SÁRRIA : II REPÚBLICA ( 553 )

                                                   SÁRRIA : II REPÚBLICA                             ( 553 )

         SESIÓNS DO CONCELLO  DO  14 DE ABRIL DE  1931 A  20 DE XUÑO DE  1936      

                                                           1931

    SESIÓN DE 24 DE ABRIL.-  Toma de posesión da COMISIÓN XESTORA: Camilo González Macía, Dalmiro González Zaera, Vicenzo Páramo Losada, Xosé  Fernández Vázquez.- Amosan satisfación polo advenimento da República.- Acordan  que a Garda Municipal  teña unha quenda diurna, con porra, e a noiturna , armada, até as 4 da mañá.

SESIÓN DE 30 DE ABRIL.-  Bando pola Festa do Traballo.-  Acordo de adquisición  de bandeiras  republicana e galega.

SESIÓN  DO 7 DE XUÑO.-  Acordo de dar novos nomes á rúas da vila: Casares Quiroga ( a Rúa do Porvir ),  Avenida da Liberdade ( a Alfonso XIII - Estrada de Samos ),  14 de Abril (  Raíña Victoria / San Lázaro ), Capitán Galán (  a Rúa Maior ), Praza  Alcalá Zamora ( a Praza da Constitución ). Estudan a creación dunha escola en San Fiz de Reimóndez.

...... Ningunha das rúas  con nova denominación chegóu a vela consolidada,  e a  postulada como Avenida da Liberdade acabóu tendo a denominación oficial de Avenida da República .........................................                 

SESIÓN DO 5 DE XUÑO.-  Proclamación de Concelleiros.- Alcalde :  XOÁN MANUEL SOMOZA GARCÍA ( 18 votos sobre 19 )

SESIÓN DO 11 DE XUÑO.-  Prófugos.  ( Sesións convocadas o 12, 19 e 26 de xuño ) ( Sesións convocadas  o 3 e 11 de xullo )

SESIÓN DO 20 DE XULLO.-  Estudo encol da Escola de Loureiro.- Decreto sobor da sustitución de persoal feminino por masculino en fondas e bares ( Sesións convocadas o 25 de xullo e 1, 8, 15 e 22 de agosto ).

SESIÓN DO 31 DE AGOSTO.-  Interesan a creación de carterías  en parroqiuas ruráis.- Acordos de obras: Arranxo de fontes,  Travesa dos Fornos, cemiterio, Avenida da Feira  , Pavimentación da Rúa Maior.-  Contratación de alumeado  público  e suministro  a locáis oficiáis por electricidade.- Acordo de dar un bando sobor do peso do pan.- Adqusición de medidas para gran.

SESIÓN DO 7 DE SETEMBRO.-  Licenza a favor de  don  Ricardo Núñez Rodríguez para a constución dun edificio para Escola, no Pereiro, parroquia de San Fiz de Vilapedre..- Toman nota  do remate da Casa Escola de San Martiño de Louseiro. ( Sesións convocadas  para os días 12, 19 e 26 de setembro e 3 e 10 de outubro.

SESIÓN DO 19 DE AGOSTO.-  Contas de  ingresos e gastos.- Axuda económica a Gregorio Fernández Barrio, pobre, de 83 anos, para que vaia aos baños a Lugo : 50 pesetas.- Adhesión  á proposta do Alcalde de Santiago de Compostela sobor da liberañlización  dos transportes  con veículos a motor.- Acordo sobre dotación de fontes no medio rural.-  Creación de dúas novas Escolas  no Grupo Escolar da vila de Sárria.- Creación de escolas en Vilamaior e Vilapedre.

SESIÓN DO 9 DE NOVEMBRO.-  Acordo  encol de camiños, pontóns e fontes.-  Prego de condicións  do alumeado publico e dependnezas  oficiáis. - Fixación das festas locáis oficiáis : San Xoán, Día de Galicia e Entroido.- Os viciños  piden que a Rúa Maior sexa lastrada de cantaría. ( Convocada  sesión para   o 5 de  decembro )

SESIÓN DO 23 DE NOVEMBRO.-  Suscrición con 25 pesetas  para a Homenaxe a Xacinto Benavente.-  Aportación de 100 pesetas  ao Seminario de Estudos Galegos para a Residencia de Estudantes.- Acordo de instalación de calefacción central na Casa do Concello.

