ESCOLA DO CEREIXAL - PARADELA ( 1926 ) ( 514 )

 ( LA VOZ DE LA VERDAD,  22.05.1925 )                                                                                  (   514  )

AS OBRAS DA ESCOLA DO CEREIXAL

 ...." No pobo de San Martiño de Castro, punto  de emprazamento da Escola do Cereixal , están a construir un fermoso edificio  para local-escola , que dado o entusiasmo  co que traballan  os operarios  axiña vai ter  remate a súa construcción.

Merecen mil loubanzas os seus iniciadores   que se impuxeron tantos sacrificios  e é de agardar que teñan moitos imitadores,

Deste asunto xa nos ocuparemos outro día.

                                          O Correspondente (  * Xesús López González )

                                        ..............................................................................

 INAUGURACIÓN DA ESCOLA DO CEREIXAL, PARROQUIA DE SAN MARTIÑO DE CASTRO ( PARADELA )-  17 de novembro de 1926-

 Até os anos 1920  no Concello de Paradela só había dúas escolas, unha para os nenos e outra para as nenas, aínda que esta  estivo desatendida  varios anos e a súa ubicación pasou  dende San Vicenzo de Paradela a Santa María de Vilaragunte, establecidas en casas particulares e moi malas condicións. Finalmente quedarían asentadas no núcleo de Pacios ( parroquia de  San Miguel de Paradela ) nunha edificación alzada  no camiño de Pacios a Randulfe, riba da Casa do Campo, de sólida e boa construción  dos dúas aulas no baixo e vivendas para o mestre e a mestra no andar alto.  Era de propiedade dos donos da Casa so Secretario  que tiñan en aluguer a casa ao Concello.

A inactividade das autoridades locais á hora de percurar  a creación de escolas  e  de poñer   aulas  en casas  particulares  forzou a que persoas cualificadas , preocupadas polo atraso cultural que o concello de Paradela presentaba, botaron riba deles   a creación dun edificio escolar na parroquia de San Martiño de Castro, que tamén podía prestar servizo para acoller nenos das parroquias da contorna ( San Facundo de Ribas de Miño, Santalla de Paradela... ).  E para iso non dubidaron en  facer  xenerosas aportacións  económicas. E o 17 de novembro inaugurraron o primeiro edificio  escolar debido a desinteresado actuar de cidadáns concienciados, que non percuraban afán de lucro ningún.

                                                    DESDE PARADELA   

              INAUGURACIÓN DUN FERMOSO EDIFICIO DESTINADO A ESCOLA

No xornal LA PROVINCIA  , de Lugo, do 27 de novembro de 1926 aparece recollida esta boa nova:

 " O 11 do atual previa autorización do culto Inspetor de primeiro ensino  desta Zona  D. Xosé del Peso, inaugurouse un fermoso local destinado a  escola na parroquia de San Martiño de Castro, que leva o nome oficial de "Escola do Cereixal".

Foi construído a expensas  dun grupiñp de bons cidadáns  amantes da cultura  do seus país, chamado D. PEDRO e D. MANUEL LÓPEZ PLATERO,  D. XESÚS MATO VARELA, D. XOÁN VÁZQUEZ LÓPEZ e D. MANUEL MARÍA ARIAS, atual alcalde deste Concello que desprendéndose dunhas respetables pesetas  impuxéronse o sacrificio  de dotaren  á Escola do Cereixal  dun bon edificio, velando así pola sorte e benestar  dos nenos.

Houbo misa solemne , musica e foguetes , e ao sairen da misa  tivo lugar  a procisión até o novo local  coa imaxe do Nenos Deus ; os nenos en dúas fieiras , con bandeiriñas  ostentando as cores nacionais, autoridades, clero, constituíod  polos virtuosos pàrrocos D. Anxo Vázquez Ozores, D. Xulio Folgueira Aguirre e D, Pedro López Platero, e numeroso público que dada un aspeto emocionante ao ver a ledicia que reinaba no corazón dos pequeniños.

O competente reloxeiro  de Barán e afeizoado á fotografía D. Xesús Rodríguez  impresionóu  varias placas do fermoso acto.

Abenzóu o local e a referida imaxe, o mencionado pàrroco Sr. López Platero.

Rematado o acto, os anteditos, clero  e algúns amigos desfrutaron dun excelente banquete  co que foron agasallados polos socios  que a  cuxas expensas  foi construído o repetido local.

Pola tarde, diante dos nenos e numeroso publico, fixeron uso da palabra  D. Manuel María Arias , atual alcalde de Paradela, Dona  Ánxela  Muñiz, ilustrada  mestra nacional .  D. Xulio Folgueira Aguirre , culto  párroco de San Facundi de  Ribas de Miño e D. Xerardo Pallares e Pérez , mestre nacional deste Concello, quen en fermosos pàrrafos  polos que colleitaron moitos aplausos  excitando aos nenos  e pais de familia para que se preocupen máis da cultura e coiden de mellorar  a agricultura por seren a base e benestar dos pobos.

Todos estes actos foron amenizados  pola  Banda municipal de Paradela , que por certo  agradóu moito e se segue  a estudar, dentro de pouco tempo poderá competir  coas súas similares desta contorna.

Satisfeitos poden estar os habitantes deste distrito escolar  e satisfeitos e orgullosos  tamén os benfeitores  citados , que se impuxeron o sacrificio  e ímprobo traballo de cooperaren á sorte dos seus fillos e das futuras xerazóns  deste setor do Concello de Paradela.

                                                   Correspondente ( * )

                                               Paradela, Novembro de 1926

( * ) Xesús López González