SAN XOÁN DE SÁRRIA ( 1971 ) ( 556 )

                        FESTAS DO SAN XOÁN DE SÁRRIA ( 1971)                                 ( 556 )

 (  El Progreso,   5.03.1971 ).-  Definitivamente  antes de rematar a presente semana  daranse os primeiros  toques darredor de perfilar   a nova Comisión de Festexos . Parece ser que a deste ano  terá lixeiros cambios  con relación ás de anos anteriores ,

Don Euxenio Quiroga Vázquez, alcalde de Sárria, quere non ser el quen a presida , senóm nomear  un concelleiro, Sexa como sexa, o importante  é que as cousas  se fagan canto antes  e que quen  se encarguen  de formar neste ano  a Comisión que comece  axiña as súas xestións.

Por outra parte, se é que este ano  queremos ter festiváis taurinos  tamén se han ir perfilando.

 ( El  Progreso, 21.03,1971 ).-  Xa quedóu definitivamente   constituída a Comisión Oficial  de Festas  do presente ano, que a compoñen os seguintes señores: Presidente de honra. don Euxenio Quiroga, alcalde de Sárria;  presidente executivo : don  Ricardo González Vázquez ;  vicepresidente : don Tomás Castellano Rodríguez ; segredario ;   don Manuel Caloto Cabañas ;  tesoureiro : don Xosé  Rodríguez Trebolle ;  vogáis os señores  don Xosé López Díaz, don Xosé Díaz Valcárcel,  don Manuel Alvaredo Arias ;  don Luis Seijas López ;  don Xosé Rivas Barreal ;  don Venancio Seijas López, don Xosé Xoán Portela García, don Euxenio Sanmartin Carballal,  don Anxo López Folgueira , don Antonio Caldeiro Sanmartín , don Mateo Robles Pérez , don Carlos Díaz Balboa e don Manuel Irimia López, A todos eles desexámoslles  unha feliz xestión a prol dunhas festas como son as Patronáis de San Xoán en Sárria.

Esperamos en breve irmos  adiantando os distintos números  que se vaian confeccionando e facendo públicos . 

(  El Progreso, 1.04.1971 ).- ..... Que o lugar elexido para as festas  patronáis de San Xoán causóu moita revoada  na vila.Non somente polo lugar onde se encravaron , senón  por mudar unha tradición moi antiga. A cousa xa se tiña intentado  varios anos, máis sen a forza necesaria..         

( El Progreso, 6.04.1971 ).- ENCOL DAS FESTAS PATRONÁIS.-  Como nestes  últimos días  circula  un rusmusmús  darredeor da nova ubicación  das Festas Patronáis , dos que fixemos eco  neste espazo,  e para  sabermos algo en concreto falamos  con don Ricardo González Vázquez , presidente da Comisión de Festas para preguntarlle sobor do que efectivamente hai neste delicado asunto-O señor González Vázquez díxonos  que o vindeiro xoves  saberase  definitivamente o verdadeiro ao respecto . Polo tanto pódese pensar que todo o que se dixo  non era dende logo con carácter  definitivo.

Agora  hai que agardar  o que nos depara  esa importante  reunión  da que sairán moitos puntos da constitución  definitiva  do programa  a celebrar co gallo  das  Festas Patronáis  de San Xoán.

( El Progreso, 11.04.1971 ).-   Continúa  sen se saber nada en concreto  sobor  onde  se enclavarán  definitivamente as Festas Patronáis  de San Xoán. Hai comentarios para todos os gustos. O informador cre  ao final todo se vai arranxar e as cousas quedará ao gosto de todos , polo que considero algo  esaxerados  algúns comentarios  e situación. Dende logo  dentro do seo da Comisión  traballan o seu  para chegaren a  un feliz acordo: Unha cousa que está á marxe  deste problema  son as corridas de touros , que segundo informes  tamén este ano os haberá en Sárria,

( El Progreso, 15.04.1971 ).- Séguese a falar  moito encol da situación das nosas festas patronáis. Coordinación e facer o que máis  conveña a  estas e ao pobo.

