FEIRAS ANTIGAS NAS TERRAS DE SÁRRIA ( 1795 )

                                          FEIRAS ANTIGAS NAS TERRAS DE SÁRRIA   ( 1795 )

Fonte : "  Memorias politicas y económicas  sobre Frutos, Comercio, Fábricas y Minas de España " ( Tomo  XLIII ) Pesca, Monedas, Medidas,  Mercados,  Contribución y Comercio de Galicia ). Por Don  Eugenio Larruga. Madrid  (  en la Oficina de don Joseph Espinosa ) Año de MDCCXCVIII )

                                    XURISDICIÓN  DE SAN XOÁN DE PORTOMARÍN

                                                ( no actual Concello de Portomarín )

"... Na Vila e Xurisdición de San Xoán de Portomarín  faise  romaría e mercado o día 2 de febreiro en cada un ano,  a onde concorren diversos mercaderes con panos e teas ; e comérciase nos máis xéneros comestibles de  pan, carne, anguías , capóns e outras cousas  desta calidade; cuxo mercado execútase  por costume e devoción do glorioso San Brais, en cuxo día se celebra  a súa festa  sen outro previlexio".

                XURISDICIÓN DE SAN XOÁN DE PORTOMARÍN

                            (  no actual Concello do Páramo )

"... SANTIAGO DE SÁA DO PÁRAMO: " ... E da mesma sorte na Freguesía de Santiago de Sáa do Páramo da dita Xurisdición, e camiño real da verea de Lemos, faise o MARTES DE CADA SEMANA , mercado dos xéneros de viño, sal , peixe, centeo e outros desta calidade polos arrieiros e persoas que transitan e máis xente da contorna, introducido igoalmente por costume".

                     XURISDICIÓN DA VILA E MARQUESADO DE SÁRRIA

                     ( Partido da Lobataira, no actual  Concello de Sárria  )

SANTA MARÍA DE VILAMAIOR DE PARADELA ( ou da Lobataira ) :  "...Na Freguesía de Santa María de Vilamaior faise feira o  DIA 15 DE CADA MES E O SEGUINTE 16; só concorren gados e cousas comestibles  do país, e algúns mercaderes  circunviciños con panos e teas, fábrica de Castela,cuxa feira hai moitos anos que se fai por costume e sen previlexio nengún que se saiba, nin de iso hai novas.."

                    XURISDICIÓN DA VILA E MARQUESADO DE SÁRRIA

                                            (  na Vila de Sárria )

SAN SALVADOR DE SÁRRIA:  FEIRA DE ANO  a carón da Fortaleza de Sárria, creada  polos Reis Católicos  en 1487, Celebrábase o  20  de marzo.

                        XURISDICIÓN DA VILA E MARQUESADO DE SÁRRIA

                                      (   Partido de Sobre da Riba , no Campo de San Lázaro )

SAN PEDRO DE MASIDE : No Campo da ermida de San Lázaro. Celebrábase o Domingo de Lázaro ou Domingo de Paixón , documentada cando menos no século XV.

                                      XURISDICIÓN DE CEDRÓN

                                     (  actual Concello de Láncara )

SANTIAGO DE CEDRÓN: ".... En  Cedrón e sitio chamado da ESFARRAPA , faise un mercado O DÍA 11  de cada mes polos naturáis , onde se venden bois e vacas , pan e viño e non outra cousa".

                              XURISDICIÓN DA ABADÍA DE SAMOS

                            ( en Santiago de Barbadelo, no actual  Concello de Sárria )

MERCADO DA SERRA :  "... E tamén resulta  que no MARTES DE CADA SEMANA  se fai mercado no Campo que chaman da Serra".

                                 XURISDICIÓN DA ABADÍA DE SAMOS

                                (  en Carracedo, actual Concello de Láncara ) 

SAN VICENZO DE CARRACEDO: "... e outro na PONTE DE CARRACEDO ,  no que só  se vende centeo co motivo do tránsito de arrieiros..."

                                   XURISDICIÓN DA  ABADÍA DE SAMOS

                                           ( no Campo da Cha de Santa Marta )

 FEIRA DA CHA DE SANTA MARTA : ".... En Samos , en 23 DE FEBREIRO   faise romaría a carón  da ERMIDA DE SANTA MARTA, VAL DA ARMEÁ ,  a onde concorren algunhas tendas de  mercancía e outros xéneros comestibles.

                                            XURISDICIÓN DA ABADÍA DE SAMOS

                                              (  Monseiro, no actual Concello de Láncara )

SAN MIGUEL DE  MONSEIRO : "....En 29 DE SETEMBRO   faise a romaría de San Miguel, en Monseiro,  na que, o mesmo  que nas anteriores, concorren algúns prateiros de Lugo a venderen algunha obra.

