A VIRXE DO CEBREIRO ( 579 )
A VIRXE DO SANTO MIRAGRE : NOSA SEÑORA DO CEBREIRO ( 579 )
( BAIXO A ADVOCACIÓN DA NOSA SEÑORA DOS REMEDIOS )
* En 1921 como consecuencia dun incendio a imaxe perdéu as mans.
* En 1922 foi levada a Lugo : O escultor Magariños fixo as novas mans; o sacerdote Rodríguez Moscoso pintouna e foi vestida con túnica de seda, ostentando no peito o Santo Graal e puxéronlle pelo novo.
* A imaxe foi exposta á veneración dos fieis na Catedral de Lugo, sendo abenzoada polo Bispo, no altar portátil colocado no claustro e na Capela Maior. O perlado colocoulle unha sortella nun dedo da man dereita.
** Foi solemnemente instalada na igrexa do Cebreiro o 7 - 8 de setembro de 1922.
( LA VOZ DE LA VERDAD, 20.09.1921 ).- UN INCENDIO.
O 18 do actual ás 6 da tarde decrarouse un incendio na igrexa parroquial de Santa María a Real do Cebreiro.
Este incendio foi casual, debeuse a ter quedado algún cirio descoidadamente por apagar.
Queimáronse todos os fachos de defuntos , o pano do púlpito eo manto da famosa Imaxe que alí se venera, quendado esta case estragada por enteiro.
Grazas á hora que foi non hai que lamentar maiores males , aínda que as perdas alcanzan unhas 600 pesetas.
...................................................
( LA VOZ DE LA VERDAD, 22.06.1922 ) .- A NOSA SEÑORA DO CEBREIRO.
A imaxe da Santísima Virxe que dende hai séculos se venera na igrexa do desaparecido Mosteirodons monxes bieitos do Cebreiro , onde se realizóu a fins do século XIII o Santo Miragre, de se manifestar sensiblemente convertido a Hostia en carne e o viño en sangue, ao celebrar o santo sacrificio da misa, un sacerdote que dubidóu do misterio sacrosanto, será colocada esta tarde no altar , que para a procisión da Oitava do Corpus , hase instalar nos Claustros da Catedral e que custea o Excmo. Sr. Bispo.
Traída a Lugo por orde do noso Reverendísimo Perlado, para ser restaurada dos desperfeitos que sufriu nun incendio o pasado ano, é pola súa antigüidade das que a a opinión corrente atribúe orixe bizantina.............. Raíña do Ceo.
********************************
( EL REGIONAL, 22.07.1922 e CORREO DE GALICIA, 30.07.1922 ).- RESTAURO DUNHA IMAXE.- A imaxe da Virxe que se venera no Cebreiro, a onde acoden moitos peregrinos co gallo do Miragre realizado naquel Santuario, foi estragada en parte por un incendio casual.
Coñecedor o Bispo de Lugo deste incendio e dos seus danos , mandóu levar á Capital a imaxe e ordeóu que fose restaurada. Xa está completamente arranxada de novo. As mans fíxoas o Sr. Magariños, de Santiago, e con verdadeiro acerto os vestidos fixéronllos en Lugo sendo pintados por un sacerdote da diocese de Mondoñedo, que é un grande artista. A cara puido se conservada e o cabelo foi axeitadamente colocado de novo.
Faltan as coroas da Virexe e do Neno Xesús, que están a construiren.
Cando a imaxe volte ao Cebreiro vanse celebrar alí festas relixioso-profanas con este motivo.
O señor Bispo colocóu na man dereita da Virxe unha sortella que el lle regalóu.
*********************************
( BOLETIN OFICIAL DO BISPADO DE LUGO, 31 de agosto de 1922 )
A imaxe da Santísima Virxe, que dende hai séculos se venera neste celebérrimo Santuario , é pola súa antigüidade das que a opinión corrente atribúe orixe bizantina.
