A lenda do Seurro
A LENDA DO SEURRO
Escrita por Xaime Félix López Arias
- Eu quixera saber . ouh druida, a onde leva ese longo camiño que atravesa o ceo
-¿ E deixarás aos teus pais, a quentura da vosa cabana, a avenza e os risos amigos, a certidume dos albores no páramo por un incerto camiño e un destino do que nada sabemos ?
..........................................
De mañanciña voltaron ao lago, onde as primeiras raiolas xogaban coas ondiñas e co bafo cheiroso que das augas xurdía.
Ameazante , como se estives agafdando por eles, o dragón andaba fachendoso pola campa.
- Non hai outra solución que a de loitar coa fera. Este é o noso destino.- dixo Seurro-.
Falou calmoso Elarín o druida de barba branca...
- Andemos riba dos noso pasos,,,Matinemos con sosego e cando saibamos o que é preciso facer actuaremos...
.....................................................
Foi a tenacidade de Gowin quen fixo posible a seguridade de todo o clan.
- Xa o teño - dixo volvendo dun dos seus sortilexios. Que Gowin forxe unha cadea coas espadas de todos os homes.............veña, veña, axiña...............
Ninguén ouso dicir palabra, e desppis dun día de traballo o fachendoso Gowin presentoulle unha cadea de non mais de sete brazos de longo.
- Este é todo o ferro que poidemos conseguir,- disculpouse
- Con isto abonda...
Elarín tomou nas súas mans aquela feble cadea e ao seu contacto empezou a medarr no groso e na longura.
- Collèdea, mandou imperioso á xente-..........Axiña...Axiña....Axiña
Aquela máxica cadea era donda coma penuxe de paxaro. Ata un neno podería cargar con ela.
- Corramos - dixo Elarín- voltemos para o outeiro,,,,
- Facélo ricaz é cousa de todos- dixo Elarín - Ficaremos no val porque naceu do noso esforzo...
Non lonxe de alí , outro lugar onde estivo o lug sagrado que agora leva o nome de Elarín, o druida de barbas brancas, que ademáis no río Sárria deixou unha castimonia de donicelas dende sempre e agora son gardadoras das augas.
¿ E que foi da cadea ?
Inda hoxe segue forte , apreixando o corpo do dragón vencido, que ten por riba a entullada toda.
De cando en vez quere librarse da , para el , pesada cadea e axita o corpo e a cauda poderosos.
...........................................................................
E así foi, noble xuntanza de homes e mulleres libres, como polo esforzo de Seurro, Elarín e Gowin, naceron na bacía de aquel lago a fermosa veiga e a prateada serpenta viva do río Sárria. río de vida para cantos foron antes ca nós, e que debe seguir sendo río de vida para os que tras nós veñan.
Foi Seurro , o dos cabelos loiros e brazo poderoso, quen lle deu nome a esta terra, aló na noite dos tempos ..... Non chegou a ollar o morrer do sol no Mar das Tebras, mais gozou moitos anos do cantar das cotovías , do arrecendo das uces e da fartura do pan de landras....
Del e dos seus , nunha longa cadea de ho es e mulleres, vimos todos nós, ouh noble xuntanza, os que aquí estamos.
Lembrando os seus prodixiososo feitos dámoslles honra a Seurro e os seus , e tamén nos honramos nós.
...........................................
.
Escrita por Xaime Félix López Arias
.... Escoitade noble xuntanza de homes e mulleres libres o que desde a noite dos tempos resoa nas bocas dos máis coñecidos bardos : a prodixiosa loita de SEURRO , o guerreiro de cabelos loiros e brazo poderoso , que abríu esta ricaz veiga para a súa xente.
Chegado de loxíncuas terras onde a xiada e os ventos ouribios reinaban nas gándaras a poulo, Seurro e os seus camiñaron movidos por un poderoso anceio: ollar dende un outeiro a morte do sol nas ferventes augas do inmenso mar por onde navegan os temerosos monstros da noite eterna.
Moitos meses antes de descender dende as altas serras ao val vizoso estaba Seurro na compaña de Elarín, o druida, e de Verix, o prudente xefe do clan, ollando o centiliar das estrelas.
