CÁRCERES E PRISIÓNS DE SÁRRIA

                                       CÁRCERES E PRISIÓNS DE SÁRRIA

                               1.-  A CADEA NA FORTALEZA DE SÁRRIA 

O cárcere sarriao máis antigo do que se ten coñecemento estaba nos sotos da Fortaleza, baixo terra e en terribles condicións de humidade e de total escuridade, sempre baixo do control e vixianza dos señores da Terra de Sárria  e dos seus meiriños e saións, decote movidos  na arbitraria aplicación de penas e castigos.

No século XVII a Real Audiencia do Reino de Galicia mandó  que se suprimisen as cadeas que estaban baixo terra e que  se fixesen desaparcer enchéndoas de reblo e cegando as súas entradas.

                                  2.-  O  CÁRCERE  MARQUESAL NA PRAZA PRINCIPAL

Por esa reazón os Marqueses de Sárria mandaron facer unha casa segura  que servise de cárcere e de vivnenda para o alcaide  e foi así como na Praza Publica ( na actualidade Praza da Constitución )  se  instalaron as celas  nas que até 1836 foron recluídos malfeitores, ladróns  e delincuentes e mesmo as persoas que tendo débedas en diñeiro eran condeadas a seren encarceradas-

Sabemos, polo Cadastro do Marqués de la Ensenada ( 1753 ) que o cárcere marquesal   era unha casa de baixo e un andar. 

Está documentado o feito de que no ´seculo XVIII con ocasiónde ter que facer obras na Casa do Cárcere os presos pasaron a estaren na casa partiuclar do Carcereiro, na parroquia de Santiago de Farbán, que os tiña baixo un relaxado xeito de vixianza  pois consta que un escribán que tiña  que facerlle un requerimento o achou tomando o sol, sentado nun poio,  diante da porta.

O    Càrcere sarriao era propiedade dos Condes de Lemos-Marqueses de Sárria , como señores da vila e do Marquesado, e ao ser suprimidas as xurisdicións nobiliarias,  e máis adiante  seren creados os partidos xudiciias coa creación da figura dos Xuices de Primeira Instancia, o cárcere sarriao entrou a formar parte do incipiente sistema carcerario español, suxeito o seu sostemento, no aspecto económico, ás aportacións comprehendias nos orzamentos dos muiños en función da poboación  de cada un deles-

O primeiro Concello Constitucional dos anos 1820/1823 interesou  solicitar  do Conde de Lemos  que colaborasen na creación du cárcere  cómodo e seguro.,

O día 19.03.1823  o cárcere foi asaltado por unha partida de realistas da "faución do Burón", que rompendo tosas as portas  ceibaron a todos os presos , ao tempo que asaltando  a morada do Xuiz de Primeira Instancia  roubaron todas as causas penais nela custodiadas.

                              3.- O CÁRCERE NO EX-CONVENTO DE SANTO AGOSTIÑO

Producida a  exclaustración no ano 1836  o antigo mosteiro de Santa María Madalena de Sárria viu  acondicionadas celas e depenencias  tanto para  servir de prisión como para servir de  vivenda do seu alcaide  , manténdose esta situació até o ano 1896.

** En  1868 o Carcereiro ocupaba varias salas do baixo  onde residía coa súa familia.

**  ( 4.03.1869 )  Rematan obras de arranxo nas celas destinadas  a acoller presos.. Adxudícanlle o alumeado do cárcere, por medio de aceite,  a Francisco Saco Quiroga ,  en 130 escudos.

**  ( 29.08.1876 ) O Concello aproba o remate das obras de facer un pozo  por un importe de 57,50 pesetas,

**  ( 27.05.1881 ) O Concello comuníaclle á Deputación Provincial que ningún dos restante Concellos do Partido Xudicial fixera as aportacións económicas que por prorrata tiñan que haber entregado á Xunta Carceraria do Pardios  para o sostemento do Cárcere. Situación esta de impago que sistemáticamnte se viña producindo causando grave  quebranto á enonomía municipal sarriá que se vía obrigado a adiantar  o que os demáis concellos  non entregaban nos prazos  vencidos-.

