ANTONIO PÁRAMO SÁNCHEZ, ALCALDE DE SÁRRIA ( 1936 ) (554 )

ANTONIO PÀRAMO SÁNCHEZ, ÚLTIMO ALCALDE REPUBLICÁN DE SÁRRIA ( 1936 )    ( 554 )

 

 ANTONIO PÁRAMO SÁNCHEZ,  avogado, Alcalde de Sárria por  designación gubernativa ( 17.02.1936 a 20.07.1936 ) por Izquierda Republicana. Casóu con  María änxeles Suanzes  Pereiro. Fillos: María Consuelo, Antonio e Xabier Páramo Suanzes . Foi presidente de La Unión ( 1936  ). Fixo fronte  ao alzamento militar  do 18.07.1936 , establecendo  medidas  de mantemento da legalidade democrática en Sárria, colaborando co envío de  grupos armados para se poñeren ás ordes do gobernador civil, establecendo reténs  na garda dos establementos públicos , mantendo esas medidas até a medianoite do día 20, cando declarado o estado de guerra en Lugo, a garda civil de Sárria entróu na Casa do Concello que fora desaloxado pouco antes polo alcalde e as persoas da súa confianza que o acompañaban.

Salvóu a súa vida porque fuxíu cara Vilamaior e Castro de Rei de Lemos, e con posterioridade  ao 29 de xullo, data na que  a resistenza que nesa parroquia se  facía foi  eliminada pola ocupación  da parroquia por militares e falanxistas , pasóu á clandestinidade , permanecendo  agochado moitos anos  en Marzán do Saviñao, na coñecida como " Casa dos Escapados" , en Quián ( Reiriz  ) e na Casa  do Barreiro.

Os falanxistas puxeron prezo á súa cabeza e as continas operacións na súa percura non deron resultado.  Seguiron na súa contra  actuacións xudiciáis e consellos de guerra , embargaron os seus bens e os falanxistas sarriaos perseguiron, aldraxaron e arbitarriamnte colleron bens dos seus familiares,  presentándoo como "perigoso comunista " e promotor   de actos revolucionarios perpetrados polo que calicaban de " hordas ".  No periodo previo ao golpre militar xa fora obxecto de continas campañas de desacreditación  a nivel local, destacando  con insinuacións e acusacións falsas o correspondente sarriao do coruñés xornal " El Ideal Gallego ".

A súa casa da Rúa Diego Pazos foi confiscada e ocupada, baixo o nome de "Casa de la Falange" , estabñecendo nela  a sede da Fronte de Xuventudes e o comedor de Auxilio Social. Esa ocupación mantívose  até que o alcalde Xabier López-Acevedo López corrixíu ese inxusto disfrute   reintegrándoo na plena posesión do edificio e da horta posterior.

Cando abandoóu  a sitauación de " fuxido " , solucionado todo o derivado da persecución politica e das actuacións da xustiza militar, asentóu en Lugo , exercendo como avogado, ao tempo que participaba na xestión da " Casa Vento" de San Lázaro.

Falece´éu  o 24.05.1959.

                                              ******************************

Cursóu o bacharelato en  Lugo e a  carreira de Dereito en Santiago e en Madrid.  Nesta cidade , en 1935, foi ferido nunha perna  por un disparo que un descoñecido exaltado politico lle fixo  cando ía con algúns amigos  cara un mitín politico.

** ( 02.1936 )  Manuel Rodríguez, de Barán ( Paradela ) que fora ferido , acusa a Xulio López  de actuar inducido  por Xulio González Teijeiro  e Antonio Páramo Sánchez.

** ( 05.1936 ) Concédenlle licenza de arma de caza.

**(08.1936) Forma parte con Isidro Nieto do Comité Local para a III Volta Ciclista a Galicia-

**( 05.1937 ) Na súa calidade de "ordenador de pagamentos" do Concello de Sárria  seguiron na súa contra  un sumario baixo da acusación de estafa.

