MEIGAS E TRASGOS DE SÁRRIA : AS ORIXES ( 1971 )

                                 ASOCIACIÓN CULTURAL " MEIGAS E TRASGOS" DE SÁRRIA;                                                                                                  AS ORIXES   ( 1971 )

                                                            TEXTOS DE VÍCTOR LÓPEZ VILLARABID

( El Progreso , 18.04.1971 ).- Vimos destacando últimamente as xestións que se estaban levando a cabo darredor da creación  dun novo foco de cultura  na nosa vila ,  sendo  encamiñadas  principalmente ao tema folklórico . Agora  o tema xa está  en marcha   e moi axiña  comezan a cobraren as cotas de protección do que se  denominará  "GRUPOS FOLKLÓRICOS ", Na empresa están enroladas  un bon  ugrupo de damas locáis  ben secundadas por algúns cabaleiros, Á fronte do grupo figura dona Carmela González   de López-Vizcaíno , primeiro tenente de alcalde da nosa vila.  En días sucesivos  informarémolos  con máis detalle  dos  distintos grupos  e forma na que se rexirá  esta nova sociedade sarriá.  Polo de agora podemos adiantar  que as organizadoras  están sorprendidas  da boa marcha que leva esta sociedade .  De seguir así  probablemente  contaremos en Sárria con algo de excepción  no que a   folklore da nosa querida Galicia  se refire. A nosa máis  cordial felicitación , desexando un completo bon suceso para a empresa. 

( El Progreso, 26.04.1971 ).- REUNIÓN.- Para a mañá  do domingo día 12  na  Sociedade " A Unión "  anunciase unha importante reunión  encol da defintiva creación deses " Grupos Folklóricos "  dos que dias pasados  demos conta. A organización dos mesmos róganos que  dende EL PROGRESO  convidemos a todos os viciños  en xeral a que acodan  á cita, xa  que se tratarán de ultimar  todos os detalles  coa fin de conseguiren dotar  á nosa vila  e comarca desa faceta  que tanto se fai notar  duns anos a esta parte-

( El Progreso,  25.04.1971 ).-  REUNIÓN. Para hoxe  ás doce da mañá  como  no seu  dia anunciaramos  celebrarase  na Sociedade " A Unión"  unha xuntanza para acordaren  a creación definitiva  deses " Grupos Folklóricos "  nos que tanto se leva traballando  últimamente.  É de agardar  unha nutrida asistenza   a este importante acto. .

( El Progreso,  8.05.1971 ) BURBUJAS.- Seguen a se percurar  nomes para as distintas seccións  das que compoñerán  a nova organización   sarriá  adicada ao folklore " Meigas e Trasgos ". Agora xa se fixo   público como se vai chamar   o conxunto de baile e canto  infantil no que xa se está traballando  e que se chamará " Burbujas". Agardamos   que algún  destes grupos  actúe xa nos renomeados " Domingos Folklóricos de Portomarín.

( El Progreso,   22.05. 1971 ).-   Séguese  traballando  arreo   encol da definitiva   posta a punto  do grupo folklórico. Os ensaios  seguen a ser moi concorridos  e neles está a se faceren as pertinentes  seleccións.Como é sabida  estes teñen lugar  todos os sábados  pola mañá  no local do Fogar Xuvenil ( * ) dirixidos  por auténticos  profesores-  ( * ) No baixo da actual  Biblioteca "Camilo Gonsar ", entón  Círculo Xuvenil " Gregorio Fernández..

( El Progreso , 11,06.1971 ).- A direición  dos diferentes ramos  das agrupacións folklóricas de recente creación  na nosa vila seguen  traballando en firme.  Especialmente a  a sección de baile  está a piques de comezar  as súas actuacións en público. " Burbuxas " , que será o definitivo nome  que estes levarán , serán inaugurados oficialmente  o vindeiro día 24 , festividade de San Xoán Bautista, Padroeiro da nosa vila , coa benzón da   súa bandeira que  a doará o Concello.

