San Vicenzo de Froián-Sárria ( 1753 )

SAN VICENZO DE FROIÁN.

Parroquia do actual concello de Sárria (Lugo ), que formou parte das xurisdicións do Marquesado de Sárria e do Mosteiro de Samos, ata 1820.En 1840 a parte dependente de Samos integrouse no Concello de Sárria.

A parte dependente dos Marqueses de Sárria pagaba  as rendas de fanegas e servizos (  seis ferrados de centeo e  4 reais e medio en cada ano ) , e a que dependía da Abadía de Samos pagaba por loitosa una media 80 reais.

Estremas: "Principia a súa demarcación  no PORTO DA VEIGA, que se acha a Levante,  e segue de alí cara o Norte, dividindo as freguesías de Santa María e San Salvador da Pena ao MUIÑO DE PEDRO LÓPEZ, de este ao MARCO DE PEDRA TAÍDE,  de alí ao PENEDO DO PENSO  , de aquí ao PORTO DO COUSO, e segue polo sitio de BARXA ao ARROXO DA COVA.  de este a un PENEDO  que está por baixo do MONTE DO SISTO, de aquel corta polo PORTO DE REDONDELO  que está cara Poñente, ata o ARROXO DE MONELO, de alí segue coa freguesía de  de San Martiño de Loureiro, ata o PENEDO DE CASARES, de este baixa ao MUIÑO DO FERREIRO, e polo ARROXO DO BASIDEN ( ? ), ao CASTRO  e CAMIÑO DE RIBEIRAS , correspondente ao Sur , daquel vai ao sitio de TRAS AS PEDRAS, de aquí volve  estremando coa freguesía de Suñide, ao sitio chamado o REGATO, e fenece no PORTO DA VEIGA, primeira demarcación".

Estremas da parte pertencente ao Mosteiro de Samos:  " Principiando no MARCO DO SEIXOCAOS, que se acha ao Norte, que se acha ao Norte, de onde segue á CANCELA DE SAN VICENZO  e a carón da IGREXA deste nome, ao MARCO DO COUTO, de alí polo ARROXO DE MONELO  que divide da freguesía de Santo Estevo do Mato, onde fenece"

                                           VECIÑOS

01.-Eclesiástico: XOÁN PARDO RIBADENEIRA, presbítero , de  32 anos.

                                           FIDALGOS

02.-ANXO MÉNDEZ,  56 anos, casado, un fillo maior , outro menor e unha filla.

 03.-FRANCISCO TABOADA,  40 anos, casado, un irmán e un criado maiores, outros dous criados menores  e catro criadas. Polo oficio de escribano  que exercía  tiña unha utilidade de 200 reais de vellón.

04.-ANA MONTENEGRO, viuva,  ten a Manuel Pardo, fillo seu,  e outros dous maiores, unha filla , un criado maior, outro menor  e tres criadas. Polo emprego de Tenente de Xuiz que  exercía Manuel Pardo na Xurisdición de Samos, tiña unha utilidade de 50 euros.

                                          LABREGOS

05.-ANTONIO DO CURRAL.-  48 anos, casado, un fillo maior, tres fillas.

06.- ANTONIO GARCÍA.-  74 anos, casado, un fillo maior tamén casado , e dous fillos deste menores.

07.-ANTONIO DE CASTRO.- 35 anos, casado, tres fillos menores  e unha filla. Polo oficio  de xastre  que exercía a terceira parte do ano  tiña unha utilidade de 100 reais de vellón.

08.-ALONSO GONZÁLEZ.-  55 anos, casado,  catro fillos maiores e dúas fillas. Polo oficio de arrieiro  que exercía con unha cabalería , a sesta parte do ano,  tiña unha utilidade de 20 reais de vellón.

09.-DOMINGOS ANTONIO VILLANUEVA.- 40 anos, casado, dous fillos menores e dúas fillas.

10.-DOMINGOS VILACHÁ.-58 anos, casado, dous fillos maiores e catro fillas.

11.-VICENZO RODRÍGUEZ.- 54 anos, casado, un fillo maior, tres fillas.

12.-FRANCISCO RODRÍGUEZ.-60 anos, casado, dous fillos, un deles casado, e unha filla maiores.

13.-FRANCISCO LÓPEZ DO SISTO.- 70 anos, casado, un fillo maior casado, e este un fillo menor ,catro fillas.

14.- GREGORIO LÓPEZ.- 50 anos, casado, dous fillos menores e unha filla.

