Sárria ( 1867 )

                                                         SÁRRIA ( 1867 )

       O día primeiro do ano 1967 tomou  posesión o novo Concello. Formábano o alcalde  don Manuel Rivera Macía, os tenentes de alcalde,  Francisco López de Rego  e Antonio Balboa Sarmiento, e os concelleiros, Euxenio Neira Solance , Xoán Antonio Ulloa, Pedrp Xoán Díaz Goyanes, Manuel Vázquez  Cabañas , Gabriel Díaz Capón, Xosé Lois Rivas , Pedro Pardo, Xosé Macía de Neira, Xosé Fernández Monteagudo ,Vicenzo López, Manuel López Silva, Manuel Ferreiro Díaz e Frutuoso Rodríguez.
       As sesións celebrábanse os xoves de cada semana. O secretario tivo que renunciar por non ser compatible o cargo do desempeño da Provisoría do Xulgado. O contratista Xosé Fernández  entregou ao Concello as obras da súa sede , nas que investiron  32.972 reias . Nomearon para administrador da Obra Pía ( dos extinguidos hospitais de Santo Antón e San Lázaro) ao comerciante Xosé García.
      O 17 de xaneiro nomearon  aos peritos da Xunta Pericial que, como era de costume, escollíanse de entre os do medio rural, co que a función de control quedaba desvirtuada totalmente.
   O 7 de febreiro autorizaron as obras  de renovación de beirarrúaa  e enlousado das rúas da vila, a instalación na nova Casa Consistorial ( antigo Hospital de Santo Antón, fronte a San Salvador ) de un arquivo  e un xogo de  andeis  ( 200 escudos ) e  o arranxo dos petrís da "Ponte Vella" e alcantarillas ( 200 escudos).
         O orzamento de gastos alcanzou a cifra de 6.627 escudos.
      Para a praza de secretario do Concello presentáronse dous candidatos : Antonio Díaz de Freijo Silva de Soto, que se di cesante, e que  foi secretario do Páramo, Admintrador de Rendas Estancadas do Courel, en Sárria e Quiroga, oficial auxiliar da Contaduría de fondos do  orzamento desta provincia , presidente da segunda sección  de Estatística deste partido,  vocal permanente da mesma, rexidor  do Concello de Sárria, alcalde algúns meses e tenente de alcalde un bienio, tres anos de estudos de Gramática Latina. Antonio Vázquez Macía alegaba ter estudado todo o segundo ensino e foi o elixido.
         Adquiriron 10 exemplares  do " Prontuario de contabilidad" de Xoaquín Pérez (  14 escudos ). 
         A Festa do Corpo de Cristo ( Corpus ) costou 70 escudos.
        O 1 de agodto aprobaron unha sucinta ordenanza sobre os montes comunais e públicos. Había que destinar  o 10 % da superficie a rozas, en beneficio de leñas para "os proletarios ", que carecían dela,  nos meses de outubro ,, novembro e decembro; proibiron  arrincar raíceiras, que xeralmente eran de carrasca  ; 10 % para sementeiras de centeo ; e o resto para pastoreo todos os meses,  menos e  en febreiro  , marzo e abril.
     Polo traslado dos quintos a Lugo o secretario cobrou 4 escudos, 4 o alguacil , enténdense por día, e ao talador , que en medir 34 quintos tardara 8 días, pagáronlle a razón de 1 escudo por día. Non debía ser bicoca despreciable  porque sempre facían  o labor  os mesmos  comisonados.
   O 19 de setembro  compráronlle a Antonio Peña os mobles necesarios para o Consistorio e que tiveron un custe de 260 escudos.
      E rematou a actividade municipal  do ano coa declaración de seis quintos como prófugos que, seguramnete terían fuxido para Portugal, como era  uso daquel tempo.
   Fora dos médicos e idos membros da Curia  non había maior nivel cultural  que o que como insignificantes  focos poderan irradiar  as escolas de ferrado, temporeiras e pouco rigoristas, no medio rural.
   Por iso non deixa de resultar curiosa esa referneza aos "proletarios" polo que se pode colexir  que, algo do que poñían os xornais da Vila e Corte  empezaba a entrar  naquelas xentes do estreito mundo da vila,
               O malo é que sempre se captan antes as palbaras que as ideas..

                                         XAIME FÉLIX LÓPEZ ARIAS

Comentarios

Publicacións populares