FESTAS DO SAN XOÁN DE SÁRRIA ( 1942 )
FESTAS DO SAN XOÁN DE SÁRRIA ( 1942 )
PROGRAMA OFICIAL DOS TRADICIONAIS FESTEXOS
DO SANXOÁN
SÁRRIA XUÑO 1942
XUÑO 21.- Ás dúas da tarde unha atroadora salva de bomba e o acostumado repenique de campás anunciarán o comezo destes grandes festexos. De seguido a primeira das nosas agrupacións musicais , de carácter rexional, OS TRINTAS, a afinada Banda " A ARMONÍA" , desta localidade, percorrerán as rúas da vila, de camiño ao belisimo paraxe rural AS INSUAS , convidando á veciñanza concorra á ROMARÍA MÁIS TÍPICA DE TODA GALICIA, onde amenizarán tan fermoso lugar . para disfrutar de grandes e imborrables recordos . Ás cinco da tarde fará a súa entrada oficial na festa, a tan famosa como querida neste pobo, banda de musica a "LIRA DE RIBADAVIA", dando comezo a GRANDE ROMARÍA "enxebre" , chea de corido e típicas armonías, que constituirán a base do Programa destas agrupacións, finalziando ao anoitecer , entre a alegre algarabía de muiñeiras e a lonxana melodía dos nosos "alalás!.
Ás once da noite, na Praza de don Xoán María López , feita lumieira de luz e cor, celebrarase a PRIMEIRA GRANDE VERBENA.
XUÑO, 22.- A primeiras horas da mañá OS TRINTAS e a LIRA DE RIBADAVIA percorrerán as rúas da vila executando alegres pasarrúas -
De once e media a dúas na mesma praza, grande concerto sinfónico pola LIRA con intermedios rexionais por OS TRINTAS.
Ás catro da tarde desfile das dúas agrupacións mentres na dita praza terán lugar divertidas cucañas e varias competicións de carácter deportivo-
Ás sete do serán SEGUNDO GRANDE CONCERTO de A LIRA , este a base de música española estando os intermedios a cargo de OS TRINTAS , para finalizar , ás once da noite cun animado baile e paseo-
XUÑO, 23.- Ás dez da mañá as bandas anteriores e a UNIÓN MUSICAL SARRIANA percorrerán toda a vila interpretando alegres dianas e alboradas.
Ás catro da tarde OS TRINTAS e A UNIÓN MUSICAL , percorrerán as rúas da vila anunciando unha GRANDE ROMARÍA na citada praza e na que actuarán as dúas bandas e a LIRA DE RIBADAVIA.
Ás once da noite e no mesmo lugar artisticamente engalanada e alumeada por milleiros de bombillas multicores a tan tradicional grande VERBENA DA NOITE DO SAN XOÁN . queimando a primeira sesión de fogos de praza e ar . obra do moi coñecido grande artífice don Ricardo Álvarez . constando de numerosas pezas fixas de grande fantasía e esplendor , que lanzarán as súas luminarias mentres o espacio é rachado por magnifica lucería de voadores e ráfagas de morteiros , alumeándose vivamente polo estrelazamento de bengalas en paracaídas. Rematará a dita grande verbena cunha formidable TRACA AÉREA.
XUÑO, 24.- Nas primeiras horas da mañá a LIRA DE RIBADAVIA e OS TRINTAS , percorrerán as rúas da vila , anunciando cos seus acordes , a solemnidade do día do noso Santo Padrón . Algún tempo despois fará a súa presentación nesta vila a magnífica e recentemente remodelada BANDA MUNICIPAL DE LUGO co seu complemento de típicas gaitas do pais, que coa súa música colmará as aspiracións desta veciñanza, desexosa de escotala e apraudila.
Ás once MISA SOLEMNE , na honra de SAN XOÁN BAUTISTA, na parroquia de Santa Mariña, na que pregará , facendo o paexírico do Santo, o moi elocuente orador sagrado o R.P. Xosé María Vallejo , Comendador do Convento da Mercé , nesta vila, coa asistencia das Autoridades, saíndo segudamente a mloi SOLEMNE PROCISIÓN do Santísimo Sacramento percorrendo o itinerario de costume , achándose as rúas alfombradas de espadana, buxo , flores, etc. sendo acompañada polas agrupacións musicais citadas, facendo garda de de honra á S,D,Mde, un piquete da Garda Civil deste posto e pechando a relixiosa comitiva , coa súa marcialidade característica unha Compañia do Terceiros Batallón do Reximento de Infantería , número 30, destacado nesta vila.
De unha a dúas , ANIMADO PASEO , na mencionada praza de don Xoán María López.
Ás sete da tarde ,GRANDIOSO CONCERTO na mesma antes expresada praza A BANDA MUNICIPAL DE LUGO , dirixida polo inspirado compositor Sr. Sariñena e a de RIBADAVIA , baixo da batuta do grande Mestre Temes, interpretarán programas selectísimos facendo desta festa unha verdadeira manifestación de arte, como corresponde á primeirísima categoría de ambalasdúas agrupacións e á afeizón e cultura musical do auditorio desta vila.