                                                 XURISDICIÓN DA ABADÍA DE SAMOS

                                 ( Campo de San Fraiz- Val do Mao, no actual Concello do Incio )

SANTA MARÍA DO MAO : "....  E en día     15 DE MAIO , outra  a onde chaman SAN FRAIZ.

                                                     XURISDICIÓN DE  TRIACASTELA    

                                                                  ( Santiago de Triacastela )

NA VILA DE TRIACASTELA:  ".... O DÍA 28  DE CADA MES  faise feira , que a principiaorn os  naturáis en 1727  ; só concorren algúns gados  maiores, sal, zapatos , pan, viño e outros xéneros comestibles".

                                       XURISDICIÓN DE RENDAR E SIRGUEIROS

                                                         ( no actual Concello do Incio )

" EN RENDAR E SIRGUEIROS   en 1730  principiou  unha feira  O DÍA 21 DE CADA MES , que se compoñía dalgfún gado, manteigas e outros xéneros do país ; extinguiuse  no ano 1731 a pedimento do Fiscal da Súa Maxestad" "

                                XURISDICIÓN DE RENDAR E SIRGUEIROS 

                                              (  no actual Concello do Incio )

CRUZ DO INCIO.- ".... despóis  volveu a  se incorporar  no sitio  que chaman da CRUZ DO INCIO , en curto número de persoas.

                                  XURISDICIÓN DA VILA DE LAIOSA

                                  ( no actual Concello do Incio )

SAN MARTIÑO DE  LAIOSA.- ".... En Laiosa A CARÓN DA IGREXA , co motivo dunha Confraría . concorre algunha xente do país , a cuxo concurso chaman FEIRÓN , sen que poida dar razón  se prencipióu por previlexio  ou de costume dos viciños".

(  "--- e tamén consta  que no Couto de Sober, que anda co de Laiosa,  fan unha feira na Freguesía de San Martiño  de Arroxo  a 12  de cada mes , que principióu   en 1726 )

                                   XURISDICIÓN DE PARADELA

                                  ( no actual Concello de Paradela )                 

SANTA MARÍA DE CASTRO DE REI DE LEMOS.- ".... Na Xurisdición de Paradela  e na Fruguesía e Couto  de Santa María de Castro de Rei , que é dos monxes bernardos  de Santa María  de Montederramo, faise feira  o PRIMEIRO DÍA DE CADA MES , sen que se poida dicir se hai faculdade  ou é por costume.

***********************************************************************************  

                         INFORME DE LUCAS LABRADA   (  1804 )

                                        FEIRAS DE MES 

DIA 3.-  En Castro de Rei de Lemos ( Mosteiro Vello ) gado vacún, gra, teas.

DIA 6.- En Laiosa, gado vacún.

Día 11.- Na Esfarrapa, gado vacún,

Día 15.- Feira  de Paradela  ( No Campo do Palacio- Vilamaior )

Día 24.- En Láncara. gado vacún e  outros  produtos.

Día 28.-  En Triacastela, gado vacún e outros produtos.

                        FEIRAS DE ANO

3  DE FEBREIRO : En San Xoán de Portomarín : carnes salgadas, xamóns e línguas,

23 DE FEBREIRO :  Santa Marta de Mourillón: fabas e centeo ( Cha de Santa Marta )

*******************************************************************************  

                                           FEIRA DO PÁRAMO  (  1851 )

                            XULGADO DE PRIMEIRA INSTANCIA DE SÁRRIA

"  Carlos Sabino  Iglesia e Sabino Tre,   foron arrestados na  feira do Páramo, por furto que executaron de 159 reáis a Domingos González. Da  causa que sobre deste delito estóu instruindo. aparecen indicios de que son ladróns en gabela, xa por seren decoñecidos, xa porque ocultan as súas veciñanzas e residencia, xa porque teñen acento castelán. e a súa permanenza neste país é sospeitosa, e xa  porque despois de que cometeron o furto se axuntaron a outro home que cubría cunha capa  cor parda  ou castaña.sombreiro calañéz, borceguís  e pantalón de cor.e montaba un cabalo negro, sen que se poidesen averiguar máis señas. pois cando ao arresto  dos enriba ditos marchóu da feira.

E resultando probas de que este home sexa compañeiro do Iglesia e Tre, exorto en forma ás autoridades  das provincias de Galicia , para que se servan procurar a súa captura e remisión a este tribunal con seguridade.

                                            Sárria,  24 de marzo de 1851

                                                 Gregorio M. Couceiro

**************************************************************************************