Tamén se organizará para o día 25  un concurso  de carros do país  engalanados , agardando que para entón  faga o seu comezo   a sección de gaitas . En resume "Burbuxas "  pódese converter na verdadeira atración  deste ano. Os ensaios  seguen a grande ritmo  todos os sábados pola mañá  nos locáis da Delegación Local de Xuventudes  e é de agardar  que estes se intesifiquen  segundo vaian achegándose  os días grandes  das festas patronáis.

( El Progreso , 12.06.1971 ) .-  A ASOCIACIÓN FOLKLÓRICA DA SECCIÓN FEMININA DE SÁRRIA.-  A recén constituida  Agrupación  folklórica " Garulaxe de Sárria" envíanos a seguinte nota co rogo de publicación :

"  Prósima  a se presentar diante dos nosos viciños  , polo de agora  só nalgunhas das súas facetas , " Garulaxe de Sárria"   quere dar conta  a todos   dun cativo  balance  do conquerido e dos proxectos que  arela e que  vos asegura  serán  inmediata realidade. Podemos dicir  que dende o primeiro  intre  no que xurdéu a  idea  de formar  esta  asociación folklórica , callóu  tan fonda  no corazón  sarriao que absolutamente   todos apoiaron  e apraudiron  fervorosamente  a tal idea  e  mesmo  cada un enriquecíaa con valiosísimas  suxestións, o que non facía senón amosar o anceio de contarmos  cunha agrupación de tal índole , estaban na mente de todos  e que só faltaba  a persoa con  empuxe  que a fixese  xurdir..

As inscicións de  asociados  comezaron deseguida  a se multiplicaren ;  non facía falla ir de porta en porta na percura de adeptos :   eran sarriaos quen ían  ao noso encontro  para ofreceren   o seu nome e aportación , sendo curioso  ollar  como,  entre as tress módicas cotas  que hai estabñlecidas, deixaban ao arbitrio  da Comisión  o  que lle asignaramos a que xulgaramos   máis que  ás  súas   persualizadas posibilidades  ás necesidades  da agrupación.  Non só veñen  a nós  os aquí moradores ; decenas de cartas  de sarriaos   que están fora, algúns a milleiros de quilómetros, mandáronnos  a súa adhesión  e aportación económica . Para  nós  este era o maior estimulante.

 Podemos  afirmar  que de día a día crecen  as listas de asociados ; e xa veredes  que axiña chegaremos   mesmo a superar  o número das que teñen   as nosas máis prósperar   de diversa índole  existentes na vila. A  nosa asociación  está abertaa a todos, e ademáis da sección de socios adultos   ( que bautizamos  co nome de "Trasgos e Meigas " )  haberá tamén a de socios infantís  que coa súa  mensualidade, máis  que nada simbólica , serviranos de acicate  aos maiores para superáamonos.

Formáronse os grupos artísticos  de gaitas , o de danzas e a coral. Os dous primeiros  funcionan xa   e están treinando  a plena intensidade  dirixidos por  expertos profesores; da últim  estamos xa a agrupar voces  ( de nenos,  xoves e maiores de ambos sexos ) e obtendo as partituras  para o inmediato comezo dos ensaios.

 E  parta que ese fogo inicial  non decaese , aínda dándonos conta  de que a madureza  artística non estaba  aínda  plenamente lograda , decidimos  efectuar como quen dí  a nosa presentación en sociedade ; e así , coincidindo  coas nosas vindeiras  festas do San Xoán , daremos varias actuacións  que agardamos vos agraden , e celebraremos ademáis un desfile de carros  do pais  enfeitados  ao xeito noso, que se rexirá por unhas bases  das que axiña  teredes cumpridas novas.

