FEIRA DO SEIS EN SÁRRIA ( 574 )
( BOLETÍN OFICIAL DA PROVINCIA DE LUGO, 19.08.1890 )
Concello de Sárria
A Corporación municipal acordóu a criación dunha segunda feira mensual os días 6 de cada mes , e que a primeira se celebre no 6 do vindeiro Setembro , facendo extensión a contrataren toda clas de produtos e gados , mesmo os de razas cabalar, mular e asnal.
O que se anuncia para coñecemento xeral de todos os habitantes da provincia , por se lles convén concorreren á mesma, facéndolles presente que nas feiras do 6 de Setembro e 6 de Outubro concederase un premio de 15 pesetas á mellor poldra , outro de 10 pesetas ao mellor macho ou mula , outro de 5 ao mellor asno e outro de 15 ao mellor touro semental.
Sárria, 17 de agosto de 1890
O Alcalde-Presidente: Xosé Vázquez Castiñeira
...................................................................
( BOLETIN OFICIAL DA PROVINCIA DE LUGO, 23.08.1890 )
Rectifícase que os premios fixados pola Corporación Municipal de Sárria , con motivo da criación da nova feira , cuxa inauguración terá lugar o 6 de Setembro vindeiro, foron elevados , debido a un donativo do Excmo. Sr. Don Matías López , a dez pesetas máis, ou sexa 25 pesetas á mellor poldra que se presente, a 20 pesetas á mellor mula ou macho , a 15 pesetas ao mellor asno e a 25 pesetas ao mellor touro semental.
Sárria, 20 de Agosto de 1890.
O Alcalde-Pressidente: Xosé Vázquez Castiñeira
..............................................................................
( EL REGIONAL, 10.09.1890 )
Desde Sárria
Sr. Direitor de El Regional :
Setembro , 7 de 1890
Meu querido amigo: No Boletín Oficial do 19 pasado anunciárase por este Concello a creación dunha segunda feira mensual os días 6 de cada mes , ofrecendo premios nas correspondentes ao presente e ao vindeiro Outubro de 15 pesetas ao dono do mellor poldro, 10 ao do mellor macho ou mula, outro de 5 ao mellor asno e de 15 para o touro semental.
Como tería ocasión de ver outro anuncio que se publicóu igoalmente no Boletín do 23 , grazas a un donativo do nos distinguido paisán , o Excm. Sr. D. Matías López, puideron seren elevados os premios , e polo tanto excitaron máis o estímulo dos gandeiros , ofrecendo 25 pesetas ao primeiro, 20 ao segundo, 15 ao terceiro, e 25 ao cuarto.
Sendo tantas as feiras que existen de recente criación no país, que contra a esperanza dos seus organizadores se non morren por elas mesmas , levan unha vida esmorecente que as fai nulas para o trafego , temíase que lle pasase isto á ultimamente criada nesta vila, tanto máis, canto notorio é temos hoxe unha das mellores da provincia , que se celebra tamén mensualmente os días 20.
Mais o estímulo polo seu lado dos premios - aínda que pequenos- ofrecidos, a capacidade do campo terraplenado e dotado de cantas condicións son necesarias para unha feira de gados de toda clas; os festexos que por ese motivo acordóu a Corporación municipal entre os que abondaron os foguetes e as músicas foron sen dúbida a causa de que eses temores fosen esvaídos , notándose desde as primeiras horas da mañá a grande chegada de xente ; os mesmos tendeiros que concorren o 20 , iguáis as mercancías, en especial as producións da rexión ; os mesmos compradores de reses de vacún e unha regular instalación de cabalerías que a xulgar polas presentadas onte, ofrécese chegará a se constituir un mercado de importancia.
Ás doce da mañá o Xuri nomeado de antemán para o exame de reses e adxudicación de premios , percorréu a feira e inmediatamente fixouse na poldra " Culebra " , e dous anos, cabeza acarneirada, pelo castaño e sete cuartas e media de alzada , propia de don Manuel Camba Ledo, acordando concederlle o premio ofrecido a esta clas de gado.
Entre as reses mulares non tivo competidora de importancia a " Cuca", mula de dous anos, pelo castaño , de 7 cuartas e 7 dedos, propia de D. Francisco Vázques, de San Salvador das Cortes, no concello de Paradela, outorgándolle dende logo o premio correspondente.
O do gado asnal obtívoo unha burra de grande alzada que presentóu cunha magnífica cría Xosé Rodríguez. de Estraxiz .
Para rematar o máis notable que concorréu á feira foron tres touros sementáis , dous da propiedade do farmacéutico Peña Villamarín , criados na súa casa de Nullán-Bóveda, e outro de don Froilán Ares, veciño do Corgo.Un dos primeiros de cor vermella clara, de 30 meses, seis cuartas e seis polegadas e media de altura, e medio sangue suizo , obtivo o premio así como unha pequena recompensa o de Don Froilán Ares que o Xuri acordóu do seu peito, para que non resultase desairado un animal que tamén reunía boas condicións.,
Segundo tiven ocasión de me enterar parece ser que os touros do Sr. Peña foron recoñecidos polo veterinario Sr. San Román como encargado da Comisión provincial , polo interese da Excma. Deputación para que adquiran touros sementáis para distribuilos por todas as cabezas de partido.
