O SAN XOÁN DAS MULLERES . SÁRRIA ( 1963 ) ( 571 )

                                        FESTAS DO SAN XOÁN DE SÁRRIA ( 1963 )               ( 571 )

                                              ( As Festas da " Comisión das Mulleres )

                    TRADICIONÁIS FESTAS  PATRONÁIS DE SAN XOÁN.-   SÁRRIA.- ANO 1963

                                                 PROGRAMA DE FESTEXOS

DOMINGO 23.- Ás 5 : 30 , no Campo das Insuas,  grande partido de fútbol, disputando o tradicional Trofeo "SAN XOÁN", entre os equipos C.D. Lugo e Sárria F.C.

Ás 7 da tarde, disparo de bombas , repenique de campás  e desfile das agrupacións musicáis  polas rúas da vila , anunciarán o comezo dos festexos.

Ás 8 : 30, festa popular nas prazas de D. Xoán María López e do Concello.

Ás 11 da noite, comezará  a primeira GRANDE VERBENA  nas prazas de D. Xoán María López e do Concello.

LUNS 24.-  Ás 9 da mañá, dianas e alboradas  seguidas de desfile das agrupacións musicáis.

Ás doce MISA SOLEMNE na Igrexa Parroquial de Santa Mariña ,presidida polas autoridades. De seguido PROCISIÓN do Santo Padrón, que percorrerá o itinerario de costume.

Ás 13,  CONCERTO  a cargo da Banda de Música.

Ás 19:30, FESTA POPULAR nas citadas prazas.

Ás 23,  segunda  MONUMENTAL VERBENA  nas prazas sinaladas.

Á 1 da madrugada,  grande sesión de artísticos fogos de artificio.

MARTES 25.- Ás 9 da mañá , dianas e alboradas e grande disparo de bombas.

Ás 13,  CONCERTO MUSICAL na Praia do Chanto e na rúa  Matías  López.

Pola tarde,  GRANDE FESTA POPULAR  na Pista do Chanto  e na rúa Matías López.

Ás 11 da noite, rematarán os festexos  despóis da TERCEIRA  E DERRADEIRA VERBENA  na rúa Matías López.

GUIÓN :  Unha grande banda de música.- Orquestra " Míllara " do Carballiño.-  Orquestgra " Rambalts" de Betanzos.- Quinteto Rexional " Muradelle" de Chantada.

ALUMEADO:  Franjo, de Monforte de Lemos.

PIROTÉCNICO : Álvarez Cabo, de Chantada.

ORGANIZACIÓN:   A COMISIÓN FEMININA  DE FESTAS DE 1963.

( EL PROGRESO, 26.06.1963 ).- HOXE CONTINÚAN OS FESTEXOS EN SÁRRIA.- Dado o bon suceso alcanzado polas festas patronáis   desta vila e o grande ambiente   que as rodeóu , no día de hoxe prolongaranse os festexos , téndose disposta a celebración  dun "asalto"  pola tarde  e unha verbena pola  noite. Estes dous festexos  serán  amenizados pola Orquestra " Millara",

                                     ....................................................................

               Diante das dificultades xurdidas para facer unha Comisión de Festas, por  rexeitalo ramistas de anos anteriores e  non apareceren  novos interesados , e  ao non tomar decisión ao respecto nin o Alcalde nin os concelleiros,  poucos días antes da data do Día do Padrón, un grupo de mulleres asumiu a responsabilidade de organizaren tres días de festa , de baixo perfil, porque as agrupacións musicáis  destacadas xa foran chamadas para outras  localidades.

Activas á hora de  formaren a  Comisión  foron  Clementina López-Acevedo ( " Tinita Acevedo", farmacéutica e a súa viciña Olga López Cisneros (  da tenda " Los Americanos " ) que con outras féminas percorreron as rúas e casas da vila solicitando as aportacións económicas dos sarriaos.

