A AVIACIÓN EN SÁRRIA ( 250 )

              A  AVIACIÓN EN SÁRRIA ( Publicado no semanario "Sárria" )              ( 250  )

Despois das repetidas xestións levadas a cabo por prestixiosas persoalidades deste Concello de Sárria perto dos Poderes Públicos , encamiñadas a que o longo campo  denominado " Cha de Santa Marta" fose aceptado polo Goberno para os servizos de aeronáutica militar , acaba de ser recoñecido e estudado oficialmente  por unha Comisión técnica , nomeada ao efecto pola Superioridade  e composta polos distinguidos Capitáns  D, Vicente Barrón e D, Antonio Pérez-Martín; noutro avión viña o tenente D, Manrique Montero con un mecánico. Todos eles pertencentes ao Corpo de Aviación Militar , no que teñen prestado relevan   tes servizos á Patria.

Á hora anunciada  chegaron maxestuosamente os magnificos aparatos  ocupados polos referidos oficiais , tomando terra coa mestría que corresponde a tan expertos pilotos e ás facilidades naturais que ofrece este estensísimo  e xa afamado campo. Agardaban aos aviadores  as autoridades civís e militares , sendo aclamados polo numeroso público que lles tributou calurosos aplausos.

En Sárria foron agasallados  polo entusiasta alcalde D.  Fermín Somoza  que , o mesmo co de Láncara, D. Xoán Manuel Somoza  , con tanto celo veñen laborando para conquerir  estes servizos, tan convintes para os intereses dos dous concellos.

Ao seguinte día , e secundados no seu labor informativo polas referidas autoridades e varios veciños, recorreron os aviadores toda a meseta, tomando amplos e minuciosos datos das condicións  que reúne o dito campo, que ao xuizo de cantos técnicos o visitan-é un dos mellores da Península e chamado cecais en prazo non moi lonxano a merecer especialísima atención  do noso Goberno,

Despois dun cordialisimo xantar  íntimo na finca propiedade dos Sres. Marqueses de Ugena marcharon todos ao mentado campo, de onde partiron  os avións  sobor das cinco da tarde  en direción  a León, base de destino.

Prósimos a ser ultimados os trámites por parte da  Xefatura Superior de Aeronáutica  do dito campo"Cha de Santa Marta", confiamos en recibirmos  mensualmente as gratas visitas  que como promesa  de cariño, nos brindaron ao partiren.

Os pobos de Sárria e Láncara conservarán sempre  no arquivo da gratitude o nome do tan nomeado e culto Capitán  D. Vicente Barrón, a cuxo primeiro e favorable informe  do noso campo se debe a continuación das xestións oficiais  até esta , última e definitiva,  nos trámites a seguir.

A este ilustre Capitán  e aos  distinguidos oficiais que o acompañaban e tan atinadamente  colaboraron  nos traballos, o noso máis cordial saúdo mentres non teñamos de novo  a satisfación sincera e fonda  de volvermos  a velos entre nós.

EL PUEBLO GALLEGO ( 18.08.1933)

                                         O CAMPO DE AVIACIÓN REXIONAL  EN SÁRRIA

Onte soubose  nesta Capital  que foron consinuadas  30.000 pesetas  para construir nun monte perto de Sárria , o punto de aterraxe e despegue de avións,con emprazamento naquel lugar do capo rexional aérro.

O dito campo ía ser construído extramuros de Lugo, e houbo un técnico que se ofreceu gratuitamente para levantar os planos  e dirixir as obras  necesarias. Malia a todas estas facilidades , a nugalla e o abandono do Concello lucense deixaron que as istalacións vaian para Sárris, privando con iso á cidade  dun elemento de vida  e actividades que grandemente  lle conviñan.

Esta falla  de interese por Lugo  está sendo acremente  censurada.

.......................................................................................................................................................................

                                     MORTE DO TENENTE AVIADOR SR. DALIAS

LA VOZ DE LA VERDAD  ( 26.09.!934 )

                                                             EN SÁRRIA

Onte, ás cinco, cando  evolucionaba  por riba do campo de aterraxe  de perto desta vila un aparato  de caza, procedente  da Base do Prat de Llobergat ( Barcelona )  das que se achan nesta vila, tripulado polo Tenente Dalias ,  capotéou  violentamente  ao pretender  tomar terra, destrozándose.