** (  24.09.1881 ) O Alcalde se Sárria  por non seren pobres  solicitou do Gobernador Civil da provincia  sexan embargados  e vendidos bens dos presos , veciños de Castro de Rei de Lemos, chamados  Anxo Losada López, Antonio López Díaz, Manuel Armesto López,  Ramón Armesto López,  FRancisco López, Xertrude  González Pumar,  Manuel Lebón Rodríguez,  Antonio López Rodríguez,  Xosé Armesto López,  Manuel López Saavedra, e Xoán María López; e os de Vilamaior  Domingos López Rodríguez  e Xosé López Rodríguez.

** (  19.02.1885 )  Foron adquridas 6 camas  completas e 4 mantas  para os presos en prezo de  289,50 pesetas.

** ( 22.12.1887 )  O Concello acordou dar  un socorro extraordinario de 2 pesetas  por preso pola festa do Noiteboa.

**  ( 8.03.1888 )  Foi aprobado o gasto de 30 pesetas  por un carro de palla para encher os xergóns  das camas dos presos.

** ( 7.06,1888 ) Acordan facer arranxos nas celas dos presos.

** (  1,11.1890 )  Contrataron con Manuel Castiñeira  o caleado e branqueo das paredes do Cárcere  en preso de 150 pesetas.

** ( 6.03.1891 ) Nomeamento  de garga auxilar para o Cárcere.

                            4.- O CÁRCERE NA ESCOLA VELLA

Coa chegada dos relixiosos mercedarios no verán de 1896 ,,para ocupar o abandoado Mosteiro de Santa María Madalena e  o trsslado da vella Escola Publica de nenos ao espléndido edificio escolar  alzado por  conta da testamentaría de don Matías López López, houbo necesidade  de deixar libres as estancias ocupadas no cenobio  polo Cárcere   sendo reubicados presos e  carcereiros nos locais que foran escola e casa do mestre. Esa prisión formaba parte do complexo que fora sede do Hospital de Santo Antón Abade e  Escola de Gramática-Escola de Primeiras Letras , que na parte frenteira á Rúa Maior albergaba a Casa Consistorial.

(  18.08,1897 )  Mercaron 7 lámpadas de aceite para o alumeado do cárcere a Manuel Díaz  e 421,07 litros de óleo en prezo de 420 pesetas.

( 7,.06.1889 )  Por traballos de arranzo  nas celas  pagáronlle a Pedro Cabañas López  152,57 pesetas.

(  5,12,1927 )  O Concello fixo ofrecemento ao Estado dos terreos da "Horta do Hospital" para  a construción do "Cárcere Novo".

                                  5.- A PRISIÓN PREVENTIVA

No tempo da Ditadura  de Primo de Rivera con aportaciós da Xunta Carceraira do Pardido Xudicial de Sárria e  do Estado  foi alzada a PRISIÓN PREVENTIVA, composta de semisoto e un andar, ocupando os terreos cedidos polo Concello na entón chamada "Avenida da Feira" ( hoxe Rúa da Mercé ).

 No semisoto había varias celas que comunicaban co patio  e no andar principal , na ala esquerda había celas e unha cociña central e na dereita estaba a  vivenda do carceriro, e   a un e outro lado da entrada do establecemento estaban as oficinas. Había ademási unha galería  avanzada sobre o patio para vixiar  aos presos nas horas que pasaban fora das ucelas.

O conxunto do edificio, no que se deu por vez primeria en Sárria un uso  de ladrillo e de traves de ferro , presentuo xa dende o comezo problemas de humidades masivas , moi perxudicias para presos e encargados do cárcere.

Ao pouco de ser inaugurada , o mesmo que aocnteceu con outras prisión preventivas, foi clausurada polo Goberno da República , e  acordada a nova apetura voltou a estar operativa.

                                                           6.- DEPÓSITO DE DETIDOS E PRESOS

 Xa como lugar de reclusión temporal, ao seren potenmciadas as Prisións Provinciais, pasaro a ocupar as celas  detidos  en liiortas, moinantes , detidos de orde dos alcaldes....