O curto espazo de tempo de que dispuxeron impediu que se poidese editar  un Programa con textos e publicidade e só  conseguiron editar un diptico en cartulina  con debuxos siluetados  de Avari , tomados  de programas anteriores, editado por R. Cabañas- Sárria, que no  reverso  incluiu un debuxo   do escudo do Concello, entón en uso, con coroa marquesal.

*************************************************************************************

                                                " O SAN XOÁN DAS MULLERES"

(  EL PROGRESO,   20.04.1963 ).- DAS FESTAS PATRONÁIS.-  En  relación co apremiente tema  das nosas  Festas Patronáis   deuse a coñecer  o seguinte  comunicado  por parte do Alcalde:

                                                      O ALCALDE  DE SÁRRIA

                                                              FAI    SABER

Dende hai longos anos as Festas Patronáis  de San Xoán , veñen sendo organizandk  xeralmente por  unha Comisión Oficial, constituids polas  mesmas persoas  ou con moi lixeiras  variacións.

 Esta  continuidade  constitúe unha gravosa e molesta carga para os comisionados  é un obstáculo para que xurdan novas iniciativas , o redunda  en perxuizo da  brillantez dos festexos.

En atención a   estas razóns , esta Alcaldía  decidiu non constiuir  no sucesivo a Comisión Oficial de Festas, deben seren organizadas  por Comisión con carácter privado, formada por aquelas persoas  que pola sua afeizón  e aptitude  desexen integrárense nela.

O que se fai publico coa fin de que as persoas interesadas  nisto , poidan constuiren  co apoio moral  a Comisión organizadora das vindeiras Festas , unha vez obteña  a aprobación municipal , contará co apoio  moral e económico  do Concello , e recibirá  os antecedentes  conservados da organización de pasadas Festas  , coa fin de   facilitarlle o seu labor.

                                                       Sárria, abril de 1963

                                                          O Alcalde

                                                Xabier Lólpez-Acevedo López

Como se pode ver  a porta queda aberta  para aqueles  que  desexen organizaren  unhas grandes festas  de San Xoán.   Co comunicado  que se nos fai non renuncia o Concello  á realización delas , senón  que quere  ser relevado do peso de  formar  Comisión Oficial ,  querendo que se forme   con nova vitalidade  unha   Comisión que nos proporcione  uns festexos dignos  de seren os patronáis da nosa vila. a cuxos  organizadores  prestará   a súa máxima axuda en todo.

A todo isto  nós preguntamps , ¿ formarase a Comisión ?, sería laentable   que por falla de ánimos   ninguén se decidise  a afrontaren  este traballo  na honra de Sárria; temos esta dúbida  por anos anteriores ,  e  a  última hora todo son queixas, " parece mentira que Sárria quede sen festas " ou " Vaia Festas Patronáis, un desastre ! "  ¿ Ocorrerá  este ano o mesmo ?, queremos crer que non. Todos os sarriaos  temps a palabra, agardamos dende aquí   podermos dicir : a Comisión está formada . É o primeiro parso que urxe dar.

                                      J.R.T.     ( Xosé Rodríguez Trebolle )

                                        ...................................................................

( EL PROGRESO, 4.06.1963 ).-  COMENTARIOS.- ¿ E das Festas ?....  Sen Come ntantario.  Despóis de moitos anos  e ininterrompidas  Festas Patronáis .... Cecáis quedaremos sen elas ... Sen Comentarios.                                    

Corre o rusmusmús  de que  a inauguración oficial  da Praia Fluvial se vai facer  nas Festas... ¡ ? ! .  Aquí outro comentario . ¿ Non sería  unha excelente  inauguración  facéndoa coincidir  cos actos das IX Xornadas Literarias , asistindo  os escritores á inauguración  oficial ?. En todas as vilas  por onde van pasar  as persoas das IX  Xornadas preparan  actos na súa honra , para así tomar contacto con ela . ¿ Sárria non o vai facer ?.- TREBOLLE.

                                                   ..............................................

