XORNADAS GASTRONÓMICAS DO PORCO ( SÁRRIA ) ( 564 )

                                             XORNADAS GASTRONÓMICAS  DO PORCO( SÁRRIA )  ( 564 )

                                                                  MEIGAS E TRASGOS

VII  XORNADAS GASTRONÓMICAS  DO PORCO. TERRA DE SÁRRIA. 19,    20  e 21 de febreiro 1993. 27: Xornada da clausura.

                                                                  UN SAÚDO

Neste Ano Xacobeo as Xornadas Gastronómicas  do Porco " Terra de Sárria ", chegan á súa séptima edición-

Hai que felicitar aos organizadores e colaboradores deste evento, pola ilusión  que no seu labor poñlen, e porque o seu esforzo contribúen a potencuar  os produtos da bisbarra, e a dar espallamento  ao ben facer  dunha hostalaría  que ten como distintivo ofrecer calidade.

 Sabemos que é pouco doado  levar adianet  esta programación, e que teñen os seus organizadores plans  para unha maior potenciación das Xornadas.

Todos queremos  que ano tras ano, se é posible, se chegue a novas metas. Para iso haberá sempre o apoio das institucións,

Quero desexarller  a quen nos visiten neste días unha feliz estancia entre nós , e recomendarlles  complementen   as horas de mesa e mantel , con visitas  ao Mosteiro de Samos, ao Val do Incio, a ÑLouzara ou ás fermosas igrexas románicas  da comarca.

Aquí nesta Galicia interior  tan pouco coñecida acharedes unha xente acolledora, unha paisaxde insospeitada  e horas para o lecer.

                                                              Arturo Corral Guitián  

                                                               Alcalde de Sárria

...................................................................................................................................................................... 

                               ¡ TILIN, TILIN, ANDAMOS CO PELEGRÍN !

Dende o Cebreiro baixando /  ven de vagar Pelegrín /  e eu coido para min /  que baixa ledo, cantando , /   un bon xantar  agardando, / e connosco aquí  o veremos  / nas Xornados que temos  / na honra de  de San Bandullo, / e senón, cun estadullo,/ unha malla lle metemos.

A cantos con el camiñan , / logo de pasa-las serras  / co agariumo das xerras , /  os ollos lles aloumiñan, / er aquela fame que tiñan  / por estas terras ben matan /  tan axiña coma catan / de nabizas caldo quente  / ou cocidiño con dente / que ledas horas  desatan.

¿ Que dicir dunha empanada  / sexa de  raxo  ou de zorza , /  que aos espiritos forza, / en dixestión controlada , / á meditación sublimada, / e vai en combinación / co moi sabroso lacón  / ou cun preciado  botelo ,( que sorte chegar a velo ) / , a chourizo a cachón ?.

Pelegrín e a súa compaña / con queixo e freixós mantidos, / en pouco gasto metidos / como quen vai de campaña., / hanse de dar ben a maña / coas moi sabedas  orellas, / e vexo eu, abofellas , / que non lle han dicir  que non / a un anaco de roscón / e ao moi  doce mel de abellas.

Peregrinos  das lareiras /nós de peregrinos vamos /,  uns imos  aló pra Samos, / coma  xentes lambeteiras  / e outros, por estas xeiras, / teñen en Sárria estación, / facnedo aquí expiación /  a mesa e mantel servidos / pois son deles ben queridos / os chourizos e o xamón.

                                            X.F.L.A.

..................................................................................................................................................................... 

VENRES, 19.- Caldo de nabizas. Lacón con grelos. Queixo do país.Marmelo. Viño do país, café e augardente ( 1.100 pesetas ).

SÁBADO, 20.-   Caldo de costelas. Empanada de zorza. Freixós con nata e mel. Viño do país, café e augardente  (1.100 pesetas ).

DOMINGO , 21.- Sopa de cocido.  Cocido galego. Filloas. Viño do país, café  e augardente ( 1.400 pesetas)

SÁBADO. 27.- Xornada de  Clausura.

.................................................................................................................................................................... 

HORRIBLE CRIME COMETIDO  EN SANTALLA DE ARXEMIL NA PERSOA DUN INOCENTE  ORFO  A QUEN NINGUÉN LLE VALEU  EN TAL MALA HORA.

