Escola de San Martiño de Louseiro ( Sárria )

ESCOLA DE SAN MARTIÑO DE LOUSEIRO ( SÁRRIA  )

2 de abril de  1925.- PROPOSTA DE CREACIÓN DA ESCOLA

Sr. Alcalde-Presidente do Concello de Sárria:

D. Martiño Balboa Neira, maior de idade e aveciñado nesta vila, Apoderado xeral da Sociedade de Instrucción " HIJOS DEL DISTRITO DE SÁRRIA" en La  Habana, a Vde. atentamente expón:

Que a dita Sociedade, coa cooperación do vecindario da parroquia d e San Martiño de Louseiro e a dos lugares da Cal, Perros e Pintín., correspondentes á parroquia de Santo Estevo de Calvor, proponse construir , no prazo máis breve posible, una casa-escola para establecer clases independentes para o ensino de nenos e nenas da  expresada parroquia  de Louseiro  e lugares que se citan da de Calvor, con vivenda decente  e capaz para os respectivos  Mestres que as desempeñen, ofrecéndose tamén a expresada  Sociedade a dotar do material inicial ambalasdúas Escolas; que, tamén a Xunta Local de Primeiro Ensino  en sesión de 28 de xuño último, acordou a conveniencia de que se xestionase  a creación, entre outras, das referidas escolas, unh para nenos e outra para nenas  no mesmo Louseiro, e o Pleno dese Concello, en sesión de 21 de maio último  a propospta do Concelleiro Sr. Díaz Rodríguez, acorda tamén a creación de varias Escolas, entre elas ,a referida de Louseiro; e por unanimidade, que se faga o necesario para que poidan ter efectividade. Non obstante  isto, é necesario que o Pleno amplie  o seu dito acordo  no senso de garantir  ao Estado o faciltar local para ensino, vivenda para os Mestres e material inicial para o seu funcionamente, ofrecemento que nada gravará a ese Concello, por ser exactamente o mesmo que, á súa vez. a Sociedade que o expoñente a Vde

SUPLICA que, estimando a presente  e atendidos  os seus fundamentos , se sirva dar conta no seu día o Concello Pleno da súa digna presidenza , para que este acorde os indispensables ofrecementos que se expresan, aos efectos da efectividade da creación  das respectivas Escolas, para nenos e nenas en Louseiro, con emprazamento  no lugar "Os Calvos"  da dita parroquia e distrito escolar que comprehenda os pobos que o dito queda contribúen a tal ediifcación.

É graza que se promete obter desa Corporación, polo beneficiosa  para a instrución da infancia nos pobos de referenza.

                                       Sárria, dous de abrilde 1925

                                                Martín Balboa

...................................................................................................................................................................