CATRO ARTISTAS SARRIAOS ( 1960)

                    EXPOSICIÓN  DA OBRA DE CATRO  ARTISTAS  MOZOS DE SÁRRIA

                              ( 11  a 21 de marzo de 1960)

El Progreso, marzo de 1960

EXPOSICIÓN.-  O día 11 do actual  ás 20 horas , na delegación  local de Xuventudes  desta vila , tivo lugar  a inauguración da exposición de óleos , debuxos  e traballos de artesanía , realizados polos camaradas RAMÓN CASTRO LÓPEZ, MANUEL RODRÍGUEZ DÍAZ,  XABIER PENA FERNÁNDEZ e XOSÉ DÍAZ FUENTES.

Presidiu o acto  e declarou aberta a exposición  o delegado provincial  señor Bouza Fernández ( Federico ). quen en sinxelas e emotivas  frases , fixo constar  a satisfación   que lle producía o acto  que se estaba celebrando , xa que tiña o desexo  de que  as actividades  culturais  e de convivencia dentro da Organización, tiveran  nun  futuro próximo  tanto pulo como o alcanzado  na preparación física dos xoves, porque iso será o expoñente dunha máis  completa formación  que necesariamente  ha levar anexa  a paz e o entendemento  entre os individuos e o benestar dos pobos.

Asistiron ao acto  don Xabier  López (Acevedo López, alcalde ; don Xosé Cora, xuiz de primeira instancia e instrución; o párraco de San Salvador e comendador da Mercé ;  coadxutor de Santa Mariña ; inspetor de zona  da Fronte de Xuventudes, Manuel López Rodríguez ;  delegado local do Ministerio de Información e Turismo, don Manuel Vázquez Saco;  xefe da Oficina de Extensión Agraria  don Nicolás Prieto;  señores Portela Pardo e Pena Carrozas, médicos de A.P.D. ; director da Academia Felipe II, don Ramón Bouza Fernández; presidente da Sociedade La Unión, señor Sobrado; don  Ramón Vázquez Rivas  e moitos outros que sentimos non recordar.

As obras expostas  en número de 15  foron moi eloxiadas , e o noso delegado local Manuel Vázquez Torres moi felicitado.

Até o día da súa clausura  que terá lugar o 21 do actual , pode  ser visitada das 19:30 ás 21 horas"

........ NOTAS.- O local da Fronte de Xuventudes estaba en 1960 na Rúa Diego Pazos, na casa que fora propiedade do alcalde republicán Antonio Páramo Sánchez, e que lle fora abusivamente  decomisada  para establecer alí  os comedores do Auxilio Social,  no baixo, e o centro xuvenil no primeiro anda e ademias unha pista de terra para baloncesto na horta.......

Aquela exposición sinalou  a andadura de catro mozos sarriaos ( Pena  Fernández era só un neno de primeiros anos do bacherelato ) polos camiños da arte. Ramón Castro e Manuel Rodríguez Díaz ( Rodim)  destacaron andando os anos como consumados paisaxistas e  as súas obras  gozan de aprecio entre os entendidos, Xabier Pena Fernández  , arquitecto, tamén se adica á creación artística. Finalmente Xosé Díaz Fuentes, destacado escultor e Fillo Predileto de Sarria , acabou fixando a  súa residencia en Francia e a súa obra pode ser admirada  en Sárria, Callás, O Mazadoiro , Santiago de Compostela e Pontedeume, en Francia e outros países estranxeiros. 

Aquela exposición de 11 días no fogar xuvenil de Sárria foi o preludio dunha diversificada  e produtiva actividade artística de catro sarriaos  que seguiron camiños moi diverxentes.