- Eu quixera saber . ouh druida, a onde leva ese longo camiño que atravesa o ceo
-Moitos, denantes ca ti, fixéronme a mesma pregunta... ese branco vieiro conduce ás terras do Cabo do Mundo, onde hai xigantescas rochas e comeza o mar das Tebras Eternas.... e moitos, denante ca ti, dixeron adeus aos seus pais e aos seus amigos e sairon na percura desas lonxanas terras....
- Hai xa moitas lúas que a idea de seguir ese camiño anda a roer nos meus miolos e me fai ferver o sangue.... xa non gosto da gándara nen do risento regueiro, nen do arrecendo das flores das uces...
-¿ E deixarás aos teus pais, a quentura da vosa cabana, a avenza e os risos amigos, a certidume dos albores no páramo por un incerto camiño e un destino do que nada sabemos ?
- Ouh druida, se tantos homes e mulleres sairon na percura do país do Cabo do Mundo e non volveron é que as meirandes felicidades alí os retiveron...
- Falas con siso, - dixo o druida- , e aínda que o meu sangue xa non ten o fervor da mocidade, e os meus azos esmorecen, tampouco quixera eu morrer sen ter feito ese camiño. Se a tantos mozos esforzados lles dei pulo , non quixera eu finar sen ollar o ferver do sol nas augas mouras nas que se apaga, para percurar a pálida luz da lúa noitarega.
E así foi como Seurro , o guerreiro de cabelos loiros e brazo poderoso, e Elarín, o bardo de ollos gazos e longas barbas brancas, matinaron en sair para o país do Cabo do Mundo...
Outros mozos e mozas, algúns aínda máis afeitos ás brincadeiras que aos perigos do descoñecido, uníronse ao seu soño, e unha mañanciña, cando o tépedo e madrugueiro sol de marzo bicaba docemente a gándara onde o lazo facía brancuxar as folliñas das bidueiras , presididos por Seurro e máis Elarín botaron a andar deixando atrás a pais acovardados e nais chorosas , e nenos que xa arelaban facer o mesmo camiño.
Longo sería de contar como por moito tempo foron camiñando por chairas sen fin, por serras inmensas , por lamacentas paraxes , tratando de que ninguén se atravesase no seu camiño.
Seurro levaba con el a "Serpenta Viva" , a espada templada por Gowin, o ferreiro, quen , fachendoso da súa obra, non quixo abandoala e tamén, no derradeiro intre, se uniu a aqueles ousados mozos e mozas que amparados na sabedoría de Elarín, o druida de barba branca , perderon a conta dos amenceres e dos solpores, porque a terra do Cabo do Mundo parecía que nunca chegaba.
Seurro era soñadpr, a valentía medraba no seu corazón e facía poderoso o seu brazo.... Elarín era a palabra , a prudencia sañida decote dos seus beizos .... e Gowin era a constancia , ninguén coma el para achar solucións sos mil problemas daquel longo camiñar.
Un día chegaron a unhas altas montañas e subiron ao bico máis áspero que dominaba un lonxano horizonte.
- " ¿ Non sentides un arrecendn quente que ven de tras daqueles outeiros lonxanos ? ¿ Non escoitades coma un marmurio dondo e feble dun ruxir de augas ? ¿ Non ollades como, no solpor, o ceo se tingue de farrapos vermellos ? .... Coido que xa estamos perto da fin do noso camiñar...- dixo o druida-,
E dos seus beizos xurdiu unha cantiga que falaba da quentura do sol nas mañás de invernía e dos herois acollidos con agarimo por donceliñas fermosas que lles entregaban ramalliños de cróqueles cando voltaban vitoriosos coas falcatas tinguidas de sangue de inimigos terribles.
E todos tres foron contestes en que baixando daquelas serras , os vales e veigas que se adiviñaban ao lonxe eran o país do Cabo do Mundo. Aquela noite homes e mulleres deixáronse vencer por un morno soño e maxinaron unha terra verde e vizosa chea de garuliños brincadores e de todas as felicidades.
Dous días despois chegaron a un grande lago de escuras augas que lles interrompía o paso, Ao lonxe , na outra beira , víase o máis fermoso dos bosques, un engaiolante tapís de grandes árbores.