**( 05.1937 )  En expediente de responsabilidade  5 / 1937 do Xulgado Militar  Permanente  de Monforte ( en ausencia )  foi condeado  ao pagamento de 100.000 pesetas.

**(06.1937)  A Xunta Provincial de Incautación de Bens  abre expediente  para esixirlle responsabilidade civil  pola súa actividade politica  e tamén  contra Xoán Tizón Herreros, de Monforte.

** ( 1938 )   En expediente seguido " pola súa oposición ao Glorioso Movemento Nacional " embargáronlle  os seguintes bens  radicantes na parroquia  de Santa María de Vilamaior : a metade da Casa de Perico de Vilamaior, Prado do Bacelo, Aira, Chousa dos Pinabetes , Cortiña da Mina, As Caínzas,  Leira de Lamalongam Prado dos Espiños, Leira da Cruz, Leira das Viñas, Cortiña da Óniga,. Cortiña do Pacila e Leira de Cima da Lama-

** ( 1958 ) Membro da Comisión Mista da Agrupación de Contribuinte - Grupo de Comerciantes Maioristas de Produtos Cárnicos de Lugo.

áa

** ( 04.1936 )  Elixido compromisario  para a elección  do Presidente da República.

 

( La Provincia,  27.09.1929 ).-  Antonio Páramo Sánchez   obtén o Tiduo de Bacheler.

................................................................................................................................................................ 

( 1932 ). Traslado do expediente universitario dende a Faculdade de Santiago  á Faculdade de Dereito de Madrid.

.......................................................................................................................................................................

( La Libertad,  13.03.1935 ).-  PETICIÓN DE INDULTO PARA CONDEADOS A MORTE

Asina , xunto con avogados de toda España un escrito dirixido ao Consello de Ministros  pedidno indulto para todos os condeados a morte. 

.....................................................................................................................................................................

(  Hoja  Oficial del Lunes,  21.10.1935 ) ANTONIO PÁRAMO SÁNCHEZ FERIDO EN  MADRID

Ferido nunha liarada.-  Á primeira  hora da noite de onte, día 20,  uns mozos  que paseaban  pola rúa de  Nicolás María  Rivero ( Madrid )  comezaron a  debouraren.

 A porfía subiu de ton  e de sutaque  oiuse un disparo  e viuse  caer no chan  a un dos mozos ferido.

    Levado rápidamente  á Clínica  Tamayo , o doutor  Jesús Rodríguez  procedéu á cura de urxenza, apreciándoselle unha ferida por arma de fogo na coxa dereita , que a atravesóu  e outra ferida na coxa esquerda  sen  orificio de saída.

O ferido chámase Antonio Páramo Sánchez , de vinte e tres anos  de idade, natural de Sárria ( Lugo )  , é avogado. domiciliado  accidentalmente en Madrid,  calle Valverde, 43.

( VIDA GALLEGA,  10.11.1935 ).-  Antonio Páramo Sánchez resultóu ferido en Madrid  por disparos feitos por un descoñecido , cando con outras persoas para un mitín , e se produciu unha porfía   entre mozos de distinto signo politico.

....................................................................................................................................................................

( 9.02.1936 ).-   MITÍN DE IZQUIERDA  REPUBLICANA 

O día 9, ás catro da tarde ,  e cun cheo rebordante  celebróu un mitín  Izquierda Republicana  no seu local social ( A Ciguñeira )  no que fixeron uso da palabra  varios oradores. Fixo a presentación D. Antonio Páramo Sánchez, avogado desta localidade.

Durante o acto reinóu grande entusiasmo. Rematóu o mitín  cunhas breves palabras  do Sr. Páramo  que deu tres vivas á República, a D, Manuel Azañs e a Galicia,

  O desfile  do numeroso público  que acudiu ao mitin  fíxose dentro de moita orde e non se rexistróu a menor  incidencia.