( El Progreso, 1.05.1971 ).- NOTAS SOBRE AS FESTAS.-  Acabamos de recibir  unha nota asinada por  don Ricardo González Vázquez como presidente  da Comisión de Festexos, rogando a súa publicación  :"  A Comisión queb fora designada oficialmente para a organización  dos festexos populares  "San Xoán" 1971 desta vila , desxa facer chegar a todos aqueles viciños que tan amablemente  aportaran as súas cotas (  xa devoltas nos seus propios domicilios )  e tamén aos que non o fixeran e que no seu momenrto  estaban dispostos a facelo  , o seu sincero e modesto agradecemento  polo interese de colaboracion  amosado  e a todos eles. considérome na deber de lles dar unha breve explicación  encol dos motivos que o induciron  á renuncia de tal xestión.

Unha vez constituída a Comisión celebróu reunión para os primeiros acordos de organización, e coa másis sana intención de darlle a estes festexos  o pulo desexado, fixéronse os primeiros bocetos , considreando acertada ou desacertadamente  que as festas da vila debiánse celebrar no lugar máis céntrico  posible da mesma e concentralas ao máximo , xa que, entendemos , non se trata dunhas festas de barrio, como puideran  seren as do  Barrio da Estación, Ciguñeira, San Lázaro  ou Rúa Maior, todos eles cunha distancia  similar á zona onde se pretrendía ubicalos , na Rúa Nova e Rúa de Pedro SAco, con capacidade suficiente para cantas atraccións, barracas quixeran participar e coa atribución da Autoridade municipal para a proibición do tráfico rodado  nos días que se  sinalaran, pois todos sabemos que hai outras boas avenidas na vila que serían idóneas para o seu emprazamento , mais disposicións vixentes  da Superioridade non o permiten por se trataren de vías  de Obras Públicas  con grande densidade de circulación.

Como quer que ao se coñecer  este previo acordo   prantexouse o illamento total de colaboración  nun dos barrios da vila, concretamente o da Rúa Maior,  viciños  que pretendían a división  destes nfestexos celebrando simultáneamente outros independentemente dos oficiáis, pola súa conta ne risco, esta Comisión, sen desexo de polémicas nin retesías que cre redundarían  en perxuizo dos mesmos , e máis aínda máis, cecáis do pobo, consideróu mellor retirarse e deixar que os referidos viciños  promotores dunha segunda  organización de  festas,  as executen  unificadamente e sexa cal for o seu programa  e  ubicación mereceranos todo respecto."

( El Progreso,  5.05.1971 ).-  Séguese a falar moito  das Festas do San Xoán . Xa os hai que apuntan verbena para o 23, festa e verbena para o 24, festividade  do Padrón da vila e festa campestre no Chanto o día 25. De ser verdade isto somente haberá uns poucos perxudicados.... xa que as festas serán as mesmas . Que todo resulte así, que logo aínda  virá  a  alboiada taurina.

( El Progreso, 23.05.1971 ).-  HABERÁ FESTAS DE SAN XOÁN.-  Acaban de nos remitir a seguinte sobor das festas  patronáis:

" Diante da posibilade de que  as nosas Festas Patronáis  non se celebraran non presente ano , un grupo de viciños  e amigos  reunímonos co único desexo  de percurar  unha posible solución ao problema

( El Progreso, 26.05.1971 ).-  Seguen os preparativos- A recadación  polo momento  non  baixan  da dos anos  anteriores . Ao contrario, suben.  A nova de que neste ano  teremos touros, ven a favorecer  moito o labor dos novos membros  que tratan de facer as festas. En fin.posiblemente non se note moito o retraso-.

Estes  contactos serviron para reafirmarnos na idea de que unha vila da categoría da nosa non debera renunciar a algo que se veu celebrando ano tras ano , con indudable acerto e con boa vontade por parte de todas as xerazóns de sarriaos.

De todos é coñecido  o renome  que nos últimos anos veu alcanzando  a Festa Maior  da nosa vila , grazas por riba de todo, ao afán de superación da que sempre  se fixo gala.

Este feito constitúe  un reto para todo un pobo , a todo o pobo quremos dirixirnos no ánimo de que todos saberemos facernos á idea do que significa a celebración das festas de San Xoán.

Velaí  o noso convencemento  de que acharemos colaboración en todas as partes-  Colaboración que se vai facer máis necesaria diante da imposibilidade de alcanzarmos o nivel conquerido nos anos anteriores, dadas as circunstancias  de falla de tempo e a inexperiencia  pola nosa parte.