Dende o 21 de xullo de 1936 até ben pasado o remate da guerra civil, deuse unha ocupación, maiormente arbitraria e non suxeita a  procedmentos legais.  na que tomaron parte moi aciva os falanxistas locais, que fixeron un abusivo uso das instalacións para deter aos seus adversarios politicos, sen orden xudicial, sometédoos a todo tipo de aldraxes e vexacións, como a de facrlles beber  grolos de aceite de ricino e petróleo, darlles vergalalazos ou isalos como moeda de chantaxe fronte a familiares.

A historia negra da Prisión Preventiva   de Sárria  presenta un alto número de detidos que en 1939 se viu incrementado co arresto de nais e esposas de fuxidos como medio de presión para que estes se entregasen ás autodiades.

Os presos que non tiña recursos eran atendiods  pola Xunta Carceraria. Asistenzas a detios: 1936: . Stembro ( 16 ), Outubro ( 22 ). 1938: Decembro ( 9 ). 1939 : Xaneiro ( 17 ), Febreiro ( 15 ), Marzo ( 17 ). Abril (88 ), Maio ( 90 ), Xuño ( 13 ). Xullo ( 5 ). Agosto ( 8 ) Setembro  (9 )  Novembro ( 18 )  Decembro (4 ), 1940:  Xaneiro ( 6 )

En 1939 os concellos integrados na Xunta de Partido  mantiñan fortes débidas polas obrigadas aportacións para o sostemento do Cárcere:  O Incio (19.873,56  pesetas ).  Láncara ( 8.395,25 pesetas ). Patadela ( 6.339., 62 pesetas ). O Páramo ( 5.529,22 pesetas ). Samos ( 15,508,17 pesetas. que facían un total de  55.645,82 pesetas.

Desaparecidas as detencións e internamentos por razóns politicas   no cárcere  esntraba somente  os suxeitos a arrestos gubernativos, ou os investigados por razón de faltas, que eran custodiados polo carceriro que viía na ala Sur do edificio.

Darredor do ano 1970, sendo alcalde Euxenio Quiroga Vázquez, o letreiro cerá,mico no que se le "Prisión Preventiva", foi tapado por ouros de madira coa lenda "Albergue nº  13 ", permitino aos peregrinos que ían de paso cara Compostela  que poideran durmir no interior, que carecía de todo tpo de amobtamento.

A partir dos anos 1980 deixou de servir o edificio para albergar detdos e o último carcereiro, Antonio  García, deixou a vivenda  pasando a residir nunha casa da súa propiedade na rúa Rosalía de Castro.

Cando se fixeron obras de ampliación da Casa do Concello, no semisito habilitouse unha dependencia  para acollida de detidos  con detención acordada polo Xulgado de Instrucción, que  deixou moi axiña de cumprir esa función, pois ao existir cela para detidos no  Cuartel da Garda Civil na Rúa Castelao ( na  Ribela ).

O edificio da Prisión Preventiva  foi obxecto de sucesivos acondicionamentos  quedadnn adaptado, coas obras feitas por Escolas Obradoiro para Salas de Exposicións, Oficina de Turism, sede da oficina do Eixo Atlántico dn Sárria , exposición das Pampónigas,   cursiños musiacias e outros  etc.

O resió  da antiga "Horta do Hospital" siituado á esquerda do edificio foi acondicionado para Área de Descanso  e para o "Miradoiro do Cárcere"  con instalación nel do cruceiro  cuxa colocación promovera  darredor de 1980 o Centro Cultural "Meigas e Trasgos-CIT de Sárria,

SITUACIÓN PREVIA DO EDIFICIO DO ANTIGO HOSPITAL  DE SANTO ANTÓN ABADE E DA HORTA DO HOSPITAL

1.- HOSPITAL DE SANTO ANTÓN ABADE ( OBRA PÍA ) / CASA CONSISTORIAL (  Rua Maior, 1 )

