MARIO GONZÁLEZ ZAERA E EMILIO GOLÁS RODRÍGUEZ ( 1936 / 1946)
MARIO GONZÁLEZ ZAERA E EMILIO GOLÁS RODRÍGUEZ ( 1936/ 1946 )
O sarriao Mario González Zaera membro activo de Unión Patriótica, no tempo da Ditadura de Primo de Rivera. En novembro de 1927 formou parte como vogal no Comité Lócal da Unión Patriótica, presidida por Ricardo Núñez Rodríguez , no que tamén estaban Xosé Pérez-Batallón, Matía Oñate López, marqués de Ugena, Vicenzo Rivera, Francisco García Delgado e Sadurniño González
Foi un dos vilegos que na ocasión da proclamación da II República se puxo á fronte da manifestación cívica que se dirixiu á Casa do Concello para poñer a bandeira tricolot ( no tempo do Diretorio exercera de Xuiz Municipal e accidentalmente de Xuiz de Primeira Instancia.) Nos primeiros anos da República foi empregado de banCA ( 1931 ) e recadador de tributos en Sárria. ( 1932 )Adicouse a diversos negocios, entre eles os chamados Laboratorios Kober, e foi un dos promotores da produción e distribución do "Ajolín", actividade esta de pouca claridade.
Tempo despois integrouse nas JONS e en Falange Española de las JONS, asumindo a xefatura de Sárria, despois a da provincia e finalmente a territorial de Galicia, da que sería destituído e en Consello de Guerra celebrado en León foi condeado a morte, aínda que a pena lle foi conmutada e rematada a guerra foi indultado
Emilio Golás Rodríguez foi inicialmente colaborador de Mario González Zaera , co que acabou indispoñéndose e co que mantivo un incidente diante do Casino de Sárria, resultando ferido o Zaera, celebrándose o conseguinte xuizo en Lugo, rematado cunha sentenza pouco rigorosa.Foi garda municipal en Sárria e como consecuencia da súa participación na concentración de xente armada procedente de toda a provincia para soster a Republica, o 20 de xullo de 1936, foi detido e sometido a Consello de Guerra acusado de "auxilio á rebelión". Acabou fuxido e formando parte do maquis, até que foi capturado, e gravemente ferido, nunha operación da Garda Civil que tivo lugar en Outeiro de Barán en 1946. Trasladado ao Hospital de Lugo morreu a consecuencia dos impactos de bala. Nese traslado, e ao chegar a Sárria, morreu un sobriño de Emilio Golás, alcanzado polos disparos da forza publica.
Mario González Zaera, unha vez triunfante á Fronte Popular, tomou parte en diversos actos de exaltación das doutrinas fascistas .
O día 2 de agosto de 1935 foi vítima dun intento de asasiñato, segundo relataron El Progreso e El Pueblo Gallego.
SARRIA ( LUGO ) .- O día 2, darredor das 9 da noite, estaban de paseo por diante de "A Unión" don Mario González Zaera coa súa esposa dona Asunción Ruiz. Dous individuos que ao parcer "facían o borracho" achegáronse a eles insultándoo, un deles sacou unha pistola disparando dous tiros, que non o alcanzaron por verdadeiro miragre, levando o coseguinte susto.
Dende a casa de don Xosé Batallón avisaron por teléfono á garda civil, que se persoou ali inmediatamente, levantando o correspondente atestado, Os individuos en cuestión fuxiron. Felicitamos a aquel matrimonio por ter resultado ilesos".
"ALBORADA" ( 2 abril de 1936 ) Sárria.- Na madrugada de hoxe , e por orde gubernativa., foron detidos. descoñecéndose os motivos don Mario González Zaera, don Cándido Pinto, don Xesús Vázquez Saco, correspondente de ALBORADA e o mestre nacional de Santo André de Paradela"
En termos moi encomiásticos para González Zaera e os seus compañeiros de militancia, Luis Moure Mariño, con total parcialidade, refírese ao agromar das ideas fascitas en Sárria e á súa consolidación unha vez triunfante a sublevación militar de xullo de 1936.
