SÁRRIA : OS CONCELLEIROS DA CORPORACIÓN MUNICIPAL REPUBLICANA ( 1936 ) ( 647 )

 

SÁRRIA : A  PERSECUCIÓN  DOS CONCELLEIROS DO ÚLTIMO CONCELLO DA II REPÚBLICA

             CONSTITUCIÓN DO CONCELLO DE SÁRRIA ( MARZO DE 1936 )

Por un oficio  de 14 de marzo de  1936  o Gobernador Civil comunica  que acordóu  dispoñer o cesamento  dos  concelleiros D.  Xoán Manuel Somoza García,  D. Antonio  González Méndez , D. Manuel Pardo Armesto,  D. David López  Ribas, D. Modesto Pardo Rodríguez, D, Henrique López Álbvarez ,  D. Clemente López Rodríguez, D. Xosé Moreira Rodríguez, D. Anonio  Valiña López,  D. Pedro López Vázquez,  D. Manuel González López, D. Delfín Yebra Vázquez,  D, Fernando Taboada de Zuñiga, D. Santiago Pombo Pombo e D. Xosé Loureiro López.

Para sustituilos a D. Manuel Durán Fernández, D. Antonio Páramo Sánchez ,  D. Manuel Díaz Vázquez,  D. Dositeo  Piñeiro Valcárcel  ,  D. Pedro García Arcas ,  D. Abelardo Páramo Losada,  D. Francisco López Melle. D, Xermán Méndez López, D. Casiano Quintana López ,  D. Xoán Chousa Valiña, D. Xosé Fernández Capón ,  D. Valentín López López, D. Xosé López Franco, D. Remixio  López Villares e  D. Xosé López González, e como concelleiros interinos , para cubriren as vacantes de D. Xosé  Vázquez López  e D, Manuel Valladares López.

                                           ACTO DE TOMA DE POSESIÓN

O  día 15 de narzo, ás 12:30  horas, constituise  na Casa do Concello  o Delegado  do Gobernador Civil, D. Celestino Noya, exhibindo o oficio  acreditativo  da dita delegación  e copia do anterior que entregóu ao segredario D.  Ernesto López  Martínez, que lles deu lectura.

O Delegado Gubernativo expresóu " o normal nestes casos " , declarando posesionados dos seus cargos aos novos concelleiros sustitutos  e interinos , en non sendo a Xoán Chousa Valiña  que estivo ausente. Pasóu a presidir o acto o concelleiro entrante de maior idade D.  Dositeo Piñeiro Valcárcel 

O Alcalde cesado tomóu a palabra e manifestóu " que  se ve precisado a consinuar   a súa protesta, porque eñixido  cos seus demáis compañeiros  nas eleccións populares  de 1931, entende, dito sexa cos respectos debidos , que a destitución se leva a cabo  vulnera a Lei Municipal vixente  e contraría  ademáis  ása normas  da República democrática, ás  aspiracións populares do pobo español  e ás reiteradas  notas oficiosas  dos Consellos de Ministros  últimamente celebrados , que se reducían única e exclusivamente a reintegrar nos seus postos ás corporacións desta clas que, elixidas no ano indicado, tivesen sido suspendidas  ou destituidas nas súas funcións".

A  acta non recolle ningunha outra manifestación  e pasa a dar conta  de que é elixido Alcalde  D. ANTONIO PÀRAMO SÁNCHEZ, por quince votos e unha papeleta en branco, e co mesmo resultado  quedan nomeados os Tenentes de Alcalde  D. Valentín López López,  D. Manuel Durán Fernández, D, Francisco López Melle  e D. Mauel Díaz Vázquez, e para Rexidor-Síndico D. Dositeo Piñeiro Valcárcel. 

  Para as reunións ordinarias da Corporación  sinalarón a mañá dos domingos , e na hora de dez.

O novo Alcalde, D. Antonio Páramo Sánchez , tomóu a palabra  recomendado ao persoal  do Concello a máis leal  colaboración  para a boa marcha dos asuntos municipáis , facendo constar reiteradamente  que "  non ven con ánimo de  persecución e si de xustiza",estimulando aos demáis compañeiros  de Corporación  para que poñan toda a fe  no engrandecemento  do Concello que representan.

                                SESIÓN EXTRAORDINARIA DO 17 DE MARZO

O día 17 de marzo  celebraron  sesión extraordinaria  coa asistenza de catorce concelleiros, incorporándose  á reunión  Xoán Chousa Valiña.