É o noso interese  é que as festas  cheguen a se celebrar os días 23, 24, 25, 26 e 27, axustándose no posible ao que en materia de programación se veu realizando nos últimos anos.

Pensamos   que a ubicación  das festas  poderá realizarse. co conseguinte reparto  de  días e festexos, nos seguintes lugares ; Ciguñeira , Estación , Matías López, Rúa Maior  e O Chanto.

Para iso pedimos  a colaboración  desinteresada  de todos os sarriaos na seguridade de que esta  non faltará en ningún momento. A  nosa única angueira é conquerir  que SÁRRIA  non quede neste ano  se as súas renomeadas festas  de San Xoán.  Somos conscientes  das dificultades  que se nos presentarán , debidas por riba de todo  á falla material de tempo e que traerá como consecuencia  un estancamento na liña ascendente  moi marcada  dun tempo a esta parte.  Mais  confiamos  en que , con boa vontade por parte de todos nós sairemos adiante.

Queremos tamén , e xa para rematar,,  facermos unha invitación   para  que todos aqueles que poidan prestarnos  a súa axuda persoal , o fagan , coa  certidumen  de que a súa colaboración  contribuirá  nunha  mellor consecución de todo o que o pobo debe esixir de nós.

En sucesivas notas informativas  comunicaremos os logros  e propósitos a conquerir ou xa conqueridos.

 ( El Progreso, 15.05.1971 ).-  Consideramos innecesario  dicirmos o ben que se recibiu  a nova  de que efectivamente  teremos festas patronáis  de San Xoán. Parece ser  polas nosas primeiras tomas de contacto , que a  colaboración  de todos  está asegurada. Que así sexa e que os traballos pertinentes  se fagan o  máis axiña posible.

( El Progreso, 21.05,1971 ) UN RUSMUSMÚS..- Á hora  de enviar  estas notas  chéganos  certo rusmusmús  encol  da posibilidade  da creación dunha comisión  de festexos  que se encargará  das patronáis de San Xoán . Como a nova  non ten oficialidade ningunha.,  mantemos as nosas reservas. Agora ben  sería unha medida moi apraudida  por todos ; o ambiente darredor  de deixar a Sárria  sen as súas festas patronáis  non é  moi aprobado que se diga.

( El Progreso, 25,05,1971 ).-  Innecesario consideramos o  dicirmos o ben que se recibiu  a nova de que efectivamente teremos  festas patronáis de San Xoán. Parece ser, polas nosas primeiras tomas de contacto , que a colaboración  de todos está asegurada, Que  así sexa e que os traballos se fagan  o máis rápido  posible.

 ( El Progreso, 3.06.1971 ).- COMISIÓN DE FESTAS.-  Aínda tendo en conta o que anteriormente destacabamos , a Comisión Organizadora  das Festas Patronáis de San Xoán veñen de  indicarnos por boca dun dos seus principáis membros que a compoñen, que están moi satisfeitos  da axuda que nas ordes todas están a recibiren  da veciñanza.  Xa van recadadas perto das 100.000 pesetas e aínda resta a metade da vila sen perorrer. Temos que destacar  que dende hai anos  o orzamento  das festas  sarriása que está  na cifra de 200.000 peseyas  algo longas. 

Por iso pensamos  que as festas deste ano , aínda cos moitos inconvintes, será como os dos anteriores, unhas festas que aínda que para moitos  sarriaos non as consideren así, por  toda a rexión  soan e son consideradas  das grandes de  Galicia.

   ( El Progreso, 4.06.1971 ).-  FESTAS PATRONÁIS.-  Continuanse a recoller  fondos  para as mesmas, ao tempo  que se trata de contratas  orquestras  e unha famosa banda municipal. Nós tratamos de nos enterar periódicamente de como marcha todo. Dinnos que moi ben, se se exceptúan certos establecementos, bares moi especialmente que aínda  continúan  salindo coas dúas ou trescentas pesetas. Estes son os poucos e sempre ano tras ano os mesmos polo que a cousa non merece maior alarma, Mentres isto acontece e para facer a contra ,  outros da mesma razón  duplican a cota ou similares. Feito polo que non hai que rachar  as vestidura en momento nigún  e que as cousas sigan  trascorrendo normalmente,

***********************************************************************************