 O Hospital de Santo Antón Abade, adicado á atención de peregrinos que "voltaban" de Santiago dende a décafa final do século XVI , até  a primeira década do século XIX, albergou máis ou menos a partires de 1740 a sede da Xustiza e Rexemento  da vila e Marquesado de Sárria e  na parte traseira alzaron edificio para Escola de Gramática / Escola de Primeiras Letras e Casa do Mestre ( fianis do século XVIII )

O resto dos terreos estaba ocupado pola "Horta do Hospital", con fronte á Avendia da Feira ( hoxe Rúa da Mercé )

CASA CONSISTORIAL , o antigo hospital, pasou en 1820 a ser a sede do Concello Constitucional de Sárria , e mantivo esa función até 1920, ano no que pasou a albergar a do Xulgado de Primeira Instancia e Instrución  de Sárria.

2.- PRIMEIRA SEGREGACIÓN , CESIÓN AO MINISTERIO DE GRAZA E XUSTIZA

Trasladada a Casa do Concello á Casa Vaamonde ( Rúa Maior / Praza da Constitución )  e establecido no edificio  o Xulgado , sendo necesidade moi sentida dende máis de  cen anos atrás , unha vez máis o Concello de Sárria  fixo formal ofrecemento de terreos para a desexada Prisión Preventiva, para a que a Xunta Carceraria , dende  décadas, viña achegando fondos-

Aceptado o ofrecemento en 1928  na que fora "Horta do Hospital" o Concello de Sárria   fixo cesión du amplo soar  , segregando o seguinte espazo:

Un tarreo sito na Avenida do Campo da Feira, da extensión aproximdaa de 770 metros cadrados; estrema ao Norte , con horto de dona Irene Castro, hoxe Manuel Yebra; Sur, coa antiga Casa Consistorial e Escola antiga , de propiedade  do Concello; Leste, Avenida  do Campo da Feira.

Cando se fixo esta segregación  a parte frenteira da casa estaba ocupada polo Xulgado, e a traseira polo Cárcere. A parte de horta que daba á Rúa Maior , e a traseira onde estivera a derrubada Casa do Mestre, estaban destinadas a cultivo, e sobre  ese espazo  recaeu a segregación e a cesión para  o novo edificio carceraios,

3.- CESIÓN DE USO PARA FACER O EDIFICIO DO CLUBE ANDURIÑA 

Con destino  de COMEDOR SOCIAL e Clube de Anciáns  Anduriña foi cedido  para servizos sociais, recaendo finalnete na Xunta de Galicia,  o espazo que ocuparan a Escola Vella/ e o Cárcere, permtnno ademías a construción do amplo comedor riba de terreos da horta, ao que se accedía  dende a Rúa Maior a medio de escaleira  e terraza ali isntaladas.

4.- SEGUNDA SEGREGACIÓN PARA A CONSTRUCIÓN DO NOVO EDIFICI<O DO XULGADO DE PRIMEiRA INSTANCIA E INSTRUCIÓN

O Concello de Sárria  fixo cesión de terreos da Horta do Hospital, do edificio do Clube de Anciáns  Anduriña e do edificio do Xulgado, do que só se salvou a fachada principal, espazos que, na súa totalidade foron ocupados pola nova edificación.

5.- RESÍO NORTE DA HORTA DO HOSPITAL

Conservado baixo o dominio do Concello de Sárris serve de asento á  Área de Descanso e ao Miradoiro do Cárcres onde está o cruceiro obra do artista lucens Manuel Mallo.

                                SITUACIÓN CATASTRAL

Edificio que fora  Hospital de Santo Antón, Aula de Gramática, Escola de Primeiras Letras,  Casa do Mestre, Xulgado de Primeira Instancia e Instrución, Cárcere, Escola de Musica, Xulgado de Distrito, Clube de Anciásns e Comedor Sociall Arquivo Notarial.

Foi  derrubado e no soar resultante foi construído o novo XULGADO co seu anexo de Sala de celebración de xuízos.