O primeiro acordo  formalizado consistíu  en adiar os acordos referidos á Ponte de San Paio de Piñeira, da Ponte do Barrio  en Betote e asuntos relacionados  coa estrada do Mazadoiro a Escarlán , e informes refeidos ao aproveitamento do monte de Lamacaque , Deixaron sen efecto o nomeamento  de Axente Executivo de D. Serafín Mourenza Gallego, designando a D. Cándido Mourín, veciño de Sárria.

                                                    Nomeamento das Comisións Municipáis

COMISIÓN DE FACENDA.-  D. Dositeo  Piñeiro Valcárcel,  Pedro García Arcas, Manuel  Durán Fernández,  Casiano Quintana López e Manuel Díaz Vázquez.  Atribucións : Recadación, contas, desamortización, incidencias de contabilidade, préstamos e orzamentos. Presidente : Pedro García Arcas.

COMISIÓN DE GOBERNACIÓN.-  Xosé López Franco, Dositeo Piñeiro Valcárcel, Xoán Chousa Valiña , Pedro García Arcas e Manuel Durán Fernández. Atribucións :  Bagaxes, aloxamentos, beneficencia, bens comunáis, calamidades, cárceres, cemiterios, eleccións, hixiene, matadoiros, Ordenanzas municipáis ,persoal administrativo, policía urbana, prestación persoal , propiedades e dereitos do Concello, suministros e festexos. Presidente :  Manuel Durán Fernández.

COMISIÓN DE FOMENTO.-  Francisco López Melle ,  Roxelio Tarí Uribe , Xermán Méndez López. Xosé López González e Manuel Díaz Vázquez. Atribucións :  Agricultura, augas ,camiños, feiras e mercados, industria, instucción, montes, policía rural, pontes e obras públicas . Presidente ; Manuel Díaz Vázquez.

COMISIÓN DE ABASTECEMENTO.-  Abelardo Páramo Losada , Francisco Alvaredo Rodríguez  , Xosé Ramón Castro López, Xosé López González e Roxelio Tarí Uribe. Presidente : Abelardo Páramo Losada.

Víuse a continuación unha moción do Alcalde propoñendo que se fixesen  as xestións conducentes a recabar do Estado ,  perante o Ministerio de Instrucción Pública , a creación na vila dun " CENTRO DOCENTE "  que " veña  a encher  as necesidades que  en materia de ensino  se sinte nesta vila , preferentementemente  unha escola graduada  ou preparatoria de estudos superiores".

A Corporación  amplióu a moción  " no sentido  de solicitar  tamén a subvención  necesaria  para a construción do edificio que ha ocupar no seu día o centro  de ensino do que se trata.

Propuxo tamén o Alcalde  se xestionase do Ministerio de Agricultura  a creación dunha Escola Agrícola.

O Tenente de Alcalde Manuel Díaz Vázquez solicitóu que " se obteñan  datos dos empregados municipáis nomeados a partir do ano 1928, e ademáis solicitóu " que se dotase  á Garda Municipal de uniformes axeitados".

Francisco López Melle presentóu unha moción para que se tomasen  medidas de hixienización no lugar de Treilán.

Manuel Durán Fernández na moción que presentóu   denuncióu o mal estado dun pozo en Ferreiros  " e que hai vertidos de augas suxas na Rúa Maior e na Estación".

                                   SESIÓN ORDINARIA DO 22 DE MARZO.

Celebrouse coa participación de 16 concelleiros. Asuntos tratados :

Acordaron comunicarlle á Empresa do  Cine Salón a nova normativa relativa a escenarios.

O Presidente da Comisión de Facenda  espuxo as dificultades  coas que se encontraba  para poder recoñecer  a situación  económica do Concello , e acordaron instar  aos funcionarios  para que faciltasen os datos á maior brevidade .

Acordaron solicitar  axuda para o remate das Escolas de Louseiro, Santiago da Veiga e A Pinza ( sic ), promovidas pola Sociedade de Fillos do Distrito de Sárria en La Habana. Nota :  O que por erro sinalan con relación á parroquia da Pinza, hai que lelo como en obras no Lugar de Lavandeira, da parroquia de San Miguel de Biville.

Acordaron facer un estudo para a construcción  de edificios escolares no medio rural.

Acordaron solicitar do Ministerio de Instrucción Pública a creación de dúas bibliotecas  populares,  unha delas de carácter fixo , que se instalaría no Salón  do Grupo Escolar.

Desexaban  optar a axudas para facer traídas de auga  para as diferentes  poboacións  e para o reforzamento da de Sárria  e estudar a dotación de vías de comunicación.