Vexamos o que conta e como o conta: " Entre os primeiros afiliados á Falanxe de Lugo merecen unha menciòn especial os irmáns Pedros e Mario González Zaera",
" Na provincia de Lugo, especialmente adquririu a Falanxe unha extraordinaria consistencia. No pobo de Sárria, por exemplo, o primeiro gruipo duns vinte falanxistas convertiuse despois do 16 de febreiro"
" Xa na Fronte Popular , fíxose Mario Zaera cargo do mando de toda a provincia. Sárria, -un partido xudicial perto de Lugo.- convertiuse así na capital falanxista, de sorte que se concentraron ali todos os odios do marxismo. Por este tempo, un suxeito socialista ( * ) fixo a Zaera obxecto dun atentado do que resultou ferido nunha perna. O socialista non saiu mellor parado porque, despois de terlle quitado das mans a pistola, Zaera destrozoulle o rostro a puñada limpa".
......
" Os falanxistas destacados, víronse na precisión de fuxiren, agochándose cada un onde puido Zaera estaba desterrado en Bóveda ; Saco Rivera, detido, e Carrozas tivo que fuxir tamén, diante das ameazas que na súa contra se lan zaran.
O falanxista Carrozas , figura destacada da Falanxe nos días que preceden ao Alzamento Nacional, merece comentario aparte : Ao ter fuxido de Sárria para evitar a súa detención, os extremistas lanzaron contra Carrozas a calumnia de que lle permitiran fuxir , en virtude de que " choraba no intre de detelo". A cousa era absolutamente falsa ; pero ofendido o falanxista pola "patraña", presentouse no pobo de Sárria, disovendo a tiros unha sesión do Concello socialista "
,,,,,agardando o momento da sublevación. Antes de que tal hora soase , Zaera e outros camaradas foron detidos pola Garda de Seguridade, trasladádnoos ao cárcere inmediatamente , rodeados por grupos berradores da Fronte Popular. Ali estiveron até a hora do Alzamento...."
Puntualizacións:
a) O número de 1200 falanxistas que Moure Mariño sinala como activos en Sárria é totalmente incerto. Zaera seguiu unha politica de forzar afiliacións, ás que era perigoso negarse, e moitas persoas solicitaron a súa alta para aseguramento de non seren vítimas das arbitrariedades e abusos, que se sufrían en vidas e facendas. Até mediados de 1960 conserváronse as fichas dos "afiliados" entre os que figuraban numerosas persoas procedentes de outras formacións politicas acollidas ao novo carnet. O certo é que a relación oficial de falanxistas ( na que se inclúen baixas polo concepto de "renegados ", non chegou aos dous centos. Os membros activos, incluíndo aos que ocuparon cargos, membros da escadra negra e simpatizante non pasou nunca das 120 persoas. A alusión a 1.200 foi unha figura retórica e propagandistica.
b).- Despois das condeas a morte de Marío González Zaera e Eduardo R. Requejo, opostos ao Decreto de Unificacións e declarados conspiradores hedillistas e responsables de arbitrariedades e represións, e unha vez axusticiado o xefe da Falanxe local ( Chaquetón ) e o seu complice como responsables do asasiñato do ex.depuitado en Cortes Manuel Saco Rivera, o calificativo de "falanxista" cobrou tal desprestixio que , cesada a Comisión Xestora como parte responsable por ter nmeado garda armado ao executor , á hora do nomeamento doutra nova todos os novos membros indican, unánimemente que a súa ideoloxía e a de "extrema dereita ", e nin un só deles se autotitula como "falanxista"
c ).- O Concello de Sárria, de nomeamento gubernativo , estaba formado maioritariamente por individuos de Izquierda Republicana e algún membro do partido socialista. Nin un só dos seus compoñentes era membro do Partido Comunista.
d ).- O relato que se fai das presuntas "fazañas" e a peripecia do "falanxista" Manuel Carrozas Varela non teñen nada de heróicas, e son froito dunha persoa demente da que se serviron aqueles que encirraban nel. Moure Mariño non cita que como consecuencia de ter entrado, na noite do 26 de xuño de 1936 fortemente armado na Sociedade La Unión causou a morte do industrial Victorino Cabarcos e do concelleiro Pedro García Arcos, e que os inductores desa acción lle facilitaron a fuxida e o tiveron agochado até que triunfou a rebelión militar , pasando con outros falanxistas da localidade a participar en labores represivos en Paradela, Castro de Rei de Lemos, Navia de Suarna e outras partes, Esas mortes quedaron impunes, o mesmo que as que cometeu despois do levantamento militar. Acabou sendo internado nun centro psiquiátrico Calificalo de "persoa destacada da Falanxe " en nada o honra e , máis ben, ven a desprestixiar a organización e ideoloxía que del se serviu.
e ).- Con relación ao "incidente " de Emilio Golás Rodríguez co seu "antigo xefe" Mario González Zaera , no diario "Alborada" de Lugo ( 20.05.,1936 ) contan os feitos e a celebración do correspondente xuizo:
" Emilio Golás Rodríguez despois de ser recollido por don Mario González Zaera afilioiuse á Falanxe Española , realizando voluntariamente varios traballos e xestións a prol do maior incremento da citada organización . Despois dos sucespos de Outubro desapareceu da casa do Sr. Zaera e pasa ás fieiras comunistas fiándose das promeas que estes elementos lle facían. Aos pucos meses , convencido de que nada podía agardar deles, intentou voltar outravolta ao servizo de González Zaera , negándose este."