                                                      Referenzas Catastrais

1.-  Finca 9477011PH2397N0001QK

Edificio da antiga  Casa Consistori<al. Rúa Maior 1. Superfice:  245 metros cadrados

A titularidade real, até a cesión á Xunta de Galicia correspondíalles ao Concello de Sárria.

Actualmente  a edificación do Xulado moderno correspóndelle á Xunta de Galicia.

En outubro de 2009 figuraba como titular catastral  o Minsterio de Xustiza.

2.- Finca 9477010ph2397PH2397N0000GK

Inclúe parte da antiga Horta do Hospital ( fronte á Rúa Maior )  e Rúa da Mercé , utiloizada para a amplicación do Xulgado. 

A finca catastral da que forman parte estes terreos  está inclusa nos terreos segregados no ano 1928 para a construción da Prisión Preventiva, e ootra pare ocupous co desparecido Clube Anduriña.

Superficie: 462 metros cadrados. Forma parte da finca castral con titularidade do Estado  (  aportación feita para o Ministerio de Graza e Xustiza ).

Titularidade catastral:   En 19 de outubro de 2009 figuraba como titular a Xunta de Galicia ( Consellería de Cultura )

 3.- Finca 9477012PH2397N0001PK

O terreo formaba parte da Horta do Hospital  e nela alzouse a Prisión preventiva , Comprhende tamén o espazo da horta que daba á Rúa Maior e o terreo que ocupara a Casa do Mestre, c9n fronte á Rúa da Mercé-  Superficie : 657 m/2.

Titularidade : Dende que o edificio perdeu  a súa condición de Depósito de Presos e Detidos ven estando señoreado polo Concello de Sárria, para fins culturais e sociais. Hai que ter en conta:

a).- Que malia a ter perdido a súa cndición de Prisión Preventiva   o Estado non fixo desafectación  da finca no seu día aportada.

b ).-  O edificio , sen declaración de obra nova, non figura inscrito no Rexistro da Propiedade de Sárria, e sí está inscrito o soar.

c ).- O edificio  foi constuído coas aportacións en diñeiro feitas pola Xunta Carceraria e o Estado. Os fondos da Xunta procedían das aortacións anuais dos concellos do Incio, Láncara, Paradela, O Páramo, Sasmos e Sárria , prrrateadas en función do numero de habitantes de cada un dos Municipios. Parte eeses fondos procedíab da venda do Alfonín do Sal, propeidade dos concellos do Partido, que estaba  na estrada do Mazadoiro a Lamarrigueira  ( na Rúa Conde de Lemos ) e do soar que fora adqurido na Rúa Maior, con desino a facer o Cárcere , que ao ser desafectados foran comprados por Xesús Guerra, Rexistrador da Propiedade. O soar no que se frustrara  a intención de facer o cárcere estaba entre as casas de  Irene Castro ( nº  5 ) e a  Casa de Losada ( nº 7 ).

Titularidade rexistral:  Figura o soar, cunto coa parcela anterior , a nome do Estado.

Ti<tularidade catastral:  Minsterio de Xustiza.

Situación real , o espazo que vai dende a Rúa Maior á parede sur da Prisión preventiva está ocupada pola edificación  en pranta baixa  anexada  á edificación de baixo e un andar alzada  para sede xudicial.

4.- Finca catastral: 9477013PH2397N0001LK

MIRADOIRO DO CÁRCERE:   Parcela sita na Rúa da Mercé . Está desinada  ärea de Descanso e  conta cun cruceiro  e vexetan ali un carballo, un freixo e dúas oliveiras. É un resió da antiga Horta do Hospital, que figura incluído dentro do terreo  aprtado en 1928 para facer o Cárcere Novo.

Superficie: 446 metros cadrados. (  Este dato é totalmente erróneo xa que a representación gráfica catastral inclúe terreos das fincas que estreman con ela.

O Concello de Sárria señorea  este terreo e correu con todas as obras de acondicionameto da ärea de Descanso e do Miradoiro.  O cruceiro promovido por Meigas e Trasgos  fíxose con cargo a unha subvención de Turismo ( anos 1978/ 1981 ).  Unha Escola Obradoiro instalou  un escudo de Sárria feito como mosaico con teselas.