SESIÓN DO 30 DE NOVEMBRO.- Xubilación do empregado municipal  Manuel Díaz, de 81 anos, por notoria imposiblidade física.- Supresión  da consignación  económica para o Direitor da Banda de Música " por non haber músicos " .- Arranxo do pararraios da Torre do Reloxo ( torre de Santa Mariña ).- Adquisición dunha cociña económica con caldeiriño de 150 litros para o Asilo  de Anciáns ´Hospital Muicipal do Mazadoiro.- Ampliación de prazas de funcionarios municipáis.- Creaación a Escola de Farbán.. ( Conocada sesión para o día 5 de decembro )

SESIÓN DO 14 DE DECEMBRO.-  Felicitación a  don Rafael  Sánchez-Guerra  e Saenz  polo seu nomeamento  como  Segredario Xeral  da Casa Oficial do Presidente da República.

SESIÓN DO  15 DE DECEMBRO.-  Nomeamento de Depositario de Fondos. (  Convocadas  sesións para  o 19 e 26 de decembro )

SESIÓN DO 31 DE DECEMBRO.-  Adxudicación do alumeado público  a Xosé Gayoso Fernández ( " Marzán" ) de  " Hidroeléctrica Sarriana ".

***********************************************************************************

                                                                 1932 

( Convocadas sesións  para os días  2, 9 , 16, 23 e 30 de xaneiro e 6,13 e 20 de febreiro )

SESIÓN DO 27 DE FEBREIRO.- Toman coñecemento de que o Concello non debe entorpecer  a propaganda feita por mebros da Igrexa Evanxé.lica.

SESIÓN DO 5 DE MARZO.- Acórdase a creación de novas escolas:  Loureiro, Arxemil, Maside, O Mazadoiro,  Barbadelo, Calvor , Corvelle, Cesár,  Ferreios. Lousadela , Piñeira, Vilar de Sárria... Adquisición dunha bomba de incendios.- Adhesión á petición da Patronal de Lugo para que se cree en Lugo a Faculdade de Veterinaria.

SESIÓN DO 5 DE MARZO.-  Acordo de cesión ao Ramo de Guerra  dos terreos da CHA DE SANTA MARTA para campo de aviación. ( Convocadas sesións para os días 12 e 19  de marzo e 2 e 9 de abril )

SESIÓN DO 12 DE ABRIL-  Acordo de celebración do Día da República ( 14 de Abril ).- Acordo de arranxo de fontes.- Carterías.- Arranxos na Praza   de Xoán María López.- Acordan tirar o quiosco da musica da  Praza  , facer un novo e poñer bancos de fundición.- Acordo de facer beirarrúas   na Rúa do Murallón,. Acordo para a elaboración dun Plano de Poboación para a vila de Sárria.- Aceptación das Casas Escola de San Martiño de Louseiro, Lavandeira en Biville e  Santiago da Veiga, promovidas pola Sociedade Fillos do Distrito de Sárria en La Habana. (  Convocadas  sesións  para os días 16 , 23 e 30 de abril ).

SESIÓN DO 16 DE MAIO  .-  Orzamento.  ( Convocadas sesións para   21 e 28 de maio e 4 , 11 e 18 de xuño )

SESIÓN DO 27 DE XUÑO.-  Delegación para tomar parte  nas discusións  de elaboración do ESTATUTO DE GALICIA.  ( Convocadas sesións  para os días 30 de xuño, 2 ,9 , 16, 23 e 30 de xullo e 6,20 e 27 de agosto )

SESIÓN  DO 5 DE SETEMBRO.- Autorizaxión de acometidas do servizo de augas a casas particulares.-  Concesión dun premio para o Concurso de Aviación. ( Convocadas sesións para os días  10, 17 e 24 de setembro, 1, 8, 15 e 22 de outubro )

SESIÓN DO 25 DE OUTUBRO.-  Proposta de adquisición de árbores para seren chantadas . Propoñen mercar  51.000 pés. Aprobación do arranxo escolar.

SESIÓN DO 31 DE OUTUBRO.-  Aportación de 25 pesetas    para a Comisión Pro-Museo Escolar en Grupo Escolar "Nakens " .- A Comisión está formada por Manuel Azaña, Álvaro de Albornoz , Marañón e Trifón Gó,mez.

