Antroido do ano 1900 en Sárria

Antroido de 1900 en Sárria .- Os días  25, 27 e 28 de febreiro.

No CASINO DE CABALEIROS houbo bailes os días 25 e  27. Puxeron no salón  unha lámpada  cun foco de 400 buxías . Entre os disfraces destacou un de" bebé".

Na Sociedade CÍRCULO DE LAS ARTES  non houbo bailes, por falla de salóns. e mentres o dono da casa, Excmo. Sr. don Venancio Vázquez, non ordene a desaparición dun tabique  que divide en dous o local , non poderá esta sociedade ter bailes , reunións, nin outro xénero ningún de  diversións.

 Nos salóns da CASA DE NOVOA  e CAFÉ ESPAÑOL, tamén houbo bailes  os días 25 e 27 , resultando un tanto desanimados por falla de organización.

O Mércores de Cinza  tivemos un excelente ENTERRO DA SARDIÑA , grazas ao bon humor, intelixenza , actividade e celo  de distinguido mozo da vila , cuxo nome omito, pero que Vostede coñece  e trata moito, baixo cuxa dirección o festexo saiu dende  a Casa-Escola ata os paseos da praza  pola orde seguinte: Grande cabalgada de claríns  que anunciaban o paso da comitiva , outra de Estudantes , unha grande carroza   alumeada por máis de  300 farolas , detrás o sentenciado,  a continuación outra carroza  representando a Vulcano no medio do lume. Seguían as Bandas de Música  desta Vila e de Samos executando no tránsito  marchas axeitadas. do seu máis escolleito repertorio.

Infindade de mozos  seguían ao cortexo  con luces acesas  e revestidos con sabas  e cucuruchos , presidindo o doo o citado direitor dos festexos.

O defensor  do sentenciado , á hora de cumprir o seu cometido, sufreu indisposición , rematando polo tanto este festexo sen o chamado "Sermón do Enterro da Sardiña".

Máis de tres mil almas acodiron a solemnizar esta festa  : Rúas e prazas  estaban cheas de xente  da vila e das parroquias de perto  que viñeron a despedir  a  derradeira broma do Antroido por este ano.

                                                                O Corresponsal

( " El Regional : Diario de Lugo", 6/03/1900 )

                                                     ..........................................

"Casino de Cabaleiros" ( Casino de Sárria, na Rúa Maior , local da Casa Saco ); "Sociedade "Círculo de las Artes", na Casa de Venancio Vázquez, na entón  Rúa do Porvir", agora Marqués de Ugena  ; "Casa Novoa", casas números 2 e 4 da Praza da Constitución ; "Café Español" ( ubicación en punto de momento non coñecido ); "Casa-Escola"-Escolas Públicas "Matías López" , na entón chamada Rúa do Porvir.

(25.02, 1909).- ENTERRO DA SARDIÑA.-  Orgnizada a comitiva no NUEVO CLUB , seguiu á Praza da Constitución , e baixando pola Rúa Maior  seguiu polas rúas baixas.
Abría  a marcha un capitán montado seguido dun cento de individuos  traxeados de branco  e con carapuchas coa imaxe da morte , levando un ou dous farois á veneciana. Unha carroza cunha sombrilla chinesa  con caprichosas luces e sostida por un pelele , ademais un individuo  vestido de aragonés  que levaba como manta un colosal bacallau.
Seguían 200 enterradores  levando, como os primeros, fachos de vento. Unha xigantesca sardiña precedía ao coro fúnebre  de cantores  sobrios , seguido  de outros 200 individuos . Detrás ía  a ..... escollida de  marcial postura.  Pechaba  a marcha a banda de música. A cerimonia fúnebre  tivo lugar na Praza da Constitución.
Un novo aprauso ao "Casino de Artesáns"  e á comisión organizadora.