A suxerenza do segundo Tenente de Alcalde acordaron levar a auga da traída da vila  ao Matadoiro, a carón da Ponte Ribeira.

Declararon  urxente a necesidade de  facer as beirarrúas do vial que vai da Praza de Xoán María López  á Rúa do Porvir ( Rúa do Murallón ).

A proposta da presidenza  acordaron  convidar  aos propietarios  da Rúa Maior a  que adecentasen "  as casas que o precisen"

*************************************************************************************

  A última Corporación Municipal de Sárria, en exercizo  dende a súa toma de posesión de 15 de marzo de 1936 ao 21 do mes de xullo,  estivo á fronte do goberno municipal  por  un período de 4 meses 6  días, véndose obrigados os seus compoñentes  a abandoar a Casa do Concello, cando reciben comunicación telefónica procedente do Cuartel da Garda Civil de Sárria  de que acatando o estado de guerra declarado na cidade de Lugo  os  seus compoñentes se sumaban  ao levantamento en armas   contra a República.

De seguido todas as persoas que se achaban  dentro da Casa Consistoiral, co alcalde  Antonio Párámo Sández  á  fronte,   fuxiron en diversas  direccións, e algúns deles  tardarían anos en  se incorporaren á vida pública, permanendo agochados ao amparo de  familiares e amigos,en moi penosas condicións, temendo polas súas vidas, ao teren fixado prezo polas súas cabezas  sen que os labores de persecución e  pescuda  organizados pola garda civil e os falanxistas e a fiunesta "  Escadra Negra " fosen quen  de daren con eles.

Os que se reintegraro ás súas casas foron vítimas de represalias , aldraxes e abusos por mor da súa participación no  Concello sarriao  dentro da " Fronte Popular". Malia a que a maioría pertencían ao partido de "Izqueirda Republicana" foron calificados de " comunistas ", " masóns" e outras califcacións  igual mente  inxustas e sen base obxectiva algunha,

Cara pagaron  a súa pertenza   e o traballo feito como xestores municipáis nos 92 días que desempeñaron esa función pública, e só polo feito da representación asumida, por teren  feito propaganda previa ás eleccións ou pola súa afiliación a sindicatos ou a partidos " de esquerda", foron acosados e perseguidos, calificados como  " da casca amara " , impoñéndolles onerosas multas , decomisándolles bens mobles , alimentos e semoventes. todo iso froito do espiritu vengativo que xa se amosara cando o 26 de xuño  fora asasiñado Vitorino Cabarcos López e ferido, con posterior  resultado de morte , Pedro García Arcas, concelleiro, cuxos crimes quedaron impunes.

Xa rematada a guerra  decretouse a esixenza de responsabilidades económicas de carácter politico contra todos aqueles que formaran parte co Concello de Sárria  do ano 1936, de maneira que o Xulgado Militar Eventual de  Lugo,  interesóu do alcalde de Sárria  se recoñecesen os bens propios de cada un deles  para dar compensación "polos perxuizos causados  coa súa actitude fronte ao movemento nacional salvador de España" , calificación que lle daban  ao  alzamento militar contra a Constitución e a República.

Fixeronse requerimentos para a averiguación dos bens dos destituidos munícipes do ano 1936 , nos anos 1939 e 1941, con reiteradas peticións de resposta demorada  dos alcaldes dese tempo , extensible á figura de Pedro García Arcas, falecido 24 días antes da declaración do estado de guerra, co que mal podía considerase que  se lle poidese apoñer actitude de " auxilio á rebelión " ou de ter ido contra os alzadosen armas. Así foron as cousas neses tempos de sinrazón e vimganzas.

.....................................................................................................................................................................

      Escudo da República Española 

Xulgado Militar Eventual da Praza .- Lugo

Nº  12-163.  Información averiguación conduta , contra Manuel Páramo Losada, veciño de Sárria, Estrada da Estación.

¡ Viva España ! "  Por estar así acordado  na causa das anotacións da marxe, servirase  remitir á maior brevidade  á maior urxenza a este Xulgado  informe amplo  da conduta  e antecedentes  dos suxeitos que se citan, concretando posición  adoptada ao estalar o Glorioso Alzamento e nomes e veciñanza de persoas  que poidan acretar os feitos que se lle imputen.

Deus salve a España e  garde a Vde, moitos anos.-  Lugo, 9 de maio de 1939, Ano da Vitoria.O Capitán Xuiz Instrutor.- Asinado. Mariano  P. Hickmam.

