MELINDROS DE SÁRRIA. TRADICIONAL DOCE POPULAR

                                             OS MELINDROS DE SÁRRIA

Elaborados  con fariña de trigo, azucre e graxa , dende moito tempo atrás, os MELINDROS DE SÁRRIA levan o enadido  de esencia de anis  e despois de cocidos reciben unha capa  azucrada.Cando menos dende os primeiros ano do século XX foron produciodos polas docerías tradicionais e polas  fábricas de galletas  establecidas en  Sárria: "El Buen Gusto", " La Dulce Alkianza ", " Galletas Barreal", " La Sarriana", " La Indistrial", " El Postre Madrileño", " Pallares", foorn , entre outros establecementos os  que dern forza a unha tradición que se moeu máis na liña do artesanal que da produción industral.... que é seguida polas modernas docerías que seguen a ofreceren  en Sárria un  produto sinxelo e de calidade.

No ano 1979  L- Losada entrevistou a MATÍAS LOUREIRO MELLE, sucesor do seu pai MATÍAS  LOUREIRO ALVAREDO creador da Fábrica "La Sarriana" , establecida no  número 4 da Rúa Maior  que gozou de grande sona , non só na vila e a comarca  e mesmo en vilas e cidades alonxadas .

                                .....................................................................................

                                     A vella tradición dos melindros. 

                 ESTÁN FEITOS DE FARIÑA, AZÚCAR , GRAXA E ESENCIA DE ANÍS

                            Ao ser un produto artesán  non reporta grandes  gaños.

"Framcamente  tiña moito traballo . Para darse conta  no facía falla máis  que ollar a actividade desenvolvida  na parte traseira do negocio  na parte traseira do negocio que resenta. Grandes mesas  cheas de todo tipo de doces  agardaban  o derradeiro aranxo , ese detalle que fará que a presentación máis atrainte  e que eses doces sexan  "comidos" case tanto cos ollos  como coa boca.

Mais Matías Loureiro , e , cecais, por se non nos prodecatabamos  fíxonolo notar:

- Estou con moita tarefa. Non teño tempo para nada, ademáis non sei que lles vou dicir. Non teño cousa que dicir.

- Por exempolo,  ¿ de que están feitos  ?

- Normalmente levan fariña, azucre e graxa. Nada máís  que iso. Os que facemos aquí levan tamén  esencia de anís.

-¿ Cando comezou vostede a facelos ?

-  Digamos que dende sempre, porque  xa os fabricaba o meu pai. Eu seguín coa tradición.

- Maxino que me dirá que os melindros de Sárria  son os mellores de cantos se fan.

- Non lle vou dicir que son os mellores , pero sí que teñen un sabor característico, Fíxese que aquí facémolos varias persoas , algunhas en cantidades industriais , pero todos se distinguen  por ese sabor  que fai que quen os coman  saiban que son de aquí.

- ¿ E moi laboriosa a súa confeción ?

-   Moito , É pura artesanía. Pense na dificultade  que presenta traballarmos con pezas tan pequenas.  Despois de facela  , hai que cocelas e darlles o baño de azucre.

Mentres  contestaba ás nosas preguntas , MatíasLoureiro atendía ao traballo realizado  polo resto das persoas  que se achaban na súa confeitaría . Poidemos comprobar  como se trataba dun labor de equipo  xa que os pasteis e tortas ían pasando  de man a man , case como  se dunha grande cadea de montaxe se tratara,  Ao tempo que permanecía  atento ás cuestións , e cunha rapidez merecente de eloxio,  debuxaba  riba dunha torta" Feliz cumpleaños ". Iso que logo nos chama  a  a tención  polo ben feito que está , non parecía presnetar grandes dificiltades para o artesán.

- Dígame unha couss , ¿ económicamente compensa facer melindros ?

- Non moito. Ao ser feito de maneira artesá , non pense que deixa grandes gaños . Se se fan de xeito industrial, sí, pero en pequenas cantidades non-

- ¿ Por que os seguen a facer  entón ?.

