SÁRRIA.- AS JONS E A FALANXE EN SÁRRIA ( 775 )
AS X.O.N.S. EN SÁRRIA
( 11.1935 ) CAMARADA : Sabes que hai moi pouco tempo o noso movemento NACIONAL SINDICALISTA está a tomar forza organizada na Comarca de Sárria e debes saber tamén que as nosas fieiras medran máis cada día formando nela o máis aberto e valente da xuventude obreira e campesiña.
Os nosos inimigos tremen porque se achega o día no que van a ter fin as súas actividades de traidores e covardes,. Deféndense como reptís vertendo en ouvidos inclutos especies que tenden a desvirtuar os nosos fins . Nestes momentos débese recordar que no noso xuramento hai un párrafo que di: XURO REXEITAR E DAR POR NON OUVIDA TODA VOZ DE AMIGO OU INIMIGO QUE POIDA DEBILITAR O ESPIRITO DA FALANXE
O noso triunfo é indiscutible porque é necesario.Nada, nin ninguén, nos cortará o paso, O noso temple é revolucionario e indomable, pois representamos a mocedade viril fronte ao vello e caduco
Un saúdo NACIONAL SINDICALISTA. O Xefe Local ¡¡¡ Arriba España !!!
( Nota interna da Xefatura Local )
**********************************************************************************
(12.01.1936 ) REVISIÓN DE LICENZAS DE USO DE ARMAS.-- Coa fin de evitar sucesos loitosos . dí o Gobernador - como o acontecido hoxe en Sárria , onde houbo unha liaraza entre elementos facistas e outros de ideoloxía contraria , resultou ferido o xefe de Falanxe Española. señor González Zaera , farei unha revisión de todas as licenzas de uso de armas. Teño o criterio de que estas só se lle deben conceder ás persoas que necesariamente as necesiten e de recoñecida honorabilidade.
**********************************************************************************
( 2,04,1936 ) DETENCIÓN EN SÁRRIA.- Na madrugada de hoxe , e por orde gubernativa, forom detidos , descoñecéndose os motivos , don Mario González, don Cándido Pinto, donXesús Vázquez Saco , correspondente de " Alborada" e o mestre de Santo André de Paradela.
**********************************************************************************
FALANXE ESPAÑOLA DAS X.O.N.S.
( Setembro -Óutubro 1936 ) DECLARACIÓN DO GARDA CIVIL PEDRO GARCÍA.
.... no senso de que o expoñente era demasiado horado , enérxico e cumpridor do seu deber e que eles ( os falanxistas ) non poderían polo tanto obrar con liberdade,
Por ter recibido orde da superioridade no senso de restrinxir o gasto de gasolina facilitada polo Estado, negoulla a diversos elementos da Falanxe que se negaron a prestar servizo na compaña da Garda Civi, retirando unha parella permanente que estaba na vía do camiño de ferro e outra que prestaba servizo pola noite no Campo de Aviación , todos servizos ordeados polo Señor Gobernador Militar de Lugo, e que dende mediasdos de setembro, aproximadamente, tiveron que reducir os gardas civñis e soldados sen falanxistas , malia o pouco número existente na praza dos primeiros; atribúe tal decisión da Falanxe Española non só ao desexo que os elementos desta tiñan de molestar á Garda Civil, para desta maneira cometeren todas as arbitrariedades que ao parecer viñan cometendo e que se foran acompañados pola Garda Civil non poderían realizar semellantes atropelos.
Que tivo coñecemento particular dalgúns feitos , que pasa a relacionar a continuación e que aconsellou ás persoas que llas comunicaron formalizasen denuncia para poder actuar oficialmente o expoñente, mais negábanse a iso temendo graves represalias que os elementos da Falanxe podían adoptar con posterioridade á denuncia pois a organización gozaba de grande poder , estándo atemorizada a veciñanza de todo o partido xudicial.
As peroas que poiden aportar datos para o escrarecemento das aldraxes ás que fixo referenza a testemuña son os seguintes.
OE EMPREGADOS DA SUCURSAL DO BANCO PASTOR E DO DA CORUÑA establecidos nesta vila ; pois don Eloi González Zaera , don Manuel Martul González e don Manuel López dixéronlle á testemuña , confidencialmente, rogándolle non procedese no terreo oficial, que se presentaron nas Oficinas do Banco Pastor onde eles traballaban un GRUPO DE FALANXISTAS coas armas na man esixíndolle ao Xerente lles entregase a suma de 5.000 pesetas .....
Que un feito análogo ocurriu no Banco de A Coruña.
Tamén chegou ao coñecemento do declarante que o xefe local da Falanxe, coñecido por REQUEJO , se presentou no domicilio da veciña desta Vila dona Xosega Valeibal ( sic ) , VIUVA DE MACÍA , esixíndolle a entrega inmediata de 500 pesetas e como a susodita señora non lle deu máis de 250 , tiroullas ao chan obrigándoa, pistola en man, a entregarlle a total cantidade que lle pedían.
Don PEDRO CORTIÑAS , industrial desta Vila , nunha noite que a testemuña non pode precisar a data , chamou ao telefono á Casa Cuartel da Garda Civil , manifestando que un GRUPO DE FALANXISTAS tiñan arrodeado o seu domicilio ao obxecto de se apoderaren de varios xénero existente no comerzo e almacén da súa propiedade circunstancia que non poidero realizr por ter saído o declarante e gardas a apatrullar a poboación, evitando esta claa de atropelos.