Co gallo do mitín as xentes dos pobos da contorna  acudiron en masa, e en particular os de Paradela, sendo portadores das respectivas bandeiras tricolor.

Por tan rotundo bon suceso damos parabéns  a oradores e organizadores.

.......................................................................................................................................................................

( Alborada, 16,02,1936 ),. Félix García Pardo, de Lugo,detido en Sárria por dous gardas de asalto e conducido ao Centro de Izquierda Republicana onde foi interrogado por diversos afiliados  do mesmo encol  dos motivos da súa visita a Sárria.

 ................................................................................................................................................................ 

( El Pueblo Gallego, 18.03.1936 ).- NOMEAMENTO DA COMISIÓN XESTORA MUNICIPAL

O pasado domingo   día 15 de marzo  verificouse a toma de posesión do novo Concello  desta vila,  constituiuse con concelleiros  interinos designados   polo Gobernador Civil da Provincia .

Os nomeamentos recaeron   en persoas   moi queridas neste municipio e de acendrados sentimentos republicáns , causando a súa designación  enorme entusiasmo   no elemento esquerdista.

Foi elexido Alcalde  D. Antonio Páramo  Sánchez , avogado  e Presidente de Izquierda Republicana  desta vila. Primeiro tenente de Alcalde: Don Valentín  López López, propietario e militante de Izquierda Republicana. Segundo tenente de Alcalde : Don Manuel Durán López, obreiro. Terceiro tenente de Alcalde:  Don Francisco López Melle, propietario e militante de Izquierda Republicaaa, Cuarto tenente de Alcalde:  Don Manuel Díaz Vázquez, propietario e militante de Izquierda Republicana, Concelleiro Síndico:  D. Dositeo Piñeiro Valcárcel, propietario, e vicepresidente de Izquierda Republicana.

O Alcalde elexido, don Antonio Páramo Sánchez , pronuncióu  unhas breves palabras para agradecer a designación, pedido    ao persoal municipal   colaboración e cumprimento do deber , dicindo  que ven ao Concello con afán xusticieiro   e sen ánimo de perseguir, levando sempre como norma  directriz a decencia   e ética do  Partido  ao que ten a honra de pertencer e o cumprimento do Programa da Fronte Popular.

....................................................................................................................................................................

( 15.03.1936 ) BANQUETE POPULAR  EN SAN FIZ DE VILAPEDRE

Celebrouse o domigno día 15  na parroquia de San Fiz de Vilapedre , organizado polas Xuventudes do Comité  parroquial  de Izquierda Republicana , para celebraren o triunfo  do 16 de febreiro  e de homenaxe ás mulleres republicanas . Asistiron numerosos comensáis. O acto foi presidido polo Alcalde  de Sárria don Antonio Páramo Sánchez , asistindo unha  representación de mulleres republicanas  e representantes dos Comités  da Fronte Popular  do partido xudicial e Concellos. 

Pronunciaron brillantes discursos ,  que foron moi apraudidos , D.  Francisco Pardo Camba,  D. Ricardo Núñez e  D. Antonio Páramo Sánchez.

......................................................................................................................................................................

( 19.04.1936 )  Espléndido remate  da Semana Sarriana  organizada por Radio Lugo.

Tiveron lugar en Sárria os últimos actos da Semana adicada  a tan simpática vila luguesa.

Celebrouse unha velaada   a cargo do cadro artístico  da Emisora Radio Lugo no Cine-Salón , intervindo  ademáis  do citado cadro  o de declamación  , o cadro lírico,  cuxos compoñentes foron ao efecto  a Sárria, coa súa direitora  á fronte  señorita de Fontán e o cuarteto musical.

Tamén acudiu a Sárria  o Alcalde de Lugo Sr. Lamas  acompañado da súa esposa.