                           Sr Alcalde do Concello.- Sárria "

.......................................................................................................................................................................

   INFORMES SOBRE POSTURA POLITICA E  BENS PROPIOS DOS CONCELLEIROS  SARRIAOS EN ACTUACIÓNS XUDICIÁIS PARA ESIXIRLLES RESPONSABILIDADES POLÍTICAS.

                                                    XESTORES MUNICIPÁIS

XOSÉ RAMÓN CASTRO LÓPEZ, veciño de San Fiz de Reimóndez  ( Vilar do Monte  ), casado, labrego, de 56 anos.

( Informe do alcalde, 9.01.1942 )

"  Exercéu o cargo de Concelleiro  deste Concello , dende o 5 de xuño de 1931, en virtude de ter  sido  proclamado pola Xunta Municipal do Censo electoral, nas últimas  eleccións  municipio dado  que no mesmo deuse o caso excepcional  de non ter sido destituido , como lles acontecéu a todos  os seus demáis  compañeiros  de Corporación , ao se facer  a  designación dos Xestores que os sustituiron , pertencentes a partidos da " FRONTE POPULAR", posesionados  estes en 15 de marzo de 1936 , continuando, en consecuecia , no desempeño  do indicado cargo, sen interrupción, até o 21 de xullo  do expresado ano de 1936 no que , aquí, se inicióu  o Glorioso Movemento Nacional . Por lóxica  deducción , conceptuase  era persoa da absoluta confianza de aqueles funestos elementos funestos elementos politicas ".

" Ao seu nome , figura como contribuinte, por este concello, no ano actual , polo concepto de Rústica , co líquido impoñible  de 0,25 pesetas  e cota banual  de contribución , de 0,10 pesetas, sen dúbida, por adqusición dalgunha parcela de terreo ou redención de renda ,  estremo que, polo dagora, non se pode determinar , por non existir  neste Concello Catastro Parcelario da Terra.  Por Urbana , figura no corrente ano e anterior , co líquido impoñible  de 120,00 pesetas e cota anual de contribución de 25,29 pesetas.Afecta  a dita  contribución a unha casa de alto e baixo e corte, con unha palleira e  tendal, valorado polo  Arquitecto comprobador, en 4.111 pesetas, en conxunto."

" Vive actualmente  a súa nai, e o seu pai é falecido, chamado este Félix  Castro, un dos labregos de mellor posición económica da dita parroquia , pois , deixóu propiedade rústica por valor total aproximado  dunhas 200.000 pesetas."

" O referido Xosé-Ramón Castro, vive na compaña da súa nai, na indicada casa paterna, administrando e desfrutando a totalidade dos bens , sendo o  mellorado na herdanza paterna,".- Román López Rubín.

..........................................................................................................................................................................

XOÁN CHOUSA VALIÑA,  veciño de Santiago de Barbadelo ( de Sabenche ) ,  solteiro, labrego, 46 anos.

( Informe do alcalde , 9,01.1942 )

" Efectivamente exercéu o cargo de Xestor  deste Concello, do que foi posesionado o 15  de marzo de 1936, cesando en 21 de xullo do mesmo ano, ao comezar o Glorioso Movemento Nacional. De boa conduta pública. "

"Non figura  como contribuinte ao Tesouro Publico, por este Concello, por concepto ningún"

" Segundo resulta  de averiguacións  practicadas , hai, aproximadamente , uns 14 anos anteriores a esta data que voltóu da Illa de Cuba , traendo no seu poder  e como da súa propiedade , unhas 5.000 pesetas en metálico, cantidade da que , naquel entón, dispoñía ; mais que actualmente non amosa  conservar, a xulgar  pola carencia , en absoliuto,  de signos externos  que induzan a conceptuar  o contrario".

" Non se coñece teña adquirido bens de clas algunha , por compra , nin tampouco  por herdanza . Viven os seus pais , en cuxa compaña está ,  e a quen  auxilia  no laboreo  da fincabilidade  destes ". (  Román López  Rubín ).

...................................................................................................................................................................

 MANUEL DURÁN FERNÁNDEZ, natural de A Coruña ,  veciño de Vilar de Sárria., casado, carameleiro, de 41 anos.

( Informe  do alcalde, 9.01.1942 )

" Certamente  exercéu  o cargo de Xestor  deste Concello  , como segundo Tenente de Alcalde, do que foi posesionado o 15 de marzo de 1936, cesando en 21 de xullo do mesmo ano, ao comezar  o Glorioso Movemento Nacional.. Tamén desempeñóu  o cargo de presidente do Centro Socialistam , desta vila, por algún tempo. No desempeño dun e outro cargo expresados, manifestouse sempre moderado, De boa conduta pública , como particular".