Posteriormente, a este mesmo señor, leváronlle dos seus almacéns , mediando vale, 19 xamóns e 1 bocoi de viño , indo á fronte do grupo da Falanxe o dito REQUEJO.
Igoalmente sabe de público rusmusmús a testemuña que aos FILLOS DE DON ANTONIO SÁNCHEZ ( * Casa de Vento" ) tamén lles esixiran 25.000 pesetas, máis de 100 xamóns , bocois de viño e outros obxecto.
Tamén chegou a ouvidos do declarante que a don DOSITEO PIÑEIRO , veciño de Treilán , tivérano detido no csbozo do Concello uns tres días e para poñelo en liberdade esixíronlle a suma de 15.000 pesetas. ( * No Concello os falanxistas tiñan aos irregularmente detidos no cuarto da calefacción, onde moitos deles foron obxecto de vexacións e aldraxes ).
A AVELIÑO LÓPEZ QUINTANA , do lugar de A Aguiada, para que lle puxeran a súa esposa en liberdade , detida por falanxistas, tivo que lle entregarlle ao referido SEÑOR REQUEJO a cantidade de 1.000 pesetas.
A VALENTÍN LÓPEZ LÓPEZ, de O Carballal, para poñer en liberdade á súa esposa esixíronlle 10.000 pesetas , rebaixándollas o SEÑOR REQUEJO a 9.000 pesetas.
**********************************************************************************
FALANGE ESPAÑOLA DE LAS JONS
FALANGE ESPAÑOLA DE LAS JONS DE LUGO.- JEFATURA PROVINCIAL. ARRIBA ESPAÑA
Ao Excelentísimo Concello de Sárria. Falange Española de las JONS de Lugo , desexando poñer de manifesto e que quede ben patente a admiración que sente por ese home xigante , por ese xenio marabilloso que se chama JOSÉ ANTONIO PRIMO DE RIVERA, alma e soleira do GLORIOSO ALZAMENTO NACIONAL, que trouxo consigo un fecundo amencer nesta España Nova que temos a dita de gozar, solicita dese Exceletísimo Concello que se lle renda a homenaxe perene de que se lle adique unha rúa nesa Cidade, onde a inmensa maioría do pobo xa fixo patente a súa devoción ao glorioso AUSENTE cos seus vítores e aclamacións en todas aquelas ocasións nas que tivo oportunidade para iso.
FALANGE ESPAÑOLA DE LAS JONS de Lugo espera ser atendido nesta súplica por ter a seguridade de que os seus sentimentos son compartidas pola súa dignísima corporación.
Lugo, 22 de marzo de 1937,
O XEFE PROVINCIAL : Fellonera
Nota. Non foi até o ano 1957, vinte anos despois desta petición, cando o Concello de Sárria acordou darlle o nome de " José Antonio Primo de Rivera " á Rúa de San Lázaro ( primeiro treito da estrada provincial de O Mazadoiro á Lama Rigueira) Agora " Rúa Xela Arias".
************************************************************************************
FALANGE ESPAÑOLA TRADICIONALISTA DE LAS JONS
Consello local de F.E.T. e das JONS de Sárria constituído de acordo coa Orde Circular nº 36 da Secretaría Xeral 23 Dbre. 1949.
LIBRO DE ACTAS.- Só contén sen asinar , a de 1º de abril 1950. Presidente : Xosé Gayoso Fernández . Segredario : por ausencia de Antonio López Fernández, Bienvenido Díaz de Freijo. Tesoureiro Local : Manuel Pèrez Vázquez, por defunción de Anxo Torres Gallego-
Acordouse colocar o nome de Xosé Antonio Primo de Rivera na fachada da Igrexa de Santa Mariña.
20 e 21 de novembro de 1949
Coincidindo co Día da Dor tivo lugar un funeral na igrexa de Santa Mariña, e no lado esquerdo da frenteira do templo con letras soltas douradas puxeron a lenda JOSE ANTONIO DE RIVERA ¡ PRESENTE !
( Aínda que en repetidas ocasións as xerarquías locais manifestaron a intención de enadir os nomes dos "caídos " sarriaos baixo do anterior encabezamento nunca se fixo, sendo cecais a única cabeceira de partido xudicial na que as ordes dadas nese senso foron ignoradas ).
*******************************************************************************
SARRIAOS MEMBROS DE FALANXE ESPAÑOLA
1 .- Mario González Zaera, 2.- Cándido Pinto, 3.- Xesús Vázquez Saco. 4.- Víctor Rodríguez. 5.- Gomez Rodríguez " Requejo", 6.- Luis López López. 7.- Xosé Gayoso Fernández, 8.- Anxo Torres Gallego. 9.- Manuel López Vizcaíno. 10.- Leopoldo López Rodríguez, 11.- Manuel López Rodríguez ( Manuel López.Vizcaino Rodríguez ), 12.- Manuel López López. 13.- Manuel Carrozas Varela. 14.- Manuel Pèrez Vázquez. 15.- Luis Macía Vázquez. 16.- Antonio López Fernández ( Pequeniño do Palacio ), 17.- Agostiño Loureiro ( de Cabanas ) 18.- Bienvenido Diaz de Freijo. 19.- Román López Rubín. 20.- Pedro Gudín, 21.- Jesús García. 22.- Rubio de Vilamaior. 23,. Manuel Díaz Castrp. 24.- Manuel Castro Castro. 25.- Francisco Xabier Saco Rivera. 26.´Teijeiro
Comentarios
Publicar un comentario