SESIÓN DO 5 DE NOVEMBRO.-  Amosan agradecemento ao sacerdote e poeta Amador Iglesias Soto pola súa obra  " Canción a Sárria".

SESIÓN DO 12 DE NOVEMBRO.-  Acordo de cesión dos terreos da CHA DE SANTA MARTA , con anuncio festivo por disparo de bombas. ( Convocadas sesións para os días 19 e 26 de novembro.

SESIÓN DO  3 DE DECEMBRO.-  Acordo de participación  na Asemblea Rexional  de Municipios de Galicia en Santiago de Compostela. ( Convocadas  sesións  para os días 16, 19 e 24  de decembro )

SESIÓN DO 31 DE DECEMBRO .-  Toma de coñecemento  encol do Estatuto de Galicia.

************************************************************************************

                                                         1933

( Convocadas sesións para os días  7. 16 e 28 de xaneiro , 4 . 13, 18 e 25 de febreiro, 4, 11, 18, 23 e 27 de marzo  e 1,8, 15, 19 e 22 de abril )

SESIÓN DO 29 DE ABRIL.-  Alta de casas particulares no servizo municipal de augas.- Amosan desgrado pola creación dunha Escola en Castelo de Loureiro., lograda movendo influenzas e na contra do criterio da Corporación.- Aportación de 200 pesetas para a Comisión de Autonomía de Galicia. ( Na parroquia de San Martiño de Loureiro de Froián , onde se deron enfrontamentos entre veciños , creáronse  finalmente dúas escolas).

SESIÓN DO 8 DE MAIO.-  Estudo de temas relacionados coas Escolas. ( Convocadas sesións para os díaz  13, 20 e 27 de maio )

SESIÓN DO 5 DE XUÑO.-  Aportación de 50 pesetas para a celebración da Volta Ciclista a Galicia.- Aportación de 300 pesetas  para as Festas do San Xoán ( 23 e 24 de xuño )  .- Satisfación pola creación do tren rápido  gandeiro entre Lugo e Barcelona.- Acordo sobor do arranxo de frenteiras das casas. ( Convocadas sesións  para os días 10 e 24 de xuño  e 1 , 8, 15 e 22 de xullo )

SESIÓN DO 26 DE XULLO.-  Nomeamento de don Luis López Valcárcel como Médico Titular   do Concello  ( " Don Luis Pintín ).

SESIÓN DE 31 DE XULLO.-  Solicitude de establecemento de alumeado público  en Céltigos.-  Aportación de 25 pesetas para o moimento na honra de Concepción Arenal na cidade de Lugo.  ( Convocadas sesións para os días 5, 12 e 19 de agosto ).

SESIÓN DO 26 DE AGOSTO.- Acordo de pavimentación da Rúa Maior . ( Acabouse facendo con formigón entre o cruzamento coa Calexa e a Igrexa de Santa Mariña ).- Convocada sesión  para o día 2 de setembro-

SESIÓN DO 3 DE SETEMBRO.-  Elección  para representantes da Rexión Galega no Tribunal de Garantías Constitucionáis. ( Convocada sesión  para o 9 de setembro )

SESIÓN DO 18  DE SETEMBRO .-   Renovación da Xunta Pericial de Rústica.-  Instancias.- Provisión de praza de funcionario vacante, ( Convocadas sesións para o 23 e 30 de setembro )-

SESIÓN DO 5  DE OUTUBRO.-  Pavimentación parcial da Rúa Maior  ( Convocadas  sesións para os días 7 , 14, 21 e 26 de outubro ).

SESIÓN DO  6 DE NOVEMBRO.-   Fixación dos prezos medios do ano 1932 para o pagamento de rendas.  ( Convocadas  sesións para o 11, 18 e 25 de novembro e  2 de decembro ).

SESIÓN DO 6 DECEMBRO.-  Xestións para a construción dunha Casa Cuartel  da Garda Civil   en Sárria  ( Convocada sesión para o día  9 de decembro ).

SESIÓN DO   18 DE DECEMBRO.-  Acordos encol de Gastos. (  Convocadas sesións para os días  23 e 30 de decembro )

SESIÓN DO 31 DE DECEMBRO.-  Acordan facer unha rúa na " Corga de Vales ", entre a Rúa do Porvir e a Avenida da República. ( "A Corga de Vales" que foi estrema entre as parroquias de San Pedro de Maside e Santa Mariña de Sárria coincide co trazado da Rúa Pedro Saco,  e  foi aberta vinte anos despois deste acordo ).

