PAGAMENTO A ALONSO DE CARVAJAL OS SALARIOS POLA TENZA DA FORTALEZA DE SÁRRIA ( 1510 )

 O rei Fernando o Católico ordea que se lle  paguen ao Capitán Alonso de Carvajal  os  salarios  que lle correspondían pola tenza  das fortalezas de Sárria, Monforte de Lemos, Andrade e Vilalba que estiveran baixo da súa custodia por orde real ( 1510, xaneiro 19, Valladolid)

                                                               O rei.

Por canto por nós Alonso de Carvajal,  mestresala e capitán noso, recibiches polo noso mandado, o pasado ano de quiñentos e nove anos, as fortalezas de Sárria  e Monforte de Lemos, que son do Conde de Lemos ; e as de Andrade e Vilalba, que son do Conde don Fernando de Andrade; e despois de telas por certo tempo no voso poder  entregachelas polo noso mandado a certas persoas ; e porque non vos foi pago o salario que por razón das ditas tenzas houvistes de haber, dende o dito tempo no que recibiches  as ditas fortalezas até que as entregaches , como ditó é  miña mercé e vontade é  que vos sexa pago o dito salario a razón do que está ordeado  e mandado que se pague polas ditas tenzas das rensdas da Sereísima Raiña Princesa , a miña mi cara  e amada filla, e das dos ditos condes , segundo  máis longamente se contén nas provisións patentes  da Sereísima Raiña  filla miña que acerca diso foron dadas.

Por ende pola presente mando  aos contadores maiores que vos libren a vóso dito Carvajal a rata das ditas tenzas  que por razón das ditas folganzas houbistes de haber polo dito tempo que así as tiveches, ao respecto que despois polas ditas provisións  se mandou que tivesen de tenzas pagas a medias  das ditas rendas reais  e das dos ditos condes ; e que para a recadación da metade das ditas tenzas do dito tempo que nelo montan , vos dean as cartas de libramento e outras provisións que mester fosen<

E outrosí mando aos ditos condes , e calquera deles  que cada un deles  vos dea por rata o que houbistes de haber pola tenza das ditas fortalezas súas , do dito tempo, e como dito é, a razón do que polas ditas provisións patentes está mandado que se dea por cada unha delas.  E así facer e cumprir  non quixesen,  e escusa e dilación nelo puxeren , pola presente douvos a vós o dito Carvajal  poder e facultade  para que en caso tal  poidades cobrar dos ditos condes  e de cada un deles a dita rata porque a cada un deles cábelles pagar polas ditas fortalezas súas , segundo e pola mesma forma e maneira que nas ditas provisións  se contén.

Dado en Valladolid , a XIX días do mes de xaneiro do Mil  D X anos.

Eu o Rei. Por mandado da Súa Alteza, Miguel Perez de Almacán.

(  Arquivo Xeral de Simanca , Cámara, Lib 21 , fol. 102 r )

Versionado en galego por XAFA