"No día de autos Emilio Golás presentouse no Casino de Sárria, preguntando por Mario González Zaera. Como este non saiu empezou a aprrealo e in xurialo dende as portas da dita Sociedade de tal xeito que varios socios, entre eles aquel a quen se dirixían os insultos, sairon. O Golás ao velo, sacou unha pistola e fixo un disparo que feriu ao señor Zaera, evitando unha segura morte pola rapidísima intervención ao desviar coa man a direción da arma"
"O fiscal solicita para o Golás a pena de 8 anos de prisión polo delicto de homicidio frustrado".
"Actúa como avogado o Sr. Páramo. O Tribunal acorda impoñerle un mes e 1 día de arresto menor"
................EL IDEAL GALLEGO ( 3.04.1940 ) O Caudillo indultou a varios falanxistas , co motivo do primeiro aniversario da Victoria (CIFRA).
..................En agosto de 1936 foi nomeado Xefe Provicial de FE de las JONS dejuse conta que o Caudillo e Xefe Nacional da Falanxe coa ocasión de se celebrar o primeiro aniversarioda Victoria das Armas de España, acordara conceder o indulto aos camadas Fruto Bernal, Félix López Gómez.-Corral, Aniceto Ruiz Castillejos, Ricardo Nieto, Lamberto de los Santos y Mario González Zaera.Tamén acordou o indulto de Martín González Longaria
EL COMPOSTELANO ( 29.10.1940 ) Varios indultos concedidos polo Caudillo.- Na Presidencia da Xunta Politica de FET y de las JONS
Indultado por Franco, abandou a prisión, e nun forzado procedemento de rehabilitación da súa figura solicitou das xerarquías falanxistas da provincia de Lugo o seguimento dun expediente en acreditación da súa conduta, segundo se desprende do seguinte edito:
" 29 de setembro de 1941.- EDITO.- O Delegado Provincial de Xustiza e Dereito de FET y de las JONS. Fai saber : Que rematado o 12 do actual, o prazo concedido polo edito que se insertou neste xornal en data de 3 actual , para declarar en información que se practica de orde da Xefatura Provincial do Movemento e a instancia do interesado, para acreditar a conduta publica e privada do Camarada Mario González Zaera, xefe local que foi de Sárria, ex xefe provincial, ex xefe territorial de Galicia e Conselleiro de Falanxe Española de las JONS , rogue a cantas persoas, pertenzan ou no á Organización, que poidan aportar algú dato encol deses estremols, concorran a eefctualo nesta Delegación, de dez a catorce, no novo prazo de 10 días que como prórroga do anteiro se concede. Por Deus, España e a súa Revolución Nacionalsindicalista. Lugo, 10 de setembro de 1941.- O Delegado. Antonio Codesido".
En 1957 /1963 é recadador de tributos en Vigo, e pasa a Madrid como recadador e exaccións en período voliuntario no distrito de Vallecas e titular das axencias executivas 9, 10 e 13 do concello de Madrid.
EL PUEBLO GALLEGO ( 10.05.1977).- " Por enfirmidade do procesado Mario González Zaera suspendeuse a vista por suposto delicto de malversación de caudais publicos, que estaba sinalado para mañá na Secció 1ªda Audiencia Territorial de Madrid.
Segundo as conclusións provisorias do fiscal , Mario González Zaera, que desempeñaba os cargos de axente recadador de exaccións en periodo voluntario do distrito de Vallecas e axente executiuvo, titular das axencias 9,10 e 13 do concello de Madrid , dispuxo a beneficio propio cantidades ingresadas para pagamento de tributos , até un total de 9.907.711 pesetas durante o periodo de tempo que vai desde o segundo trimestre de 1965 a agosto de 1966.Moito tempo despois xa en 1970, e despois de ser incoada a causa, o Sr. González Zaera reintegroulle ao concello a cantidade de 832.803 pesetas. O fiscal solicitaba para o procesado a pena de 14 anos de reclusión menor e 8 anos de inhabilitación absoluta así como indemnizar ao Concello de Madrid coa cantidade de 9.074,903 pesetas"
...................................................