************************************************************************************

                                                            1934

(  Convocadas  sesións para os días   6 e 13 de xaneiro )

SESIÓN DO 3 DE FEBREIRO.-  Adxudicación das obras de pavimentación da Rúa Maior ( entre a Calexa e Santa Mariña  ) a Xoán Meijide García. ( Convocadas  sesións  para os días 6, 13, 20 e 27 de xaneiro,  ( Convocadas  sesións para os días 10, 17 e 24 de febreiro  e 3, 8,10., 13, 24 eb 31 de marzo.. 7 , 14, 21 ,  28 e 30 de abril  e 5 . 12  e 19 de maio ).

SESIÓN DO 26 DE MAIO.- Acordan apoiar  a " Festa do Estudante". ( Convocadas sesións para  os días  2, 5, 9, 16, 23 e 30 deb xuño ,  7, 14,21  e 28 de xullon e 11 de agosto )

SESIÓN DO 18 DE AGOSTO.- Tratan a " Ponte da Reza ", riba do río Sárria  entre Céltigos e Oleiros. ( Convocadas sesións  para os días  25 de agosto , 1 , 8, 15, 22 e 29 de setembro ,  6, 13 , 20  e 27 de outubro , 3  , 10 , 17 e 24 de novembro  e 1 e 8 de decembro.

SESIÓN DO  15 DE DECEMBRO.-  Solicitude de subvencións para  locáis-escola.  Desdobramentos de Distrito Escolar

..........................................................................................................................................................................  

                                                               1935

( Convocadas sesións para os días  5 , 12, 19, 20 e 26 de xaneiro, 2 de febreiro )

 SESIÓN DO 9 DE FEBREIRO.-  Prórroga do orzamento.-  ( Convocadas sesións para os días  12 de febreiro , 9,15 e 16 de marzo )

SESIÓN DO 23 DE MARZO.-  Sentemento  polo falecemento do concelleiro Manuel Valladares López. .( Convocadas sesións para os días  30 de marzo,  6.13, 20 e 27 de abril  e 4, 11, 18, 25 de maio e 1 de xuño )

SESIÓN DO 8 DE XUÑO.-  Aportación económica para unha Homenaxe á Garda Civl (  Convocadas sesións para os días  22 e 29 de xuño )

SESIÓN DO 1 DE XULLO .-  Acordo  de facer as expropiacións de terreos para a estrada do Mazadoiro a Escarlán  , pasando por Treilán, Santalla de Arxemil, Frades  e A Lama de Goián ).- Convocadas sesións para os días  6, 13, 20 e 27 de xullo, 3, 6 , 10 , 17, 24 e 31  de agosto e 7 de setembro )

SESIÓN DO 14 DE SETEMBRO.-  Acordo sobor da Escola de Meixente. (  Convocadas sesións  para os días  21 e 28 de setembro , 5, 10,12,19 e 26 de outubro , 2 , 9, 16, 23 e 30 de novembro e 7 de decembro )

SESIÓN  DO  14 DE DECEMBRO.- Fixación dos prezos medios do ano 1934 para o pagamento de rendas. ( Convocadas sesións  para os días 21 e 28 de decembro )

SESIÓN DO 31 DE DECEMBRO .- Aprobación de contas. 

*************************************************************************************

                                                         1936

( Convocadas sesións para os días  4, 11, 18 e 25 de xaneiro,  1, 8,  15, 22 e 29 de febreiro e 7 e 9 de marzo.)

SESIÓN DO  15 DE MARZO.- Constitución do novo Concello.- Alcalde : Don ANTONIO PÁRAMO SÁNCHEZ  ( Antonio de Vento ). - Convocada sesión para  o día 17 de marzo. Composición do Concello:  Antonio Páramo Sánchez, Pedro García Arcas, Valentín López López,  Manuel Durán Fernández,  Francisco López Melle , Manuel Díaz Vázquez,  Dositeo Piñeiro Valcárcel, Xermán Méndez López, Casiano Quintana López,  Xosé Fernández Capón,  Xosé López Franco, Remixio López Villar , Xosé López González, Roxelio Tarí Uribe, Francisco Alvaredo Rodríguez, Xosé Ramón Castro López.

