A VACA NOVA ( 754 )

                                                 A VACA  NOVA   ( 754 )

( 15.05.1989 ) Publicación   da ASOCIACIÓN DE ALUMNOS  DO CENTRO DE EDUCACIÓN PERMANENTE DE ADULTOS  DE SÁRRIA  ( Rúa  Pedro Saco nº 4 ) .

                                                         ************************

                                                           A VACA NOVA   (  MÒVIL )   

REVISTA   AGROPECUARIA   DA JET  SOCIETY   DO RIBEIRO .  15  MAIO 1989

Noutro tempo a sufrida vaca galega , que moitas veces non tiña forcias  nen para escorrenta-las   moscas co rabo , daba leite , daba estrumados   con boa  bosta , araba  . facía carretos   e daba   quentura nas casas.

Eran outros tempos    e eran outras as vacas  .. Logo veu a moda das vacas pintas   e todo cambiou . As   vacas fixérronse moi " señoritas "  e os labregos seguíronlles o xogo  ; Todo se volveu mungur e munguir.

E axiña  empezaron a medrar   coma choupíns   " importadores de Torrelavega", esa caste de xente que traía  vacas suizas de Santander . E todos presumían de vacas estranxeiras.

Máis adiante apareceu outra caste de   espabilados. E aproveitando que se fan  campañas de saneamento  do gado  houbo quen deu en aproveitar  a boa fe de moitos , polo camiño de revender   o que só era carne  de matadeiro.

As vacas fixéronse   moi viaxeiras. Sen se compadecer  da súa enfoirmidade  os espabiladiños de sempre  deprenderon a mudar  os papeis e facer   desaparecer as marcas das orellas .E viaxe vai viaxde ven  todo o mundo deprendeu xeografía , porque ata houbo vacas   que viñan en barcos  para da idea  de que viñan de fora.

¡ Que lonxe están aquelas vacas  sofridas e caladas ! 

Din que por orde xudicial    hai agora condeadas  a morte un montón de vacas  oficialmente desaparecidas  que sempre rexurdíanb sen pasar  polo matadeiro. E todo o mundo contente :  o que se desfacía da vaca e mercaba outra a conta da subvención  logo de redondear  os números co "intrermediario "  que salvaba a vaca do coitelo  e lla vendía " de importación e  a moi bon precio "  a alguén que matinaba  mercar gado saneao  e mercaba morralla .

¿ E non han parar nunca os listos  de zugar e zugar  quitándolle luce a canto invento  humán se fai ?.

E non falamos de catro ou cinco pesetas  . Son moitos os millóns   que os espabilados arrimaron para o seu muiño .

¡  Madia leva que agora   as vacas viaxen   en avión e en barco !

 Estas vacas xa non son o que eran. Por riba de non vir de fora  ata son moi capacer de morrer tres ou catro veces e levar riba do lombo unhas cantas  subvencións e desaparicións de chapas.

                                           ¡ Agora  as vacas  móvense  moito !

                                 ASOCIACIÓN DE ALUMNOS.- CENTRO EPA.- SÁRRIA

***********************************************************************************

VACAS HOLANDESAS ( procedentes do Matadeiro de Valporqueiro  de Marranquelos  )  SANIDADE GAREANTIZADA,  Tramitamos todo o que faga falla..  GRANXA DO BON ACOUGO (  de Lalín a unha beira ).

                                                     .............................................. 

NON SEXA PARVO CRIE CÁGADOS DE SAPO. MERCADO SEGURO,.  (  a súa pode ser a primeira granxa a nivel europeu ).  NOS  FACILITAREMOSLLE  OVOS DE SAPA  DOS CÁRPATOS  E SAPO CORNUDO  DO BRASIL.  Nós facilitarémoslle tamén :   ASISTENCIA TÉCNICA.  ASISTENCIA SANITARIA.  ASISTENCIA VETERINARIA . A  NOSA REDE COMERCIAL.-   Curiosos astéñanse  : INVERSIÓN MÍNIMA :  7.000.000 pesetas . RENTABILIDADE  GARANTIDA. Para máis información  chame ó teléfono  444 / 333222. ¡ SON MOITO  MELLORES QUE O CAVIAR !