Queremos dicirvos  que  os nosos proxectos   non se limitan   ao meramente artístico , xa que  haberá sitio  para todo o enxebre : concursos literarios na nosa língua,  representacións teatráis dos nosos autores,  revivenzas de  espectáculos ancestráis que van camiño de desapareceren   ( pensade nas corridas do galo, nas festas dos maios, tascadeiros , fogueiras do San Xoán.... ). Todo iso  haberá de voltar  a se representar  algunha vez  diante dos nosos ollos , pois para iso contamos en primeiro lugar  coa vosa cooperación persoal , logo cos voss  aportación económica  e en todo o caso  co voso aprauso e alento. A nosa alegrías non quedará só   aquí na cas,  sairemos a levala   a outros sitios. Entre os compoñentes  da asociación  non haberá clases  ou categorías , nin premiso e disticións para ninguén  ; o único  que faremos  será  outorgar todos os anos  a caligicación  de Meiga ou Trasago de Honra a aquelas persoas  que rivalicen  en  entusiasmo, propaganda  e adicación á causa.

Aspiramos a efectuarmos intercambios con outras entidades  similares do folklñore galicián  ; os  emblemas   e disitintivos  que estamos confeccionando e que  orgullosamente  adornarán as nosas  lapelas., serán o amuleto que nunca apearemos-

A piques   está de ser rematado o noso estandarte. ¡ Que el sexa capaz  de acubillar aos sarriaos todos !.

(  A autoría deste texto, sen dúbida nuingunha, corresponde ao avogado don Antonio Peña Guitián )

( El Ptogreso, 22.06.1971 ).- MEIGAS E TRASGOS-   Por certo  que os comezos deta Asociación " Meigas e Trasgos"  está resultando brillante . Se non son moitos os números  que se anuncian no programa  de festas, sobresae de todo iso  o concurso de carros do país que se celebra o día 26, coincidindo  co da Comarca, data na que  se agarda   visite Sárria  un alto funcionario do Goberno.

Agora  só falta que  as parroquias da nosa comarca   se decidan   en grande número  a presenatren   o seu carro  ao desfile  que se celebrará polas rúas da vila na mañá do mencionado día.

( El Progreso, 24.06.1971 ).- A mañá de hoxe, festa grande, amence un pouco  entoldada , mais con temperatura  alta, haber´s os típicos  desfiles  de agrupacións e xigantes e cabezuos ; misa maior  na igrexa de Santa Mariña, con entrega  de bandeira á nova asociación  de bailes e cantos  rexionáis " Meigas e Trasgos" , que fai don  Euxenio Quiroga Vázquez , alcalde da vila, e recibe  o grupo en masa , quen logo  serán os artífices  principáis  e herois da xornada coas súas actuacións.

 ( El Progreso, 27.06.1971 ).- BON SUCESO DO CONCURSO DE CARROS ENFEITADOS.- Sárria, 26.- No mediodía de hoxe tivo lugar dentro do programa de festas de San Xoán, o concurso de carros do país enfeitados.

O desfile  comezóu  nio Cruce da Estación   e seguiu até a Praia do Chanto e á chegada   dos carros  actuóu o Grupo de Coros e Danzas   recentemente constituido en Sárria. O espectáculo  resaltóu  un cumprido bon suceso.

O tribunal estivo constituido polo alcalde  , don Euxenio Quiroga Vázquez, dona Carmela  González Ruiz de López-Vizacaíno , tenente de alcalde, e don Xosé Penela Castedo Os premios foron así  distribuídos:

Foi  considerado  o mellor enfeitado  por don Xulio  Castro. O de don  Román  Sánchez López  merecéu o premio  establecido  para o máis típico , e o de  don Emilio López Somoza  merecéu a distinción  do máis orixinal.  Tiveron accesits os de don Xosé Luis López Valcárcel  e don Álvaro Saco Campos.