(  EL PROGRESO,  14.06,1963  ).-   O SAN XOÁN.-  Sárria non pode quedar sen festas . Sárria  e Vilalba  son dúas vilas provinciáis de  grande tradición festeira.  Distantes as dúas  os mesmos quilómetros  da capital os  seus festexos poderemos consideralos  tan lugueses  como o son  os do Corpus e os do San Froilán.

En xuño polo San Xoán  e en agosto polo San Ramón  concéntranse nestes pobos, - concentrámonos - , grande número  de lucenses , porque   as súas festas  soen seren cita fixa  de amigos, de "forasteiros da casa ", prontos a se sentaren diante das viandas  servidas en mesa grande , chea de  apetecidos  e suculentos pratos  enxebres...

Só isto abondaría  para xustificar a efeméride  dunhas visitas non  por agardadas  menos sentidas  e gratas  para os oriundos . Porén logo está o programa , que dentro do tipismo  desta nosa terra , sempre ofrece números interesantes  de entre os que para a maioría , en lembranza aos anos mozos , destacan as populares   verbenas e  " as  fogueiras  de San Xoán ".  Aquelas, as verbenas ,  auténtico formigar  de parellas mozas  e bulidoras , entusiastas e ledas, que poñen especial selo de  corido a estes bailes  noitaregos ao ar libre  que, en Sárria e en Vilalba, sempre nos paran a repararmos   no segredo do seu bon suceso.

Da branca vila sarriá  chegan agora  precisamente a nova , información apreciada,  na que  nos participan  que o Concello  por decisión do seu alcalde  e Corporación  deixarán de afrontaren  a organización dos festexos  na honra de San Xoán .  Disolvida  a Comisión por medio dun Bamdo municipal , advertindo á veciñanza  que, aínda  desentendéndose da tal misión , a alcaldía  apoiaría  moral e económicamente  aos homes  que asuman  a pouco grata , mais interesante , tarefa  de ofreceren  a Sárria  un programa de festas  á par  co prestixio  que sempre tiveron  estas  do mes de xuño.

Na actualidade falan de  que os   barrios , cada un pola súa conta,  tencionarían  celebraren   nas súas respetivas zonas "algo "  que  manteña o "fogo festeiro"  deste pobo lugués  polos seus catro costados  xa que, como ningún, o seu partido  estrema polos seus " catro puntos "  con  terras provinciáis.

Este intento que polo menos  supoñerá non deixar a Sárria sen  a   súa máis característica festa aneira  , debe porén  outras miras , outros horizontes  porque a nada práctico   conducirá o  crear rivalidade  entre os barrios, antagonismos, nin desexos  de que os de San Lázaro  eclipsen  aos da Estación, por exemplo. A veciñanza  , o comerzo, a industria , deben de reacionar  inmediatamente  ,  pois aínda hai tempo para non "romperen " a tradición  e lograr  constituiren  unha comisión única  que saiba manter o pulo prestixioso  do "San Xoán".

A unión fai a  forza, e en Sárria precisamente  existe  unha popular  sociedade   que ostenta o nome de "La Unión" , como símbolo  desta unidade   que hoxe pedimos   aos habitantes  da vila para que  non queden sen as súas festas.

Permitanme hoxe chamar a velaren  polo seu prestixio na orde festeira  , que tamén prestixia ao pobo , e entre eles  o seu alcalde don Xabier L.  Acevedo López, que estamos seguros  fará o posible   por brindarlle á comisión  que agora xurda , esa axuda moral , esa axuda  moral e economía  ofrecida  e que tamén  agardamos  sexa  tan ampla e xenerosa como a  empresa   de manter o San Xoán merece.

Os lucenses  que sempre nos achegamos a Sárria por estas datas,  confiamos poder seguirmos facéndoo  para confratennizarmos   coas súas xentes alegres  e agasalleiros que saben  superaren estes momentos  de desconcerto  e en poucos días organizaren  un bon programa no que non fallen  as monumentáis " fogueiras"  que anuncian o " día  grande"-

                                                           XANDRO-ALISO

                                       ...................................................................

