CONTRABANDO CON ACENTO SARRIAO ( 1949 )

 CONTRABANDO DE CAFÉ E TABACO RUBIO: A CONEXION SARRIÁ ( 1949 )

( El Ideal Gallego,8.06.1949)

UN IMPORTANTE ALIXO DE CAFÉ E CIGARRILLOS  RUBIOS DESCOBERTTO NA CORUÑA.-OS ENCARTADOS DEIXARON UNHA PEGADA  INESPERADA NO LUGAR DA OPERACIÓN

Vostedes que se entusiasman con calquera novela de  Nero Wolfe ou Perry Mason, non sospeitan que na nosa cidade , sen presumirmos tanto hai homes capaces de rivalizaren  en agudeza detectivesca cos herois imaxinarios.

Por un destes rastros extranos que so parecen darse   nas historias policíacas , descubriuse na Coruña  o fío dunha defraudación e dun conturbenio.Nada menos que a entrada clandestina duns oito mil quilos de café e uns cantos milleiros de paquetes de cigarrillos rubios. Poderíase titular "La arena delatora", " La barca a la deriva " o " Cuidado con los granos". O texto, brevemente explicado, é como segue:

De madrugada unha barca  suca silenciosamente  pola ría do Burgo e achégase  a un dos areais  da ribeira . Disponse a varar , e outra embarcación pequena  estorballe algo. Ao apartala queda solta e navega á deriva. Ninguén lle presta atención a isto  porque hai que descarregar  axiña o alixo. Un par de camións  recúan no areal  para recolleren a valiosa mercancía: café e cigarrilos rubios. A maré está a baixar , e un dos veículos , o máis grande, roda polo chan húmido , e como hai moitas moreas de area  e non é posible esquivalos , queda pegado contra  un deles, que lle serve de calzo, mentres é carregado  rápidamente. Rematado o traballo a barca alónxase e os camións pérdense pola estrada  denantes que empece o día.

Todo saíu de marabilla. ¿ Quen pode estropear o negocio ?. Porén quedou un cabo solto  fatal para os transportistas. Aquela barca que se deixou solta  vai tracaburrar todo o tinglado. O dono desa barca  chega moi cedo ao lugar onde a deixou amarra,  amólao moito  non vela onde estaba, búscaa afoutamente  e localízaa aló de frente. O seu cabreo lévao a se fixar  nas rodeiras dos neumáticos  e mirando máis detidamente , vense uns grans  de café cru por ali espallados. Isto non lle interesa   moito, quere saber quen lle soltou  a súa barca e denuncia o caso á Garda Civil.

A Benemérita chega alí deseguida.Enxamina o terreo, mira ben por todos lados . Pouco pode sacar  dunhas pegadas  e duns grans de café. Mais de súpeto un dos gardas  inclinase  sobre  da morea de area , onde rematan as pegadas dunhas rodeiras .Sorrí, saca unha libretiña, torce a cabeza e le un "C"  e catro cifras invertidas. Ali riba do fondo aplastado  e húmido da area  quedou perfetamente  grabada , do revés, naturalmente a placa  dunha matrícula.

Pouco hai que facer  xa ;Perciurar polo fío o novelo e instruir o expediente oportuno que un día deste  pasará  a Facenda.

....................................................................................................................................................................

(El Ideal Gallego, 9.06.1949 )

NUMEROSAS DETENCIÓNS CO GFALLO DO ALIXO DE CAFÉ E TABACO.- 

Con relación ao alixo de café e tabaco , do que onte informamos  aos nosos lectores, e que suscitou, pola forma novelesca  na que se ceheou ao descobrimento  da organización, podemos enadir que esta é considerable dabonbdo e que ten ramificacións  fora da provincia. A importancia do alixo é estraordinaria  e o seu valor pódese calcular en medio millón de pesetas.

Grazas á actividade despregada polas forzas da Garda Civil que, coma xa se dará conta o lector, amosaron  unha perspicacia  que en nada envexa  a dos máis acreditados  detectives da cachimba, foise desmarañando a madeixa e tras do camión que deixou a súa  tropelia  apareceron outro e outro. Practicáronse  perto dunha decena  de detencións e o asunto quedou totalmente resolto.

Moi axiña poderémoslles ofrecer  unha clara e detallada  versión oficial do suceso.

 ....................................................................................................................................

( El Ideal Gallego, 10.06.1949 ).- 9700 QUILOS DE CAFÉ E 75.000 PAQUETES DE TABACO RUBIO É A TOTALIDADE DO ALIXO DESCOBERTO.- 

E imos co penúltimo capítulo da apaixoante novela do alixo.

Onte entgrevistámonos  co tenente coronel  xefe da Garda Civil que nos pro,metera facilitarnos os detalels  complementarios da nos  información encol do descobrimento  do alixo de café  e tabaco rubio, do que demos conta antonte.

O señor Luque Arenas  recíbenos sorridente  e alude ao ar de misterio de que rodeamos o suceso.

( Fotiografía:  Nesa morea de ara humidecida pola maré , deixou  o camión C-6228 a súa "tarxeta", ao imprimir a súa matrícula claraemnte , o que levou a unha doada localización ).