                                ALGUNHAS REFERENZAS DOCUMENTAIS

 ( 15.07.1919 )  Xunta de Reforma e Ampliación  da Prisión Preventiva do Partido de Sárria.- Adopción do porxecto feito polo arquiteco  Nemesio Cobreros .acordan contribuire con 18,873,08 pesetas ( existencia en caixa ) e 19.251,10 pesetas,  de débedas dos concellos  de Samos, Paradela e O Incio.- TotaL: 39,124,16 pesetas. Esta cantidade excedía da que fora obxecto de presuposto.Acordan elevar  os planos,proxecto, presuposto e acordos  ao Minsterio de Graza  e Xustiza.

 ( 23.04.1921 )  Xunta de Reforma e Ampliación da Prisión Preventiva do Partido de Sárria..   Fixan a base da subhasta para as obras da Prisión en 46.838  pesetas, Anuncio da suhasta.

(9.12. 1922 ) Xunta de Reforma e Ampliación da Prisión Preventiva do Partido de Sárria.-  Indican que a Xunta quedou constituida  con suxeición  ao Real Decreto de  4 de outubo de 1877.  Recordan que a anterios Xunta quedar constituida  en 23.06.1919 , indicando que o Cárcere estivera no esconvento de Agostiños  de onde pasara á parte traseira da antiga Casa Consnstorial en 1920.

( 25.05.1924 ) Xunta de Reforma e Ampliación da Prisión Preventiva  do Partido de  Sárria.-  Fan refeencia  a plano e presuposto  aumemtado,  asumidos na Xunta  de 23.04.1921   e acordasn facer xestións para a recuperación desa documentació que andaba perdida por ter falecido o alcalde  Manuel Gutiérrez.

(  6-07.1926 ) Xunta de Reforma e Ampliación da Prisión Preventiva do Partido de Sárria.- O contratista Francisco  Cabarcos fai entrega dos planos  da Prisión, que estaban no seu poddr.

( 7.04.1928.-  Escritura de cesión da "Horta do Hospital"  feita polo Concello de Sárria a favor do Estado  para alzar nela  a Prisión Preventiva. Notario:  Saturnino González López. Escritura nº 49.

Sesión do Concello de Sárria  de 5,12, 1927: Por unanimidade  aproban cederlle ao Estado  un terreo propedade  do Concello de Sárria  para soar da Prisión Preventiva -

No outorgamento da Escriuta, actuando en nome e beneficio do Estado, comparece  o Xuiz de Primeira Instancia e Instrución do Partido Xudicial de  Sárria, Celso Gallego Pernas.

Descripción:  Terreo sito na Avenida do Campo da Feira  de extensió aproximada de 720 metros cadrados , estrema  ao Nrte, con horto de dona Irene Castro. hoxe Manuel Yebra ;  Sur, coa antiga Casa Consistorial; e Escola antiga, de propiedade do Concello;  Leste, Rúa Maior; e Oeste, Avenida  da Feira.

Figura inscrita a nome do ESTADO no Rexistro da Propiedade de Sárria  ao folio 29 do Libro 80 de Sárria, Tomo 263 do Rexistro, finca 6.740.

Nota : O Concello cedeulle ao Estado a totalidade da "Horta do Hoispital" , que daba á Rúa Maior ( nº 3 ) e á Avenida da Feira ( hoxe Rúa da Mercé , reservando pare el a antiga Casa Consistorial e a Escola Vella, esta con entrada pola Avenida da Feira.

Para a construción da Prisión Preventiva deixous sen ocupar a subparcela con fronte á Rúa Maior  e outra porción ao norte da Escola Vella.  Tampouco se ocupou o resío inmediato ao chamado Prado de Batallón   ( hoxe Miradoiro do Cárcere ).  Todos eses terreos estaban incluídos na documentada cesión.

