A PONTE VELLA DE VILAR DE SÁRRIA ( 1630 )

                                         A PONTE VELLA DE VILAR DE SÁRRIA (1630 )

                                                ( Versión en galego dun documento do ano 1630 )

Na Fortaleza da Vila de Sárria  a vinte e catro días do mes de xullo de mil seiscentos e trinta anos perante a Súa  Mercé  o Licenciado Francisco de Vega e  Arteaga, Meiriño e  Xustiza Maior  do Marquesado  e perante min escribán o dito Rodrigo Sánchez e Somoza , procurador xeral  do susdito, para proba  do seu pedimento presentou por testemuña a Bartolomeu Buelta de Teza, veciño da Vila, de quen recibiu xuramento  e el fíxoo segiundo  de dereito se require  e prometeu de dicir verdade  e absolvendo o xuramento

Di que sabía e  que é verdade  que esta Vila de Sárria  ten ademais da Ponte Ribeira  outras tres pontes, a unha que din  a Ponte Vella , "que está no río da Sárria" ,  e a outra que dín do Mazadoiro  e a outra que lle  chaman  da Áspera , que amabalasdúas están  no río que se chama do Mazadoiro, que todas elas  son moi necesarias para o trato e comerzo  das persoas que pasan do Reino de Castela  a Santiago, Cidade de Lugo, Vila de Monforte , Cidade de Ourense  e outras partes e coa grande avenida  que veu no pasado inverno  esborralláronse e  arruináronse  a maior parte delas  e se non se acode  ao reparo antes  de que entre o inverno  non caerán de todo  e non se volverán  a facer con seis mil  ducados e agora  pódense arranxar  con catrocentos  e sabe tamén que esta dita Vila  e o seu Concello non ten propios ningúns  cos que recompoñer a ponte , porque só ten  a portaxe  que anda arrendada  en cento cincuenta reais , e cando  outra vez houbo necesidade  de obrar  na dita Ponte Vella, houbo que sacar e sacouse  a cantidade de cincocentos  Ducados a censo e vai pagando os réditos vencidos , e sábeo  porque  o ten visto  como veciño que é da dita Vila.

E isto  di ser  a verdade  e o que sabe  e en todo se afirmou e ratificou  e asinouno do seu nome, e é de idade de máis de cincuenta anos-

 O Licenciado Vega.- Bartolomeu Buelta de Teza.- Perante mín , Simón  Sánchez Somoza.