"  Procedente  de A  Coruña de onde é natural , leva de residenza neste concello dende decembro de 1926,  estando ausente  unha curta tempada, a partires da iniciación  do mencionado  Glorioso Movemento Nacional, voltando despóis  á indicada parroquia , traballando agora , non como oficial carameleiro especializado, e si como simple xornaleiro",

" Non figura como contribuinte  ao Tesouro Público , por este Concello,   por concepto algún, Carece de bens  de fortuna  de toda clas , neste concello, e conceptúase que tamen fora del.  Está  casado con Asunción   Vázquez López, da expresada parroquia de Vilar de Sárria, da que ten tres fillos, todos eles menores de oito anos, tendo na súa compaña ao seu pai, viuvo, de 71 anos  e faltoso, en absoluto , de recursos , de recursos propios " ,.  Román López Rubín.

........................................................................................................................................................................

 XOSÉ FERNÁNDEZ CAPÓN ,  veciño de San Miguel de Vilapedre,  ignorado estado, labrego, de  65 anos.

( Informe do alcalde,  9.01.1936 )

"  É certo  que exercéu o cargo  de Xestor  deste Concello , do que foi posesionado o 15 de marzo de 1936, cesando en 21 de xullo do mesmo ano , ao comezar o Glorioso Movemento Nacional., De boa coduta pública,"

" Non figura como  contribuinte ao  Tesouro Público , por este Concello , por concepto algún".

"  Por herdanza  dos seus pais, representa osn dereitos dunha lexítima curta na casa e bens quedados dos mesmos, coñecida por " CASETA", sita no lugar de Pacios, da expresada parroquia de San Miguel de Vilapedre,  cuxa lexítima calcúlase nun valor aproximado de 3.000 pesetas ".

" Non  se coñece que teña adqurido bens de clas algunha.  Somente se saben que é propietario  , na actualidade , dunha máquina malladora, con motor de seis cabalos de forza,"

"  Parece ser, segundo referenzas, que foi  proposto para Xestor  municipal , por unha Sociedade  de carácter  político esquerdista , que, naquel entón, existía en Vilar parroquia de perto.; e que o mesmo destacóu , coa ocasión  das últimas eleccións, na propaganda electoral das candidaturas da " FRONTE POPULAR" ,. Román López Rubín.

.......................................................................................................................................................................

PEDRO GARCÍA ARCAS,  natural de Lorca ( Murcia ) , fillo de Francisco e Guillermina, de 34 anos de idade ,  empregado,  veciño de Sárria,  morto   en 27.06.1936 a consecuencia de feridas recibidas en atentado de carácter politico, nos salóns de A Unión, de mans do falanxista Manuel Varela, cuxo crime quedóu impune. Coñecido como " O Catalán".

( Informe do alcalde ,9.01.1942 )

"  Exercéu o cargo de Xestor  deste concello , dende  a súa posesión  en 15 de marzo de 1936 até o seu falecemento , nesta localidade, o 27 de xuño do mesmo ano. De boa  conduta ;  mais , de público , era tido como elemento destacado ao servizo da "FRONTE POPULAR" , pola súa propaganda  a favor do mesmo, no período electoral , e , tamén , por actuar de dirixente  na xestión  municipal, manifestamente partidista,

Do seu matrimonio  con Asunción Torres Fernández, deixóu ao seu falecemento , tres fillos de curta idade,

Non figuraba  como contribuinte  como contribuinte o Tesouro Público , por este Concello, por concepto algún.

Non se lle coñecían, neste municipio, bens de fortuna de clase algunha, nin se sabe que os tivera da súa propiedade , fora desta vila. Conceptúase  que non dispoñía de máis recursos económicos , para soster as súas propias necesidades e ás familiares , que o seu modesto soldo de empregado ao servizo dun particular".- Román  López Rubín.

.......................................................................................................................................................................

 XOSÉ LÓPEZ FRANCO,  veciño de Goián, casado , de 39 anos , labrego.

( Informe do alcalde, 9.01,1942 )

"  Efectivamente exercéo cargo de Xestor  deste Concello, do que foi posesionado o 15 de marzo de 1936 , cesando o 21 de xullo do mesmo ano, ao comezar  o Glorioso Movemento Nacional. De boa  conduta.

Non figura como contribuimte  ao Tesouro Público , por este Concello, por concepto algún.