 Pasadas catro décadas o Concello de Sárria fixo cesión de uso para que se alzase o edificio do comedor do Clube de Anciàns Anduriña, a favor da Direición Provinciaol de  Asistencia Social, que finalmente , con autorización da Xunta de Galicia, foi derrubado para  enadir ese espazp  á obr da consturción do novo edificio do Xulgado de Primeria Instancia.

 ( 2.05.1970 )  Sesión do Concello de Sárria.-  Escrito do Ministerio de Xustiza  sobre cesión do inmobñe que fora Prisión Preventiva.

( 28.09.1995 )  Sesión do Concello de Sárria .- Cesióná Consellería de Xustiza da Xunta de Galicia  do edificio do Xulgado ( Rúa Maio 1 ) e dos espazos non edificados da antiga"Horta do Hospital" ( Rúa Maior e e Rúa da Mercé - traseira do Xulgado ).,  Superficie: 644 metros cadrados

0s terreos cedidos xuntom co corpo  de edificio de baixo e un andar , que estaba destinado a Xulgado de Distrito e Arquivo de Protocolos Noariais (  258 m/2 ),  o espazo ocupado polo Clube de Anciáns " Anduriña" ( 135 m/2 ), e outros espazos  swn edificar de 96 m/2  a ao Sureste , de 120 m/2 ao Norleste e outros 35 m/2 ,

Estremas: Fronte: Rúa Maior ; esquerda: Avenida da Mercé ; dereita, Xosé María älvarez Neira ( familia Kappler ); fo<ndo, antigo Cárcere do Partido Xudicial de Sárria.

Figura inscrita no Rexistro da Propiedade de Sárria  no Tomo 375 do Arquivo Xeral Libro 149 do Concello de Sárria, Folio 44. Inscición primeira, Finca 16.629,

( 16,12, 2009 ).- Concello de Sárria.- Toma de coñecemento do acrodo do Concello de Samos  tomado en sesión de 4.12.2009  autorizando a vcesión para que o edificio da antiga  Prisión Preventiva, nas súas distintas  dependenza  , sexa destinado  a fins culturaism sociias ou de representación de interese comarcal , e en especilal sexan  destinadas para fins museísticos, divulgativos e de exposicións temáticas  relacionadas coa Comarca.

( 06.042010.-  Con cello do Incio.-  Acordou autorizar  a cesión  para que o edificio  da antiga Prisión Preventiva, nas súas distintas  dependenzas ,  sexa destinado  a fins culturais , sociais  o de representación de interese comarcal, e en especila sexan destinadas para  fins museísticos, divulgativos e de exposicións temáticas  relacionadas coa Comarca.

( 12.05. 2010 ) Concello de Láncara.-  Acordou autorizar a cesión para que o edificio da antiga Prisión Preventiva , nas súas distintas dependenzas, sexa destinado  a fins culturais , sociais ou de representación de interese comarcal, e en especial , sexan destinados espacios para fins museísticos, divulgativos e de exposicións relacionadas coa Comarca.

( Non dispoñemos de confrirmación da posición adoptada polo Concello do Páramo. )

--------------------------------------------------------------------------------------------------------------------   

DEPOSITO MUNICIPAL DE PRESOS  ( SÁRRIA )

O 20  de decembro pasou a ser xestionado polo Concello.

ELISEO SÁNCHEZ LÓPEZ,  de Santo Estevo de Calvor,  foi Vixiante Auxiliar do Cárcere desde o 7-12.1937, co haber diario de 3 pesetas.  Formaba parte das MIlicias de FET y de las JONS.

Os haberes pola conta do Concello foronlle recoñecidos  con efectos de 16.05.1934 a razón de 5 pesestas por día , e seguiu cobrando  3 pesetas diarias até 13.05.1939.

Causou baixa como Vixiante o 27-03.1949. Liquidación: 

                          1º.- 20.06.40..................500,00

                          2º.- 31,12,40...................650,00

                          3º,. 31,12,40...................430,00

                       Total................................1.580,00 pesetas

Recibido por libramentos.......................... 1.850,00 pesetas

Devengadas.................................................1.580,00 pesetas

                 Sobrante  devengados a devolver................................. 270.00 pesetas

..............................................................................................................................................................................