                                                 .............................................. 

FÁBRICA   DE PIENSOS  DO CAMERÚN BUSCA  REPRESENTANTE A COMISIÓN.  Producto de calidade , experimentado cos cocodrilos do río Zambezee .

                                                  ............................................. 

LEITE PARA DESTETE DE BECERROS. U-24  para gatas  recén paridas U-25  para cochos con pintas U-26  para canarios roncos U-27  para cans abstemios -

                            TEMOS  DE TODO PARA TÓDOLOS  ANIMAIS

A nosa secreta  fórmula , feita cos mellores productos  , fai posible   que os seus animais sexan os  meirandes

                                        PRÓBEOS COA SÚA SOGRA E XA VERÁ 

............................................................................................................................................................... 

                                   UNIÓN.GRACIOSA,. ZONA DE SÁRRIA.INFORMA

Felizmente rematados tódolos   traballos de reelectrificación  das parroquias  do Concello de Sárria e tendo  de sobra 3.005.006.007.008.009 kilowatios  que non sabemos onde metelos, comunicamos  a tódolos usuarios  que para o período de verán  que vai comenzar  t arifaremos  segundo a continuación se indica ;

                                                          PARROQUIA DE GOIÁN

Por cada 5 kw de consumo  regalamos 5.000.000  kw / mes para empregar no aire acondicionado dos trobos e colmeas.

                                                            PARROQUIA DE SETEVENTOS

A cada abonado  regalaránselle  2.000.000 kw / mes  para empregalos nos muiñiños de café.

                                                            PARROQUIA  DE LOUREIRO

Por cada abonado que cause alta e se comprometa a un consumo mínimo  de 19.999,999 kw, concederáselle  á parroquia  unha hora de alumeado gratis o día de Santo Alberte de Kasitowick,

                                                             PARROQUIA DE  VIVILLE

A cada tutular de explotación  agropecuaria  que teña tanque de fríocunha capacidade de 6.000,000  de hectolitros, regalaráselle  unha lanterna de peto-

                                                 UNIÓN-GRACIOSA  NA LIÑA DO PROGRESO

Mérquenos os kilowatios que o demáis é conta nosa, CONSUMA ELECTRICIDADE GALEGA 

                                                             ¡ E  A  MELLOR !

 ************************************************************************************** 

                                        ORDEÑE  ¡ PLEASE !                        SIDRO      XA

Pena dos Petos, 15 de maio  de 1989

            Antón Parada Parada

                   Alemania

                            Querido Toniño : 

                                                        Escriboche  esta carta  para che decir que  te veñas, que estás perdendo o tempo ahí en Prskwenkertrasse, que estades moi atrasados e non  sabedes o que é vivir, Vente para acó Toniño , faime caso, que xa non sabemos que facer cos cartos.  Mira, xa  denantes de que  nazan  os becerros  os temos apalabrados , para que lles vendamos os cuxos  os tratantes  xa non saben que nos han regalar   : televisores, arradios  , lavadoras .... xa me sobra de todo , con decirche   que ata o can dorme   nun frigorífico que teño na palleira  . Págannos os becerros   a coma  queremos  e aínda  se  encabuxan con nós  se llos queremos vender a desprecio. Ven para acó . Toniño., que xa teño contas en tódolos Bancos de Sárria  e en catorce Moforte  e non sei que facer  con tanto diñeiro. Teño  informatizadas as cortes  e non fai falla  e   non fai falla nin mungui-las  vacas , de todo iso encárgase o ordenador  . ¿ E do leite que decir ?. Máis houbera  que máis levaban . Vente Toniño , que Alemania   xa non é o que era, e aquí  en Galicia nadamos en fartura. 

                                                             Apertas.

                                                             Pepiño 

 ************************************************************************************* 

                                                           CASTELAO

Dous  vellos parrafeando :  -  A moita auga  non é boa pra o viño 

                                            -  Pois o taberneiro non pensa da mesma maneira

Dous bebedores na adega ; - ¿ Que che parece o meu viño ?

                                           -  Je.....  por onde vai molla  e como refrescar , refresca

Consello  dun pai a un fillko : -  Faite médico, hom ,  que enfermos non han faltar.