¡ Canto tería mellorado a raza de levar adiante tan feliz pensamento, e se en cada partido xudicial se poidera contar cun touro semental como os do Sr. Peña ! ¡ Era bon o proxecto e por iso non pasóu de tal !.
O gado premiado percorréu ás cinco da tarde polas rúas , locindo fitas e moñas, pensando os concorrentes , no 6 de outubro, para que a festa se repita.
De Vde, afectísimo- O Correspondente
**********************************************************************************+ ( EL REGIONAL, 6.10.1890 )
A Provincia
Malia ter sido día festivo o anterior e coincidindo coas festas de San Froilán m a nova feira creada en Sárria, que tivo lugar o 6 do actual, estivo relativamente concorrida dabondo e fixéronse transacións concedéndosee ou adxudicándose os premios ofrecidos polo Concello , previo dictame do Xuri na dita feira , aos gados seguintes:
Como mellor macho, o de D. Xoán Guitián, alcalde do distrito do Incio, cor negra, da estatura de un metro e trinta e cinco centímetros, de tres anos de idade, coa cantidade de 20 pesetas.
Como mellor poldra , a de D. Antonio López Díaz , de Pintín, en Santo Estevo de Calvor, cor negra, da estatura de un metro quince centímetros, da idade de 3 anos , coa cantidade de 25 pesetas.
Como mellor asno, o de D, Antonio Saco, de Santa María de Góo, cor torda, da estatura de un metro quince centímetros e da idade de 3 anos, coa cantidade de 15 pesetas.
Como mellor touro semental , o de Don Xoán González Castro, de Santa María de Corvelle, cor castaña, da idade de 3 anos, e da estatura de un metro vinte e cinco centímetros, coa cantidade de 25 pesetas.
Como mellor porca con cría , a de Don Froilán Cabarcos, de Sárria, cor branca , con oito recos, coa cantidade de 5 pesetas.
Como somellor porca con cría, a de Don Agostiño García , de Sárria, cor branca, con sete marranquelo, cantidade 2,50 pesetas.
Como somellor parella de bois a de Don Gabriel Díaz Saco de San Sadurniño de Ferreiros, cor castaña. da alzada de un metro trinta centímetros , de catro anos de idade.
Como mellor parella de bois a dos señores da Casa de Somoza , de San Martiño do Río, que ten o seu casar de Vila de Tres , cor negra , de tres anos de idade, da estatura de un metro trinta e seis centímetros , coa cantidade de 10 pesetas.
Como mellor vaca de leite a de Don Antonio López Barrio. de San Xoán de Fafián, cor castaña clara, de sete anos e de alzada de un metro once centímetros, con unha cría, coa cantidade de 5 pesetas.
Como sumellor vaca de leite , a de don Xosé López, de Santiago de Faerbán , cor vermella, de sete anos de idade, estatura de un metro dez centímetros coa cantidade de cinco pesetas.
Como mellor égoa, con cría, , a de Don Luis Iglesias Labarta , de Sárria, cor negra, de oito anos de idade, e de altura de un metro trinta e cinco centímetros , coa cantidade de 7,50 pesetas.
Como sumellor égoa con cría , a de Dona Manuela García , de San Martiño de Oleiros, cor castaña, da idade de tres anos e de alzada de un metro trinta e cinco centímetros , coa cantidade de 4 pesetas.
Como mellor cría mular , a de Don Xosé Pérez, de Santa María de Corvelle, cor castaña escura, da idade de cinco meses e da estatura de un metro trinta centímetros , coa cantidade de 5 pesetas.
Como sumellor cría mular, a de Don Manuel López, de Morgade , en San Salvador da Pinza . caseiro de Don Xosé López Souto-Novo , cor castaña , da estatura de un metro vinte centímetros , coa cantidade de 4 pesetas.
Como sumellor tenreira , a de Don Domigos Antonio Martínez , de Santiago de Barbadelo, cor vermella, da idade de dez meses e a estatura de un metro, coa cantidade de 2 pesetas.
O Xuri tendo en conta tamén as condicións que reunía a mula de Don Camilo Sánchez, veciño de San Vicenzo de Rubián , da estatura de un metro cuarenta centímetros , cor castaña escura e da idade de catro anos , adxudicaron un premio de 10 pesetas.
E ademáis concedeuse outro premio especial debido a un donativo feito polo comerciante Don Matías Vázquez, o porco de Dona Xosefa Castro,, de Sárria, branco e negro, consistindo o dito premio de 5 pesetas,
**************************************************************************************
Comentarios
Publicar un comentario