 En Santalla  de Arxemil, / a unha legua de Sárria , / vivía un inocentiño / que por nada protestaba ; / tiña casa ben coberta, / mantenza non lle faltaba, / xogaba canto quería, / e axiña se deitaba./ Con moito agarimo todos / do inocentiño coidaban / e el, sempre caladiño, /  co bon folgar ben medraba . /  E un día de xaneiro / cando o sol alboreaba , / entróu xente  criminal / no sitio onde el estaba , / collérono polas orellas, / ¡ Ai como el berraba ! / e riba dunha mesa longa / con grande presa o deitaban, / Aterrecido o inocente / con gran forza protestaba , / mais de nada lle valéu, / ao cravarlle  a coitelada. / Fixeron con el roxóns, e moitas máis trangalladas ,  /    que cos  inocentes bons / é co que fan lambetadas.

                                                                                         X.F.L.A.

...................................................................................................................................................................... 

                                                            ORGANIZACIÓN :

RESTAURANTE ROMA.-  Rúa Calvo Sotelo ( * Rúa da Liberdade" ) Sárria.

RESTAURANTE O MEIGALLO.- Praia do Chanto. Sárria.

RESTAURANTE SAN JUAN.- Estación de Autobuses. Sárria.

RESTAURANTE BREOGÁNS.-  Travesa Marqués de Ugena ( * Rúa Mestre Piquero) .Sárria.

RESTAURANTE O PATIO.- Castro dos Petos- Vilar de Sárria.

                                                      ORGANIZACIÓN

Meigas e Trasgos CIT                                                      Gremio de Hostalaría

                                                    COLABORAN

Concello de Sárria.- Deputación Provincial de Lugo.- Dirección Xeral de Turismo da Xunta de Galicia

                                                                              Deputación Provincial Lugo                                                                      

************************************************************************************

                                                                MEIGAS E TRASGOS

VIII XORNADAS GASTRONÓMICAS DO PORXO "TERRA DE SÁRRIA". 11,12 e 13 febreiro  1994

UN SAÚDO.-  Samos e Sárria fan posible unha nova  edición das Xornadas Gastronómicas do Porco , nunha conxunción de esforzos  que agromará  en novas iniciativas.

Toda a Comarca  ten, dende antigo, sona pola calidade dos produtos derivados dun dos nosos animáis totémicos.

As nosas feiras , as industrias cárnicas  e os establecementos hostaleiros. manteñen  unha tradición  e un nome  que sempre foron embelemáticos.

Somos unha  terra que o pouso da  Historia ten deixado formas de bon vivir  e as artes culinarias  non son alleas ao paso  e ao peso dunha  historia  compartida : Dende  as cociñas mosteiráis  aos lares  labregos, a presenza  nutricia do porco   ten feito posibles moitas das mellores horas. E nese camiño seguimos.

A  vila de Sárria ,  que neste ano anda a celebrar  o seu Oitavo Centenario, e a vila de Samos. onde o mosteiro bieito  escribiu moitas  das mellores pàxinas  do noso pasado  , ábrense para os visitantes , na seguridade  que a súa presenza  vai ter a mellor das acollidas.

Amáis de mergullarvos nos pratos  que vos ofrezan , ide na percura dalgún dos moitos  establecementos  onde o porco, con agarimo artesanal, se transforma  nas mellores vianads, e descobriredes  a mellor amostra de calidade.

                                              Saúde  e bon proveito !

                          Arturo Corral Guitián e Carlos Belón Ares

                                    Alcaldes de Sárria e Samos

....................................................................................................................................................................... 

¡ BAIXA CON PRESA A PESETA, BRINQUE O CAN, E VIVA A FESTA !

Ven a neve, baixa o frio, / e metémonos na casa / a ve-lo mundo que pasa / coa entullada dun río, /  que é mundo con moito lío, / o que nos tocóu vivir,/ mais todo non é sofrir, / que cabdo febreiro chega , / quen da tradición non renega  / a Sárria e Samos ten que ir.

Alá anden os pliticos   / con loitas e teimosías, / que son xantar dos seus días , /  e berrando apocalípticos ,/ ensarillan  rollos míticos , / mentres imos abaixando. ( e ir  imo-la andando ) ,/ festexando a entroidada / con zorza e con empanada, / e lacón que ben greleando.