"Veleí o máis fermoso dos lug, o mellor bosque sagrado onde a ánima dun druida poderá achar a felicidade eterna "- matinou Elarín-
" Non haberá mellor lugar para traballar o ferro, arrincari das penas a vea marabillosa e as árboras darán xenerosas cargas de carbón - cavilou Gowin, o ferriero-
"Boa terra é esta - dixo Seurro - boa terra para todos nós.... co meu brazo e con "Serpenta Viva " defenderei á miña xente de todos os perigos..."
"Veleí o máis fermoso dos lug, o mellor bosque sagrado onde a ánima dun druida poderá achar a felicidade eterna "- matinou Elarín-
" Non haberá mellor lugar para traballar o ferro, arrincari das penas a vea marabillosa e as árboras darán xenerosas cargas de carbón - cavilou Gowin, o ferriero-
"Boa terra é esta - dixo Seurro - boa terra para todos nós.... co meu brazo e con "Serpenta Viva " defenderei á miña xente de todos os perigos..."
Achegáronse ao grande lago de augas calmas e profundas, Non había aves no ceo, as augas negras e un mesto silenzo agoraban perigos, e noutros corazóns menos valentes cecias puxeran medo.
- Descansaremos aquí - dixo Seurro- e mañá arrodeando o lago, pasaremos á outra beira. Parece un bon lugar para establecernos.
- ¿ Ulo o solpor co grande lume morrendo nas augas doMar das Tebras ?. ¿ Esqueces cal foi a causa da longa viaxe ? . O mar non ficará lonxe , ¿ non sentides o seu arrecendo ?
- Mais se temos o verde lug que nos regala os ollos, ¿ como imos deixar que outros se adianten e o fagan seu . Tomemos posesión do bosque e dos outeiros, fagamos que sexa esta a nosa sacra terra, e día chegará no que podamos ollar o ferver do mar co sol que morre.
- A sabedoría fala pola túa boca, ouh prudente Seurro, un fermoso lug se nos anuncia, a herba sagra e miragreira que nas árbores medra prométenos boa fada ¿ Non vedes alí naquel outeiro un grande mato de prodixiosos teixos ?. Tés razón , ouh xove Seurro, fagamos que esta terra sexa nosa...
- Mañán iremos de descoberta, á man dereita semella que o lago se estreita, coma se dera nacemento a un río , percuraremos o vao e pasaremos para a outra beira.
( Cantos soños medraron nas férvidas mentes daquela xente moza !... Foi longa a noite, aínda que amencera cedo... )
..........................................
De mañanciña voltaron ao lago, onde as primeiras raiolas xogaban coas ondiñas e co bafo cheiroso que das augas xurdía.
De súpeto un terrible brado, un bruído xigante e temeroso que o invadía todo, un longo son máis medoñento ca o máis grande e temible dos tronos , rompeu a quietude do que fora o máis risento dos albores por eles coñecido....
Seurro puxo a man en "Serpenta Viva ". Gowin sentiu como o seu corazón gallopaba sen freo e Elarín, o vello druida, botou man das súas lembranzas para pescudar a que se debía tan medoñento trance.... Mais, malia aos longos anos por el vividos , nunca brado semellante escoitara.
Movidos pola curiosidade Seurro, Elarín e Gowin, depois de deixaren aos compañeiros nunha p, baixaron con cautela á beira do lago.
Había un grande silenzo. Seurro, todo valor, propuxo arrodear a ribeira pola parte onde semellaba estreitarse.
Elarín, todo prudencia, dixo : " ¿ Non vedes que non hai paxaros no ceo e que no lago non centilean os prateados corpos dos peixes ?... Todo isto pregoa un grande perigo"
Gowin aconsellou ter os ollos ben abertos...
Un novo e longo brado resoou enchéndoo todo. Semellaba que saira de riba das grandes árbores e o repetiran todos os penedos das montañas. Os tres valentes seguron, temerosos, o seu camiño..
¿ Creeredesme se vos digo que alí onde o lago remataba , xigante, botando labaradas de terrible lume un grande dragón lles pechaba o paso... ?
Poucas veeces teredes ollado máis terible besta,, Outeaba coma se adiviñase que ali mesmo, tan perto, estaban tres humanos. Daba voltas e coa súa cauda poderosa derrubaba árbores sen esforzo ningún, como quen dobla a palla centea. Era monstroso, äinda que ficaba distante varios centos de apsos, a sobra do seu corpo chegba ata onde eles estaban.