Recibiron aos excursionistas  o Alcalde sarriao Sr. Páramo  e concelleiros daquel Axuntamento, disparándose bombas ao chegaren á vila.

 No Salón de Sesións foron agasallados  cun "cup". No Hotel Roma  houbo un banquete  ao que concorreron os referidos cadros  e cuartero, autoridades locáis, alcaldes de Lugo e de Sárria e outros convidados . O acto resultóu brillantísimo  e foi unha demostración  de vivo afecto  e compenetración entre as dúas localidades.

...................................................................................................................................................................

 ( El Progreso, 24.04.1936 ) CANDIDATURA DE ESQUERDA PARA COMPROMISARIOS PARA A ELECCIÓN DO PRESIDENTE DA REPÚBLICA.

Manuel Fernández Boado,  Guillerme Otero Villalba, Xoán Tizón Herreros . Antonio Páramo Sánchez,  Xacinto Calvo López,, Virxilio Ledo Santandré,  Marcelino Fernández Prada , Perfecto Abelairas Castro. A Xunta Provincial do Censo  Electoral de Lugo proclama candidato á elección de compromisarios para a  elección do Presidente da República a  Antonio Páramo Sánchez.

.......................................................................................................................................................................

( Boletín Oficial da Provincia de Lugo,  14.05.1936 ) Obtén  licenza de armas de primeira clas.

.......................................................................................................................................................................

  ( 17.05,1936 ) .- O Alcalde-Presidente do Concello de Sárri  asiste en Santiago de Compostela  á magna Asemblea  que acordóu  fixar a data  do Plebiscito do Estatuto Galega.

( El Pueblo Gallego, 31.05.1936 ).-  Sárria. Campo de acción dos falanxistas .- O Gobernador señor Fernández Vega manifestóu aos xornalistas  que lle comunicaron dende a vila de Sárria  que na noite de antonte tres falanxistas tirotearon  a un cidadán ao sair do Casino.

A Garda Civil practica averiguacións  para coñecer  quen foron  os autores para a súa detención. Recolleuese no lugar do feito  dous proxectis que foron depositados.

Feitos semellantes  - di o Gobernador -  repítense   na citada localidade . Hai varios días  tencionaron atentar  contra a vida do Alcalde  e  a autoridade  está disposta  a que estes sucesos  non se volvan a repetiren , para o que adopta as medidas  necesarias.

...............................................................................................................................................................

  ( El Ideal Gallego, 26.06,1936 ).- Lugo 25.- Onte tencionóu actuar nesta cidade  a "garda" creada polo Alcalde de Sárria para a  súa escolta persoal.

Pretendían que se realizasen determinadas  dilkixenzas , mais parece ser  que as súas intewncións non chegaron a verense realizsas por  teren tropezado con persoas  que saben o lugar que ocupan e que non se prestaron  a seren xoguetes dunha paixonciña política,

Novamente preguntamos, ¿  enterouse o señor gobernador desta provincia ?

....................................................................................................................................................................  

( Boletín Oficial da Provincia de Lugo, 18.07.1936 ) Publicación  do anuncio de exposición ao público   do Orzamento Municipal para 1936.

.........................................................................................................................................................................

                                                                                                                 

***********************************************************************************

                                                                                       ( André Páramo C+casas )

6ª DIVISIÓN.-  PRAZA DE LUGO .- ANO DE 1936.- XULGADO MILITAR EVENTUAL

                                            CAUSA Nº 185

INSTRUÍDA CONTRA  O EX-ALCALDE  DA VILA DE SÁRRIA, DON ANTONIO PÀRAMO SÁNCHEZ , POLO ACHÁDEGO DE  ARMAS NO SEU DOMICILIO .

Deron comezo estas actuacións en 25 de Xullo  de 1936.- Situación do encartado ;

Xuiz Instrutor: O Capitán de Infantería  Don Enrique Méndez  Iglesias.-  Segredario:  O Brigada da mesma arma  Don Antonio Pérez-Peñamaría  Saco-

                                                              ...............................................