A morte de Emilio Golás Rodríguez, capturado pola Garda Civil nunha casa da aldea de Outeiro de Barán, no Concello de Paradela, tivo eco na prensa comunista estranxeira, tal foi o caso de "Mundo Obrero" ( Boletín do Partido Comunista francés ) e en " España Popular", da cidade de México:
"MUNDO OBRERO ( 13.12.1946 ).- MÁIS CRÍMES FRANQUISTAS...... Poucos días antes, o 27 de novembro, no pobo de Paradela ( Lugo )un grupo de gardas civís fixeron irrupción na casa de Emilio Golás Rodríguez, mallando salvaxemente nel e facendo vaios disparos contra del que o feriron de gravidade. O mesmo salvaxe trato recibiron un sobriño seu e unha criada. As tres vítimas deste novo crime franquista tiveron que ser trasladados ao Hospital de Lugo a onde chegaron en tan grave estado que se teme polas súas vidas. A vesania dos verdugos franquistas . cruelmente exercida con vítimas indefensas sobrepasa todos os limites imaxinables"
O xornal mexicano España Popular ( 3.01.1947 ) dá a mesma información.
Puntualizacións:
a).- Chama a atención que sendo Emilio Golás Rodríguez un fuxido con activa participación no maquis da comarca de Sárria, e tratándose de publicacións comunistas, non se faga alusión ningunha á súa militancia e integración na loita armada. Cando deteñen a Golás, entre as súas pertenzas , foi habida unha proclama do Partido Comunista alusiva ao seu po esicionamento fronte á ditadura franquista.
b).- A detención de Emilio Golás tivo lugar no interior da casa familiar de Outeiro de Barán, cando estaba na cociña na compaña da súa cuñada e dun neno, fillo desta. A entrada facendo disparos colleu por sorpresa aos ocupantes da casa, e aínda que el tratou de cubrir ano neno co seu corpo para amparalo , resultou gravemnte ferido , e o mesm o pasou coa súa cuñada ferida cos tiros recibidos. Non houbo malleira ningunha ao Golás nin ao neno nin a súa nai, e calificación de "criada" non corresponde coa realidade.
Levados en improvisadas padiolas os tres feridos foron baixados á Casa do Neo, na parroquia da Pinza, e no auto do "Guimarás" de Pacios de Paradela, foron trasladados á vila de Sárria, onde á altura do Cuartel da Garda Civil ( Barrio da Estación ) ocorreu a morte do meniño. No omnibús de Raúl Loureiro Golás e a cuñada foron trasladados ao Hospital de Lugo, onde diante da gravidade das feridas producidas polas balas ás poucas horas o guerrilleiro Golás resultou cadáver.A primeira atención médica na Taberna do Neo correu a cargo do médico titular de Paradela ( doutor Maceda ) que nos anos da guerra fora obxecto de persecución polas súas ideas. A acción do ataque á casa, en Outeiro de Barán, foi ao tempo do mediodía e o traslado ate´a cidade demorouse varias horas porque á baixada a pé desde Outeiro ao Neo enadiuse a demora de poder dispoñer de auto para chegar a Sárria e o feito de que este auto quedou inservible na vila e houbo que trasladar ao Golás e maila cuñada, custodiados por gardas civís, no ómnibus de "feiras e mercados" propiedade de Raúl Loureiro.
c).- Un dos gardas civís que interviñeron na acción de captura de Emilio Golás, natural de Barbadelo, moi afectado polo xeito como se desenvolvera o asunto acabou deixando o Corpo e emigrou á Arxentina.
d ).- A versión oficial do desenvolvemento dos feitos está recollido no "Boletín do Seminario de Estudos Sarriaos Francisco Vázquez Saco", co seguinte relatorio: "Cando os números da Garda Civil rodean a casa onde teñen información está agochado Emilio Golás, este dende unha fiestra e por un bon período de tempo dispara repetidamente sobre a forza, e cando cesan os disparos , pactada que foi a saída dos que estaban dentro, aberta que foi a porta que daba ao camiño sairon o neno , a cuñada e o Golás, e ao facer este ademán de disparar , un dos gardas disparou cara el resultando feridos todos tres"
Comentarios
Publicar un comentario