Ás once da noite TERCEIRA E ÚLTIMA GRANDE VERBENA , realzada coa actuación dos magnificos conxuntos musicais a BANDA MUNICIPAL DE LUGO, A LIRA DE RIBADAVIA e OS TRINTAS . Na dita verbena queimarase unha SEGUNDA COLOSAL SESIÓN DE FOGO DE ARTIFICIO , exclusivamente de ar e da mesma procedencia que na anterior rematando estes tradicionais festexos entre atroadores disparos de morteiros , tracas e cubos de bombas.
A Comisión
NOTAS.- Interésase da veciñanza engalane as súas fachadas con colgaduras durante os catro días destes festexos.
Asemasde rogan que para o paso da solemne procisión referida se alfombren as rúas con espadanas, buxo, flores, etc.
Encarécese ás señoritas teñan a ben locir o clásico mantón de Manila ( segundo españolisimo e tradicional costume ) nas verbenas ás que se refire o presente programa-
O pobo de Sárria, o memso que a Comisión organizadora que suscribe , agradecen vivamente ao Sr. Alcalde de Lugo e Excelentísima Corporación municipal da súa digna presidencia , a deferencia que supón para nós a asistencia gratuita da súa magnífica Banda Municipal nestes festexos tradicionais.
As Sociedades O Casino e A Unión organizarán durante estes días diversos festivais en honra dos seus socios, familiares e forasteiros presentados.
Tamén se fai constar que AS INSUAS foron amablemente cedidas polo seu propietario don Xabier Saco Rivera , para a romaría galega comprehendida neste programa.
Os artísticos alumeados que se anuncian correrán de cargo do técnico-especialista pontevedrés D. Miguel Romero.
*****************
A Comisión editou un folleto de 36 páxinas , impredom nos Talleres Tipográficos "Casa Severino " -Sárria coa programación dos festexos , que inclúe os seguintes reclamos publicitarios.
GRANDES FESTAS DO SAN XOÁN.- SÁRRIA -1942. Portada cun debuxo de A. Vázquez ( Avary ) con faroliños á veneciana, un tiovivo , a siueta da torre da igrexa de Santa Mariña e un gaiteiro tocando a gaita.
Publicidade
1.- Fábrica de galletas e Caramelos EL POSTRE MADRILEÑO ( Marca rexistrada ) Fulgencio López -Sárria ( Galicia) Confitaría e Pastelaría,
2.- Produtos KRISSOLA .- Eloi González , S.L. Sárria ( Galicia ) Crema Krissola.
3.- Obradoiro Mecánico de Ebanistaría ANTONIO BALBOA E COMPAÑIA . Rúa Diego Pazos- Sarria
4.- Cimento Artificial Portland. Cruz Branca. Marca de Fábrica Deposotada. ANTONIO VIÑAS . Materiais de Construción. Depositario de Cervexa. Sidra Sarracina e Aldeana. Vermú Cinzano. Coñá Osborne. Licor Pax Benedictino.
5.- Permanentes MELÉ. Ondulacións Marcel e á Auga .MELÉ. Tintes. MELÉ. Manicura .MELÉ. Cellas e Peiteados.MELÉ. MELÉ, sempre MELÉ, A mellor instalación de permanentes. Avenida Calvo Sotelo.Telefono 78 . Sárria ( Na actualidade: Rúa da Liberdade )
6.- BAZAR CASTRO. Luis Castro López. Rúa Maior 21-Sárria . Novo establecemento de Mercearía e Bazar. Artigos grande novidade. Prezos económicos. Exposición permanente. Grande surtido en Louza, Cristal e Mercearía. Non faga as súas compras sen antes visitar o BAZAR CASTRO.
7.- EL ÁGUILA. Fábrica de Calzado. Especialidade á medida.- ENRIQUE FERNÁNDEZ. Avenida de Calvo Sotelo .Sárria. ( Na actualidade: Rúa da Liberdade )
8.- Faga fotografías. Recordo permanente dos seus días solaces. Afeizoados: FOTO CARME SANTA-MARÍA ofrécevos material, galería eléctrica moderna e rápido laboratorio. Revelados, copias, ampliacións e reproducións . Maior 14. Sárria.
9.- PALLAROLAS RADIO. Construcións. Reparacións. Amplificadores para festas e bailes. Electricidade. Instalacións.Material. Lámpadas, Radio Técnico. Maior, 14. Sárria.
10.- Obradoiro de Prataría e Reloxoaría. O seu reloxo quedará novo reparándoo na casa de CEFERINO FERNÁNDEZ . Benigno Quiroga . Sárria ( Lugo ).