Comandancia Militar de Lugo .-  Núm 998.- Adxunto remito  á Vª Sª  atestado instruido pola Garda Civil, contra do ex-Alcalde da Vila de Sárria desta  provincia DON ANTONIO PÁRAMO SÁNCHEZ , por depósito de armas no seu domicilio , coa fin de que co carácter de Xuiz Instrutor  e auxiliado por Segredario que designe proceda á formación da oportuna causa na contra do mesmo , servíndose acusarme recibo. Lugo, 25 de Xullo  de 1936. O Tenente  Coronel Comandante Militar. Asinado ( Ilexible ).

Sr. Capitán Xuiz Instrutor, Don Enrique Méndez Iglesias. Caixa de Recluta nº 51.- Praza

                                        ...................................................................

 Atestado instruido sobre depósito  de armas  ( 21.07.1936 ) 

En Sárria,  a veintiuno de julio de mil novecientos treinta y seis , Don Mariano  Vaquerizo  García, Sarxento  da Comandancia da Garda Civil  de Lugo, concentrado nesta vila pola presente acta fago constar , que en unión dos  Gardas segundos  Constantino Rodríguez Orozco ,  Ramón Silvela de la Fuente e Xinés Jodar  Sánchez, e Corneta , Xosé López García, foi recoñecido o domicilio  do ex-Alcalde deste pobo , Don Antonio Pàramo Sánchez,  a presenza da súa nai Consuelo Sánchez Arias , viuva, de corenta e oito anos e viciña da dita vila  e o seu tío Xosé Sánchez Arias , maior de idade, en representación de aquel por non se achar no domicilio  e das testemuñas Graciano Durán Galindo  e Xosé Castro  González, maiores de idade,  e viciños da mesma vila , achando no tal domicilio as armas seguintes:  No cuarto-despacho  do Don Antonio unha tercerola sistema Remigton , en bon uso  e útil para disparar ; na galería , pranta alta, un trabuco  en bon uso e útil para disparar, un fusil antigo, descoñecendo o sistema , co número seiscentos setenta e cinco  ; no primeiro  cuarto que está  á dereita segundo se vai á galería, unha mecha de vinte e cinco centímetros  de longo aproximadamente , dous proxectís do revólver do quince e outro do  doce e unha bala do seis trinta e cinco de pistola no mesmo cuarto  anterior, así unha escopeta  inútil.

    Preguntados os familiares citados  , contestan  que coñecedores  da persoa do seu sobriño  e profisión que desempeña, estes últimos días  era moita a xente  que concorría ao se bufete  en calidade de consulta   profisional, sen que  nestas visitas   se lles fixeran preguntas   que foran alleas á súa profisión  ou asuntos administrativos municipáis , relacionados  exclusivamente  esas consultas  como indicado coa profisión de Avogado  e Alacalde, por ter  aos seus familiares  ocupados  na profisión  comercial  que teñen noutro edificio  situado  no Lázaro  e a cen metros de distancia desta casa rexistrada, supoñendo ( que poideron ser introducidas na súa casa  e do que non puido apercibirse bo Señor Páramo por ter o seu despacho a carón do portal e as persoas que entraban a se consultaren  facíano individualmente e  coa porta do bufete choída para que non poidese ouvir a xente que agardaba estas consultas profesionáis  e para gurdaren o  respeto debido á vida profisional que todo Avogado  debe gardar, deducindo de todo isto  e acreditándose polo tanto  a facilidade  coa que algunha xente  se puido introducir sen ser vista e poñer  as ditas armas no lugar onde foron achadas e que estes familiares, nai e tío, non viron esas armas nin as recoñecen da súa propiedade . Que a nai non vive no domicilio do seu fillo , que só cando este se ausenta  ten a chave única e exclusivamente  para custodiar o edificio. Dándose por rematado este rexistro ás oito horas  do citado día co resultado indicado, achándose  de conformidade  e sen faceren reclanación ningunha os familiares do dono do domicilio rexistrado, que asinan todos os que nela interviron  coa forza e instrutor que certifica,

José Sánchez.- Consuelo Sánchez.- Graciano Durán.- Constantino Rodríguez Orozco.- Ramón Silvela de la Fuente.- Ginés Jodar Sánchez.-  José López García--José Castro.- Mariano Vaquerizo García.

