para chegar a carneiro  moita herba  comerá ao logo de todo o an.

90.-  Dá horas e non as ten, non cose e non ten agullas , vixía   dende alta torre  cando o sol nace e cando  o día morre.

91.-  Ten conta do que lle poñen, mestura verdade e mentira  o que o gasta axiña o tira  despois de lle pasar a vista.

92.-  Do dereito e do revés   serve para quentar os pés.

93.-  Camiñando ou recuando   polos cons  ti o verás  e eu no prato o vexo.

94.-  O  aparello  está aquí e ti dis aló aló.

95.-  O máis vello vai por baixo  e o máis baixo vai por riba .... e o que o saiba que o diga.

96.-  Moito costa, costa moito  se che cadra ir cara arriba  e moito menos costa  o baixar dende a súa cima,

97.-  Os que están ben preparados Sitúanse Todos  Ordenadamente Parados.

98.-  Con moitas vimbias tecida meten nela  as espigas.

99.-  Con moxenas e con chispas  rente ao lume bate ferro frío en ferro  que está moi quente.

100.-  De sen a sen vai o arco  e riba do fuciño o marco.          

 

************************************************************************************  

                                                            SOLUCIÓNS :

 1.- (  A boca, a lingua e os dentes e moas ). 2.- ( A lúa ). 3.-  (  As  patas  da vaca,  os tetos, as cornas e o rabo ). 4.-  (  A castaña dentro do ourizo  e o lareiro ). 5.-  ( Os cornos da cabra ). 6.-  ( A galiña e o ovo ) 7.-  ( Unha galiñ a ). 8.-  ( O ovo ). 9.-  ( O ovo e os pitiños ). 10.-  ( Os ollos ). 11.-  ( O  allo ). 12,.  ( O piollo ), 13.-  ( O sal ). 14.-  ( Un furado ). 15.-  ( O ataude ou cadaleito ) 16.-  ( As goteiras do tellado ). 17.-  ( A escuridade ) 18.-  ( A cebola  ) 19.-  ( Os zapatos ) .20.-  ( O muiño )

 21,. ( O ollo e ntre as perfebas ). 22.-  ( A lingua ). 23.-  ( Os dez fungueiros ou estadullos do carro ). 24.-  ( A miña mai ). 25.-  ( O sol ). 26.-  ( A cebola ).-  27 ( Unha campá ou sino ). 28.-  ( A lingua ). 29.- ( As agullas do reloxo ). 30.- ( o gato ) 31.-  ( O queixo  humán baixo da boca ). 32.- ( A banda de música ). 33.-  ( O xornal de prensa ). 34.- ( A punta do nariz ). 35.- ( O galo ).- 36.- ( As ondas do mar ). 37. - ( O tenreiro ).- 38.-  (  dentista ). 39.-  ( A noz ). 40.-  (  Os dentes e as moas ). 

41.-  (  O forno ). 42.-   (  A muralla de Lugo )- 43.-   ( O río ). 44.-  ( Unha ponte ). 45.-  ( A estrada ). 46.- ( As imaxes dos santos nos altares ). 47.-  ( O arroz con leite ). 48,.  ( A feira ). 49.-  ( O número 8 ). 50.- ( Os libros nas bibliotecas ). 51.-  ( O lume ). 52.-  ( As landras ). 53.-  ( A electricidade ). 54.-  ( A padiola 9, 55.-  ( O zapateiro ). 56.-  ( A vaca ). 57.-  ( A fariña ), 58.-  ( As dedas dos pés ). 59.-  ( Sesenta ). 60.-  ( Escada ).  

61.- ( Para as casas ).62.-  ( O enterrador ). 63.-  ( O unto ). 64.-  ( Un gran de centeo ). 65.-  ( A praia ). 66.-  ( O mel ). 67.- (  O sal ). 68.-  ( O cal ). 69.-  ( A tróndea, bambán ou acanadoiro ). 70.-  ( Os dados ). 71.-  ( O raposo ). 72.-  ( A lareira ). 73.-  ( O galo ). 74.- ( O cabalo )..75.-  ( O almorzo ). 76.-  ( A emepanada ), 77.-   ( A  mesa ). 78.-  ( O oso ). 79 .-  ( O vento ). 80.- ( O polbo )-

81.-  ( A folla de papel ).- 82.-  O  celeiro. 83.-  ( A tulla ). 84.-  ( Os pensamentos ). 85.-  ( Os ollos dun pan ), 86.-  ( A gaita galega ). 87.- ( Un beixamán ), 88.-  ( A boca ). 89.- ( O año ). 90.-  ( O reloxo ). 91.- O xornal ). 92.-  (  O carpín ).  93.- ( O cangarexo ). 94.- ( O teléfono ). 95.-  ( O neno que vai ao requicho do pai ).  96.- ( Unha costa ). 97.- (  O sinal de STOP ). 98.-  ( A goxa ). 99.- ( O ferreiro ). 100.-  ( O nariz ) 

 

*************************************************************************************