(  EL PROGRESO , 19.06, 1963).- BOA MARCHA DAS FESTAS

Foi acollida con grande entusiasmo a iniciativa das belezas  sarriáa, levando a marchas forzadas a organización dos festexos de San Xoán deste ano.

Non temos dúbida  do bon suceso que alcanzarán   estas sarriás  " de pura cepa" , malia ao pouco tempo do que  dispoñen.

Esta embaixada da beleza e  a alegría, que é a comisión de festas deste ano   encontróu ben disposto o ánimo  de colaboración  na parte  da vila.

Hoxe  darémoslles máis información  referente  ao programa de festexos  . Haberá festas os días 23, 24 e 25 coa participación dunha grande Banda de música e afamadas orquestras que  amenizarán  bailes de tarde e noite.

Coas listas de doantes  informarémolos  ao seu tempo  do programa completo.

Só pedimos  que todos respondan  como merece á Comisión  máis entusiasta de cantas tivemos , xa que  non hai que  esquecer que está  integrada polo sexo débil ( ¿ ). TREBOLLE.                                                     ...................................................................

( EL PROGRESO, 22,06.1963 )  SOCIEDADE " LA UNIÓN".

SÁRRIA.- Coa ocasión da inauguración  da actual tempada de verán  celebraranse no seu magnífico Parque  as seguintes festas.  DIA 23.-  Cea  Americana seguida de baile. DIA 24.- Tarde : Te Baile. Noite: Grande Verbena.

¡ Forasteiros !. Visítennos nestes días  e pasarán entre nós  unhas horas  deliciosas !

                                          ............................................................... 

( EL PROGRESO ,  23.06.1963 ).- AS FESTAS DE SAN XOÁN .-

Hoxe  comezan  a se celebrar  en Sárria,  a vila capital  dunha ampla  comarca  campesía,  as súas renomeadas  e alegres festas de San Xoán,  que no seu primeiro día vanse rexir polo  seguinte programa:

Ás 9 : 30  da mañá, dianas e alboradas. Ás 5 : 30 , partido de fútbol  entre o CD Lugo e o Sárria FC, en disputa do  trofeu  San Xoán. Polo serán, festa nas Prazas do Concello e de Xoán María López. Ás 11:30 da noite primeira Grande Verbena  nas prazas citadas.

Son xa moitas as persoas   chegadas a Sárria  para pasaren uns inesquecibles  días   de animada divertición  e regocixo. A todas elas  e aos que nestes días nos visitan , enviámoslles  o máis cordial   saúdo de  benvida.

                                              .....................................................

( EL PROGRESO, 25.06.1964 ).- ULTIMO DÍA DAS FESTAS DE SAN XOÁN..

As animadas festas  que comezaron o domingo  na nosa vila , acomodaranse hoxe, derradeiro día dos festexos , ao seguinte programa:

Ás 9 da mañá, dianas e alboradas  e grande disparo de bombas.- Ás 13, concerto musical  na Praia Fluvial.-  Pola tarde, grande festa popular na pista da Praia Fluvial  e na rúa Matías López.- Ás 11 da noite  rematarán os festexos despóis da Terceira Grande Verbena , na rúa Matías López.

Os festexos estarán amenizados  polas seguintes agrupacións musicáis:  Umha grande Banda de Música;  Orquestra "Rambalts" de Betanzos  ; Quinteto Rexional " Muradelle" de Chantada.

O alumeado a cargo de "Iluminaciones Franjo" de Monforte : Pirotecnia: "Álvarez Cabo" de Chantada- Organización : A Comisión de Festas de 1963.

Esforzo digno de mención  foi  este de realizaren  en 7 días  , o que  necesita como mínimo dous meses ,  a organización dunhas festas patronáis . A nosa noraboa  ás señoras e señoritas  que o realizaron.

