Venancio Vázquez López

             VENANCIO VÁZQUEZ LÓPEZ, SARRIAO, INDUSTRIAL E POLITICO

Palabras pronunciada por don Venancio Vázquez López (W), primeiro presidente dun Centro Galego en Madrid , Deputado a Cortes por Madrid e industrial chocolateiro, con ocasión da sesión inaugural do "Centro Gallego de Madrid" (  5 de maio de 1902 ).


                      Señoras e señores:

 Agradezo á Presdienza o galano que comigo garda , convidándome a facer uso da palabra  nesta festa,  para min tan grata. Serei breve, pois non desexo molestravos , sabendo como sei a vosa impaciencia  por escoitar  á Señora Pardo Bazán  e ao Señor Vincenti.

 Todos lembraredes que fun o primeiro presidente do primeiro Centro Galego de Madrid, e hoxe non podería durmir tranquilo se non saudase  ao novo e non felicitase  polo  seu traballo  para chegar a esta fermosa realidade , ao meu querido  amigo o celoso  e entusiasta  deputado galego  Eduardo Vincenti, e ao xornalista  da miña terra, campeón  desta idea  en Madrid,  e tamén amigo meu moi querido, Baldomero Lois, o noso Secretario.

Os traballos  e os esforzos  de ambolosdous , porque os dous son un,  brillantemente  patrocinados  pola ilsutre dama que nos preside  e que honra tanto á  patria española, tiveron o bon suceso que agora vedes .

Somos en Madrid os máis : o que loita, chega, e é necesario   que os 60.000 galegos que constituímos a colonia  nesta Corte ,  demostremos a nosa unión  para sermos uteis  ao país e a nós mesmos.

Mágoa é que nesta festa  non se achen presentes  todos os senadores  e deputados galegos ; mais se nos abandoan , tanto pior para eles. O "Centro Galego" , perseverando nos propósitos  que nos espuxo na súa Memoria o Señor Secretario , construirá una grande forza, e entón  xa veredes como acoden a el os  que hoxe non viñeron.

Remato  enviadno un saúdo agarimoso  á nosa amada Galicia  e felicitando  cordialmente  aos organizadores  da Sociedade  por ter levado á práctica  o que todos críamos un soño.

                                Dixen

O EXCMO. SR, DON VENANCIO VÁZQUEZ LÓPEZ, naceu en Sárria, no seo da familia "Moreno". Era sobriño de don Matías López López e coma este foi industrial chocolateiro en Madrid, onde desenvolveu a súa actividade comercial e politica. Foi deputado a Cortes por Madrid, concelleiro e tenente de alcalde en Madrid, e destacou en actividades altruistas  e como benfeitor  da súa vila nadal.

Aquí alzou dúas casas : "Villa Aurelia" ( una das chamadas Quintas  dos Madrileños, actual sede sociala de La Unión ) e outra casa no entón   Barrio da Duquesa-rúa do Porvir ( agora rúa Marqués de Ugena ) máis coñeida como Casa de Quiroga.  É no cemiterio sarriao   onde está enterrado o seu corpo, no máis moimental dos panteóns  , promovido por el.

Ë motivo de orgullo para Sárria , que o primeiro Centro Galego promovido en madird, estivese presidido por don Matías Vázquez  López, aínda que  o pulo creador esmorecese, e en 1902 houbese que fundar outro, que é o que na actualidade pervive.

                                   A TENDA DE VENACIO VÁZQEUZ EN MADRID

En Madrid na " Carrera de San Jerónimo, número 29,  Venancio Vázquez López  tivo aberta  tenda de venda ao público.No ano 1916 xa a tiña traspasada e o sucesor  na frenteira do establecemento anunciábase da seguinte maniera.

29  ANTIGO DEPENDENTE DE VENANCIO VÁZQUEZ 29. Chocolates, Tés, Cafés. Emilio González.. Bombóns. Caramelos  Emilio González.. Caprichos para regalos.
                                                       Na publicidade:
Antiga casa de Venancio Vázquez. Os máis seleitos chocolates , Tés,  Cafés, Bombóns exquisitos  e Caramelos finos. Caprichos,  Bolsas, Cestas .Caixas para vodas  e cruzamentos.  .EMILIO  GONZÁLEZ . Carrera de San Jerónimo, núm. 29. Sucursal: Claudio Coello, 14. MADRID.


Comentarios

Publicacións populares