AS PRIMEIRAS ESTRADAS DE SÁRRIA ( 1845 )

A ESTRADA DE MONFORTE A VIVEIRO 

                                                        OBRAS DO PRIMEIRO TREITO

Para artellar as comunicacións na  provincia de Lugo  comezou  a ser realidade a proxectada estrada chamada a unir Monforte de Lemos co a cidade e porto de Viveiro,  empezaron en 1845 as obras preliminares  do treito de Lugo a Monforte,

A estrada  pasaría por Sárria, Lugo e Vilalba , e tería un ramal a Ferrol pasada a capital chairega, para rematar na cidade do Landro.

As obras foran aprobadas pola Direción Xeral  de Camiños  que presentou  os planos do camiño entre Nadela e San Fiz de Paradela ,  e sairon a subhasta  o 6 de abril de  1845.

Empezaron os traballos en Paradela , con inclusión da obra da Ponte da Silva riba do río Chamoso , en dieción a Nadela  coas dimensións de  24 pés de largura,  4 pés de firme  e 6 pés para os paseos  máis as gavias,  podendo  darlle ensanches  nos montes comunais.

Eran os primeiros pasos para facer  un camiño novo que viría a sustituir  o secular vieiro , estreito e pouco acondicionado saía de Sárria pola Ponte do Mazadoiro e pola Venda da Coveluda e Arxemil se xuntaba en Goián co "camiño francés de Lugo a Monforte". Desde o Hospital de Goián, por Courel de Saa do Pàramo, o camiño alcanzaba a Ponte Neira, e por Cela, Quinte e Pena chegaba á cidade de Lugo.  

O novo camiño  , desbotada a  primeira denominación de Camiño de Primeira Orde de Monforte  a Viveiro, pasou a ser coñecidoa sucesivamente  como Estrada  de Valdeorras, Estrada de Quiroga e Estrada de Nadela a Campos de Vila,

( LA AURORA DEL MIÑO,  Lugo 6.06.1877)

Estado no que se encontraban as estradas proxectadas e as xa executadas na comarca de Sárria:

2º.- Estradas provinciais.- DE LUGO A QUIROGA, con ramal  a Monforte dende Bóveda,. Esta estrada   artellará ás comarcas produtivas do viño, como o Val de Lemos, o de Quiroga e Valdeorras .

Son poucas as obras que restan  para rematar completamente esta liña ata Monforte, e desde Bóveda, onde se bifurca,  só fallan cinco légoas.

Estradas locais

5º.-  De Sárria  a empalmar  na provincial de  Ribadeo no Val de Neira de Rei.

6º.- De Quiroga a Valdeorras, ata a estrema da provincia