En Samos ferven os potes / coas mellores  cachuchadas , / filloas  e lambetatasm / farán que a crise  non notes, / e despóis, cando ti votes, / co mellor  dos entusiasmos  / matarán entre os espasmos / da fera crise  o dragón. / que é a mellor reacción / para espanto de marasmos.

Andan por Sárria á porfía / lacón, chourizo e orella , / cousas á maneira vella, / que son a groria dun día , / e quen colesterol desafía , / con nabizas e filloas  / andará nas horas boas, / que todo non é compango, / e brincadeiras e tgango / non poden facerse soas.

Facede un alto  na vida /  que as Xornadas Gastronómicas  /  son mesmamente astronómicas /  en calidade servida , /  e coa peseta caída  / non hai mellor inversión  / que paga-la  bendición /  dos xantares que se fan /  co corpiño dun marrán /  que de neno foi leitón.

                                                         X.F.L.A.

.................................................................................................................................................................

DIA  11.-  Caldo de nabizas.- Lacón con grelos,. Queixo do paíz.-  Marmelo.- Viño do país, Café , augardente ( 950 pesetas )

DIA 12.- Caldo de costelas.- Soá e chourizo con cachelos . Freixós con nata e mel. Viño do país, café, aiugardente ( 950 pesetas ).

DÍA 13.- Sopa de cocido.- Cocido galego. Filloas. Viño do país, café , augardente ( 1.200 pesetas )

........................................................................................................................................................................

                                                          CONTIÑO

Unha vez estaba  un galego preso na cadea, naqueles tempos  en que por menos de nada pasaban a un para o outro barrio a gastos pagos. O pobre do home estaba  condeado por algo que non cometera, e como non poido dar explicación  da súa presenza " no lugar de autos" botáronlle a pena de morte.

Era o caso de que naquel país  tiñan o costume  de que se o condeado  atinaba  unha adiviña  que o rei lle propoñía podería salva-la vida.

E como era  polo tempo de Antroido m o rei matinóu en  facerlle unha presunta  ben complicada . E esta era que tiña que responder  cal era o mellor bocado  do cocho, porque se lle contestaba  unha calquera, poño por caso o fuciño, sempre podería  dicirlle  que se trabucaba, que é moito mellor  o xamón. E foi o rei e preguntoulle:

-Diga agora, meu señor,                                                                                                                               diga agora o condeado,                                                                                                                                     ¿ de todo o corpo do cocho,                                                                                                                            cal é o mellor  bocado ?

E o galego, que era moi espilido, respostoulle :

- A resposta , señor rei,                                                                                                                                   eu lla daréi de contado.                                                                                                                                     ¡ Dende  o fuciño ata o rabo,                                                                                                                           ese élle o mellor bocado ! 

E o rei tivo que ceibalo e aínda lle deu unhas moedas de ouro para o camiño. E é que os galegos dos contos sempre son máis listos ca fame.

                                                                X.F.L.A.

.............................................................................................................................................................

                                                         ORGANIZACIÓN

RESTAURANTE " ROMA".- Rúa Calvo Sotelo ( * Rúa da Liberdade* )- Sárria.

RESTAURANTE " SAN JUAN".- Estación de Autobuse. Sárria.

RESTAURANTE BREOGÁNS.-  Travesa Marqués de Ugena ( * Mestre  Piquero* ) Sárria.

RESTAURANTE A VEIGA.-  Samos.

RESTAURANTE MAR DE PLATA.- Gran Vía  27-29 . Sárria.

MESÓN  A PONTE NOVA.- Samos.

RESTAURANTE MEIGALLO.- Praia do Chanto. Sárria.

RESTAURANTE O PATIO.- Castro dos Petos- Vilar de Sárria.

Sexa cocho, sexa porco,                                                                                                               marranqueliño ou marrán,                                                                                                                           tede por certo e seguro                                                                                                                                      que á mesa o levarán                                                                                                                                        e con palabras  xeitosas                                                                                                                                      e con loubanzas fermosas                                                                                                                              todos del ben  falarán. 

                                                   DEPUTACIÓN PROVINCIAL LUGO

*************************************************************************************