                                        ...............................................................

............Practicadas pola forza  activas xestións para a detención  do  ex-Alcalde  Don Antonio Páramo Sánchez  a quen lle acharon as armas que se reseñan neste atestao  no seu domicilio desta vila de Sárria, resultaron infrutuosas  pois resulta que dende as dúas da mañá de hoxe   que foi deposto do cargo de Alcalde , desapareceu  descoñecéndose o seu paradoiro.

E  para facelo constar exténdese a presente en Sárria a vinte e un de xullo  de mil novecentos trinta e seis, asinando a forza instrutora.

Ginés Jodar Sánchez.- José López  García.- Constantino Rodríguez Orozco.-  José  López García.- Mariano Vaquerizo  García.

                                                      .............................................

Dilixenza de entrega.- En Lugo a vinte e dous de Xullo de mil novecentos trinta e seis,  Fíxose  entrega  ao Señor Comandante Militar  da Praza  do presente atestado que consta de dous folios  útiles , instruido  encol do depósito de armas , en estado de guerra, quedando   as sinaladas  nestas dilixenzas  depositadas e ao dispor da dita autoridade na Casa-cuartel de Sárria.

E para facelo constar  exténdese a presente  que asina a forza instrutora.

Giné Jodar Sánchez.- Ramón Silvela de la Fuebte.- José López García.- Constantino Rodríguez Orozco.- Mariano Vaquerizo García.

                                                                  ........................................

Providencia Xuiz Sr. Méndez.-En Sárria  a vinte e seis de Xullo de mil novecentos trinta e seis. Ditíxase orde  ao Comandnate do Posto  da Garda Civil desta vila coa fin de que se proceda  á  detención do Sr. Ex-Alcalde  Don Antonio Páramo Sánchez, poñéndoo ao seu dispor no cárcere do partido.

 Mándao  e asina a Sª.Sª  e dou fe.

                                                  Méndez.-  Antonio P. Peñamaría.

                            Nota .- De seguido  cumprimentouse. Dou fe. ( Peñamaría )  

                                             ...........................................................

Providencia Xuiz Sr. Méndez.-  En Sárria a vinte e tres de Xullo de mil novecentos trinta e seis< Diríxase oficio  ao Cpmandante do Posto da Garda Civil coa fin de que ordene comparezan  neste  Xulgado o Sarxento Don Mariano Vaquerizo García e os gardas  Constantino Rodríguez Orozco , Ramón Silvela de la Fuente  e Ginés Jodar Sánchez e corneta José López García.

                                          Mandouno e asina a Sª Sª  e dou fe ( Méndez.- Antonio P- Peñamaría )

                                Nota.- De seguido cumprimentouse, dou fe ( Peñamaría )

                                               .............................................................

Providencia Xuiz Sr. Méndez.-  En Sárria a trinta de Xullo de mil novecentos trinta e seis. Por ter recibido orde telefónica  á vinte horas, de ter que asistir  na Praza de Lugo  ás oito horas  do día de mañá, como vogal,  a un Consello de Guerra, suspéndese momentáneamente  o curso destas actuacións.                         

                                  Mandouno e  asina a Sª Sª; dou fe ( Méndez.- Antonio Pérez Peñamaría )

                                             ......................................................................