                                                  -  ¿ E a concencia ?

A parteira e  muller parida ;  -  Pero muller.... ¿ Como lle fixeche unhas camisiñas  tan pequenas ?

                                              - ¡ Como non lle podía tomar medidas ! 

*************************************************************************************

      OS LABREGOS DA TERRA DE SÁRRIA AXUNTADOS  EN XUNTA XERAL ACORDAMOS :

1º.-  Solicitar do Sr. Alcalde de Sárria  que fagan axiña unha boa   ampliación do CAMPO DA FEIRA  que xa non temos onde poñer os tractores   cando baixamos  o gado  ou a toma-lo pulpo  , e non está ben ter  que deixalo lonxe  . A VER SE SE ANIMA, HOME,  E NOS FAI O APARCAMENTO.

2º.-   Pedirlle   ó Concello  , á  Deputación  , á Xunta   e a quen faga falla , que non se "despisten"   e fagan pistas asfaltadas  , que faltan moitas. 

3º.-   Pedirlle  a todos aqueles  que teñen un anaquiño   de mando que miren   a ver se nos poden mandar uns ferrados   de electricidade,  que a cousa está que esmorece. A eléctrica di   que a culpa e nosa  , que temos moitos cachivaches   e cadno puxemo-la luz   contratamos para unha bombilla . E nós pensamos   que iso non é moi correuto  , porque tamén cando se puxo   a luz nas vilas   e nas cidades non se inventaran   as cousas que agora se inventaron  , e agora xa non hai problema  . Por iso pedímoslles   a todos vostedes   que se deixen de prosmeadas  E REELECTRIFIQUEN TODO O  QUE   HAI QUE REELECTRIFICAR   , QUE É MOITO.   E deixen de dicir monadas  . Que nón non temo-la culpa   de que estiveran aos biosbardos   e non reforzaran as liñas  cando tiñan que facelo  , e se algunha cousa temos   nos kilowatios   outros haberá que a teñan nos dividendos,

4º.-  Por se non se enteraron   do punto 3º  pedimoslles que vaian axiña   á reelectrificación total da Comarca.  A  época dos vermes   xa pasou  e non ten por que  haber cidadáns   de primeira e de segunda  .REELECTRIFIQUEN AXIÑA   que ó paso que van morrerán   sete xeracións de galegos   e a reelectrificación será " materia reservada" .

                           SEXAN BONS.-   FÁGANNOS CASO  , XA SABEN  POR ONDE ANDAMOS 

 *************************************************************************************

                                    NOVOS XEITOS DE CONSEGUIR TELÉFONOS NAS ALDEIAS 

No desexo  de que nin unha soa das casas do medio rural quede sen teléfono , vimos de elaborar  un novo memorandum  de concellos  para que TODOQUISQUE  teña teléfono , por moi lonxe que quede  da capital e das vilas :

SISTEMA A.-  1.-  Escríballe  unha carta ó Delegado  Provincial  da Telefónica, poñéndolle moitas faltas de ortografía .Coma é bon home , ó ver que non hai  demo que saiba o que pon a carta, vai e pensa: " Pobriño cidadán , voulle botar unha man  e poñerlle o teléfono .Escribe que non hai quen o entenda". E vai e ponlle o teléfono.  E 2.-  Hai que ter coidado en poñer lexible o remite, non sexa que lle poña o teléfono ó veciño.

SISTEMA B.-  A escote pericote  a parroquia toda contrata  os servicios dun rapaz  que teña cara e vagar e mándao  para a porta da Telefónica  cun xamón de plástico ben envolto en papel de saco de piensos. Cando vexa que entra o Sr. Deñlegado o rapaz achégase a el  e di : " Don Fulano este xamón de parte  dos veciños de Santa María de Moilonxe  para que lles poña o teléfono". O Sr. Delegado di que non pode aceptalo  e que moi agradecido  e que xa mirará o que se pode facer.... E esta operación  hai que repetila catro ou cinco anos , e tódolos días , agás festivos e vacacións. É  caro.  Mais  acábase conseguindo  o teléfono . e de tódolos xeitos  con menos custe que se hai que pagar  a non sei canto o quilómetro de liña.