SESIÓN DO 22 DE MARZO.-  Formación das Comisións Municipáis. Acordos encol de Escolas.-  Traída  de augas.

SESIÓN DO  12 DE ABRIL.-  Subbvencións para Escolas.- Festexos polo Día da Republica.- Acordo sobor do peso do pan.-   Queixas pola actitude politica do farmacéutico Antonio Peña Villamarín,  proposta de seguir expediente por desafecto,

SESIÓN DO 19 DE ABRIL.-   Acordan nomear 14  gardas armados da Policía  Urbana., supernumerarios e sen soldo  nin gratificación , que garantan a orde pública  e sirvan á causa do afianzamento  da República , velando as actividades  na contra do réxime , facendo extensivo este voto de confianza  á ampliación do número de gardas, se se considerase oportuno.- Acordo de facer proxecto dunha nova Praza de Abastos .- Solicitude dun posto da Garda de Seguridade para Sárria.

SESIÓN DO 3 DE MAIO.-  Nomeamento de Aparellador e Arquitecto .-  Escola de Vilamaior.- Arranxos na Caasa do Concello.-  Expediente aos médicos don Pedro Saco Pradeda e don Luis Lópz Valcárcel por abamdono das funcións de  asistenza pública.( Convocada sesión para o  día 17 de maio )

SESIÓN DO 31 DE MAIO.- Aportación económica para a Campaña do Estatuto de Galicia.- Creación de 4 novas prazas da Policía Urbnna ( Convocada sesión para os días  14 e 21 de xuño )

SESIÓN DO DÍA 9 DE  XULLO.-  Coñecemento oficial  do falecemento  do concelleiro do Pedro García Arcas e de Vitorino Cabarcos López , vítimas de crime perpetrado na sociedade " La Unión" )

************************************************************************************

                                                     DOCUMENTOS 

 ( Sen data; Chamamento  da ORGA á cidadanía )

                                                CIDADÁNS

Os momentos que atravesamos son de proba  .Os inimigos tratan de semear a desconfianza nas nosas fileiras , facendo ver que Fulano ou Mengano  " cambióu " : mentira.... mentira todo. Todos os nosos seguen  en pé como o día  11 de Abril  e todos os  días se afilian ao noso partido elementos novos  que nas pasadas  eleccións estiveron  uns por  compromiso e outros por equivocación a carón do reaccionario  cacique monárquico máis nefasto desta provincia e que aínda pretende dentro da Republica seguir mangoneando.

Cidadáns , alerta : non vos deixedes engañar nin que se vos pida o voto  polos tartufos da politica, denunciando  ás autoridades todas as coaccións que se pretenda facer convosco.

Ao votar, facédeo polos representantes da República , único réxime capaz  de solucionaren os vosos problemas agrarios.

Non creades en palabras  que non cumpriron  en 40 anos  de réxime  oprobioso  e vergoñento  caciquismo.

En vós  está que isto  remate dunha vez.

En  nós non haberá  arranxo sen contarmos con todos vós.

                                         Pola Organización Republicana Galega de Sárria

                                                         O COMITÉ

**************************************************************************************

 ( Bando : Subhasta de vigas de castiñeiro desbotadas de edificación  municipal ).

                                                          Bando

             Don Xoán Manuel Somoza García, Alcalde-Presidente  do Concello de Sárria   

Fago público :  Que  en cumprimento de acordo deste Concello, en sesión de 19 de outubro último  , venderanse  en pública subhasta  , á hora de once do día dous  do vindeiro maio nesta Consistorial , catro vigas  de madeira  de castiñeiro , ao parecer  en bon uso , adxudicándose  ao mellor postor  e entendéndose  por tal o que supere  o prezo de  tasación  previa das mesmas, reservándose o Concello o dereito de adxudicación.