- Claro está -enade- que todo aconteceu tal e coma  vostedes o contaron. A barca á derivam a pegada da placa de matricula  na morea de area  e o fío polo que se chegou ao novelo que para  nós non supón outra cousa ca   un servizo máis, aínda que o público o vexa doutra maneira.

- O asunto é bonito polo xeito no que foi descoberto e era tentador tratalo  como un folletín  pliciaco. Agora graaas á súa amabilidade poderemos  completar a historias cos  datos oficiais.

_ Pois ben, partamos dende o punto onde vostedes o deixaron. Quedamos en que  os individuos en cuestión chegaron coa súa carga, sol,taron a barca  e fixeron o trasbordo; o dono da barca queixouse do ocorrido, achou os grans de café, deu a voz de alarma; un oficial e dous  gardas foron ao lugar e o tenente deu coa pegada da  placa.O número grabado na area  era o da matricula C-6228 . Doado foi darmos co automóbil, que é un camión Ford, de seis rodas. Achárono  e desegudo localizamos  ao seu pripietario, que se dispuña  a comer na compaña  doutros tres individuos.Tras a sorpresa  conseguinte, todos quedaron detidos. Mais restaba por facer o traballo maior. Ningún dos detidos se clarexaba  sobre da  cuantía do contrabandio nin sobre a procedencia das mercancías; chegamos a un punto do que difícilmente teriamos pasado , se non descubrimos  que dende A Coruña  se fixera unha chamada telefónica a Sárria dando conta das detencións preacticadas.

Isto fíxenos orientar  cara o dito pobo  de Lugo  as nkosas indagacións  e alí  se desprazou  unha parella da Garda Civil, que moi axiña,  e valéndose de habilitdades , localizou a casa que percuraban. Avisados os que nela se atopaban, resistíronse a abrir , aínda que á final cederon, non senón  denantes  prenderenlle lume  a parte  da mercancía que se achaba nun camión. Afortinadamente  os gardas, auxilados polos  seus compañeiros do posto de Sárria,  apagaron as chamas  , que só consumiron  algúns cartóns de tabaco , e incautáronsre de todo o alixo. Conste este en 100 sacos de café, cun peso de 9.700 quilos e 7.500 cartóns de tabaco ,ou 75.000 paquetes.

Despois continuamos practicando detencións  e xa temos a todos os comprometidos.

- ¿ Cantos camións   interviñeran no asunto ?

- Catro. O xa citado Fird, un Dodge  desta matriculs númerro 6245  e dous G.M.C da matricula de Lugo, un deles o que tencionaron queimar.

- Ademais  dos  camións , incautámonos dunha motora , dúas barcazas e dúas lanchas , que se utilziaron na operación de trasbordo. O prezo de compra do alixo é de 500.000 pesetas , e o de venda  pódese calcular dio duplo, cando menols.

                                                           OS DETIDOS

Os complicados nestes  asunto  foron quince. Catorce  foron detidos na Coruña  e un en Sárris. Os detidos aquí sonb  Valentín e Xoán López Vila, Xesús CasadoBalén, Xosé García Casal, Antonio Maurín Martínez, Roxelio Pita  Rabóin,  Euxenio e Roxelio  Pita Garrido, Roxelio Pan Garrdio, Roxelio López Rico, Vicernzo Pose Souto,  Ramiro Rodríguez Montero, Hilario García  Calviño e  Manuel Reborio Gómez. O capturado en Sárrisé Francisco López Vila.

En canto á orixe da mercancía, non se puido aínda averiguar . Suponse  que chegou nunha lancha rápida , que penetrou pola noite na ría , aproveitando a maré alta. Como a cantidade a descargar  era moita, non puido facer a operación dunha vez , e tivo que se facer á mar , e permancer  nestas augas até a noite seguinte  na que rematou a operación,            

Despois  destes detalles que foron expostos coa maior sinxeleza  polo xefe da Benemérita, rematou con estas palabras:

- E isto é todo.Como ve, foi un servizo máis  e a única virtude  que cabe atribuirnos  e a rapidez coa que todo se efectuou , porquem estando  avisados os que gardaban o alixo , de nada valera  a circunstancia  de posuirmos o número da matrícula, se outra indagatoria non nos tivese levado  ao sitio preciso,

-Unha  vez máis, noraboa por este novo ésito.

                                          TRABALLOS  XUDICIAIS

En toda a tarde de onte , o Xuiz   de Instrución  do Xulgado, número 2, estivo tomando declaración  aos catorce detidos  que se achan en A Coruña. Todos depuxeron extensamente  e as dilixencias continúan.

                                         ¿ VEU DE TANXER  O ALIXO ? 

Parece que algún dos detidos  manifestou a súa crenza  de que a embarcación que trouxo o contrabando procedía de Tánxer, Entrou no noso porto pola noite, coas luces apagadas  e penetrou na ría do Burgo. Como non podia facer soa  as operacións de descarga,  foron  contratados os servizos  dalgunhas lanchas do veciño pobo  de Santa Cruz,  a cuxos priopietarios se lles ofreceron 2.000 pesetas  polo servizo. Como todo resultara tan ben  o "organkizador " do asunto deulles 8.000 pesetas , e deulles a cada un dos mariñeiros  dos que interviron  nas operacións  de trasbordo  unhas 300 pesetas.

.....................................................................................................................................................................