O público  recibiu  gravísimas  feridas , entre elas  fracturas  da base do cráneo , Foi trasladado con toda urxenza  á clinica  que en Sárria ten instalada o Doutor Batallón, onde falecéu  o infortunado  piloto,  a quen lle suminustróu  os Santos Sacramentos o Profesor do Seminario de Lugo  D. Pedro López Rubín, que  se acha naquela vila.

Co Tenente Dalias trasladouse a Sárria o Médico do Servizo  de  Aviación, Sr. Agudo.

O infortunado piloto estaba casado, deixando unha filla que, coa súa nai reside en Barcelona. Estan agardando instrucións respecto a onde  vai ser inhumado o cadáver.

O accidente foi presenciado por un numerosísimo público, causando a desgraza  penosa impresión, non só entre os que o presenciaron  senón entre toda a veciñanza,

                                   .............................................................. 

( Dende a Clinica do Doutor Casiano Pérez-Batallón o cadáver  foi levado ao Aerodromo da Cha de Santa Marta onde foi velado.  Traslado do cadaleito até a Ponte Vella onde foi depositado nunha ambulancia   da Cruz Vermella   que o levóu a Barcelona,  Funeral  na Igrexa de Santa Mariña de Sárria )

                                     ................................................................

LA VOZ DE LA VERDAD (  28.09.1934 ).-  Despóis dun accidente.- Funeráis  e enterro (¿ )  do Tenente Dalias   constituiron senllas manifestacións  de dó . Asisten  autoridades  e pobo,

                                                Traslado do cadáver

Esta  mañá celebrouse o  traslado do cadáver  do infortunado Tenente de Aviación D. Eduardo Dalias, vítima do tráxico  accidente do que oportunamente demos conta aos nosos lectores. O  cadáver , encerrado  en severo féretro, foi depositado  nunha  camioneta ambulancia  da Cruz Vermella na que será conducido a Barcelona   onde se fará a inhumación , colocando nela seis  magníficas coroas  de flores naturáis, ofrenda  de compañeiros , subordinados  e familia do Tenente Dalias, e autoridades  de Sárria,

No fúnebre cortexo  figuróu  todo o pobo , autoridades locáis , clero parroquial  con Cruz alzada, Padres Mercedarios   e Párrocos da comarca.

O Coronel do Centro de Mobilización  e Reserva nº 15, don Xorxe  Villamide Salinero , que se encontra  encargado da Comandancia Militar de Lugo, presidiu  o dó, acompañado do Alcalde de Sárria, Don Xoán Manuel Somoza, Comandante árbitro  das manobras, familiares e Xefes  e compañeiros do finado.

Renderon honras , forzas de Aviación, formando unha Sección do mando do Tenente Lorenzinii.

A comitiva púxose en marcha pola estrada de Becerreá , até  a entrada da vila, onde o clero entoóu un responso solemne.

De seguido o Coronel Villamide deu as graza ás autoridades e pobo pola súa asistenza ao acto , e fixo constar o seu sentido pésame aos familiares do Tenente Dalias e  pronuncióu   breves palabras   dicíndolles que serviría  de lenitivo á súa dor o saberen que o finado morrera como debiamos morreer todos: Cumprindo co deber. Ao remate , o Alcalde  deu un viva á Aviación  española, que foi contestado por todos.

O  coche ambulancia  emprendéu   a viaxe  con direción a Barcelona.

                                                                Os funeráis

Ás doce da mañá, executando acordos populares , celebráronse  na igrexa parroquial de Santa Mariña desta vila , solemnísimos funeráis  polo descanso eterno da alma  do Tenente de Aviación D. Eduardo Dalias .

Unha moitedume invadiu o templo mencionado.

Asistiu  numeroso clero  da vila  e parroquias da contorna.

Oficiou  o virtuoso Párroco de Betote, D. Xesús  Rodríguez Yebra, asistido dun R.P. Mercedario e do Capelán  de Anciáns Desamparados  de Sárria.

O acto  foi conmovedor  en estremo figurando na presidenza  do dó  as mesmas persoas  que formaron  a do traslado do cadáver.

                                                     ...........................................