Desnaturalizada no seu tipo primitivo polo funestísimo costume nos últimos séculos de vestir as imaxes con traxes naturáis, para facela moviblr e doada a súa condición nas procisións , foi recortada na súa base e alixeirada de madeira no seu interior . con outras modificacións esenciáis no rostro e brazos , que fixeron imposible o seu restauro á forma antiga. Polos detalles que dela conserva, esta efixie estaba compreendía no primeiro tipo da iconografía mariana , ou sexa o hierático, en cuxa característica apréciase que estaba nun tabolete ou cadeira de pequenas proporcións , pes calzos e coberta con manto que cai por igual aos dous lados, pregando os panos no remate de xeito anguloso e simétrico de pouco resalte, parecendo conservar sináis de ter sostido o Neno entre os xeonllos.
Levada a Lugo en 1922 , por orde do Excmo. Sr Bispo para ser restaurada dos desperfeitos que sofriu no incendio o ano anterior, foi vestida con túnica de seda, ostentando pintado no peito o Santo Graal ou sexa o cálice no que se realizóu o miragre; é un detalle moi característico. Cóbr ese a imaxe con amplo manto de seda azul celeste e está en actitude propia co Neno sostido no brazo esquerdo e a cabeza, que orla coroa de prata, aparece inclinada cara adiante , atribuindo a piedade esta inclinación á crenza secular de que, ao se realizar o Santo Miragre, a Virxe que ocupaba lugar preferente no altar , tomóu esa actitude para ollar e ser testemuña do prodixio que aos seus pés se realizaba.
Desta tradición gárdase lembranza en moitos lugares desta provincia e da de León , sendo numerosísimos os fieis que o 8 de setembro, día no que se celebra a festa da Virxe dos Remedios , padroa da comarca do Cebreiro , coñecida vulgarmente pola Virxe do Santo Miragre, concorren a visitaren este miragreiro Santuario. Coñecedor o noso Rvmo. señor Bispo. desta espallada arraizada devoción e amante e celoso conservador das tradicións seculares, ordeóu que se levase a Lugo a imaxe para que dous artistas da rexión a restaurasen e xa que non se podía volver como antes dixemos á súa forma primitiva, fíxose o arranxo con verdadeira intelixenza, poñéndoa en mellores condicións que antes dos desperfeitos sofridos.
O Sr. Magariños de Santiago foi o escultor encarregado de facer as mans da efixie e o sacerdote Sr. Rodríguez Moscoso, de pintala e darlle expresión á faciana,que aparece coa suave tenrura do amor, a inocencia do sorriso e a dozura e maxestade que caracteriza á augusta Raíña da Gloria.
O Sr. Bispo abenzoouna solemnemente , coa asistenza de varios señores Sacerdotes, das Camareiras de Xesús Sacramentado e outras persoas. colocándoa nun altar portátil no altar maiore da Santa Igrexa Catedral Basílica, sendo moi visitado polos fieis de Lugo e outras partes.
*** ( Este artigo foi reproducios en " El Mensajero Parroquial de Pîedrafita del Cebrero "- Año III. Nº 6- 27 de Agosto de 1927) ***
********************************
( BOLETÍN OFICIAL DO BISPADO DE LUGO, 31.08.1922 )
O día 27 do último xuño o Sr. Bispo abenzoóu coa asistenza de varios Sres. Sacerdotes, das Camareiras de Xesús Sacramentado e outras persoas. A continuación celebróu a Santa Misa de Beata Virgine María no altar portátil no que estaba a imaxe e deu a Sagrada Comuñón a moitos dos asistentes . Dende entón foi moi visitado polos fiéis de Lugo e outras partes.
Nos primeiros días de setembro será levada ao seu Santuario do Cebreiro, onde o día 8 se celebrará a festa titular coa solemnidade e concorrenza numerosa coas que toda aquela comarca venera á Nosa Señora a Virxe María.
***********************************
( LA VOZ DE LA VERDAD, 13.09.1922 e BOLETÍN OFICIAL DO BISPADO DE LUGO, 25.09.1922).- NO CEBREIRO.- Con grande solemnidade celebráronse na igrexa de Santa María a Real do Cebreiro, os días 8 e 9 , as festas que os moradores daquelas elevadas montañas adican anualmente á Santísima Nai de Deus, na advocación da Nosa Señora dos Remedios , para conmemorar o marabilloso e estupendo prodixio eucarístico que tivo lugar naquel Santo Templo , e é coñecido e adourado na montaña co nome do Santo Miragre.