Os moi amigos de criticaren terán moito campo para iso, mais  dense conta  que son os menos indicados  para facelo , dado que   cecáis eles " se lavaron as mans"  cando  estaban a tempo de organizaren eles  unhas grandiosas festas ,- pro coa lingua e non co esforzo   que todo traballo require - . Así que    o mellor que se pode facer  é corrixir  a nosa propensión  a  todo está mal e colaborar  en que todo se faga mellor.

Seguramente  o vindeiro ano  estarán máis dispostos os ánimos  para organizar as festas  con tempo suficiente , vivamente o desexamos.

Dado o pouco tempo dispoñible  non poidemos  darlles as listas  de doazóns , farémolo brevemente.

Ë de destacar a   máxima axuda  que a Comisión recibiu  da maioría  dos bons sarriaos , así  como  lamentable a actitude  de parte dalgúns deles.

Só nos resta  por  dicir " moitas grazas a todos "  en nome  da Comisión  Feminina. TREBOLLE

                                     SARRIANAS- SARRIANAS

 Pensabamos  que neste ano íase a romper a  tradición  deixando sen festas   ao seu Padrón San Xoán. Desinterese, abulia e taraxia  dos varóns  que desoindo  os chamamentos do Alcalde , preferiron non se organizaren   e seguien esmorecendo   e facendo a sesta  nun " laissez faire, laissez passer", pasiva  ma mocedade actual  , que no é máis que un arremedo  dos post-románticos   do pasado século mais trasnoitado,  xorde   un destacado  grupo  de señoras e señoritas  animosas   e decidiron      supliren   a misión  que aos homes incumbía.

O tal grupo feminino  foi recibido  en todos os fogares  , establecementos e industrias , coa maior cordialidade  e simpatía, agás nun deles, que fixo de ovella negra  neste rabaño  sen mácula .

A cuestación é superior á de pasados anos . O programa fíxose sobre a marcha  : Misa  Solemne e Procisión , romerías na Praza  e nos barrios, verbenas típicas, gaitas que precederán a San Xoán,   Banda de música , Orquestra,  concerto,  festival  na magnífica Praia Fluvial  de " O Chanto" , fogos de artificio , competicións deportivas , bailes nas sociedades, etc, etc,  . En fin, tres días nos que continos festiváis  se suceden ininterrumpidamente  e que Sárria ofrece coa mellor satisfación a cantos forasteiros  a visitan.

E todo isto, grazas ao entusiasmo  e  estrema  feminidade activa do grupo  de señoras e señoritas que suplindo  aos omisos, déronlles unha lección, organizando elas soas tan brillantes festiváis.

É de supoñer   que pola Corporación Municipal  e a súa Presidenza na vindeira sesión se faga unha mención  de agradecemento  a este grupo feminino , distinguindo  ás súas compoñentes como SARRIÁS- SARRIÁS , o mesmo que din Café-Café.                ROCA                   

                                     .................................................................  

                                        PRAIA FLUVIAL DO CHANTO 

Coincidindo coas FESTAS DO SAN XOÁN, na alcaldía de  XABIER LÓPEZ-ACEVEDO LÓPEZ produciuse a  inauguración oficial da PRAIA FLUVIAL DO CHANTO ( Praia Municipal ) na que por vez primeira  se celebraron romaría e baile  o día 25 , na pista  que ali se fixo.

                                          .........................................................

               APORTACIÓNS  DA VECIÑANZA PARA AS FESTAS DO SAN XOÁN

En poucos días, nun labor que normalmente comezaba meses antes do San Xoán , a Comisión das Mulleres reuniron , pedindo polas rúas e establecementos  da vila,  un total  de 55.770  pesetas.  Foi o sistema seguido por décadas até que o Concello acabóu tomando a obriga de  correr co gasto todo da organización das festas.

Recollemos unha relación  dos doantes e cantidades aportadas, que se publicóu no diario lucense  EL PROGRESO  , segundo cantidades, que permite medir  a xenerosidade dos sarriaos .  Os aportantes de 300 e máis pesetas foron un total de   41 , e deron 15.625 pesetas,  cantidade que representóu un 28 % do orzamento festeiro.     As aportacións de 10 e 5 pesetas, feitas por  37  persoas humildes, de moi escasos recursos, alcanzaro un total de  330 pesetas. 

