FESTAS DO SAN XOÁN DE SÁRRIA ( 1910 ) ( 611 )

                                          FESTAS DO SAN XOÁN DE SÁRRIA  ( 1910 )                      (  611 )

( EL NORTE DE GALICIA, 30.06.1910 )

                                                        DESDE SÁRRIA

                                                 AS FESTAS DE SÁRRIA

SÁRRIA.-  Esta pintoresca vila  que anos atrás celebraba as grandes festas  do San Xoán, pasóu  algúns anos sen que nada extraordinario nela  ocorrese neste dia do mes de xuño , mais aló  polos anos 1905,  1896 e 1907  volvéu a haber as grandes festas .¡ Que paseos ! ¡ Que bailes ! , pero así  como aqueles anos  estaba todo animado., así despóis trascorreron os 1908 , 1909,   sen que  se notara noutra cousa, que nos aldeáns  que por non perderern costumes antigos , aquel día viñan a Sárria.

Non acontecñeu isto neste ano, pois debido a algúns mozos desta localidade  volvénse a organizar  en parte as antigas festas ; pois xa onte DIA  23  ás  tres da tarde , o espazo víase invadido  por multitude  de ventos  mentres as rúas  eran tomadas ao asalto  polos XIGANTES E CABEZUDOS  seguidos  por uns afamados GAITEIROS DA RÚA PETÍN, que  constituían a delicia  dos  xoves e pola  laureada música  do inmediato pobo de FARBÁN  que tocando algunhas pezas do seu   variado repertorio animaba a esta pintoresca  vila. . Ás 9  comezóu  unha animada VERBENA  na praza de D. Xoán María López , que ás 10 víase completamente invadida  pola xente  moza  senón  dos pobos inmediatos  ; a praza  estaba  alumeada  por multitude de faroliños  de papel , e colocados  por varios xoves  e cuxa colocación amosaron  ter bon gusto ; ás  11 comezóu o FOGO  feito expresamente  para a dita festa  por un afamado piroténico  e de vez en cando  vían polos aires  bonitos globos  que se elevaban  até perderense de vista  ;  en fin, podemos dicir  que están de noraboa  pois verbenas á  veneciana  como as  da outra noite , poucas se viron neste pobo  e que se alongóu  até as 2 da madrugada.

Ás 4 da mañá do DÍA 24  as músicas percorrían as rúas  tocando alegres  alboradas  e varias bombas reáis  espertaron aos pacñificos habitantes . Ás 8   volveron a deixaren  ouvir  os seus acordes  as músicas  e logo adicáronse a  daren concertos    diante das casas   onde había ( celebraban) algún santo. 

Ás 11  comezóu a MISA CANTADA   que foi a toda orquestra  e na que vin a case todo este relixioso pobo. Ás 12  saíu a PROCISIÓN  que percorréu as rúas de costume e entrando  nas igrexas e capelas  de anos anteriores  que todas elas estaban profusamente adornadas,  Non houbo PASEO DE MODA por ser tarde  cando se retiróu a procisión , pero en troques  pola tarde a praza  chea de xente cobizosa  de se divertiren e de ouviren o CONCERTO  das bandas , que resultóu moi ben  e no intermedio   luciu as súas habilidades  o afamado  PIROTECNICO  encargado do fogo ,

Fagamos  votos  para que en cada ano  vaian estas festas resultando mellor e se a este paso  seguimos chegaremos dentro de poucos anos ao cume dos festexos.

                                                                                         ( O Correspondente )