NEMESIO LÓPEZ RODRÍGUEZ: ARQUITECTO SARRIAO EN FERROL

 NEMESIO LÓPEZ RODRÍGUEZ.     ARQUITECTO SARRIAO EN FERROL

Nemesio López Rodríguez, arquitecto, desenvolveu a súa actividade profesional en Ferrol ( 1936 ), levando adiante máis de 4500 proxectos, sendo el o primeiro dunha saga na que o seguiron o seu fillo Nemesio López Alvargonzález  ( 1980 ) e a súa neta Madalena  López Martínez ( 2007 ).

Membro da familia da Casa da Nogueira, de Santa María de Ortoá ( Sárria ) foi fillo da señora Carolina Rodríguez Fernández  e foron irmáns seus Xosé,  Clemente, María das Dores, Felipe, Álvaro, Manuel, Carolina,  Xusto , Fernando e María López Rodríguez.

Exerceu como arquitecto municipal de Ferrol , cidade na que deixou marcada  a súa impronta en numerosas obras que lle dan carácter  á cidade departamental.

Interviu  na urbanización  da Praza de España de Ferrol onde se alzan varios edificios proxectados por el., na obra do Cemiterio de Catabois  e no Parque Raiña Sofía. Son creacións súas : O Palacio Municipal na Praza de Armas  ( 1953 ),  Edificio  Criado ou  Sanatorio do Carme ( 1939 ).  Edificio da   Caixa de Aforros Monte de Piedade de Ferrol (  1944 ),  Edificio de Vivendas da Mariña  ( 1954 ). Hotel Almirante (  1968 ). Fábrica de Lápices  Hispano SL (derrubada en 2012 ). Cine Bahía en A Graña. 

En Sárria, nos anos da II República o Concello encomendoulle  labores profesionais e o frustrado intento de dotar á vila dun plano urbanístico-O emblemático edificio do CINEMA CISSA, na actual Rúa Marqués de Ugena,   garda  a súa memoria nunha vila na que desenvolveu  unha activa presenza  nos seus anos mozos.

Nemesio Arquitectura, en Ferrol, con liña de continuidade no seu fillo Nemesio e a súa neta Madalena mantén viva a memoria  dun arquitecto , que como poucos,  tivo a oportunidade de conformar  a cidade na que desenvolveu a súa actividade e onde formou  familia