                                                        Sárria, 25 de Abril  de 1932

                                                       Xoán M. Somoza  Garcíaç

( texto manuscrito )

***************************************************************************************

( 1933 .- Anuncio de homenaxe  a Manuel Saco Rivera )

                                                  BANQUETE

 Na honra  de Manolo Saco e para celebrar  o seu  suceso brillante nas últimas eleccións , terá lugar un

                                               BANQUETE POPULAR

no Salón de Actos  das Escolas  Nacionáis , ás nove da noite do 30 do corrente,

Será un un acto de exaltación  da amizade e camaradaría , sen carácter politico , e por iso agardamos ver nel á inmensa maioría dos sarriaos , sen distinción de ideoloxías, pois como amigos  e como paisáns  a todos nos enche de orgullo  por igoal  o seu merecido triunfo.

                                               Sárria, Decembro de 1933.

As tarxetas  ao prezo de 15 pesetas pódense recoller nas Conserxerías das tres Sociedades desta Vila até as dez da noite do 29.

***************************************************************************************

                                    CONVOCATORIA DE FOLGA  DO TRANSPORTE

(  1935 )   Os obreiros  de Transportes  de Sárria e a súa zona , diríxense ao público en xeral.

CIDADÁNS :  Séndonos xa case imposible o podermos vivir  nas condicións liberáis, debido á mala calidade do combustible  e o seu elevado prezo  e cun Regulamento de Tráfico tan estrito que en todo momento nos  esmagan a multas; e por se fose pouco, agora co novo decreto  que nos esixe un depósito  en metálico de cincocentas pesetas , que serán renovables  tantas veces como  os Motoristas queiran , e aínda máis o aumento de matrículas ; nestas condicións  verémonos no dilema  de termo que abandoar o traballo, para formarmos parte  do exército da fame   dos sen traballo.

Por considerarmos isto un atropelo  ao noso dereito , e un perxuizo  aos nosos dereitos  de traballadores uteis  á sociedade na que vivimos  ; estamos dispostos , o mesmo que  os nosos compañeiros  de España , a irmos á folga  o día 28 ás oito da noite.

Polo tanto dirixímonos  aos industriáis  e pobo en xeral, nos preste a súa  axuda  moral  en ben de todos . Agardando  vernos compracidos , saúdanvos  fraternalmente.

                                                                                                 Os  Transportistas

Sárria, Novembro  de  1935

                                                                              Imprenta Rodríguez , Porvir  8. Sárria

**********************************************************************************

       (  FALECEMENTO DE VITORINO CABARCOS LÓPEZ E PEDRO GARCÍA ARCAS )

CONCELLO DE SÁRRIA: ACTA DA SESIÓN DO 9 DE XULLO DE 1936

Coñecemento oficial da morte  do concelleiro Sr. García Arcas.

" A presidenza dá conta  á Corporación oficialmente do falecemento  en 27 de  xuño  último do Concdlleiro   deste Concello D. Pedro García Arcas . vítima de criminal atentado,  a man armada na  madrugada do 26,  adicándolle  ao falecido  expresivos párrafos ponderando aa súas cualidades persoáis e virtudes cívicas.

Despóis propónlle á Corporación  teña esta a ben acordar  costear todos os gastos de enterro da vítima, dando conta de que, como postreiro recordo  da Corporación , no nome da mesma , adicóuselle unha coroa coa correspondente inscricióm  adicatoria. A Corporación en votación nominal  acorda de conformidade  coa proposta da presidenza.

De seguido , proponlle igoalmente á Corporación  que esta inicie a ben  una suscrición  a favor da viuva  e fillos do expresado  Concelleiro Sr. García Arcas. Dª  Asunción Torres Fernández e Carme, Asunción García Torres, da que participarán  en igoal proporción  a compañeira  de D, Vitorino Cabarcos López  ., vitima  do propio atentado , chamada Olimpia  Sánchez Parada  e os fillos que desta tivo  chamados  Vitorino , Francisco ou Paco e Pilar, tendo para iso en conta que o dito D. Vitorino Cabarcos perdéu a vida ao intentar salvar das mans crimináis non só  á outra vítima Sr. García Arcas senón tamén , moi previsiblemente  , a outros compañeiros  de corporación alí presentes.

