LA VOZ DE SÁRRIA.PUBLICACIÓN EN SÁRRIA ( 1931 )

                             LA VOZ DE SÁRRIA. PUBLICACIÓN EN  SÁRRIA ( 1931 )

Coa chegada da II República  os republicáns sa rriaos  botaron á rúa unha publicación  da que só coñecemos parte do seu número 5 , e non deron resultado os intentos de tomar coñecemento dos  catro números anteriores , e mesmo se houbo números posteriores  ao exemplar  publicado o 20  de novembro de  1931, Os catro primeiros números sairon á luz nos meses de setembro e outubro. Os textos en lingua castelá  foron maioritarios e só ocasionalmente  se recollían  poemas ou textos en galego.

As dúas páxinas conservadas pertenceron a   Don Xosé Pàramo, segundo indica   a manuscrita nota  posta riba da cabeceira da dita publicación.

 Esa cabeceira ten o seguinte contido :  

.........................................................................................................................................................................

ANO I   Sárria  , 20 de Agosto de 1931.  Correspondencia a  Xosé F. Márquez.Administrador.  LA VOZ DE SÁRRIA.Suscripción: Trimestre: 1,00. Nº solto ,0,10

" Deus   púxome  riba do voso pobo, como o tabao riba do lombo do cabalo , para telo sempre esperto" Sócrates.

....................................................................................................................................................................... 

   TOQUE DE ATENCIÓN.-   Como  editorial da Redacción recordan que no primeiro número fixaran a defensa dos intereses comarcáis como liña definidora da súa presenza , declarándose independentes na orde politica  e fronte aos  grupos republicáns  e socialistas que gobernan o país : " Republicáns  de antes do 12 de Abril e de antes do ano 1910, era difícil non estarmos enamorados deste  sistema popular  e democrático . Estivemos dous meses sen nos meter con ninguén , respectando ideas  e crenzas alleas , porque así o sentía o noso espiritu liberal".

" Mais  de súpeto, aparecen uns frades que cansos de non facer cousa  e que viven nunha casa-convento , doado  por un Concello; de cuxa doazón  non ha tardar moito que o pobo  pida a súa revisión e se lance ao ataque . Abusando do púlpito  contra o sistema , en Farbán ,  un domingo ordean  non ler xornaís  máis ou menos liberáis ,  outro reparten follatos tiduados " Haced esto" e nos que se vai contra das leis  votadas polas Cortes Constituíntes e trátase de manter un estado de guerra fronte aos problemas  que o goberno da República  terá que solucionar porque así o require a maioría do pobo español. Nós que xiquera nos fixaramos  en que esta xente  aquí existía  e non nos interesa , fumos sorprendidos pola activiade destes frades que se cren donos do campo de loita  ou que non hai ninguén   que a facérlles fronte se astreva".

"  No caso de non adicar máis o tempo nas súas disciplinas e rezos , esquecendo que ninguén nesta vila se metéu con eles,  e pola contra seguen nesa campaña, verémonos na obriga  de iiniciarmos  unha serie de mitíns na contra desa xente  que ven a interromper  o progreso social de Sárria" ( A Redacción )

                                                                .............................................

ORACIÓN. Para o Señor Alcalde  ( Poema retranqueiro, asinado por Edmundo Dantés.. V.S, XI- IX - MCMXXXI ).

                                                               .............................................

DE CURROS ENRÍQUEZ.- O  VENTO : Dín que por  boca d ' Espirito Santo /  Que debe ter  unha boca ben negra.....

                                                                      .....................................

CENTRO REPUBLICÁN. SÁRRIA.-  O domingo día 22 ás  tres horas  da tarde , e noso  local social, celebrarase  asemblea xeral  extraordinaria , á que deben concorrer  todos os afiliados  deste Centro, coa fin de trataren  asuntos de importancia  para a vida desta organizacióm- O COMITÉ.

                                                                    ......................................... 

BULRA-BULRANDO.-  O Direitor dá resposta ao colaborador de números anteiores, que  asinaba como  Farruco Folgueiar, que se queixara de que  lle cortaban as " pullas" que  enviaba , e promete que no sucesivo se publicarán, sen facer modificacións.

                                                                  .......................................... 