15.- GREGORIO  DO SISTO.- 54 anos, viuvo, un fillo maior casado,, unha filla menor.

16.-XOSÉ DO CAMPO.- 70 anos,  casado, un sobriño maior.

17.-XOSÉ LÓPEZ.-30 anos, libre, dous irmáns maiores, un deles miliciano, un criado maior e unha criada,

18.-XOSÉ SÁNCHEZ.-40 anos,casado, dous fillos menores,catro fillas e un irmán maior.

19.-XOSÉ LÓPEZ POLEIRO.- 60 anos, casado,dous fillos maiores, outros dous menores e unha filla.

20.-XOÁN RODRÍGUEZ.- 44 anos, casado,dúas fillas. Polo oficio de Ferreiro que exercía , a terceira parte do ano, tiña unha utilidade de 80 reais.

21.-XOÁN GONZÁLEZ.- 60 anos, casado, catro fillos maiores, un deles casado, unha filla, unha irmá.

22.-XOÁN LÓPEZ.- 28 anos, casado, dous fillos menores, un irmán maior ,dous menores, unha irmá e a nai, viuva.

23.-LOURENZO LÓPEZ.- 50 anos, casado, un fillo maior, un fillo menor, unha irmá, unha sobriña.

24.-MATÍAS GONZÁLEZ.-46 anos, casado, dous fillos menores e unha filla.

25.-MELCHOR FERNÁNDEZ LÓPEZ.- 40 anos, casado, dous fillos menores. unha filla, un tío " de 93 anos" , unha tía. Polo oficio de ferreiro  que exercía a terceira parte do ano, tiña unha utilidade de 120  reais de vellón.

26.-PEDRO LÓPEZ LABANDEIRO.-50 anos, casado, dous fillos maiores, un menor, tres fillas. Polo oficio de carpinteiro que exercía  a terceira parte do ano  percibía unha utilidade de 80 reais de vellón.

27.-PEDRO LÓPEZ DO SISTO.- 26 anos, casado, un fillo menor e unha tía. Polo oficio de xastre que exercía a terceira parte do ano  tiña unha utilidade de 30 reais de vellón.

28.-PEDRO SÁNCHEZ.- 40 anos, casado , dúas fillas.

29.-TOMÁS LÓPEZ.- 30 anos, casado, un fillo menor, tres fillas, un irmán maior e dúas fillas.

                                    VIUVA

30.-FRANCISCA  LÓPEZ.- un fillo menor  e dúas fillas.

Resultan 138 individuos non comprendidos no persoal  e 49 que entran nel

                                                       BENS E RENDAS DE ECLESIÁSTICOS

ISIDRO DE YEBRA , Cura párroco de San Vicenzo de Froián, posuía os bens do Igrexario: 

Vale ( medio ferrado ), Cortiña de Vale ( medio ferrado ) que as levaba en arrendo Manuel Pardo;  Silón ( 3 ferrados ), levada en arrendo por Xoán Macía ; Prado de Bon de Castro (  un terzo de ferrado ), levada polo pàrraco.

                                                ( Darredor de 1850 )

DICCIONARIO MADOZ .- FROIÁN ( SAN VICENZO ): Freguesía  na provincia e diocese de Lugo ( 5 e media lègoas ;, partido xudicial e partido de Sárria ( media légoa ). SITUACIÓN: nunha chaira ben ventilada:CLIMA frío e húmido no inverno, mais san , comprende  os lugares de Abuín, Lavandeira , O Sisto e A Vilanova  que reúnen 33 CASAS  de poucas comodidades. A igrexa parroquial  ( San Vicenzo ) é anexa de San Martiño de Loureiro . O TERMO   estrema polo Norte con San Salvador da Pena ; por Leste , con Suñide, interposto  un regueiro afluente do Sárria e leva o seu curso a Norte; por Sur, con Loureiro, e por Oeste, coa Serra de Santa Icía : está bañada polo indicado regueiro. O TERREO é de mediana calidade  e hai algún arboredo . Os CAMIÑOS veciñais  e pouco coidados e reciben o CORREO pola capital do partido . PRODUCIÓNS: centeo, patacas,  millo, liño ,castañas, herbas e pasteiros. Cria gado vacún, porcos e ovellas. Hai algunha caza. INDUSTRIA: a agrícola  e varios teares. POBOACIÓN: 33 vecinos. 165 almas. CONTRIBUCIÓN: co seu Concello.