SÁRRIA: IRREGULARIDADES NO CONCELLO ( 1939 ) ( 552 )

                                SÁRRIA: IRREGULARIDADES NO CONCELLO ( 1939 ) (552)

                                                                                                André PÁRAMO CASAS

* O Concello de Sárria é sometido  a un fondo exame  no que se advirten  irregularidades  que esixen a súa intervención. Hai cinco vacantes :  A do Segredario ( excedente ),  a de Interventor ( falecido hai meses ) e as de tres empregados  incorporados ao Exército.

*  Isto confirma  a razón que  asiste  ao denunciante  D. Luis Saco, funcionario de inmellorables  antecedentes : Dase o caso  de que o alcalde actual, D. Fernando Taboada de Zuñiga , negouse  a recoñecelo como tal empregado  fundándose no prtexto  de que o nomeamento non figura no Libro de Actas. ofrecéndolle por toda retribución  a cantidade de 4 pesetas diarias, o que se considera unha bulra nun país que hai un ano  viu promulgado o " Fuero del Trabajo" e como xornal medio dun braceiro  está fixado o de 7 pesetas.

Interrogados ao respecto , o  Sr. Alcalde e o Segredario accidental  (  D. Xesús Puche )  coincidiron  en que as condicións moráis e prfesionáis do Sr. Lois son excelentes.

* O Alcalde  só adica unha hora ( de 12 a 13 ) para asinar, o que é insuficiente.

* A actual Xestora  tomóu posesión  o 21 de outubro de 1938  e o seu abandono  demostra  que até a data non confecionaron o orzamento  e o Segredario manifestóu que tiñan  un avance do mesmo, polo que hai que se rexir polo de 1937, xa prorrogado, con multitude  de deficiencias, Idéntica anormalidade se amosa  nas sesións que reflicte o Libro de Actas. A que aparece asinada últimamente é a do 15 de novembre . e se ben o 15 de decembro de 1938 se volvéu a reunir . interrompida sen motivo que o xustifique. As causas derivan da falla dun Segredario competente  e na falla de persoal para as oficinas e na incapacidade do Alcalde só atento a xenreiras  e liortas  insustanciáis. Isto produce tamén saídas fraudulentas de mercancías  cuxa exportación  está proibida  e que teñen acceso desde Sárria  ao Incio. dende onde se levan a Castela.

* Hai tres concelleiros  de historial  esquerdista e que son instrumento de Saco :  O Alcalde (  Agrario de Saco );  Modesto Pardo  ( antigo socialista ) e Delfín Yebra  ( esquerdista antigo ). Os tres formaron parte  da primeira corporación da República, o 5 de xuño de 1931 (  1 ).

*  Convén, pois, a renovación  parcial do Concello , se ben é un asunto delicado e de tramitación lenta , pos en Sárria existen elementos  de auténtica dereita , sempre apartados de toda acción politica, que  ven con repulsa esta Corporación - restos  do vello tinglado caciquil - aos que se precisa incorporalos  á vida activa municipal. Esta atracción non é doada , porque "Sárria´eun pobo enveleñado  pola miuda e mesquiña  politica imperante até o 18 de xullo de 1936 , e porque a herdanza  dun Concello desorganizado  e entrampado  para politicos de boa fe.  Porén  pódese achar  un grupo selecionado  que parcial ou totalmente , se fagan  cargo do Concello, e lle imprima  normas  austeras, para o seu  funcionamento  futuro.

                              Lugo , a 17 de marzo de 1939. III Ano Triunfal

Nota.- ( 1 )  Dende a morte de  don Manuel Saco Pradeda o 14.04.1937  e en  25.08.1938 , do seu fillo , don  Manuel Saco Rivera , que fora deputado a Cortes,   a perda da influencia da familia Saco  na politica  local e comarcal de Sárria desaparecera totalmente , e   o Alcalde S. Taboada de Zuñiga , emparentado por vía matrimonial   coa esposa de D. Manuel Saco Pradeda,  carecía de forza, capacitación  e valores persoáis para  alongar os vellos poderes  que por décadas exercera a Casa Saco. Resulta inexpicable  que na análise das irregularidades do Concello de Sárria  se queira derivar a súa orixe cara unha familia, que  descabezada pola morte dos seus máis representativos membros, ningunha forza politica tiña  no ano 1939.  O único varón , membro desa familia, D. Xabier Saco Rivera, que nos primeiros meses do alzamento militar fora xefe local das milicias falanxistas, despóis  de ser apartado desas funcións por decisión das autoridades militares,  nese ano  de 1939 carecía de todo peso para influir na marcha da politica municipal de Sárria e o mesmo sucedéu nos anos seguintes, pois non pasóu de ser  concelleiro de nomeamento gubernativo en 1941.  Nin de xeito público nin dende as sombras  se pode advertir  que o derradeiro membro da familia exercese  poder caciqul.

                                             ********************************

                      CARA A FALANXISTACIÓN DA COMISIÓN XESTORA MUNICIPAL

                             Sesión  Extraordinaria do Concello de Sárria do 27 de xullo de 1939.

Toma de posesión da nova Comisión Xestora  nomeada polo Gobernador Civil para o Concello de Sárria

Alcalde: D, Manuel López Mosteiro.  Comisión de Facenda:  Alfredo López,  Manuel Martul, Ramiro Fernández.  Comisión de Gobernación:  Ramiro Fernández, Basilio López, Xosé González Pérez. Comisión de Fomento:  Xosé Vázquez Gayoso, Antonio Rodríguez López; Xosé Tourón Prado ; Comisión de Abastos:  Xesús López Vázquez,  D. Antonio Rodríguez Sampedro, Manuel Boado Vázquez. 

Para a celebración de sesións ordinarias  sinalan os día 8 e 22 de cada mes  ás 16 horas. Por unanimidade acordan dirixiren  atentos saúdos telegráficos  aos Sres. Gobernador Militar e Civil e Xefe Provincial de Falanxe  expoñéndolles  a súa incondicional adhesión.

                                                   Sesión  de 1 de decembro de 1941

O Gobernador Civil propón renovar  a Xunta Xestora  na súa totalidade  por levar moito tempo os actuáis concelleiros  e  polas queixas que na contra do Alcalde recibe, por neglixencia no cumprimento no cumprimento dos servizos, " e sustituílos  por persoas pertencentes  a F.E.T.  e  inmellorables  informes da Xefatura do Movemento e da Garda Civil.

Alcalde:  D, Román López Rubín.  Primeiro Tenente de Alcalde: Xabier Saco Ribera. Segundo Tenente de Alcalde:  Xosé Gayoso Fernández. Terceiro Tenente de Alcalde:  Xosé Vázquez Gayoso. Xestores :  Serafín Martul, Ventura Asensio, Anxo Torres Gallego, Euxenio González López, Emilio Zaera Gayos, Ramiro Fernández Díaz, Xesús López Vázquez, Antonio Rodríguez López, Antonio Toirán González,