 Viven o pai e a nai do expresado  , vivindo na  súa compaña  , traballando na propiedade rústica  dos mesmos.  El é quen compra e vende o gado desta casa de labor , se ben se conceptúa que o fai con diñeiro dos seus pais, pois, non se sabe que o teña propio. Non adquiriu bens de clas algunha , para el, dicídose , de rusmusmús público, que os seus pais  testaron xa, deixándoo mellorado.Estes son propietarios  de bens cuxo valor  equipáras  a unha das casas de labor de maior importanza  relativa na súa parroquia. Ademáis o pai percibe o haber pasivo , como xubilado  do Maxisterio.

Segundo referenza , o referido Xosé López Franco, destacóu, coa ocasión das últimas eleccións, na propaganda electoral, a favor das candidaturas da " FRONTE POPULAR". -  Román López Rubín.

......................................................................................................................................................................

 VALENTÍN LÓPEZ LÓPEZ ,  veciño de Vilar de Sárria , casado, de  40 anos, labrego                                                                           

 *** (  Informe do alcalde,  9.01.1942 )

"  Efectivamente , exercéu o cargo de Xestor deste Concello , como 1º Tenente de Alcalde, dende o 15 de marzo  de 1936 , no que foi posesionado, a 21 de xullo do mesmo  ano, no que cesóu ao  chegar o Glorioso Movemento Nacional . De  boa conduta pública".

"  Domiciliado, coa súa esposa, na casa de labor propiedade destes, leva el a administración  das mesmas e cultiva as súas terras, vivindo todos en familia",

"  Figura como contribuinte ao Tesouro Público, neste Concello, somente polo concepto  de Rústica, co liquido impoñible  de 15,70 pesetas  e contribución anual den 2,94 pesetas".

" Parece  ser  que esta pequena cota afecta a unha finca adqurida ao seu nome, hai anos , na dita parroquia de Vilar de Sárria , porén de antecedentes oficiáis  non se pode determinar , por no existir neste Concello   Catastro Parcelaio da Terra ".

"  De referenzas, soamente,  puido averiguarse que tamén adquiriu  en compra, ao seu nome, en espaciados períodos de tempo , de unhas a outras, tres fincas rúsicas máis, na mesma  indicada parroquia, que, coa primeiramnte aludida, constitúen porcións de prado, labradío con arboredo e devesa propiamente  dita, todo isto dun valor aproximado , dunhas 30.000 pesetas en conxunto , se ben nada consta de antecedentes, dado que, parece ser, efectuóu  as compras indicadas  por documentos privadsos, que aínda non presentóu  nas oficinas correspondentes  para a liquidación de Dereitos Reáis, nin, na sú consecuencia, para o traslado ao seu nome, da contribución correspondente, por cambio de dominio" ( Román López Rubín )

......................................................................................................................................................................

FRANCISCO LÓPEZ MELLE ,  veciño de San Martiño de Requeixo, solteiro, labrego, de 41 anos.

( Informe  do alcalde, 9.01,1942 )

"  Certamente  exercéu o cargo de Xestor  deste Concello , como terceiro Tenente de Alcalde , do que foi posesionado  o 15 de marzo de 1936, cesando o 21 de xullo do mesmo ano, ao comezo do Glorioso Movemento Nacional, De boa conduta pública.

Non figura como contribuinte  ao Tesouro Público , por este Concello,por concepto algún.

Segundo así resulta de informes adquiridos , vive na actualidade na compaña da súa nai, administrando con esta a casa e bens quedados ao falecemento do seu pai , Bautista Melle, que disfruta proindiviso , na actualidade e é o mellorado na tal herdanza. O valor total,  apoximado , da tal herdanza , compreendida a casa, bens e gado calcúlase nunhas 150.000 pesetas, das que lle corresponden , como tal mellorado, ao indicado Francisco López Melle, unhas 85.000 pesetas".- Román López Rubín.

...................................................................................................................................................................... 

XERMÁN LÓPEZ  MÉNDEZ, veciño de Ferreiros,  casado, labrego, de 41 anos.

(  Informe alcalde, 9.01.1942 )

"  Efectivamente  exercéu o cargo de Xestor deste Concello, do que foi posesionado  o 15 de marzo  de 1936, cesando en 21 de xullo do mesmo ano , ao comezar o Glorioso Movemento Nacional . De boa conduta pública.