- Por tradición e porque se vende ben.Por outra parte hai que traballar para poder vivir . É típicamente sarriao  e non gostaría de deixar de fabricalo. E hai que ofrecer todo o que piden.

-  Maxinamos que a  demanda será enorme.

-  Así é.  E non só de aquí. Véndese para fora , para lugares como Barcelona, Madrid e calquera outra cidade. Aquí, ademias das persoas da comarca lévano xentes que van de paso e paran para  coller unha bolsa  ou dúas porque ouviron  falar deles.

Matías Loureiro  recórdanos que os melindros  poden conservarse co mesmo sabor e a mesma calidade cinco ou seis meses , gardados en bolsas de plàstico- Sinala tamén que é un produto forte-

- ¿ Cal é a cantidade  aproximada  que se fai aquí, na súa casa, por exemplo, mensualmente ?.

- Calculo que uns trescentos quilos ao mes.

- ¿ Tantos ?

- Iso nós , agora hai que mirar  os que fan noutros lugares, O total da produción, refírome á vila, é respectable

-  ¿ E o prezo ?

- Non moi elevado, a oitenta pesetas o quilo. Como ve non é moito.

-  ¿ Pensa seguir moito tempo con isto dos melindros ?

- Xa lle dixen antes que eu me debo aos meus clientes. Teño que ofrecerlles o que me piden.  E siguen querendo melindros, así que eu seguirei  facéndoos  sempre que  poida poida. Forma parte do meu traballo.

-   ¿ Cecais chegue a mecanizar o sistema  e facer grandes  cantidades comerciais ?

-  Nin o pense.  De iso sí que ode estar seguro. Seguirei sempre a facelos  de artesanía como eu digo.

-  ¿ E non poida  chegar a  desaparecer esa tradición tan arrizada . ¿ Non cre que ao mellor a xente cansa dos melindros ?

-  Desaparecer, non.  Levamos moitos anos comendo  galletas tostadas  e empriso seguimos como o primeiro día . Aínda que  sempre  se anda a percurar cousas novas , isto está moi arraizado  e non se perderá. É unha tradición moi profunda...

Denantes de rematar  Matías Loureiro insistiu en que el non vai deixar de facer  melindros de artesanía . Seguirá  traballando neles , ao tempo que atende  o seu negocio  no que ofrece todo tipo de produtos  relacionados coa confeitaría  e pastelaría.

- Agora a ver se non lle enaden nada ao que eu dixen.

 E de seguido  deunos a proba de algo  que acababa de  facer . El quedou traballando , tal como o  atopamos. As mesas cheas de  pasteis e de tortas . Outras cinco ou seis persoas  axudábanlle no labor.  Este labor tan difícil  que é a de ofrecer  aos demais  un bon doce.

                                         L.  LOSADA

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

PUBLICIDADE.

GALLETAS LA SARRIANA  SARRIA.- " La Sarriana ". Fábrica de Galletas, Rosquillas y Bizcochos. MATÍAS LOUREIRO.. Teléfono 69    SARRIA  ( Lugo )

"LA SARRIANA" Marca registrada  Fábrica  de Galletas.- Teléfono 69 . Sarria (Lugo )

Até o seu peche "La Sarriana ", tamén baixo a denominacióm "MATIAS LOUREIRO " imdicaba a súa radicación  coa expresión SARRIA ( GALICIA )

Ademais dos melindros foron  produtos  de moita sona elaboardos en "La Sarriana "  as rosquiñas anisados,  rosca de vodas, marmelo, mazapán, bolos de leite, galletas variadas, biscoitos, linguas de gato e unha moi ampla variedade de pasteis ( cañas, cocos. milfollas.... )

.....................................................................................................................................................................

 

MATIAS LOUREIRO ALVAREDO

MATÍAS LOUREIRO MELLE

Ademáis da formación recibida da man do seu pai  en "La Sarriana "  botou un tempo formándose en obradoiros de Barcelona

..........................................................................................................................................................................