( EL PROGRESO, 28.06,1963,  4.07.1963, 18.07.1943  )

MAIORES  APORTACIÓNS :  Pedro Díaz .Bar Avenida- Taxi , 1.000 ;....  Manuel Pardo,( Industrial )  800 ;....Banco Pastor, 600 ;Banco da Coruña, 600 ;  ....Almacéns Cortiñas, 525 ;  .....Confitería Matías Loureiro, 500 ; Basilio Barreal ( fábrica de galletas ) , 500 ; Almacéns  Celta  ( materiáis construción ) , 500 ;  Sociedade La Unión, 500 ; Notarios, 500 ; ....Ferretería Daniel Vera, 350 ; . Confitería Fulxencio , 350 ;  Bar Pote, 350 ;  Panadería Barreiros, 350 ; Pedro Viñas( materiáis  construción ),  350 ; Fernando Taboada ( propietario ) , 350 ;   ...Antonio López- Vilaesteva-,( tenda alimentación )  300 ;  Bar Tapas , 300 ;  Dores López Melle, 300 ;  Academia Felipe II, 300 ;  Xosé Viñas López ( administración lotaría, estanco, almacén ) , 300 ;  Antonio Peña Villamarín- farmacéutico- , 300 ; Tostadeiro de Café  Pote, 300 ; Xabier Saco Rivera ( propietrio ), 300 ; Bar Cepa, 300 ; Farmacia Moderna, 300 ; Luis López Valcárcel, ( médico ), 300 ;  Almacéns Santiago ( tecidos e calzados ), 300 ;Martiño Balboa ( fábrica de mobles ) , 300 ;  Manuel Gallego ( ambigú de A Unión ) , 300 ;  Casa Zaera ( antiga ), 300 ; Fonda Sierra, 300 ;  A Ribereña ( estanco, bar, comidas ), 300 ;  Xosé Páramo ( carniceiro ), 300 ; Banco Hispano Americano, 300 ;   Laureano Álvarez Armada. 300 ( médico ) ; Ermesto López-Acevedo(  alcalde, avogado ) , 300 ;  Ernesto López Acevedo  ( enxeneiro ), 300 ; Ambigú do Chanto, 300 ;  Venancio L. Hospido ( fábrica de galletas ) , 300 ;Panadaría Pallares, 300 ;

                                         PEQUENAS APORTACIÓNS

 Pilar Pallares, 10 ;  Viuva de Manuel Díaz, 10 ; Roxelio Vilela, 10 ; Manuel Iglesias, 10 ;Viuva de Manuel  Vázquez, 10 ;  Faustina Lois, 10 ;  Viuva de Gonzalo Vázquez, 10; Zapateiro Peto, 10 ; Xosé Nieto, 10 ; Francisco Quiñones, 10 ; Vicenzo Rodríguez, 10 ;  Un forasteiro , 10 ; Xosé Blanco, 10 ; Manuel Valcárcel , 10 ; Valentín Pérez, 10 ; Carme Díaz, 10 ; Ramón González, 10 ; Xosé López, 10 ; Aurora Fernández, 10 ;  Xoán Bautista, 10 ; Genaro Valcárcel, 10 , Daniel Díaz e Antonio Díaz, 10 ;  Adita González, 10 ;  Amador López, 10 ;  Luz Gutiérrez, 10 ;  Francisco Vázquez, 10 ;   Xosé López, 10 ; Aurora Cabarcos, 10 ;  Luis López Vázquez, 10 ;  .... Ramón Vaquero, 5 ;  María de Siro, 5 ; Xulio López Campo, 5 ;  Luis López, 5 ;  Carmen Fernández, 5; Petra Carrera, 5 ; Un doante, 5;Un forasteiro, 5 . 

TOTAL APORTADO PARA AS FESTAS ( 1963 ). 55.750 pesetas.

..............................................................................................................................................................