AO PASO DUNHA CAMPAÑA.-   Análise  do contido das folliñas distribuídas  no Convento da Mercé  o domingo 8 de novembro.   Comunicaron  os feitos ao Ministro da Gobernación , e este remesóu  a seguinte resposta:  Madrid, 12 de Novembro de 1931,  Sr. Presidente da Agrupación Socialista. Moi señor meu :  Teño o gosto  de acusar recibo  da súa atenta 10 do actual e do impreso  que coa mesma remesa , que lin con atención.  Mando a folla ao  Gobernador  para que coñeza dela  e procure saír ao paso  desas campañas tendenciosas . Queda  de vostede afectísimo  e s.s.s.q.e,s,m, Santiago Casares Quiroga. Asinado",

A  Agrupación Socialista  remata dicindo.... "  esperando  que polas autoridades  se tomen medidas coertcitivas  para evitar  que estes feitos  se repitan en evitación  de posibles  complicacións".

                                                        ......................................................... 

CAMIÑABAN DOUS..... :   Texto retranqueiro para anunciar  que nos " Almacéns Mercurio "  hai mantas,  sabas,  fermosos tecidos, etc., etc, , o mesmo que en paquetaría  e  calzado. A carón  da Casa  de Cortiñas.  Non se esqueza. " Chuchito".

                                                          ......................................................

CIDADANÍA E ESCOLA ( Texto de Ricardo Núñez Rodríguez )  Sobre temas educatvos e de saúde na escola: " ... Con homes  retrasados  física e moralmente , pobres de corpo  e febles de espiritu , nin iso é Humanidade . ¿ Incapaces , para que ?."   ( Pola Radio  de E. Keltoy - Ricardo Núñez ).

                                                           ...................................................

DIÁLOGO  ENTRE CAMPESIÑOS.-  Texto curto  no que  un labego metido a concelleiro admite ser un firmón,  ás ordes  da ·casa do cacique "....  .- .... Anda axúdame   a levantar este saco.  -  ¡ Claro,   deixa o saco  que é insoportable este saco !,,,,  E é verdade que levaba un grande saco de patacas.  Pola copia do orixinal. V.P. Goián ,  17.11.1931 . 

                                                             ................................................

DA POBRA DE SAN XIAO.-  Crítica polo estado dun camiño na Pobra,  falla de puntos de luz,  por ter que pagar os viciños o edificio da escola e o material por diciir o Concello que non tiña fondos , mal estado  do acceso  e salas da Estación do ferrocarril , Asina: Don Necesario ( A Pobra de San Xiao,  15.11.31 ).

                                                        .......................................................

DENUNCIAS E PROTESTAS.-  CARTA ABERTA. Señor Alcalde da Vila de Sárria.  " Aínda que son tan republicán como vostede  , non me simpatiza o seu programa politico  tal e como o está desenvolvendo". Queixase  de que no Barrio da Estación   permita un pendello para acoller animáis variados , e apunta que debe estar autorizado polo cacique  ( P.P.W,  Sárria, Novembro de 1931 ).

                                                       .........................................................

PARA OS SEÑORES CONCELLEIROS.- " E verdadeiramente lamentable  que, malia ao tempo trascorrido  dende o 14 de Abril non se teñan mudado os nomes  das rúas desta vila, como son a AVENIDA  DE ALFONSO XIII e  REINA VICTORIA , cuxos rótulos xa pasados  de moda, repugnan  a todo bon cidadán español, e en ningunha poboación se consentiría. ¿  Temos que aguantar  por moito tempo  eses deshonrados nomes  incompatibles co noso  réxime ? ¿  Ou agardamos que volte a monarquía ?.  ( Un viciño ) 

                                            ..............................................................

QUEIXAS DA VICIÑANZA.-  ( Varios contribuintes ) Queixa pola escasa potencia eléctrica, deficiencias da instalación e pouco número de bombillas do alumeado público. ( Varios  contribuíntes )

                                             ............................................................

PRINCIPIO QUEREN AS COUSAS.-  ( So se conserva o primeiro párrafo  do artigo, no que  se refire   á publicación no número anterior  ( Nº 4 )  dun solto  co tíduo  " Se non é verdade  non o creas "....

........................  A folla segunda do número 5   foi arrincada  e principiaría co resto do texto de " Principio queren as cousas "...

a