Xusto onde o lago remataba, e despois dunha fervenza pola que as augas rebordaban, nacía un río, no lugar por onde necesariamente terían que pasar para gañar a outra beira,
Ameazante , como se estives agafdando por eles, o dragón andaba fachendoso pola campa.
- Non hai outra solución que a de loitar coa fera. Este é o noso destino.- dixo Seurro-.
- Calma o teu sangue mozo, hai que traballar con xeito, Nós somos tres, ben cativos por certo, e esa fera corrupia está cegada polo furor. De nada val ser ousado se o premio vai ser unha parva morte...
Falou calmoso Elarín o druida de barba branca...
- Andemos riba dos noso pasos,,,Matinemos con sosego e cando saibamos o que é preciso facer actuaremos...
.....................................................
Foi a prudencia e sabedoría de Elarin, ouh nobre xente que me escoitades , quen logo dunha noite de velar arreo, achou a maneira de vencer ao monstro.
Foi o valor e o ousado esforzo de Seurro quen deu azos ao que parecía imposible.Foi a tenacidade de Gowin quen fixo posible a seguridade de todo o clan.
Gowin templou de novo a " Serpenta Viva " cando as primeiras raiolas do sol espallaban os seus benéficos efectos. " Será unha espada invencible, só precisará dun noble peito e dun forte brazo"
Elarín pasou a noite meditando, cos ollos pechos, subido nun penedo dende o que se ollaba a totalidade do lago..... Marmuraba pregos, esconxuraba poderes, tan axiña se voltaba en corvo , como en lobo ou maxestuoso urso, para deseguido recuperar a súa condciión humana.
- Xa o teño - dixo volvendo dun dos seus sortilexios. Que Gowin forxe unha cadea coas espadas de todos os homes.............veña, veña, axiña...............
Ninguén ouso dicir palabra, e desppis dun día de traballo o fachendoso Gowin presentoulle unha cadea de non mais de sete brazos de longo.
- Este é todo o ferro que poidemos conseguir,- disculpouse
- Con isto abonda...
Elarín tomou nas súas mans aquela feble cadea e ao seu contacto empezou a medarr no groso e na longura.
- Collèdea, mandou imperioso á xente-..........Axiña...Axiña....Axiña
Aquela máxica cadea era donda coma penuxe de paxaro. Ata un neno podería cargar con ela.
- Mañá, ao amencer , atacaremos ao monstro - dixo Elarín -, todos xuntos , e para todos haberá traballo. Ti, Seurro, sairás á campa con "Serpenta Viva " na man e berraraslle ao dragón para que te vexa---- O cheiro humano chamará a súa tención e tratrará de ir cara ti- Mantén ben alta a espada, collida coas dúas mans e por riba da túa cabeza. O brillo ha engaiolalo e coidará que tés lume no teu corpo... Despois enrtarei eu en acción, confiade en min, e cando vós vexades derrubado ao monstro, tí, Seurro, corre con presa e crávalle a espada na gorxa que é onde o seu corpo non ten dura couraza de longos espiños, e tí. Gowin , con toda a xente , cando vexades por terra ao dragón, botade riba del s grande cadea.... Deixádeme facer....
E así sucedu todo. Saíu á campa Seurro e enfrentouse ao dragón, quen lanzando fume e lume polas narigas poñia medo..
Brillaba a polida espada e o dragón detivose.... De súoeto , por tras dunhas bidueiras, viron saír a Elarín, o druida.... As súas longas barbas brancas foron mudando de cores e nun intre trasformouse nunha bulidora donicela... Correu pola campa en direción ao dragón- Impresionado pola trasformación e polo espilido andar do animaliño, esqueceu o avance cara Seurro,....., A donicela principiou un acelerado baile.. Tan axiña tiña o corpo grande como de lobo ou xovenca , como, sen mudar de figura, quedaba reducido ao tamaño dun ratiño...
O dragón estaba pampo.. A donicela bulía, brincaba, choutaba, espeliase , corría, danzaba, daba osvoltas darredor do dragón que, engaiolodo por aqueles frenéticos e insospeitados movementos, xiraba para segula cos ollos, e comma unha piola tamén dba voltas e voltas,, E así varias horas.... Só por dúas veces a donicela deu sinais de estar cansa, e por pequenos intres Elarín recuperou a súa figura humana... Secou as sudes e principiou outravolta a súa compulsiva danza....