( El Progreso, 6.07.1971 ).-  Novamente comezan as actividades da "Asociación Floklórica "  recentemente creada  na nosa vila, Os moitos éxito  conqueridos  nas pasadas festas  patronáis, especialmente no DÍA DA COMARCA, deu maior pulo  áinda á direición da mesma .

Para as 8 do serán do vindeiro sábado   anuncia   asemblea extraordinaria  na sociedade " A Unión" , á que convida  a toda a veciñan za e moi especialmente  aos señores socios.  Nesta asemblea  tomaranse acordos defintivos  para   que quede  MEIGAS E  TRASGOS constituída  como unha obra  máis dos sarriaos. Agardamos que sexan moitos os que acodan a esta cita.

Tamén hai que  acrarar  para  todos os  interesados, que a partires do vindeiro sábado   comezarán   outravolta  os ensaios  ás horas e lugar  de costume.

Igoalmente  hai que destacar  que o día 15 de agosto  unha sección  de MEIGAS E TGRASGOS actuará en Portomarín dentro dos seus Domingos Folklóricos, xornadas estas  que revisten a maior  brillantez   e polos que pasaron os máis famosos conxuntos e grupos de Galicia..

Con todo  isto  é doado presumirmos  que moi axiña  o nome de Sárria  terá un trampolín  máis de lanzamento .

O entusiasmo   que reina  entre os   creadores e simpatizantes   deste grupo así o fai presumir.

( El Progreso, 7.07.1971 ).- O que se dí e se comenta.-.... Que a reunión  a celebrar en "A Unión" na tarde do vinderio sábado é a obra  máis recente  e máis importante   dos sarriaos  e que sen dúbida vai servir  para  acrecentar  o bon nome da nosa vila.

( El Progreso , 14.07.1971.-  Como informaramos   na tarde do pasado sábado , nun dos departamentos da Sociedade " A Unión",  celebrouse  unha interesante reunión  , primeira oficialmente, da sociedade cultural e folklórica  " Meigas e Trasgos" . Nela  tratáronse  asumntos de suma importancia  e fixeron uso da palabra  grande  número de aistentes, así como   dona Carmela  González de López-Vizcaíno, don Euxenio Quiroga Vázquez  , alcalde da Vila, don Xosé Penela Castedo e don Antonio  Peña Guitián, persoas moi ligadas á creación  do referido grupo e presidindo nesta  ocasión  a  reunión celebrada.

 Alí entre os primeiros  asuntos  que trataron  tamén se tocóu   o tema de nomear unha Comisión Xestora  que mentres non se nomee  a diretiva  definitiva , aló polos meses de setembro ou outubro, se ocupará  direitamente desta nova sociedade:

COMISIÓN XESTORA.- Carmela González de López-Vizcaíno. Euxenio Quiroga  Vázquez. Xosé Penela Castedo. Manuel López-Vizcaíno, Antonio Peña Guitián.

SECCION ECONÓMICA E ADMINISTRATIVA.-  Xosé Penela Casgtedo.  Alberte López Díaz,  Xosé López  Valcárcel, Xosé Ferreiro.

SECCIÓN LITERATURA E PROPAGAN DA.-  Víctor López Villarabid, Arlindo López Arias, Antonio Peña Guitián.

ARQUEOLOXÍA E COSTUMES.- Antonio Díaz Fuentes, Antonio Peña Guitián, Rosendo Salgueiro.

 SECCIÓN GAITAS.- Xosé Penela Castedo, Xosé Antonio Fernández Neira, Paulino Pérezx Sánchez.

SECCIÓN ORFEÓN.- Eduardo Rodríguez Penado. Clementina López-Acevedo de Peña Ezequiel Rodríguez García.

SECCIÓN DANZAS, EQUIPO E MONTAXE.- Ernestina Pumarega Vázquez, MaríaÁnxeles  Landín Fernández , Ramona López Muñoz, Xulia Barreal de G.Zaera, Isla Somoza de González-Zaera.

( Data  da  celebración desta Asemblea: 10 de xullo de 1971 )