BANDO DE POLICIA DO CONCELLO DE SÁRRIA ( 1852 )

 BANDO DE POLICÍA DO CONCELLO DE SÁRRIA ( 1852 )

 En 1852 os sarriaos recibían esperanzados a chegada das obras do camiño provincial de Lugo a Valdeorras , as do camiño da ponte nova do Mazadoiro a Lamarrigueira e os primeiros hectómetros da nunca feita realidade estrada de Sárria a Ribadeo, ou donde e Sárria a Aranza, que non pasou ce Corvelle, A vila de Sárria  onde confluían os maltreitos camiños de orixe medieval que mal permitían o paso de peóns e  animais de carga empñezaba entón a entrar na modernidade ao poder comuicarse por unha nova vía, dende Nadela, co porto da Coruña e con Madrid, poñendo así a base do futuro desenvolvemento económico ao potenciar a saída e a chegada dos máis variados produtos creando riqueza  e novos horizontes  para unha comarca arredada dos movementos económicos .

E os rexidores da vila eran conscientes de que  unha vila capital de Partido e cabeza dun concello potencialmente rico   e  na que  habitaban non mais de 600 persoas había a urxente necesidade de  amosar a mellor faciana e  condutas  cívicas  diante da esperada cantidade de forsateiros e pasaxeiros que ían facer uso dos novos camiños, aprobaron un Bando de Policía , sinalando as normas de conduta ás que se debían someter os vilegos para daren amostras de civismo e boa educación,

Lastrada a Rúa Principal e construida a Escaleira da Fonte , no antigo espazo da Costa, entre a estrada de Valdeorras e  a chamada Praza de Belavista,  o alcalde Manuel Vaamonde ditou as normas á que se tiñan que someter os cidadáns sarriaos con un Bando datado no 8 de xullo de 1852.

                                       BANDO DE POLICIA

De seguido  fíxose polo Señor Alcalde  presidente unha ben expresiva  e exacta relación dos notorios perxuizos  que o publico está experimentando coa moita suxedade  da que se achan constantemente inundadas  as Rúas e prazas  desta Vila,  non se suxeitando tamén  á obswrvancia e cumprimento  das disposicións contidas  nos bandos de policía publicados  polos seus antecesores , e por conseguinte o aseo  que corresponde e do que é susceptible  esta capital de partido, contra o que ,  e a continuación  doutros hábitos e costumes  detestables , áchase xa moi pronunciada a opinión xeral , sobre todo o seu interese , máis alto, cal é a conservación da saúde pública, esixe  que desparza tanta inmundicia - Que ao intento e co duplo efecto  de protexer as obras  dos camiños que  se están abrindo , e o de evitar  os danos que neles  causan os porcos , meditei a a adopción das seguintes  disposicións  que ten a honra  de someter á discusión  e acordo do Concello  :

    1ª .-Proíbese que os Porcos  e gado vacún  estean detidos nas  Rúas e prazas , e na estrada provincial e Camiño veciñal de primeiro orde que están en curso de execución.

    2ª .-  Queda igualmente proibido correr a gallope as Cabalerías polas Rúas  e  de que sexan atadas . se estorbasen o paso polas beirarrúas.

    3ª.-  Tamén se proibe subir ou baixar  con cabalerías  e gado vacún polas escaleiras da Costa , e que  aquelas anden soltas polas rúas.

    4ª.-  Os moradores das casas . disporán o varrido das súas respectivas  frenteiras, estraendo o lixo  e entullo que se recollan nas rúas . verificando  aquel tres veces por semana  cando menos, que serán os Domingos , Martes e Xoves  antes das nove da mañá do Inverno, e das oito  nos de Verán. procurndo ter sempre limpas as beirarrúas.

    5ª,. Proíbese botar á rúa polas fenestras e balcóns  augas suxas ou limpas , varreduras  e calquera outra cousa que impida o bon aseo. A auga de baño ou que sexa limpa  poderase sacar á  Rúa  pola porta que dá a ela..

    6ª,. Proíbese igualmente facer nas prazas. rúas e caellas a limpa de gra  ou outra  calquera, nin que baixo de ningún pretesto se fagan tendidos nas beirarrúas  impedindolle ás xeste o paso por elas, nin nas prazas.

    7ª.- Tamén se proibe amorear esterco nas beirarrúas , nin telo amoreado nas rúas máis tempo que o preciso para carregar os carros e sacalo fora das cortes.

    8ª.-  As leñas e calquera  outro material . non se terá  nas rúas máis tempo do necesario para poder  recollelas.

    9ª.-  Cando aconteza  a morte dalgún porco , can,  gato ou  outro animal, é obriga  do dono , ou persoa a cuxo coidado  estea, dispolñer sacalo fora  da poboación  e enterralo  rn paraxe alomxado  dos camiños publicos ou veciñais.

     11ª,. Os pais, titores  e Amos serán responsables das fallas  dos seus fillos menores, pupilos ou criados.

    12ª.-  Un Aguacil  desta Alcaldía  encargarase  de velar constantemente polo exacto cumprimento  e observancia  deste Bando, e esixirá  as multas nas que incorran . entregando o seu importe na Segredaría  deste Concello para a inversión correspondente. O mesmo Aguacil  será responsable  das fallas  que haxa  pola súa  morosidade  ou descoido.

    Na súa vista o Concello manifestou unánimemente  a súa  conformidade  con todo o contido das disposicións que quedan estampadas , pregando  ao Señor Alcalde que atendida a necesidade  e Urxencia  que lle recoñece , se sirva poñelas en práctica  coa menor dilación posible, facendo  a correspondente publicación  a medio de Bando na forma de costume , e procurando co celo e rectitude  de que está adornado  a súa máis estrita observancia  e exacto cumprimento.

Alcalde: Manuel Vaamonde- Xosé García.- Xosé Lolis e Rivas.- Damián Noboa.- Xosé Guitián Salcegama.- Vicenzo López.- Manuel Ferriro e Díaz.- Antonio López Valcarce.

á

uas