Xornadas Gastronómicas do Porco en Sárria

                         VII XORNADAS GASTRONÓMICAS DO PORCO

                                            TERRA DE SÁRRIA

                              19,  20 E 21 DE FEBREIRO  1993
                                              CLAUSURA  DÍA 27


                                      ¡ TILÍN , TILÍN, ANDAMOS CO PELEGRÍN !

Dende O Cebreiro baixando                                                ¿ Que dicir dunha empanada
ven de vagar Pelegrín                                                           sexa de raxo ou de zorza,
e eu coido para mín                                                              que os espiritos forza,
que baixa ledo , cantando,                                                    en dixestión controlada
un bon xantar agardando,                                                    á meditación sublimada,
e connosco aquí o veremos                                                  e vai en combinación
nas Xornadas que aquí temos                                              co moi sabroso lacón
na honra de San Bandullo,                                                   ou cun preciado botelo,
e senón cun estadullo                                                           ( que sorte chegar a velo )
unha   malla lle metemos                                                     e chourizos a cachón ?


A cantos con el camiñan                                                     Pelegrín  e a súa compaña
logo de pasar as serras                                                        con queixo e freixós mantidos
co agarimo das xerras,                                                        en pouco gasto metidos
os ollos lles aloumiñan,                                                      como quen vai de campaña,
e aquela fame que tiñan                                                      hanse de dar ben a maña
por estas terras ben matan                                                  coas moi sabidas orellas,
tan axiña coma catan                                                          e vexo  eu, abofellas,
de nabizas caldo quente                                                      que non lle han dicir que non
ou cocidiño con dente                                                         a un anaco de roscón
que ledas horas desatan .                                                    e ao moi doce  mel de abellas.


                                             Peregrinos das  lareiras
                                             nós de pereginos, vamos,
                                             uns imos aló para Samos,
                                             coma xentes lambeteiras
                                             e outros por estas xeiras,
                                             teñen  en Sárria estación,
                                             facendo aquí expiación
                                             e mesa e mantel  servidos
                                             pois son deles ben queridos
                                             os chourizos e o xamón.

                                                    Xaime Félix López Arias

Venres, 19.-  Caldo de nabizas; Lacón con grelos ; Queixo do país; Marmelo;  Viño do país ; Café e augardente  ( 1.100 pesetas ).

Sábado, 20.- Caldo de costelas; Empanada de zorza  ; Freixós con nata e  mel ; Viño do país; café e augardente ( 1.100 pesetas )

Domingo, 20.-  Sopa de cocido;  Cocido galego ; Filloas; Viño do país;  Café e augardente ( 1.400 pesstas )

Sábado, 27.- Xornada de clausura.

HORRIBLE  CRIME  COMETIDO EN SANTALLA DE ARXEMIL , NA PERSOA DUN INOCENTE ORFO A QUEN NINGUÉN LLE VALEU EN TAN MALA HORA

En Santalla de Arxemil  ,                                                     entrou xente criminal
a unha  légoa de Sárria                                                         no sitio onde el estaba,
vivía un inocentiño                                                              collérono polas orellas,
que por nada protestaba                                                       ¡ Ai como el berraba !
tiña casa ben coberta,                                                            e riba dunha mesa longa
mantenza non lle faltaba,                                                     con grande presa o deitaban.
xogaba canto quería ,                                                           Aterrecido o inocente
e axiña se deitaba  .                                                              con grande  forza protestaba,
Con moito agarimo todos                                                     mais de nada lle valeu
do inocentiño coidaban                                                        ao  cravarlle a coitelada
 e el, sempre caladiño,                                                         Fixeron con el roxóns
co bon folgar ben medraba                                                  e moitas máis trangalladas ,
E un día de xaneiro                                                             que cos inocentes bons
cando o sol alborexaba                                                        e co que fan lambetadas.

                                                                           X.F.L.A.

ORGANIZACIÓN.-  Restaurante Roma.- Restaurante " O Meigallo".- Restaurante " San Juan ".- Restaurante Breogáns".- Restaurante " A Veiga-Samos.- Restaurante " O Patioo", Castro dos Petos-Sárria.

ORGANZAN.- Meigas e Trasgos CIT.- Gremio de Hostalaría.

COLABORAN: ConCello de Sárria- Deputación Provincial de Lugo.- Dirección Xeral de Turismo da Xunta de Galicia.

                            O cocho é regalía.
                            o cocho moi bon vos é,
                            eu prefíroo pendurado
                            e non andando de pé.