" É fillo natural dunha célibe, que na actualidade se acha  asilada no de Anciáns  Desamparados  desta vila. A súa esposa  é a exclusiva dona  de toda a demáis  fincabilidade  rústica  que cultiva  o matrimonio  de que se trata , e tamén  da casa na que habita o mesmo, motivo polo que , o referido Xermán  Méndez López, non figura ao seu nome por Urbana. Tampouco  figura como contribuinte  pola Matrícula Industrial  e de Comerzo ; mais , porén,  consta de público coñecemento , que ven  adicado, dende hai tempo, e en ambulancia, á compravenda nas feiras da contorna  , de produtos do país, principalmente, ovos , manteiga , castañas, etc, etc,  en moi pequena escala, calculándose en menos de 5.000 pesetas as dispoñibilidades propias para o desenvovemento do seu dito trafego, e dicíndose, de rusmusmús público, que comezóu a base de  diñeiro prestado, xa que se trata dunha casa de labor, de moi pequena producción, que, en ningunha época , lle podía reportar economías bastantes, nin xiquer para comezar tan pequena actividade , como a de que se trata".- Román López Rubín.

......................................................................................................................................................................

REMIXIO LÓPEZ VILLAR ,  veciño de San Salvador do Mato ( Manán  ),  de 32 anos, labrego. ( soldado mobilizado )

( Informe  do alcalde,  9.01.1942 )

"  Efectivamente, exercéu o cargo de Xestor deste Concello, do que foi posesionado o 15 de marzo de 1936 , cesando no mesmo en 21 de xullo do propio ano , ao xurdir  o Glorioso Movemento Nacional,

Incorporouse ás fieiras do Exército Nacional, ao seren chamados os soldados do seu remprazo, sendo destinado ao Parque  de Automóbeis , en Lugo, e despóis hospitalizado no militar da dita cidade, a causa de trastornos mentáis, sendo deseguido  reintegrado ao seu domicilio , con anterioridade ao seu licenciamento , segundo  din, por resultar inútil.

Continúa , actualmente, residindo na expresada parroquia, lugar de Manán  , na compaña da súa esposa e no domicilio dos seus pais , axudándoos no laboreo da súa fincabilidade rústica, dado que, segundo referenzas , recobróu a plenitude  das súas faculdades  mentáis.

Non figura como contribuinte  ao Tesouro Público , neste Concello, por concepto algún. 

Non  se lle coñecen bens propios  de ningunha clas, nin capital  ou valores , que sexa da súa propiedade , estando conceptuado  insolvente en senso  legal". Román  López Rubín.

......................................................................................................................................................................

 ABELARDO PÁRAMO LOSADA, máis coñecido como MANUEL, veciño de Santa María de Vilamaior ,  casado, gandeiro, de 54 anos . Da familia do Alcalde  Antonio Páramo Sánhez, ( fugado dende 21 de xullo de 1936 a 1939 ). Coñecido como " Tambarría ".

*** (  Informe do  alcalde accidental .,  27.05.1939 )

"  Pertencéu  á Corporación municipal  da Fronte Popular  da que foi  un elemento destacado , fuxindo desta vila ao comezo  do Glorioso Movemento Nacional  Salvador de España , achándose en ignorado paradoiro , até a súa recente presentación  no Cuartel da Garda Civil deste  Posto.  Pertencéu ao Partido de Izquierda Republicana , sen coñecer outros  feitos  que agraven a súa situación, anterior ao Glorioso Movemento Nacional Salvador de España" (  Viñas ).

***  ( Informe do  alcalde ,9.01,1942 , en expediente de responsabilidade  politica  134 / 1941 )

" Certo que exercéu o cargo de Xestor deste Concello , do que foi posesinando  o 15 de marzo de 1936, cesando no mesmo o 21 de xullo do propio ano,  ao comezo do Glorioso  Movemento Nacional, ausentándose desta vila  naquel entón  e permanecendo en ignorado paradoiro , até a liberación total da zona  "  roxa ", época na que voltóu  a esta localidade, facendo a súa presentación ás Autoridades  e quedando, despóis  , en  liberdade . De boa conduta pública."

"  Segundo así resulta de informes  recibidos , da herdanza dos seus falecidos pais  ( cuxo valor aproximado calcúlase  nunhas  125.000 pesetas, en bens e casas de laborm na parroquia de Vilamaior , neste termo municipal )     somente lle corresponde  a el unha lexítima curta , dadso que , por virtude de cláusula testamentaria , o seu irmán Ramiro , quedóu mellorado na proporción   que a lei autoriza  en canto a libre disposición  polo testador , sendo ademáis de ter en conta que son uns oito os herdeiros legáis.".