Había grande expectación nos veciños desta comarca para ollaren e contemplaren a imaxe da Santísima Virxe do Cebreiro , restaurada a expensas do Excmo. e Rdmo. Sr. Bispo da Diocese, dos desperfeitos que sofrira por un incendio acontecido na dita igrexa o ano último e que, comisionado especialmente polo Perlado , levouna dende Lugo o señor D. Antonio Goyanes Pérez , vicesegredario de Cámara e de Goberno do Bispado.
O día 7 , polo serán, organizouse unha solemne procisión na igrexa de Pedrafita para conducir a imaxe da Santísima Virxe á igrexa do Cebreiro e o espectáculo foi visitadísimo e realmente admirable,
Ao sair a imaxe da igrexa de Pedrafita , levada por catro mozas do Cebreiro, as mulleres de Pedrafita entoaron fermosísimos cánticos á Raíña dos Ceos , admirablemente dirixidas por unhas señoras de Vigo que veranean no pobo. Unha banda de música e unha gaita do país executaron a marcha real e unha multitude de foguetes atroaron o espazo , Emprendéu a procisión a marcha por un costento repetón e cando xa subiran uns trescentos metros aínda se vían os veciños de Pedrafita axeonllados coas máns xuntas despedíndose da Virxe do Cebreiro.
Ao empardecer chegóu a procisión ao Cebreiro , e entre os sons das músicas , o repenique das campás e o atroador estourido das bombas entróu a imaxe da Nosa Señora na súa igrexa , recibindo a venerración dos fiéis que se axeonllaron diante dela, rezándose de seguido o Santo Rosario que foi dirixido polo Sr. Goyanes .
Durante toda a noite do día 7 estiveron chegando de contino ao Cebreiro innumerables peregrinos para poderen cumprir as súas promesas e devocións nas primeiras horas da mañá. A maior parte destes romeiros viñan a pé e descalzos e algúns de seis ou sete légoas de distancia.
Na mañá do dia oito celebráronse na ampla igrexa nove misas rezadas , asistindo a elas unha multitude de fiéis que encheron completamente o templo. Ás doce celebrouse a Misa solemne , sen que na igrexa houbese un só sitio valeiro. Despóis do Evanxello ocupóu a Sagrada Cátedra o Sr. Goyanes Pérez . Cantóu as glorias da Raiña dos Anxos e fixo resaltar a arela e o cariño postos a contribución polo Excmo. e Ilmo. Perlado da Diocese para o restauro da Virxe do Cebreiro , regalándolle en prenda da súa devoción unha preciosa sortella que a imaxe ostentaba , á que non poidera acompañar , como era o seu desexo, por impedirllo os seus deberes pastoráis. Aludiu ao Santo Miragre , o verdadeiro SANTO GRAAL, que inspirara en Alemaña ao Filósofo da divina Arte , Ricardo Wagner, unha das páxinas musicáis máis sublimes e grandiosas que escribiu, PARSIFAL , e remata exhortando aos fiéis a que continuasen venerando con todas as súas enerxías e con todos os seus ánimos a Xesucristo no Augusto Sacramento da presenza real do seu Corpo e Sangue e á Santísima Virxe, Nai de Deus Redentor e do home redemido.
Despóis da Misa saíu a procisión percorrendo o sitio de costume e nela figuraban máis de cincocentas persoas de xeonllos . Calcúlase que visitaron a igrexa do Cebreiro o día 8 unhas 7.000 persoas.
Coa mesma solemnidade celebrouse o día 9 a festa do Santo Miragre , na que tivo lugar a procisión co Santísimo Sacramento.
Os veciños do Cebreiro están entusiasmados coa imaxe da Virxe e tributan sen reservas loores ao Excmo. Perlado da Diocese polo restauro da dita imaxe , pola preciosa sortella que lle regalóu e polas atencións que tivo cos moradores daquela montaña.
*************************
Comentarios
Publicar un comentario