11.- ALMACENES SIMEÓN, Sárria . Sucursal de Fillos de Simeón GArcía e Cia. Casas en: Santiago. Vilagarcía.Ourense. A Coruña. Vigo. Oviedo, Santander, Ferrol, Pontevedra. Xixón. Lugo. Madrid. Sárria. Bilbao. León. Burgos. Onde hai unha casa de SIMEÓN GARCÍA , elíxaa para facer as súas compras de toda clas de tecidos e confeicións. Sección de Calzado Sempre últimas novidade. Unha marca de calidade e garantía " El Tigre"
12.- EL ENCANTO. FRANCISCO PÈREZ. Tecidos e Novidades. Paquetaría e Quincalla - Especialidade en panaría. Rúa Matías López, 15. Sárria.
13.- Drogaría. Perfumaría. Bisutaría. Mercearía, DILO. Últimas novidades e grande surtido en todos os artigos.
14.- CASTRO. Calzado e Camisaría. Denantes de mercar os seus zapatos visite vostede esta casa; nela achará calidade e economía. Grande susrtido de verán para señora, cabaleiro e neno. Constantemente estánse a recibir novos modelos. Non o dubide: Os zapatos que a vostede lle agradan áchanse nesta casa. Merque as súas camisas a CASTRO.
15.- LAS NOVEDADES. XOSÉ PEDRERO GALLEGO. Maior, 32, Sárria. Tecidos. Paquetaría. Bisutaría. Mercearía. Xéneros de punto. ¡ Extenso surtido en chapeus para cabaleiro !
16,- CAFÉ BAR MARISCO . Propietario: LEOPOLDO DEIBE. Sárria. O Café-Bar "Marisco" instalado provisoriamente , presenta todos os días as seguintes tapas: Aceitonas cocidas en dúas salsas. Berberechos con Jerez e Ron. Anchovas sen sal e verdes. Mariscos sen cocer e con patas. Pasteles fritidos en auga.- Fígado na cazola, Calamares ao Castroncán.- Referscos quentes e bebidas das piores. Un café horrible , só ou con leite acharao no Café- Bar MARISCO a todas horas ( Do revés a petición do anunciante ).
17.-. JULIVAREZ. Escola de Ensino Medio. Bacharelato. Comerzo, preparacións especiais. Curso intensivo de verán para pase de escolaridade. Enderezo: Av. Calvo Sotelo ( na actualidade: Rúa da Liberdade ).
18.- MATÍAS LOUREIRO. "LA SARRIANA" Fábrica de Galletas. Teléfono 69. Sárria. Confitaría e Pastelaría. Especialidade en encargas propias para festas, vodas , bautizos e en xeral todo o referente a confitaría. Rúa Maior. Núm 4.
19.- MERCEARÍA EL SIGLO Rúa Maior, 37.SERGIO BELLO. Sárria. Grande surtido en botóns, fibelas, broches e toda clas de adornos para traxes de señora. Especialidade en faixas, sosténs e colos para vestidos ; garabatas de alta novidade, variado surtido en pendentes, cadeas e pulseiras , tintes, carteiras e cintos de todas clas , roldos e alfombras de todos os tamaños, grande surtido en perfumaría , xabróns e uteis para barbear e cortar o pelo. A casa máis surtida no ramo da Mercearía e similares.
20.- FERRETARÍA . Mobles. Batería de Cociña. Quincalla. Cristais.Pinturas.Pinceis e ferraxes en xeral. AMADOR DÍAZ LÓPEZ. Rúa de Benigno Quiroga , 10 .Sárria ( Lugo )
21.- MI SASTRERÍA de BAUTISTA LÓPEZ. Últimas novidades en panaría. Rúa de Matías López- Sárria.
22.- FOTO PAZ. ¿ Quere Vostede conservar un recordo familiar ? apresúrase a encarregar as súas ampliacións nesta casa , seguro de que quedará satisfeito. AFEIZOADOS Revelando aquí as vosas peliculas obteredes boas copias. 6 Retratos para carnet retocados , 6 pesetas.
23.- ¿ Un especifico estranxeiro só na FARMACIA MODERNA. XOSÉ CORNIDE. Sárria.
24.- OBRADOIRO DE RELOXOARÍA E XOIARÍA . Reparación de toda clas de reloxos, máquinas de escribir , alfaias en xeral. Construción de : Pezas de mecánica fina, Caixas para reloxos , Sortixas , Pulseiras, etcv. , etc. Para todo isto, só un obradoiro PEDRO SÁNCHEZ . Diego Pazos. Sárria, Prezos sen competencia. Traballos garantidos.
25.- EDITORIAL VIRGEN DEL CARMEN.SÁRRIA. Gema para estilográficas. CASA SEVERINO. Maior. Sárria. Bazar. Xoguetes, Bisutaría. Libraría. Obxectos de Escritorio .Material escolar. Para as festas do San Xoán
26.- CASA SEVERINO. Imprensa . Traballos de fantasía. Relevos. Material moderno. Manipulado de papel. Fábrica de sobres e bolsas. Papeis de toda clas. Encadernacións.
27.- HOTEL ROMA. SÁRRIA. Propeitarios: VIUVA E FILLOS DE E. PRADO. Calefación central, Auga corrente quente e fría en todos os cuartos. Cuartos todos exteriores con vistas a espléndidos panoramas . O máis de perto á Estación. Telefono 50.
Comentarios
Publicar un comentario