A ESTELA FUNERARIA DE VILAR DE SÁRRIA

                 A ESTELA FUNERARIA DE VILAR DE SÁRRIA

No ano 1923 cando un veciño de Vilar de Sárria andaba  a facer o rebaixo dun prado da súa propiedade, entre a Ponte Vella e a igrexa parroquial de San Salvador,  produciuse o achado duns restos de orixe romana, entre os que apareceu unha estela funeraria que pode ser visitada no Museu de Pontevedra.

A este achado  fai referen o xornal da cidade de Tui" La Integridad" do 24 de setembro de 1923.

"SÁRRIA.-  Removendo terras para fins agrícolas , encontraron en Vilar de Sárria, dúas colunas redondas . curtas e lisas, dúa pedras redondas  con perforación  incompleta no medio, como para un eixo ; unha pedra  non grosa , con gravuras  polos dous lados, apreciando nun dous personaxes  de diferente sexo , de pé, un deles tocado co "peplo" ou manto romano e os dous coas caras e os pes carcomidos polo paso do tempo e do outro lado un barco con catro tripulantes , do que saen  unhas liñas rectas  que converxen nun punto alto céntrico ; na parte superior unha aguia e na baixa un peixe; unha sepultura de lousas do país, con insiñificante número de  osos; ladrillos  cadrados  cocidos, vermellos , de 55 centímetros ao longo e grosos , e un muro de pedra do país , perfectamente  asentada.

    Continúan con interese  os traballos de exploración , e , na opinión dos xa moitos intelixentes  que examinaron estes achados, pertencen á época romana,

    Os obxectos atopados  están expostos  no escaparate  do comerzo de don Matías Vázquez  nesta vila.( *).

( * ) Casa Moreno, na Rúa do Porvir ( hoxe Rúa Marqués de Ugena ).