Declaración da naii do ex-Alcalde desta vila, Dª Consuelo Sánchez Arias.-  En Sárria a dous de agosto de  mil novecentos trinta e seis , perante o Sr. Alcalde, digo ,  Sr. Xuiz e presente Segredario  comparecéu Dona Consuelo Sánchez Arias  , quen advertida de que ía prestar declaración e das penas sinaladas  na Lei ao reo  de falso testemuño,  prometéu ser veraz  nas súas manifestacións  e ao ser preguntada polas xeráis da Lei, dixo:

Chamarse  como queda dito, nai  do Ex-Alcalde desta vila Don Antonio Páramo Sánchez , maior de idade, viuva , natural e viciña  desta vila.

Preguntada convenientemente  declara:  Que encontrándose na mañá do día vinte e un de Xullo na casa  que posúen  no Barrio de San Lázaro, recibiu aviso  da Garda Civil para que  comparecese na cas na que vivía o seu fillo , e unha vez nela abriu a porta, e xunto coa forza entraron , procedéndose deseguido ao rexistro, aparecendo as armas e municións que se recoñecen no atestado do folio dous e tres, armas que nunca vira na súa casa sendo ela a primeira sorprendida. e rematado procedeu a pechar a Casa , ausentándose para a outra casa que deixa citada , mais dende a mañá do día vinte e un  na que saira non voltóu á casa na que vivía o seu fillo, até que foi requerida pola Garda Civil na mañá do día vinte e un. Que tanto ao seu fillo Antonio como ao seu fillo Xulio, non volveu a velo dende a mañá do día vinte, nin ten coñecemento de onde se poden achar. Que as chaves da Casa na que vivía o seu fillo mandolullas este dende o Concello ás dúas da tarde , aproximadamente, do día vinte.

Preguntada se ten algo máis que dicir, dixo: Que non, que o dito é a verdade, afirmándose e ratificándose no seu contido, previa lectura, asinando coa Sª Sª,  do que dou fe.

                         Enrique Méndez.- Consuelo Sánchez.- Antonio P-Peñamaría

                                    .....................................................................

Providencia Xuiz Sr. Méndez.- En Sárria a dez de Agosto de mil novecentos trinta e seis.- Trasládese o Xulgado a Monforte en vista de se achar detido naquel cárcere o irmán do ex-Alcalde desta vila,  Don Xulio Pâramo Sánchez, coa fin de lle recibir declaración.

                                                      Méndez- Peñamaría

                                          ....................................................................

                                                             Señor Auditor:

Don Enrique Méndez Iglesias, Capitán de Infantería con destino na Caixa de Recluta número cincuenta e un, Xuiz Instritor nomeado pola Comandancia Militar de Lugo, para a tramitación desta Causa á Vª Sª en cumprimento do disposto no artigo 532  do Código de Xustiza Militar, ten a honra de formular o seu ditame da forma seguinte:

Principiaron  estas actuacións en vinte e cinco  de Xullo último. en virtude de orde  da Comandancia Militar  de Lugo,a  contra do  ex-Alcalde  de Sárria, Don Antonio Páramo Sánchez, polo achádego de  armas no seu domicilio, o día vinte e un de Xullo último,ao ser rexistrado pola Garda Civil.

A nai e irmán do citado ex-Alcalde, declaran aos folios 8 volto e 9 e 9 volto e 10.manifestando que as armas achadas no seu domicilio non pertencían ao mesmo, pois el non usaba máis armas ca unha pistola e na casa non existían máis armas ca unha escopeta de caza e cecáis sexa  verdade, pois segundo se desprende doutro sumario, aquel era o lugar onde se depositaban as armas e municións que como Alcalde requisaba; e que de seguro foron abandoadas por careceren de municións para as mesmas.

Ao folio 4 volto, obra provindencia, acordando a degención do repetido ex-Alcalde Don Antonio Páramo Sánchez, por crelo  o único responsable, detención  que até esta data  non se puido efectuar.

O Xuiz que suscribe ten a honra de elevar á Vª Sª o actuado, en virtude de instrucións recibidas, para a resolución que estime procedente.

