Notas de Aviación ( 1928 )

NOTAS DE AVIACIÓN.- 1.07.1928. O 25 de xuño ás sete e media do serán chegaron ao  Campo da Cha de Santa Marta dous avións de recoñecemento e bombardeo tripulados polos sarxentos pilotos D. Leopoldo Palomo e D. Antonio García e mandados polo suboficial piloto D. Francisco Torre-Marín, fillo do noso bon amigo D. Xosé. A pesares de non ter habido coñecemento da chegada ata hora e media antes  da aterraxe estivo o campo moi concorrido, sendo recibidos os aviadores con aplausos e entusiasmo xeral.

Ao día seguinte ás sete do serán marcharon os aviadores  ao campo de aterraxe ,  que como a tarde anterior,  estaba moi concorrido para despedilos, e ao poñer en marcha un aparato foi alcanzado pola hélice o sarxento D. Leopoldo Palomo, que lle causou unha ferida de bastante extensión na cabeza e que milagrosamente non tivo consecuencias graves , grazas aos auxilios  que inmediatamente lle prestaron ademáis do público os doutores que se achaban no campo, por este motivo non puido sair cara Monforte  nada máis que un dos aparatos tripulado polo suboficial Torre-Marín e o sarxento García, que antes de marcharen deron  unhas  voltas por riba do campo e a cidade , para nos daren unha  grata despedida. O sarxento Palomo, grazas aos coidados dos doutores, mellorou rápidamente e  , xa case ben,  saiu para Madrid. Escusamos dicir que os tres aviadores  marcharon entusiasmados  do magnífico campo de A CHA DE SANTA MARTA.

( "El Estrellao", nº 15. 1.07.1928 )