PRAIA FLUVIAL DO CHANTO EN SÁRRIA ( 1962 )

No mes de febreiro de 1962 a PRAIA FLUVIAL DO CHANTO promovida polo Concello de Sárria, presidido por  Xabier López-Acevedo López, presentaba moi avanzadas as obras : o muro de contención paralelo ao río estaba case rematado , o edificio ( cuxo proxecto foi feito polo estudante de arquitectura Antonio González Suárez Llanos ) tiña xa rematada a estrutura e estaban iniciando a dotación da pista, que pertenciosamente  dicían sería destinada á práctica do tenis.

O Concello  recibira unha subvención do Goberno Civil, a Caixa de Aforros Monte de Piedade da Coruña e Lugo  fixo unha xenerosa aportación en diñeiro e  o  Concello, que tiña un moi baixo orzamento completou  a parte que lle correspondía  coas aportacións voluntarias de numeroso veciños da vila.

Para xeral e perpetua memoria  facemos relación dos primeiors sarriaos que nese ano 1962 entregaron diñeiro para a adquisición de terreos, obra do edificio, muro de contención, reforzo da presa do Muiño do Toleiro , dotación de area no espazo a ocupar polos bañistas e elevación do camiño da Ribeira dos Cucos,

Para permitir o paso de coches  o Concello tomou a desafortiunada decisións de botar por  terra a monumental FONTE RIBEIRA, enchendo de reblo o eirado,  e reducindo á mínima expresión o seu alzado, poñéndoa pegada ao Matadoiro Municipal.  E poucos meses despois de permitir o acceso dos veículos  ate a area da praia , e como  esa praia artificial se convertira en aparcadoiro e lugar a onde os "motorizdos" levaban os autos para limpalos e lavalos, houbo que impedir o paso colocando  pedras  pasado o matadoiro, logrando así que os bañistas poidesen ocupar a praia sen atrancos.

Eis os nomes , e aportacións por eles feitas, dos sarriaos que responderon ao chamamento do Concello  e de xeito xeneroso fixeron  entregas  coas que se abríu a colaboración veciñal co proxecto_

01.- Alcalde, avogado  ( 1,000 pesetas ) 02.-  Irmáns Santiago Naya , industriais (  1,000 pesetas) 03.-  Emilio Zaera, industrial ( 750 pesetas )  04.- Luis López Valcárcel, médico ( 500 pesetas )  05- Luís López Valcárcel, médico ( 500 pesetas ) 06.- Ceferino Fernández Yáñez, reloxeiro ( 500 pesetas ) 07.- Xosé Antonio López Rodríguez, reloxeiro (800 pesetas ) 08.- Pedro Viñas López, industrial ( 500 pesetas ). 09.-  Manuel Pardo Rodríguez, industrial ( 500 pesetas) 10.- Guillermo Vázquez González, industrial ( 500 pesetas ) 11.-. Manuel González-Zaera , industrial ( 500 pesetas ) 12.- Emilio Xosé Vera Hermida , odontólogo ( 500 pesetas ) 13.-. Basilio Barreal, industrial (500 pesetas) 14.- Iván González-Zaera ( 500 pesetas ) 15.- Xabier Saco Rivera, propietario (  750 pesetas ) 16.- Luis González Barral, industrial (  500 pesetas ) 17.- Martín Balboa, industrial ( 100 pesetas ) 18.-  Antonio Peña Villamarín, farmacéutico ( 500 pesetas ) 19.- Carmen González-Zaera  ( 1.000 pesetas ) 20.- Fernando Taboada de Zuñiga ( 1.000 pesetas ) 21 ,- Recadado na festa organizada no Casino de Sárria (  5.000 pesetas )

Total das primeiras aportacións veciñais :  16.350 pesetas.

ACORDOS DO CONCELLO DE SÁRRIA

(11.11.1962 ) PRAIA MUNICIPAL.- Acórdase por unanimidade o proxecto técnico para a construción da Praia Municipal e tamén a maneira do seu finanzamento  que terá que ser de conformidade  co xa prevido no  Plano da Comisión Provincial de Servizos Técnicos na proporción de  48.000 pesetas  en subvención da Presidenza do Goberno  polo dito Plano,  32.000 pesetas en aportación da veciñanza  e as 100.000 pesetas restantes  ao Concello das que 10.000 pesetas apórtanse en metálico  e as 90.000 pesetas restantes  nos terreos onde  haberá de ser edificada  a dita praia  e comprometéndose  o Concello para o caso de que as aportacións da veciñanza  no se chegasen a facer efectivas , a satisfacer as 32.000 pesetas que se prevén por tal conceto.

( 8.04.1963 ) COMPRA DO PRADO QUE ARRODEA OS TERREOS DA PRAIA MUNICIPAL.- O Señor Alcalde resumindo os feitos que xa son coñecidos  pola maior parte da Corporación  informa a esta   que se acha á venda o prado que arrodea  os terreos da Praia Fluvial  e soomete á súa aprobación  a convenencia  de adqurilo o Concellom en atención ás seguintes razóns:

1ª.-  É evidente a insuficiencia dos actuais terreos  para conter  a grande afluencia de  veciños e público en xeral que a ela acode.

2ª,- Por ter sido incluida a Vila no Camiño  Xacobeo, declarado de interese nacional, prevese  unha grande  afluencia de  turismo, especialmente nos meses de verán  e dacordo coas diretrices gubernamentais  e co coseguinte beneficio para o Municipio  que diso se pode derivar  é preciso  darlle a  esta corrente turística facilidade para facer un alto nesta Vila, e un dos procedimentos máis en boga  na actualidade e ao alcance  do Concello, é proporcionarlle un lugar de esparcemento  e descanso e un terreo de "camping".  A Praia pode cumprir a primeira función  e coa ampliación que actualmemte é susceptible  podería tamén  habilitarse un terreo de "camping"  que reunirá nun emprazamento    de  singular   beleza natural  todos os servizos que esixen as disposicións legais que xa existen na Praia Fluvial  e ademais exste a posibilidade de  lograr importantes subvencións con destino a esta instalación , mais están condicionadas a que o  Concello aporte os terreos axeitados  para a súa instalación. e

3ª  No momento actual  existe a posiblilidade de adquirir  inmediata dos terreos  que arrodean a Praia , a un prezo razoable, e de non se aproveitar a oportunidade  é indudable  que uns novos propietarios  non estarían propicios á cesión cecais a longo prazo e de seguro a maior prezo, sendo tamén posible  ao parecer que se destinen a usos incómodos para a Praia  que impidan a súa futura expansión .

De seguido o Señor Alcalde concede a palabra aos  Señores Concelleiros , debatíndose amplamente  o tema , tomándose finalmente por unanimidade o seguinte acordo ;

Facultar ao Señor Alcalde para que xestione a compra do prado que arrodea os terreos da Praia Municipal , propiedade de don Antonio Pérez Cabañas e dunha superficie  aproximada de 10 ferrados ( 6.287,6 m/2 ) por un prezo máximo de 250.000 pesetas  e para outorgar a correspondente  escritura de compra a nome do Concello , de levarse a efecto a adquisición.

Acórdase ademais  destinar ao pagamento fondos  procedentes do superavit  obtido no exercizo pasado , a cuxo obxecto  instruirase o oportuno expediente  de transferencia de creto , suplementando as partidas correspondentes  do Orzamento Ordinario , na cantidade expresada para la adqusición e na que se considere necesaria para facer fronte aos gastos de escrituración  que leva aparellados.

...............................................................................................................................................................



Comentarios

Publicacións populares