COLEXIO S,A.D.E.L. DE SÁRRIA ( 1935 )

O COLEXIO S.A.D.E.L DE SÁRRIA

                Constituída en Madrid a Sociedade  Anónima de Ensino Libre  e como en Sárria non había colexios para seguir estudos de bacharelato, fora delgunhas pasantías postas por profesores e sacerdotes que preparaban aos escolantes para os exames por ensino libre, o avogado  Manuel Saco  Rivera  xestionou con varios pais de familia sarriaos  solicitar  a  creación dun colexio que permitise que mozos e mozas  poidesen acceder ao ensino secundario, contando con varios profesores especialistas nas diversas materias

          Negociado o establecemento do centro de estudos , no que a direción e profesorado estarían  dentro do cadro de profesionais da SADEL, Manuel Saco Rivera, o mesmo que fixeron outros sarriaos. suiscribiu 10 accións preferentes  en prezo de 500 pesetas  ( números 20,955 a 20.964 ), como inversión nun proxecto de cadea de colexios chamaos a  se espallar por toda España.

            O Colexio SADEL de Sárria estableceuse nos baixos da Casa de Moreno , na Rúa do Porvir ( agora Rúa Marqués de Ugena ) e por razón do alzamento militar de xullo de 1936  perdeuse  o vencello coa casa central, e o colexio , xa libre de suxeción xurídica  . acabaría estando baixo a direción de María Luisa Quiroga Vázquez ("Nena Quiroga) e con oturos profesores da localidade ,entre eles o farmacéutico Antonio Peña Villamarín ,  previa autorización da Universidade de Santiago de Compostela.

            E máis adiante estivo no mesmo local a chamada Academia Balmes, colexio para alumnos de ensino primario, bachartelato e estudos de comerzo, dirixido polo farmacéitico Plácido Ramos.

           O Colexio SADEL foi o primeiro que ofreeceu os estudos de bacharelato en Sárria, e abriu a posibilidade de cursar estudos por libre sen ter que sair da vila , e este os dous seguintes alí establecios fprpn seguido pola Academia Comercial e o Colexio Felipe .

           Os 40 anos de centros  de ensino secundario de carrácter privado en Sárris deron paso en 1975 a un Centro de Formación Profesional  e  un Instituto de Barharelato, que instalados inicialamente nas Escolas Públicas "Matías López" , na Rúa Marqués de Ugena, deron lugar ao Instituto de Ensino Secundario "Gregorio Fernández " ( na rúa Castelao ) e ao Instituto de Ensino Secundario "Xograr Afonso Gómez de Sárria " (  na rúa Anxel Fole).