Que a recadación que se obteña  se vaia ingresando  nunha casa bancaria  e cerrada que sexa aquela, a cantidade obtida se invirta, por mitade en valores  dos que esta Corporación crea máis beneficiosos, unha mitade para os Carme, Asunción e Pedro García Torres, co disfrute  durante  a menor da idade  destes pola nai dos mesmos; se algún destes falecese  na súa menor idade, acrecerá a súa parte aos que sobrevivan ; e ao chegar o último dos que vivan e a súa nai se esta non contrae ulterior  matrimonio, pois no caso contrario repartirase somente entre os ditos fillos que vivan ; se algún dos fillos falecese deixando  sucesión lexítima , reputarase como vivo  para o reparto correspondéndolle por representación aos seus fillos a parte  que lle correspondería ao seu pai ou nai  se vivise ; no caso de que Asunción Torres Fernández quedase encinta e o concebido chegase a ser persoa terá igoal  dereito co dos actualmente nados; e a outra metade para os Vitorino, Francisco ou Paco e Pilar  fillos da Olimpia Sánchez Parada co mesmo disfrute   por esta durante a menor idade de aqueles  e con iguáis dereitos e distribución entre  nai e fillos e en análogas  condicións  que as que quedan especificadas para a Asunción Torres Fernández que non se repiten  en orde á brevidade .A Corporación dáse por enterada  e en votación nominal acorda de conformidade  en todas as súas partes, co proposto , fixando na cantidade de tres mil pesetas a aportación deste Concello, para iniciación da suscrición popular  á que referenza queda.

A proposta do Concdlleiro 2º Tenente de Alcalde  D. Manuel Durán Fernández ,  la Corporación  en votación  nominal e por unanimidade  acorda conceder  a perpetuidade  en plena propiedade  aos expresados familiares  dos Srs. García Arcas e  Cabarcos López o terreo que actualmente  ocupan  os respectivos cadáverres destes, coa condición de que a ocupación ha ser exclusivamente  cos cadáveres a  que feita referencia queda, pois de non ser  os ditos restos quedará automáticamente anulada esta contestación, pasando o terreo  de unha e outra sepultura de novo á propiedade do  Concello ".

Nota. . Non se coñece en que punto do Cemiterio Municipal foi enterrado Pedro García Arcas, sendo de sospeitar que  anos  despois do seu enterramento a sepultura fose  concedida a terceiras persoas que alzarian  nese terreo  panteón propio , facendo desaparecer  os restos do dito concelleiro.  Isto con acto de disposición intencionado e premeditado  polos politicos e funcionarios que  xestionaban  con particularistas actos  a concesión de espazos .

O panteón no que están os restos de Vitorino Cabarcos López foi vítima da actuación  de persoa que pretendeu borrar  a datación da súa morte: A lenda na súa honra labrada  na laxe de pedra  , con letras e datas en  relevo, foi mutilada facendo desaparecer   o número " 3 " do relevo " !936 ", coa evidente intención de que  non se vinculase  o enterramento co  vil crime de 26 de xuño de 1936-

*************************************************************************************

( BANDO DE 19 DE  XULLO DE  1936 )

                                                          BANDO

                                         Don Antonio Páramo Sánchez    

                                Alcalde. Presidente do Concello de Sárria

O movemento criminal  na contra do réxime  que o pobo sedeu nas urnas , iniciado por determinadas forzas do Exército, esquecendo que se deben ao pobo, pretenderon  volverse contra del, alzados en armas , servindo así  as instigacións do fascio asasiño, está nestes momentos  sofocado.

As forzas leáis , dando exemplo de elevado patriotismo lograron reducir aos sediciosos, acabando para sempre  as aspiracións dos que pretendían  o glorioso triunfo do 14 de Abril , corroborado  pola xesta do 16 de febreiro, amosando  así que a maioría  dos Españóis , non admite o sistema de oprobio sangue e fame que caracteriza ao fascio, nin as militaradas  que tiveron en  xaque  en distintas épocas da vida publica española, culminando naquel desastre nacional da ditadura de Primo de Rivera.

Para  colaborar  a esta normalización  da vida pública, convén que este pobo continúe  pacífico e alerta ,  frecondándolles a todos os cidadáns  segue vixente, o estado de alarma, cuxos artigos non creo necesario recordar de novo.

Como medida de prudencia nas actuáis circunstancias  , recoméndase en xeral non se transite pola vía pública , sen urxente necesidade , despóis das dez da noite-

                                      Sárria, 19 de  Xullo de 1936

                                                                                     Antonio Páramo Sánchez

( Imprensa Filipe Rodríguez. Porvir 8.Sárria )

**********************************************************************************

 

**************************************************************************************