                                      Sárria, once de  Agosto de mil novecentos trinta e seis.

.......................................................................................................................................................................

( Boletín Oficial da Provincia de Lugo,  3.05.1937 )  Acordan instruir expediente de responsabilidade civil   contra Antonio Páramo Sánchez no Xulgado Militar Permanente de Monforte de Lemos.

....................................................................................................................................................................... 

( Boletín Oficial da Provincia de Lugo,  17.05.1937 )  Citación a Antonio Páramo Sánchez para que concorra ao Xulgado de Instrución de Sárria  en sumario por " estafa "  por ter exercido a función de  Ordenador de pagamentos  do Concello de Sárria ).

..................................................................................................................................................................... 

                                                 REQUERIMENTO POR EMBARGO DE BENS

( Boletín Oficial da Provincia  de Lugo,  27.07.1938 )  .-  Requerimento dos tíduos de propiedade  dos bens embargados a Antonio Páramo Sánchez  : Casa  de Perico de Vilamaior, Prado e  Devesa do Bacelo , Aira, Chousa dos Pinabetes, Cortiña da  Mina,  Leira das Caínzas,  Leiro de Lamalong , Prado dos Espiños,  Leira da Cruz,  Leira das Viñas,  Cortiña de Oniga ,  Cortiña do Pacial,  Leira de Cima do Lameiro. Representa unha cota  de 1 / 24 parte.

........................................................................................................................................................................

( Boletín Oficial da Provincia de Lugo, 6.06.1940  )  Expediente de  Responsabilidade Civil  nº 5 / 1937 do Xulgado  Militar Permanente de Monforte , de orde da  Comisión Permanente de Incautación de Bens  de Lugo ( Resolución de  25.05.1938 ) Antonio Páramo Sánchez  condeado ao pagamento de 100.000 pesetas  en cocpeto de responsabilidade civil pola súa actuación politica.

...................................................................................................................................................................

( El Progreso,  29.01.1955   ) REPRESENTANTE DO  GREMIO FISCAL DE EXPORTADORES DE XAMÓNS E LACÓNS.

Aprobase  , pola Deputación Provincial,  o concerto solicitado  por D. Antonio Páramo Sánchez , con suxeición ás mesmas normas e condicións do anterior  e baixo da denominación "  Gremio Fiscal dos Exportadores de Xamóns  e Lacóns de  Gado Porcino" da  provincia de Lugo  para o mesmo ano 1955. ( Aprobado pola Deputación Provincial  por solicitude  do Delegado Provincial de Sindicatos  por un total de 240.000 pesetas ).

.....................................................................................................................................................................   

NO CABODANO DO FALECEMENTO DE  D. AMTONIO PÁRAMO SÁNCHEZ

( El Progreso,  31. 05, 1960 ). Notas necroloxicas.-  No primeiro cabodano   do falecemento de don Antonio Páramo Sánchez 

Cúmprese un ano do falecemento  de don  Antonio Páramo Sánchez ,  distinguido avogado e intelixente industrial.

 A recta persoalidade  humana e  social  do señor Páramo Sánchez  obriga ao recordo,  e os que tivemos a honra de sermos os seus amigos  somos tamén testemuñas da súa boahomía , a súa capacidade  profisionañ no foro e nos negocios , actividades que  el sabía compaxinar   brillando nunhas e noutras, do seu trato amable  e cordial, como compre a un home  que foi cabaleiro á española e que en todos os actos amosóu un  xusto sentido cristián de vida.

Ao lembralo hoxe en vida e ao recordar a datan da súa morte, elevamos  unha fermosa oración pola súa alma e reiteramos o noso máis sentido pésame aos seus familiares, todos eles moi distinguidos amigos nosos.

Descanse  en paz a alma  do bon amigo Antonio Páramo Sánchez.

......................................................................................................................................................................