SÁRRIA; 60 ANOS DA PRAIA FLUVIAL E PARQUE DO CHANTO

                                 NACEMENTO  DA PRAIA FLUVIAL DO CHANTO ( 1961 )

A Praia e Parque Fluvial do Chanto , na vila de Sárria, naceu da man do alcalde XABIER LÓPEZ-ACEVEDO LÓPEZ , un dos máis eficaces alcaldes dos que ten disfrutado o concello sarriao. 

En 1961 o Concello de Sárria deu os primeiros pasos para facer  unha praia fluvial, despois de desbotar a ubicación que algúns querían levar  ao Campo do Río ou Campo do Areal, augas abaixo da Ponte de Ferro.

Neste ano 2021  cúmprense os 60 anos  da andadura do máis ambicioso proxecto destinado ao lecer e á practica dos deportes. Os 200 metros liñais adquiridos para asento  das primeiras instalacións  grazas a   varios  dos sucesivos alcaldes e corporacións foi ampliado  a unha e outra beira do río , con dotacións  e espazos deportivos ( piscinas, polideportivos, canchas ao aire libre ).

                           EL PROGRESO  en 25,10.1961 saudaba o nacemento  da Praia   nun solto asinado por EQUIXEQUIX,  que non é outro que o farmacéutico Antonio Peña Villamarín  :

                                               EVOLUCIÓN DUN PARAXE SARRIAO

" Dende  hai máis de corenta anos , dúas ou tres xerazóns de sarriaos utilizan O Chanto , lugar  perto da vila , para practicar a natación.  O salto fixérono primeiro  dende as árbores, despois  dende un trampolín  de armación metálica  , que nós  deseñamos, adqurimos  e afirmamos , aínda que despois  a vendemos para a chatarra. 

"O Chanto" é o  pequeno encoro  do muiño da Ponte Ribeira , Moitos dos que alí practicaron a natación marcharon a lugares lonxanos , Outros acodiron voluntarios á Cruzada. Algúns, como Pepiño Sanmartín ,  sucumbiron heroicamente  co "Baleares", mentres dende o "Canarias"  outros compañeiros como Antonio Vázquez Rivas , Manuel Menéndez Leirado  e Xabier  contemplaban acontecidos  a traxdedia. Os dous últimos que se iniciaran como nadadores no Chanto  foron máis adiante campións  de natación da nosa Mariña de Guerra e Xabier posteriormente xefe de deportes do SEU  na Universidade  compostelá.

Agora aquel lugar  que antes pisabamos case furtivamente  foi adquirido polo Concello , nunha extensión que mide  máis de  douscentos metros  ao longo do río. Foi construído un camiño que permite o paso de veículos . Foron levantadas edificacións . E vaise estruturando  o que ha ser  unha fermosa praia fluvial  ou grande pisicina.  Todo a unha distancia  de 150 metros   das casas da vila  e a 50 da  Fon te da Ponte Ribeira, brasonada cos roeis dos Castro.

Coñezo o proxecto   das obras que  se están intentando ;  é dun mozo moi sarriao ( * ) , e, xa case arquitecto,  Nel  todo está resolvido , bar-restaurante ,  servizos hixiénicos, duchas, apartamentos individuais e colectivos  para  se vestir, amplo terreo voando  riba da auga, trampolins, acantilado,  escadas de acceso, sombra e solarium., Sobremontado todo  riba de esteos  firmes  e esbeltos  , que permiten o paso da auga nas riadas invernais , sen que afecte  á contextura  das edificacións.. No fondo  ampla pista de cemento  para practicar os máis variados deportes. O máis importante, todo  en liña actual de cor viva , sen estridencias,  que matiza o vizoso verde dos bidueiros  que se miran no río.

Ademáis ,parque infantil, Profunidades sinalziadas de 0,50  a 2,50 metros , Estancamento  case total que permite  o control de probas dos cen metros en natación e bogar  en pequenas embaracións  en máis de 250.

En fin, o complexo será magnífico  neste río  que chega  con augas vírxenes  e confirma o seu nome de "Sárria"   ao entrar na vila  que llo dá,

Por hoxe, ben á Corporación municipal, e se confirma  o seu criterio adquirindo  " As Insuas"  facendo delas un parque , mellorando o seu campo de fútbol , entón moi ben  en canto a deportes  se refire.

De outros problemas  urbanísticos , por certo importantes, falaremos outro día ( EQUIXEQUIX)

......... ( * ) O proxecto da Praia Fluvial do Chanto fíxoo, cando aínda andaba estudando arquitectura Antonio González Suárez-Llanos. A obra foi modificada máis adiante polo concello polo simple expediente de adosarlle outro corpo de edificio cara o sur.,

O prematuro falecemento de Xabier López-Acevedo López ( alcalde de Sárria e procurador en Cortes pòla provincia de Lugo ), impulsor  da Praia Fluvial  e de moitas outras  iniciativas que nos anos seguintes se viron ralentizdas,    non deu lugar  a un cesamento  na mellora das instalacións e  ampliación dos terreos de uso público  e a maior parte dos alcaldes que  seguiron a López-Acevedo  non dubidaron a ir ancheando o Parque pola Ribeira dos Cucos, e os Prados de Vilasante, o Lago e Ribela.,

Despois da morte do seu promotor o Concello acordara darlle o seu nome a ese primeiro parque sarriao,  acordo que foi esquecido até que en tempo da alcaldía de Arturo Corral Guitián  se alzou  no Chanto un moimento memorial  que honra a súa memoria  , onde figura o busto   do inesquecible Alcalde López-Acevedo.