" Din tamén, e isto só de rusmusmús público , que o expresado Abelardo ten da súa propiedade e como mínima, unhas 75.000 pesetas , en metálico,  cantidade da que dispón  para o seu trafego de compravenda de gado vacún ", (  Román López Rubín )                                                                 

....................................................................................................................................................................

 DOSITEO PIÑEIRO  VALCÁRCEL,  veciño de San Martiño de Requeixo ,  casado, propietario , de 50 anos. ( Retornado a Cuba ).

(  Informe do alacalde, 9.01.1942 )

"  Consta que, efectivamente, exercéu o cargo de xestor deste Concello, como Rexidor Síndico, dende a súa posesión, en 15 de marzo de 1936, até o 21 de xullo  do mesmo ano, Non sew coñecen outros cargos na súa contra; foi moderasdo na súa actuación , como tal Sestor, e observóu boa conduta pública.ç

Emigróu, do seu dito pobo nadal,  a Cuba,  e  sábese, de referenza , estivo adicado a actividades comerciáisb , que lle permitiron economías dabondo para adquirir  alí propiedade  urbá e dispoñer de capital sobrante , en metálico  para continualas, dicíndose, de público , que á súa volta, trouco con el importante cantidade que, naturalmente , non se pode precisar na súa  cuantía. Din, tamén, que ten aínda da súa propiedade,   actualmente, accións dunhan empresa industrial, establecida  en Vigo, as que representan  cantidade de importanza, se ben o seu valor total tampouco se pode determinar, malia as averiguacións feitas ao efecto.

Tempo despóis do comezo do Glorioso Movemento Nacional, voltóu a emigrar  a La Habana, onde din que ten a súa residenza  habitual,  adicado, igualmente , a negocios comerciáis.

Non figura como contribuinte ao Tesouro Público , por este Concello, por concepto algún.

 É orfo  dos dous pais, e , efectuadas as partillas da herdanza dos mesmos hai uns dous anos , correspondéronlle  bens , por valor, aproximado de  10.000 pesetas , que disfruta  unha irmá e esposo desta". - Román López Rubín.

.....................................................................................................................................................................

CASIANO  QUINTANA LÓPEZ, veciño  de San Martiño de Louseiro, solteiro, labrego (  fuxido dende 21 de xullo de 1936 a 29 de abril de 1939 ),

 (  Informe do alcalde accidental , en  31.05.1939 )

" Pertencía á  filiación politica  de Izquierda  Republicana , sendo  Concelleiro  da Comisión Xestora  da Fronte Popular , do que era elemento destacado.  Fuxíu  ao comezo  do Glorioso Movemento Nacional Salvador de  España , sen que se lle coñeza  acto ningún  do mesmo na contra do  dito Movemento Nacional  despóis de iniciado  éste, xa que  como dito queda, fuxiu  ao seu comezo, Segundo informes , recentemente presentouse ás Autoridades"

*** ( Informe do alcalde, 9.01.1942 ). Cando tiña 36 anos.

" É certo que exercéu  o cargo de Xestor  deste Concello, dende a súa posesión o 15 de marzo  de 1936 , até o 21 de xuño do mesmo ano.

Fuxido e en ignorado paradoiron , durante o Glorioso Movemento Nacional, presentóuse voluntariamente , o 29 de abril de 1939, sendo detido , e recobrando de seguido a súa liberdade  en 24 de outubro  do mesmo ano, reintegrándose  ao expresado pobo da súa natureza. De boa conduta.

Non figura como contribuinte  ao Tesouro Público, por concepto algún.

Habitaba na compaña do seu pai, viuvo e veciño do dito Louseiro . Da súa  nai, nada herdóu, e non se coñece  adqurise bens de clas algunha, nin que dispoña  de recursos en metálico.

Hai, aproximadamente , un mes , que  trasladóu a súa residenza a esta vila, e uns tres anteriores, que ven traballando , como tal carpinteiro, nunha fábrica de serrar madeira, establecida nesta vila, que foi propiedade de don  Xoán López López, e que este  recentamente  traspasóu a D. Xosé Gallego López, de Vilameá ( Romelle - Samos ).

O referido Casiano Quintana López, de feito, é o responsable no traballo  e administración  da tal fábrica, se ben percura pasar por un obreiro corrente, sen máis remuneración  ca o xornal. Porén, é suposto  xeral que se trata  dun socio industrial  no negocio, ou , cando menos, con algunha  participación nos beneficios líquidos , sen que  poida constar o certo, por se tratar , probablemente , de convenio privado, entre eles ".- Román López Rubín.

" 

.............................................................................................................................................................................