E cando parecía que aquelo non ía ter nunca fin.... o dragón, despois de botar a súa derradeira labarada de lume xofroso, caeu tirado no chan, cun grande estrondo, coa cabeza e o longo pescozo caídos na beira da fervenza do remate do lago.
Seurro correu presuroso e fincoulle con todas as forzas a espada "Serpenta Viva" no medio e medio da gorxa...,,
Xurdíu como un grande chafarís de sangue mesta e quente, facendo regueiro e mesturosose coa auga do lago... Gowin e os homes apareceron a correr levando a cadea maxica e aferroallaron con ela á corrupia e segundo lla ían poñendo riba do caído corpo pesaba e pesaba máis e máis e non paraba de medrar o seu peso, mentres Elarín, canso polo longo traballo, seguía cos esconxuros e lles dicía como tiñan que facer o traballo que lles tocara.
O dragón queríase mover......O vermello sangue mesturado coas augas roía as penas da fervenza, convertíndoa en area e as augas do lago saían libres , sobordando as as ribeiras e as terras arrastrando a entullada.
- Corramos - dixo Elarín- voltemos para o outeiro,,,,
Homes e mulleres correron con presa, e cando desde o alto ollaron cara o lago viron como todas as augas corrían libres polo río....Facendo un bruido inmenso e arrastrando o grande corpo do dragón, a entullada abría mil camiños e máis abaixo da desaparecida ruxidoira quedou sepultado aquel xigante corpo.
Tan grande prodixio durou varios días ... As augas do lago desapareceron camiño do Mar das Tebras , e no antigo leito apareceu un grande val , unha longal chaira entre montañas , na que quedou unha prateada madre de auga.
- Facélo ricaz é cousa de todos- dixo Elarín - Ficaremos no val porque naceu do noso esforzo...
Onde quedou soterrado o corpo de lume do dragón , como lembranza daquela loita , aínda saen augas caldas xofrosas, e Céltigos se chama o lugar en recordo de Seurro e os seus compañeiros,
¿ E que foi da cadea ?
Inda hoxe segue forte , apreixando o corpo do dragón vencido, que ten por riba a entullada toda.
De cando en vez quere librarse da , para el , pesada cadea e axita o corpo e a cauda poderosos.
E é entón cando no val de Sárria treme a terra e ese tremor recórdanos que ocupamos o antigo lago , e que baixo dos alicerces mora, afortunadamente atado pola cadea máxica tecida por Gowin o ferreiro, e Elarín o druida,un monstroso dragón de irracionalidade e fereza, de cobizas e nugalla , que pode poñer en perigo canto de fermosa nos dá a vida,
...........................................................................
E así foi, noble xuntanza de homes e mulleres libres, como polo esforzo de Seurro, Elarín e Gowin, naceron na bacía de aquel lago a fermosa veiga e a prateada serpenta viva do río Sárria. río de vida para cantos foron antes ca nós, e que debe seguir sendo río de vida para os que tras nós veñan.
Foi Seurro , o dos cabelos loiros e brazo poderoso, quen lle deu nome a esta terra, aló na noite dos tempos ..... Non chegou a ollar o morrer do sol no Mar das Tebras, mais gozou moitos anos do cantar das cotovías , do arrecendo das uces e da fartura do pan de landras....
Del e dos seus , nunha longa cadea de ho es e mulleres, vimos todos nós, ouh noble xuntanza, os que aquí estamos.
Lembrando os seus prodixiososo feitos dámoslles honra a Seurro e os seus , e tamén nos honramos nós.
...........................................
( ,,,,,,,,,,,,,,,,,, Recreación literaria da coñecida lenda que conta que , ocupando a ampla Veiga de Sárria houbo hai milleiros de anos un grande lago., como , no dicir da xente, o proba que , a pouco que se cave, aparece grixo e moitos coios.
Foi escrita e cedida polo autor , para ser escenificada , á ASOCIACIÖN CULTURAL DONICELA , de Sárria, con ocasión da celebración da festa da TEBRA SEURRA ................................................)
.
Comentarios
Publicar un comentario