O COMERZO DE SÁRRIA ( 1906 )

 O COMERZO DE SÁRRIA EN 1906

Cincuenta e tres anos despois da chegada ao Arrabaldo de Sárria da estrada de Lugo a Valdeorras  ,  vinte e seis despois da  chegada do primeiro tren a Sárria pola liña da Coruña e vinte e catro pasados   dende a comunicación direta  con Madrid  por ferrocarril   a vila de Sárria estaba formada por tres agrupacións  poboacionias: A Vila-Arrabaldo-Pedreira-Rúa do Porvie ;    San Lázaro-Estación-Estrada do Mazadoiro ;  Ponte Ribeira-Ponte Vella.

Había estradas abertas ata Samos e O Incio, Corvelle e Mouzós e  un bon número de establecementos comerciais, a maioría  propiedade de persoas chegadaa doutras localidades , ofrecían os máis variados produtos e servizos. Sárria, cabeceira dun amplo Partido  Xudicial pasou a ser un activo centro comercial,  e contaba con algunha pequena industria  , que atraen  a persoas procedentes dos sete concellos comarcanos e mesmo inflúe sobre A Montaña.

Esta é a relación dos almacéns, tendas  e oficios máis destacados , que inician a andadura da publicidade, constituíndo un comerzo activo establecido nunha vila que en 50 anos  vira triplicada a súa poboación, e foi isolando cada vez máis á vella fidalguía e rendistasb na Vila histórica do outeiro castrexo, diante do pulo da Sárria Nova alzada darredor das estradas de Lugo a Quiroga. do Mazadoiro a Lamarrigueira. de Sárria a Corvelle e de Sárria a Mouzós de Meixente

                                             PUBLICIDADE COMERCIAL EN 1906.

JOSÉ ANTONIO GAYOSO: Corresponsal do Banco de España-GRANDE ALMACÉN:  Ultramarinos, Ferretaría.- Quincallaría- Tecidos.- Viños.- Augardente e Licores  de todas clas.- Sal.- Gra.-Fariña.- Ferros.- Vidros.- Pinturas.- Camas e Xergóns metálicos.- Especialidade en  sombreiros e panos para cabaleiros.- Últimos modelos  en adornos  e xéneros para  señoras.- Variado surtido  en calzado.- Sucursal e Depósito  das célebres máquinas  para coser  Singer.- Expendeduría  oficial de explosivos e abonos químicos e minerais.- Prezos Fixos.- CASA DE  MARZÁN-

ENRIQUE PRADO.- CASA PARA VIAXEIROS.- A máis acreditada da localidade- Estrada de San Lázaro. Perto da Estación do Ferrocarril.

LA DULCE ALIANZA.- FÁBRICA DE DOCES DE MANUEL GONZÁLEZ.-  Especialidades: Tortas, biscoitos, amendoados,caramelos,  bombóns. galletas e pastas  para sobremesas e viaxes. Vendas ao maior e ao menor. San Lázaro 2.

CASA DE HÓSPEDES DE  FRANCISCO LÓPEZ LÓPEZ.- No Balneario  de Céltigos  a 4 quilómetros de Sárria.

ULTRAMARINOS, ALMACÉN DE VIÑOS E SAL.- FAUSTINO ARIAS RAMIL. Matías López, 19.

COMERZO.- Grande Comerzo de Bisitaría, Quincalla, Paquetaría, Panaría, Sedaría , Xénero de punto. "Non mercar  sen visitar  antes  este acreditado establecemento" FRANCISCO GARCÍA DELGADO.- Matías López , 15.

"EL PARAÍSO" de BIENVENIDO FREIJO .- Últimas Novidades.-  Grande surtido de chapeus.- Camisolas.- Calzados e Paraugas.-" Sempre o mellor gusto  en panos de seda, rasos, encaixes e adornos para traxes de señora", " Hai que visitar este establecemento", Maior, 21.

ARMINDO PENA GÓMEZ.- Ultramarinos.- Ferretaría.- Quincalla.-  Calzado e xéneros de punto.- Viños xenerosos e do País.- Maior, 34.

ULTRAMARINOS, Viños  e Augardente de todas clas.- Sal, Gra e Fariñas nos ALMACÉNS DE EMILIO ZAERA. Rúa da Estación.

ANTIGA RELOXOARÍA DE FELIPE L. PÁRAMO.- Fanse toda clas de composturas garantidas.- Véndense e arránxanse  barómetros e termómetros.-Instálanse e repáranse  aparellos elèctricos.- Véndense reloxos das mellores marcas de todas clas.- Compra de prata e ouro. Maior, 49.

MATÍAS VÁZQUEZ LÓPEZ.- Porvir 14." Nesta Casa tan coñecida  do público acábase de recibir  unha bonita coleción  das últimas novidades nas batistas, rasos, céfiros, percais e outros varios tecidos .chapeus  de pano e palla, Últimas Novidades. Nesta Casa acharedes  todos os artigos necesarios , dende a roupa  de recén nado , ata os avíos de funeraria."- Máquinas de coser  Werthein.- Expendeduría de explosivos, pólvoras e dinamita,

LA SARRIANA.- CONFITARÍA.- Especialidade en Tortas, Biscoitos , Pitisús, Amendoados, biscoitelos e outra infindade  de artigos  concernentes  ao Ramo. Viños e Licores. CASIMIRO LÓPEZ. Maior 10.

MANUEL LÓPEZ DÍAZ.- ALMACÉN de comestibles de toda clas.- Vidros.- Pinturas.-Bernices.- Ferrataría e Quincalla.- Grande surtido en Batería de Cociña e Artigos de Porcelana.- Camas metálicas.- Somieres.- Ferramentas .- Monopolio das acreditadas  buxías esteáricas marca "Santiago Apóstol".- Vendas ao maior e ao retallo. Libros  e toda clas de menaxe para escolas.

A Estación do Ferrocarril de Sárria é punto de entrada de produtos procedentes dos centros fabrís  españois e de máis aló das fronteiras e fai nacer un comerzo exportador dos produtos da comarca

A exportación de xamóns, chourizos e outros produtos cárcicos curados e salgados  alcanza tal dimensiòn que o apelativo "de Sárria" ten  notariedade en Madrid e nas principais cidades galegas.

. A Estación do Oural  e o Balneario de Céltigos son por ese tempo lugares onde se fixan negocios e  darredor do balneario xorden unha serie de pousadas  que convirten esa localidade nun centro de vacación máis aló da pura oferta curativa.

is