Hai outros xeitos  e tamén levan tempo. Non esmaie , denantes de noventa anos  xa non se vai precisar  teléfono.

                          ..............................................................................

                                                    ESQUELA

                                                          +

                                 DON CRIADOR DE BICHOS  RAROS

                                                     R.I.P.

Rogade ben polo antedito  , que falecei, víctima  de inversión ruinosa  , en accidente promovido por  multinacional descoñecida-

A súa  moi choros esposa  DONA MANTEDORA DE CHICHILLAS  ; fillos, GRANXEIRO DE VISÓN DO CANADÁ  e COIDADOR DE COELLOS DE ALTA CLASE  ; irmáns,  MASIEL DE MOITO ABRIGO ,  FARRUCO DE POLIÑO TESO  e AFOGADO DA PITA POÑEDORA ; curmán s, tíos  e demáis castimonia  de granxeiros na percura  de novas técnicas ; amigo,  MIOQUEIRO  DE CALIFORNIO   e máis afrixidos   deudos, pidenvos   que non asistades  ó enterro  , e se vos parece   ben  non asistades  ó enterro , e se vos parece  ben teñades   a bondade de pagar por esmola  tres ou catro  letras protestadas.

                                                         Sárria, 15 de maio de 1989

ADEMÍTENSE   FIADORES   E AVALISTAS.       

************************************************************************************ 

                                                ¿ QUEN MAMA O LEITE ?

Anda  o leite moi pago / anque din que vai baixar , / isto parece un miragre , / matina  xa o tío Xan.

Fixo cortes á moderna  / e puxo tanque de frío  / e vende leite dabondo / a COMPLESA e LEITES RÍO.

Cada mes baixa ó  Banco  / a coller a petoada /  e logo bota as contas  / e todo  se volve nada,

Seis letras de SARRIPISA , / tres sacos de COGASAR, /  un da ceba en Ferreiros  / e nove de SAPROGAL,  /  fariña en Casa Mateo , / e catro bolas de sal /  a cebada de  almacén /  e de millo un diñeiral  / fanlle merma-lo seu cheque  / e aló  Xanciño se vai / debendo máis do  que pensa /  que é o resto que hai.

¿ Quen mama, coño , do leite  ? / ¿ Quen co leite  vai medrar ? / se mira un para o PREKO /  e mira para o CEMAR , / e compara xa  co ALDI , / e non  para de baixar  / o cartonciño ditoso  / a onde o leite vai parar.

Este é  un misterio grande  / que alguén explicará , /  por iso volvo e pregunto ; /  ¿ Quen do leite mamará ?.

Din que van vir os franceses  / co leite a sete pesetas , / e se hai  algo niso  de certo  / irase a facer puñetas /  tanta inversión , tanto gasto , / politica de pandeireta.

¿ Quen mama, digo , do leite  ? / ¿ Quen é quen  leva a ganancia  ? /  Pois  mesmo semella hai  / neste choio galafancia,

Rifan as fábricas moito / pola cuota de mercado , / e despois  andan arrentes /  dacordo para matalo.

Hai piensos a tutiplé  / e moito labrego  enganchado  / ten feito cursiño rápido  / de saber que  protestado / ten  xa  medio patrimonio /   e o pienso non está  pagado.

¿ Quen  mama, coño,  do leite  ? /  que Xanciño está   empeñado , /  e debe pienso e  cortello , / e anda ben amolado . /  Eu non sei quen se fai rico  / co leite  desta comarca,  / mais   sei  e teño seguro  / que ó labrego non farta .

¿  Quen mama agora do leite ? / ¿ Canto tempo mamará ? /  ¿  As débedas   que trae o leite   / quen   un día as pagará ?

                             MANOLIÑO DAS  BIDUEIRAS                                                                                          ( productor lácteo , asocaido á   Confradía  de Santo Antón Lacoreiro  ) 

4 leiteiras : A CORUÑA  : 29,41 %, 489.428 )  LUGO (  46,08 % , 766.873 ). OURENSE  ( 5.57 %, 92.783.  PONTEVEDRA (  12,94 % ,315.251 ).

***********************************************************************************